咪走雞 (已結業)

今日提早收工，相約兩位同事喺公司附近商場食晚飯，商場入面有好多不同美食，最後我地決定去咪走雞叫餸食飯。店舖內環境地方很大，坐得很舒服，方便傾計。套餐好抵食，仲全日免收+1👍🏻呢碟咪走雞賣相見到已經好吸引，雞肉鮮嫩吸入特別秘制濃湯🍲超入味枝竹豆腐斑腩煲，斑腩經炸過好香口，外皮脆卜卜，枝竹豆腐吸入醬汁，好入味配飯一流😋😋😋椒鹽豬扒同樣入口香脆而不油膩，咬開時好多汁，加上椒鹽亦都好惹味👍🏻西蘭花炒青衣球，魚肉炒得啱啱好，唔會炒得太老，份量都唔算少👍🏻👍🏻👍🏻

今日難得不用返工，就叫媽咪吾好買餸落街食飯，我地一家一行五人就落左米走雞食晚飯。呢間餐廳巳經食過兩至三次，食物質素加服務態度都好好。黎得呢度當然要點佢地招牌去骨咪走雞，見到四人套餐都好多野食，就選擇佢啦！招牌咪走雞-服務員捧來時候仲滾住，熱辣辣的，雞肉食落肉質鮮嫩，好滑，湯底鮮美😋😋😋馳名粉絲蝦球煲-鮮蝦大大隻，爽口彈牙，粉絲吸入醬汁可惹味。西蘭花炒青衣球-魚塊炸過再炒西蘭花好香，魚肉質新鮮。椒鹽焗豬扒-平時食開都係炸，好少係炸完再焗，無咁多油，又好入味，配白飯一流👍👍👍最後食埋個木槺布甸做甜品，簡直滿足👍👍👍

放工兩口子返屋企唔想煮飯，諗住就係附近搵下三餸一湯食，行下行下結果就黎到KCC 呢度例湯夠哂足料，飲落去完全無味精，一啲都唔kok喉，好有屋企味主角當然係招牌菜咪走雞有陣陣既黃薑粉味雞肉夠既滑，入哂味黃金脆魚塊一定要襯熱食，外皮香脆，被一層濃濃既咸蛋包住，熱辣辣既魚塊再加咸蛋既香味越食越想追住黎食正！！！鐵板青芥秋葵牛柳粒好有牛肉味，佢個汁帶出秋葵味脆口又有牛味！配搭一絕樣樣都好吸引食完重有個綠茶紅豆布丁好滿足呀！

葵興近年反新為美食商廈嘅kcc,令區內人多咗多種類嘅選擇，包括我呢位葵涌職人，而一切就由我最喜歡嘅雞湯米開始。咪走雞位於kcc嘅8樓。餐廳裝修簡約採取大量自然光，環境舒適午市套餐簡單幾款招牌麵食加小食，餐飲或者幾款飯食加餐飲，可追加小食，方便一眾選擇困難症嘅職人我們點咗招牌之一嘅花膠雞湯米，中size嘅花膠都有3-4塊，雞肉分量亦多，米線口感剛好(好怕食到過熟，一夾就斷嘅米線),當然值得一提就係帶有淡淡花彫和米酒香嘅雞湯底。食落亦唔算油膩，唯獨雞肉口感略為偏乾，可有進步。跟餐小食，三味當中雲耳做得較好，唔會係單單嘅醋酸，微辣，蒜香倍感開胃咸魚煎肉餅飯，菜餅很健康，没有多餘嘅油，但肉餅就無我期待嘅效果，感覺上無咸魚嘅香，肉餅肥瘦比例亦偏肥。希望下次能食出驚喜加$12加個上湯浸時菜餐飲熱咖啡，凍檸茶

由KCC開張至今都去過唔少次，不過每次都係飲茶居多。KCC整棟都包含不少食肆，小店亦佔量幾多。今次就同住附近朋友選擇咗係8樓GE咪走雞，店名故明思意就係以雞作為賣點。店入面裝潢新淨，而且亦有窗邊位揀。本來想點去骨GE招牌咪走雞飯餐，但怕太大份關係，所以同朋友一共叫左2份人氣套餐 – 花膠雞湯米粉 送小食1款。涼菜三小碟 – 當前菜食唔錯椒鹽豆腐 – 雖然比較細粒，但椒鹽味幾夠又香口。凍金牌朱古力 – 朱古力味幾濃，賣相亦唔差。花膠雞湯米粉雞湯入面帶有少少花彫酒/糯米酒味，湯味濃郁。另外材料都幾多，有紅棗，雲耳，杞子，滑雞同花膠。配上米粉同米線都好易入口，唔錯!其實KCC同MTR只有一橋之隔，食好西亦都方便。下次再嚟會試試招牌套餐先得!

