唐記包點 (港鐵將軍澳站)

营业中

休息中

難得請左假做body check, 加上落雨，今日下晝成三點先返到屋企同媽咪late lunch / tea. 由於肚餓，到左地鐵站就去買唐包點返屋企慢慢食。原本想買新出嘅流心何華田包，點知已經賣哂😭下次早餐時間就要快手買！我哋買咗咖哩牛腩飯、章魚肉餅飯、紅豆包、番薯包，缽仔糕，同埋菜肉包。飯夠企理衛生又夠熱，分量十足，飯煲得唔會乾身。牛腩香軟，咖哩辣度適中，送飯一流、章魚肉餅夠口感冇過多肥肉。番薯包同紅豆包包軟餡足唔太甜，令饀料味一直突出。缽仔糕叮熱10秒后微暖食，黃糖香甜及紅豆增加咬感。最後俾兒生女食嘅半個招牌菜肉包，豬肉新鮮juicy,連小朋友都鍾意，做下午茶最適合不過。

今天，家中主廚～母親大人擺工，所以今晚要自己解決。不想外出人多擠迫！對策：外賣美食回家，實行輕輕鬆鬆地享用。　小米想要肉餅飯，就在回家路上，順便買外賣回家。　付款後，等了三分鐘左右，二袋食物到手。　小米肚餓了！要馬上回家！　開枱！開飯！　打開每個食物包裝，枱面都是食物，很滿足！　鱆魚肉餅飯　平時小米偏愛＜含綺Your炳＞。今次就改為感覺較健康的鱆魚肉餅飯。其實可以是梅菜肉餅，馬蹄肉餅，冬菇肉餅，鹹蛋肉餅，都是啖啖肉，無需吐骨系列。自己先取一小碗。爽口彈牙的肉餅，夾雜鱆魚特有的香味，變為另一番風味。　個人覺得：混有豉油的蒸飯，吸收了鱆魚肉餅的香氣，才是最美味的！　  咖哩牛筋腩飯　　小米之父本想要鳳爪排骨飯，不過自己不喜歡鳳爪排骨。剛好看到這款新推出的咖哩飯，所以點了這款。　一碗咖哩，配一大碗白飯。自己先預留一碗，其他就留給小米之父享用。咖哩夠香濃，果然好下飯。　牛肉，變為配角了！　一家三口，除了二個蒸飯，還加配其他小食。  鮮竹卷　　自己喜歡濕潤的食物。這次就試試鮮竹卷。都是熱辣辣，軟綿綿，啖啖肉。  菜肉包　在這店的多款包包之中，自己最喜歡菜肉包。有菜有肉，一口咬盡。 香菇雞包 　　

呢次黎到因為已經夜晚九點幾，好多包都賣曬，連我最愛既菜肉包都無，就買左黑麻蓉包（$7.5) 同糯米卷($7.5)。下一日早餐食完，真係要大讚黑麻蓉包，甜度剛好，黑芝麻入埋包皮，超足料，每一啖都有芝麻味。點心方面買左糯米雞（$27）、燒賣（$18）、山竹牛肉（$18）、雞扎（$18）。呢度既雞扎超足料，雞肉係雞腿肉，好滑，仲有爽口既雞皮，糯米雞又大大隻，有齊雞，冬菇等等，所以次次如果有得買我都會買的。呢間唐記好好，原來有得$45包一個蒸飯同一個點心，送紙包無糖茶，健康低糖人生之選。呢頭做野的話，可以就咁解決一餐，都幾唔錯。

有我最愛吃中式包點、點心及盅頭飯，一般店舖沒有座位，只有外賣。基本上早餐趕時間，嗌個包，抵達月台前，數分鐘內啃完早餐。午餐趕時間買盒飯寧願急急回公司抖多陣，總會想到唐記包點，因為總會在每個熱點、人流繁忙的地鐵站都有一間。只要嗌「一個XX包」，收銀員一聲：「X蚊」，顧客便以早提在半空的八達通一「嘟」，收銀員撕走單據遞前，買包者接手，過程不過十秒鐘。打包員一個在保溫櫃夾出包子，放入膠袋，便叫出號碼，買包者上前，過程中誰也沒有一點怠慢。今次外賣同家中的小朋友食，嗌左必食燒賣、古法馬拉糕、鮮竹卷、鳯爪排骨飯、豆腐花、白饅頭、蕃薯包、砵仔糕。⭐️每樣味道都不馬夫，尢其是饅頭比好多麵包店還好口感煙Un ⭐️食個lunch 一個飯+點心 既$45攪掂。（現推出新優惠）完全夠午餐嘅份量，呢個組合係我哋必食。因為燒賣真係好好食㗎⭐️今次第一次嗌砵仔糕，老實說是有點貴，成本貴在紅豆多，咬口不粉。

