影片
港铁北角站 A1 出口, 步行约4分钟
继续阅读
营业时间
星期一
17:30 - 00:00
星期二
全日休息
星期三至日
17:30 - 00:00
以上资料只供参考，请与餐厅确认详情
招牌菜
其實初初開業來過，那次用餐覺得不過不失，於是昨晚同好友想吃吓雞煲，又近近地來這裡，唉真的唔寫這食評，個心都唔舒服囉！又係差到無朋友的餐廳。首先，我和朋友去到是8點，我見到得兩桌客，加埋夠4人 ，都有些震震地，點會咁靜架 ？算啦 老友不想換場，照入去吃好了，加埋我地兩人得6個客啫，都甩單甩到叫咩都唔來咁，牛肉每碟3片咁大把 仲要劃三次先來一次，其他菜劃親都好像是旦拎些出來咁，寧寧碎碎的，叫十樣就來4款！咁既水準我真的唔敢想像可以招呼多幾桌客人囉最慘係d 食物又唔得 ，牛我們只吃了6片，因劃極都唔來兼都唔好食又無味，我們都索性不劃，唔吃了。脆脘魚不脆又多骨到飛起，真係食緊唔講得野，好危險囉成晚得個菜似番碟餸之外，我真係無野可以有興趣吃第二件，先別說樣樣來得小又甩單或無來這個point !再計埋就只可以鬧爆收場“而中途有一桌人有兩個朋友來了，結果4人傾計的聲浪大到像立體聲的耶，這小小的店，又窄又細，環境真不好坐，最衰就係你無法把注意力分散在食物上，結果，咪會好像我咁，連都不想拿起，個心就一直數算這裡的差.....直至埋單！兩人$414-又貴又不值，那些一舊水的火鍋放題都好過這裡。
继续阅读
睇報紙介紹，9：30之後只需$148可以任飲任食，所以就黎試下。可能星期五關係，都等左陣先入到去，間鋪頭裝修得幾企理，店員都幾nice。一黎就點左個招牌奇味雞煲小辣，店員即送上青瓜同雞翼小食，食住小食，簡下打邊爐d餸，等個雞煲。十分鐘左右，雞煲終於上枱啦！閒落已經好香，而且個味好濃，仲有蓮藕，菜max埋，好有特式。食飽飽就加湯打邊爐，哩到除左肥牛，仲有好多選擇，有好多類型ge丸，響鈴，魚皮，彈牙巑奇烏冬同出前一丁食，真係好滿足！
继续阅读
Li間雞煲我成日同朋友幫襯，貪佢細細間又吾太迫好好坐吹水一流。佢地個奇味雞煲好好味！吾係出面重味精好咸ge味，係好濃花生，沙嗲醬咁ge..吾識形容，仲之好特別，出面食吾到，好岩我口味，朋友都話會再幫襯。打邊爐配料都幾多，最鍾意佢個油炸鬼，仲有我至愛ge讚岐烏冬正！好少任食地方有。另外，佢地個牛柳粒都好正，好juice，又重牛肉味，每次都會叫！會繼續幫襯，支持！！
继续阅读
食物選擇都幾多等雞煲既時候可以食小食過癮下。青瓜超辣，雞翼味不錯不過肉鞋主角到！小辣但我唔食得辣就覺得很麻辣。而且骨比較多，一係就一大舊好鞋既雞胸肉。雖然雞煲無食呢個概念幾好，不過食物質素亦一般。其他配料無影相，不過最記得響鈴係唔脆又散的。甘既價錢食甘既野我令願俾多少少食一品
继续阅读
唔知幾時開始興雞煲, 好似都興左好耐下, 因為成日見人係facebook post相, 但我真係無試過, 亦無特別諗過去食, 但今次朋友叫到, 就正好俾左個理由我去試下所謂既雞煲到底係咩料子。咁其實雞煲尼一樣野係我本身係應為好似食大排檔咁係無服務既, 但原來入到去又唔係WOR, D店員真係有服務嫁WOR, 雖然平心而論就無話真係好好, 但有就已經令我覺得好好。由於兩個男人去食, 所以係咁依叫左個奇味雞煲就算, 除左奇味雞煲重有麻辣雞煲既, 但我真係唔係好食得辣。由於好奇既關係, 我係咁問店員應該點食同有咩唔同, 咁佢都好有耐性咁答我, 真係要加分, 雖然可能只係因為我靚仔。個雞煲一上, 我見佢有好多洋蔥丫, 芫茜丫, 我心諗今次真係重口味, 點知一食, 其實又唔覺有咩。但隨住愈煲愈入味, 再加上我地係咁落野, D汁開始濃甚至傑傑地, 但濃之餘又唔會覺得入唔到口。
继续阅读