平時無機會來葵興，今次一到有新發現。新商場內有很多食店，因為想食家常菜便選了這間食店。扣牌咪走雞，比平時蒸雞多了個芡汁菜底，雞肉和皮都好滑，大大件啖啖肉。芡汁似沙薑味，雲耳和生菜吸滿雞汁好味。四季豆爽脆，味道帶咸香很惹味道，有鑊氣，不算太油幾健康。青衣魚肉滑，份量很多，沒有腥味。西蘭花爽口，配菜還有菇，好豐富。最後還有甜品，二人餐真的超值，有湯又有餸，甜品是抹茶紅豆奶凍，質素很高，抹茶味濃，紅豆大粒有口感，不會太甜好岩食。

今天途經KCC第二期，原來新開了很多食肆。剛剛經過這間咪走雞，見到有窗口位，二話不說跟朋友馬上入去坐。環境舒服，望著風景原來餐廳名「咪走雞」已說出了這間餐廳的招牌菜，馬上點菜啦。」招牌咪走雞，果然是招牌！上碟時雞汁還滾起來，熱騰騰的。雞肉的表皮略帶光澤，皮薄肉厚，質脆肉嫩，新鮮雞才可以做到雞肉鮮嫩，配襯出雞本身的風味。花膠雞湯米粉，真材實料的湯底，有花鵰、糯米酒的香濃味，真的有點似坐月補身湯，好滋潤及暖身配上新鮮的嫩雞，雞不會過熟，恰到好處。還有很多的小食。椒鹽豆腐，香脆內滑。雲耳爽口，配上特飲，美味又回味的午餐，食完全身暖暖的，好補身

日前與家人經過葵興港鐵站 KCC廣場， 看見水牌 新開咗間咪走雞 餐廳， 是在KCC廣場樓上8樓， 曾經和家人去過旺角的那間咪走雞 ，原來葵興都開咗間 ，所以和家人 試吓新嘢， 餐廳內環境 寬闊， 座位舒適 ，桌子上 的擺設 也整齊 清潔。我們安坐後， 在餐牌推介下 ，家人選了一款 王牌 咪走雞 飯 餐68+6蚊有菜飯，( 包括 是日例湯 或飲品)。 咪走雞 和菜飯、是分別 盛載。 咪走雞肉 皮薄， 脂肪 均勻。 再配一碗菜飯， 份量啱啱足夠 。 令外也點了、人氣套餐( 主餐 加小食加飲品)。 酸辣 雲吞 魚蛋 魚片 頭米、線$65 配小食椒鹽豆腐 ，凍飲要加$3。 酸辣味使胃口 食慾 增加， 喜歡的是 魚蛋和魚片頭 口感 肉質彈牙， 如果 雲吞和魚蛋增多 份量就更好。 小食方面， 椒鹽豆腐 粒粒外皮爽脆， 內裏軟滑， 有少少辣非常惹味。可以再來。👍

係葵興新起了一個商場，接爸爸放工完，食晚飯，去左間咪走雞食飯，爸爸食餐廳招牌菜的咪走雞雞飯。雞飯可配肉燥飯同菜飯。而我爸則選了菜飯。大大碗，雞肉扎實，有口感。還配專製餐湯。而我就選了個花膠雞湯米粉，又係大大碗，又大大塊花膠，香濃雞湯，雖然有點多油，但不久食一兩次也應該無害的對我青年人來說。雞肉多汁香嫩。根餐還配少食，我選了椒鹽炸豆腐，細細地一口炸豆腐，香脆有超微小點辣，醒醒刺激味覺同胃口。再加個椒鹽雞翼，雖然只得三隻，但外皮酥脆可口，雞肉嫩滑。真的食上癮

作為一個葵青人一直都覺得葵興係冇啖好食的，直到近來有網上平台介紹KCC先知原來呢邊新開左唔少餐廳今日同家姐嚟到呢頭食lunch，睇水牌有成10層樓高，都好多選擇下，最終決定食雞🐔招牌咪走雞飯餐 $68 包飲品，想均衡少少所以加左 $6轉菜飯第一次食梗係試下招牌菜先，原個砵仔上，上枱時個湯仲滾緊不斷起水泡，之後成程都keep到個溫度雞件嫩滑鮮味﹐食得出唔係冰鮮，最重要係無骨！啱曬我呢d懶人🤩個汁聲稱係秘製，食落好香沙薑味，質地杰身令到每件雞件都沾滿醬汁，底下嘅蔬菜吸曬d味又係正花膠雞湯米粉同樣係 $68 包飲品不過跟多一款小食，叫左椒鹽豆腐比起咪走雞，我更加鍾意呢個花膠雞；香濃雞湯混入酒、薑、紅棗同杞子等材料，聽落好似會好重味但其實湯頭超清甜，各樣材料互相配合令到個味道好有層次，d米線索曬個湯食到我停唔到口😋雞件同花膠份量十足，前者鮮嫩後者爽滑作為小食嘅椒鹽豆腐一樣無得輸，外脆內嫩，加埋七味粉一齊食更加惹味