今日放假，落街買外賣返屋企食首選當然係平靚正的唐記包點～今次點咗2個點心加個甜品點心分別係熱辣辣既燒賣4粒，同大大粒既山竹牛肉球～ 甜品係砵仔糕，第一次試，甜甜地又好煙銀，唔錯～仲要有好多粒紅豆餐牌仲有唐記既凍包，性價比都好高，好抵，下次買返去試下先蒸飯方面，我地揀咗必食既咸魚蒸肉飯，有菜有豉油～都只係$27，呢個價錢除咗唐記，仲可以去邊度搵另外，我地仲點咗排骨蒸飯，有好多舊排骨，又夠淋，夠熱本身好想試下唐記既奶茶，可惜咁岩舖頭話無哂，唯有下次再試

之前間唔中都會買唐記的包點當早餐，他們的選擇很多，價錢抵食，最重要是食物質素能保持水準。今天家人表示很想晚餐吃蒸飯，唐記就是不二之選，我們買了幾款蒸飯和點心。唐記的蒸飯十分抵食，份量十足，也只是$27。而除了飯和餸之外，還有很多蔬菜，感覺健康一些。我們點了章魚肉餅飯和鳳爪排骨飯。肉餅十分厚身，亦有滿滿的章魚粒，即使不加醬油也很夠味。而鳳爪和排骨味道與平日在酒家吃到的一樣，很有水準。另外，我們還買了一隻糯米雞，內餡非常豐富，有肉末， 叉燒，冬菇，鹹蛋黃，以及雞翼，吃下去簡直是大滿足。而最有驚喜的是沙爹金錢肚，金錢肚很淋身，滲透著農而不膩的沙嗲味。

唐記包點開到周圍都係，差唔多每個地鐵站總會見到有一間係附近依家出去普通食個飯都要4、50蚊起跳，唐記包點$27既蒸飯，性價比認真唔錯雖然唐記包點由一開始$20慢慢加價到依家$27 ，質素仍然keep到。今次一個人叫外賣，點左章魚肉餅飯，個肉餅大大件，啖啖肉，再配埋椰菜，白飯，好夠飽除咗蒸飯之外，仲加多左個豆腐花，都只係$9.5，豆腐花有豆香，幾滑，配埋糖漿幾好食成個晚餐都只係$36.5，有飯有甜品，性價比真係唔錯，一個人頹食晚飯之選

屋企得哥哥同我一個，決定頹食唐記包點，又平又抵食👍梅菜肉餅飯（$27）梅菜肉餅好入味，份量都足夠送哂成碗飯食🤩失分位係配菜-椰菜淡而無味，偏生...足料糯米雞（$27）糯米雞都真係算足料，大大隻不特止，仲暗裝雞翼🤩食落仲有陣咖喱味。秘製金錢肚（$18）金錢肚爽口兼大大舊^^秘製醬汁好惹味～拍得住酒樓既水準啊香芋包（$7.5）每次唐記必食既選擇之一👍香芋料都算足，甜甜地，充滿香芋味，芋頭控表示很滿意～😍😍😍😍😍

大時大節想飲個茶寧舍困難，所有酒樓都迫滿人，等位起碼都等返個幾鐘今日一家人都想食點心，但又唔想迫，於是就去左唐記買返一盅兩件返屋企慢慢嘆鵪𪂹蛋燒賣而家仲幾可有呢款懷舊點心 拎到返去仲保持到熱辣辣，必食豉椒鳳爪超入味，又唔會淋晒，keep到咬口雞扎我就最鍾意食出面層腐皮，蒸到軟晒仲好入味馬粒糕蒸得好軟熟，唔會太甜，正香芋包好香好香，芋頭味濃，而且味道唔會假豆腐花又係唔係間間酒樓有咖，望到都感覺到係勁滑，豆味濃郁，做甜品正

平時聽人講唐記好抵食，但放工經過地鐵站次次都見到人龍所以好少排埋去，難得今日唔洗等，就即刻埋去買幾個包同屋企人黎個"包點放題"!菜肉包 - 唐記招牌當然要一試，食落去個包雖然有少少濕同黐手，但勝在餡多啖啖肉，而且咬落去肉香即刻出黎香芋包& 蕃薯包- 原本以為香芋同蕃薯味會好人造唔夠真，結果比我想像中香得多，甜得黎唔會太漏，不過份量真係好夠，我自問唔算細食，但食一個已經飽咗黑蓉包 - 呢個係我最鍾意食嘅包，裡面用上一粒粒磨出黎芝麻蓉，貨真價實，外皮亦有芝麻香，十分香濃奶皇包 - 唐記啲包比酒樓食嘅包點大一倍有多，連奶皇包亦唔例外，香甜得黎又唔會太膩，唯一如果能流心會更正，但大大個先賣7個半，有咁嘅質素已經好唔錯!