昨晚與友來咪走雞（葵涌）晚飯，我真的很滿意，葵興多了個好地方。以往我也曾到咪走雞 （大埔）店，但這新店位處八樓，居高臨下，遠眺葵涌，與友相聚，人生一樂。相約七時，客人漸多，幸無煩囂，倚窗而坐，我們選了一個二人餐，有湯，有餸，有飯，有甜品。湯是粉葛煲瘦肉，是老火餚湯，不錯。至於選了的三個菜，咪走雞在燒熱的瓦碟中端出來，伴汁好味，雞件好吃，招牌出品。椒鹽焗豬扒仔，不膩，肉鬆化，也香口。西蘭花炒青衣球，水準以上。飯後甜品是綠茶布甸，心意之作，不甜，正合我意。飯後結賬，共銀$228，心感滿意，所以寫下。

上次來食了他們的花膠雞沙米線！ 十分滿意，所以專誠帶朋友來試食他的砵仔雞飯！ 本來朋友是來食花膠雞沙米線的，但由於我一時睇錯，幫他落錯了單！哈哈！ 所以就一式兩味了，一個辣 一個不辣！ 這個砵仔雞得份量也不小，也算嫩滑，但是不夠入味！可能食開譚仔的麻辣，覺得他們的辣有點奇怪🤪🤪朋友也說這雞的醬汁有味精！ 下次再食 還是點返 花膠雞沙米粉線吧！

最近係葵芳發現了一間比較新嘅餐廳，＂咪走雞＂地方新淨容易揾，裏面侍應嘅服務態度唔錯，非常貼心！餐牌方面，有各式各樣，大多數以粉麵為主，仲有好多小食俾食客選擇！價錢一啲都唔貴，而且仲有多款嘅招牌套餐比食客選擇，例如有招牌米酒雞飯餐同咪走雞米線餐等，仲有配飮品添，好受食客嘅歡迎架！呢度嘅米線係自家製造香滑、爽口、彈牙！而且配料亦非常豐富，亦可以選擇不同辣嘅程度！呢碗米線仲有花膠做配菜添！好好味呀！春卷，非常香脆！

今日同同事OT左一陣，不如係咪公司附近食野丫，我地知道葵興地鐵站附近有個新商場，叫<活@KCC>，這個商場裡面都算多食店同商舖，所以我同同事去睇下有咩食。見到有間咪走雞有飯又有麵，不如試下，見他們寫住皇牌係【花膠雞湯米粉】，是我最愛。坐底之後，店員都好有禮貌地同我地說推介有【花膠雞湯米粉】、【咪走雞飯】、【椒鹽豆腐】三個，又有介紹他們有套餐，有主食、小食、飲品。我地緊係選擇左套餐。【花膠雞湯米粉】+【椒鹽豆腐】我就選左花膠啦，花膠雞湯真係好濃郁，又有輕微既酒香，他加左花彫酒、糯米酒、雲耳、紅棗等食材煮出來，飲一啖湯似一個滋補燉雞既湯咁濃郁，加埋雞件都好滑，值得一試！椒鹽頭腐炸得外層香脆內裡豆腐十分軟滑！令到我們食唔停口！【酸辣雲吞魚蛋魚片頭米線】+【涼菜三小碟】+【紅豆冰】米線仲可以選不同湯底，同事選擇左酸辣，味道唔錯都好多餸，個米線軟硬適中。涼菜三小碟有大豆芽、青瓜、雲耳，每款都十分爽口同新鮮，味道剛好！有麻辣既味道。紅豆冰不算好甜，見到粒粒紅豆，食落好有咬口，正。【咪走雞米線餐(辣味)】+【飲品】咪走雞米線餐沒有跟小食，想跟小食就要加$12D辣味入哂係D雞裡面，又幾

難得開會走到來葵興商廈，順便食個午餐才回公司。走到來KCC, 發現開了很多新的餐廳。看過水牌走到8樓看看再選擇。最終走到來咪走雞,被餐牌上那花膠雞湯米粉所吸引，便決定一試！其實他們午餐的選擇也多的，有飯有麵有米線等選擇，套餐還配小食！都幾豐富！最後我們分別點選了自家甜湯小窩米線及花膠雞湯米粉再配小食—涼菜三小碟及椒鹽豆腐！好大的一碗哦！份量十分足！食物剛上枱已經聞到陣陣的酒香！首先食了花膠雞湯米份的湯底！好香好濃的黃酒煮雞味道哦！大愛！雞肉味濃，飛一段的急凍雞件！花膠索了雞酒的味道！鮮甜可口！另外的自家甜湯小窩米線！湯頭同樣出色，包含了豬膶，肉碎腐竹等材料，清甜好味！配上牛肉，魚旦等，足料好吃！小食方面，椒鹽豆腐一試難忘！外層香脆內裡豆腐十分軟滑！食到停唔到口！不過要小心內裡很燙哦！涼菜三小碟就十分爽口！味道剛好！我還試了他們的特飲檸檬薏米水，少甜微酸，自家製的健康選擇！好飽好飽的一餐！十分滿足！