最近將軍澳成為了我的新工作地點，這是每天的必經之地，早上到來定必有一陣陣的香味，這就是“唐記包點”。它位於將軍澳站閘外，鄰近地鐵站出口，位置上十分方便。平常我一般只會點選一個菜肉包作為早餐，這次我更點選了鹹蛋肉餅飯作為我的午飯，因為公司最近增添了一個蒸籠，為了減低午飯成本，我決定提早準備。鹹蛋肉餅飯，味道方面，鹹淡適中， 味道不錯，口感方面，肉餅有咬口，口感十足，加上分量多， 無需要吃其他小食，已經足夠一頓午飯。又多了一個新選擇，下次再吃過。

我本來就是包子控，每次去台灣旅行，都會吃台灣的手工肉包子，非常美味。近年來，香港現在除了西式麵包，也有了中式包點的選擇。唐記包點分店主要分佈在地鐵站沿線，想吃包子隨處便可購買。唐記包點除了包子，還有點心和蒸飯，選擇不少，而且價錢十分貼地。⭐️蔬菜香菇包$7.5內餡有黑木耳、香菇和蘿蔔絲，爽脆的木耳配搭軟腍惹味的香菇，很像媽媽平日在家包的素包，哈哈！⭐️黑麻蓉包$7.5近期最愛一定是芝麻包，內餡盡是黑黝黝的磨成泥的芝麻蓉，芝麻香氣撲鼻，入口香濃，味道不甜膩。⭐️奶黃包$7.5包子的奶黃雖然沒有流心效果，但是奶黃幼滑香綿，香甜可口，味道也很好。⭐️章魚肉餅飯$27飯量逼人，好有少量蔬菜，肉餅配搭米飯令人飽足。⭐️山竹牛肉$18爸爸最愛的山竹牛肉球，入口清甜微酸。⭐️燒賣$18燒賣不大不小，入口Q彈可口。⭐️鮮竹卷$18內餡有豬肉、竹筍和蔬菜，味道鹹香。▫️吃點心包子也不一定要去酒樓，在家裡也可以享受飲茶的樂趣呢！

呢一日想食啲簡單又方便嘅嘢，買返屋企慢慢食， 喺將軍澳地鐵站附近見到有唐記包點，一於簡簡單單整番個一盅兩件，都係唔錯嘅選擇。人流唔算太多，好快就可以排隊買到點心，價錢亦都唔會太貴，十零蚊一個點心，廿零蚊一個盅頭飯，都算ok。買到返屋企依然都仲係暖笠笠 。首先試下個鵪鶉蛋燒賣，一盒有三粒，味道都唔錯，尤其是鵪鶉蛋軟棉棉，加上入面唔會太多肥肉，食落感覺唔會太油膩， 雖然鵪鶉蛋不宜多吃，不過真係忍唔住，見到呢啲懷舊點心就自然想食。而另一個燒賣就有啲唔同，肉質較實淨，比鵪鶉蛋燒賣乾身，我會比較鐘意鵪鶉蛋燒賣。而呢一個係金錢肚加埋蘿蔔一齊蒸，加上香濃嘅醬汁，食落非常惹味，尤其是金錢肚炆得好冧，吸收曬醬汁好入味，非常唔錯。鳳爪排骨飯都有番咁上下水準，鳳爪味道都好入味，排骨爽口，肉質嫩而有口感， 加埋甜豉油撈飯，好快就可以掃清咗呢一個飯。屋企人就比較鍾意食蒸包，尤其是唐記出名嘅香菇雞包，雞肉同香菇都大大粒，非常足料，而且整得好軟熟，幾好。至於沙爹牛肉包就比較少見，一試之下味道都唔錯，仲有沙嗲汁好香，不過牛肉有啲碎，如果唔好咁碎，就應該更好味。另外用加配左唐記嘅自家豆漿，豆味都算香濃，唔會太甜，九蚊呢

唐記包點分店多到差唔多每個地鐵站或者商場都會有一間。將軍澳呢間感覺上比一般嘅唐記大啲估唔到佢竟然會有套餐！套餐都幾抵，有飯又有點心仲包埋嘢飲添！唐記嘅糯米雞真係超好味！佢有好多料，雞翼，冬菇，叉燒，肉醬同埋半隻鹹蛋黃。好大隻都只不過係$27！好抵 另一個極推介嘅係黑椒牛肚！一份都只不過係$18，裏面有至少七至八件牛肚！鵪鶉蛋燒賣都唔錯！有原粒鵪鶉蛋同埋下面果層肉入面仲有隻蝦😚😚另外買咗啲包做下午茶。啲包都好足料，中間嗰餡都好大份，好正！香菇雞包同埋菜肉包舊肉都好多汁😍有時想做一日買定早餐嘅話都可以去唐記買一啲凍嘅包，第二朝整返熱佢就食得㗎啦！

今日嚟到將軍澳站嘅唐記包點，準備買我嘅晚餐，雖然唐記都幫襯左好多次，但係今日突然心血來潮想寫番一篇食評排骨飯最鍾意佢嘅排骨唔會太肥，陣陣豆豉嘅香味，相信一個蒸飯要做得好食，除咗個料之外相信飯係好重要嘅，佢哋嘅蒸飯好處係落水啱啱好, 飯粒粒分明, 非常有彈性同咬口😋😋鳳爪排骨飯唔想單要排骨, 相信鳳爪排骨飯會係我第二個選擇, 多咗鳳爪成個飯更香👍🏻👍🏻馬拉糕唐記嘅馬拉糕夠鬆軟，而且甜度適中，唔會太過甜豆腐花非常滑，絕對唔會比出名嘅豆腐花店遜色👍🏻👍🏻