唐記包點 (港鐵青衣站)

营业中

休息中

有少少餓想食個點心，人少少又唔想去茶樓？於港鐵站內的唐記包點是好選擇！這天與孩子上完興趣班，孩子大叫要吃包，於是一家決定買包點。青衣站上下自行梯處的唐記包點位置方便，進內可看到員工在忙碌地包裝顧客點選的食物，食物相片也在櫃台之上。而收銀旁就有詳細的食物選項，一些製作中的蒸飯都會顯示等待時間。孩子的爸睡了晚覺要吃個飯，筆者想吃點心，孩子要吃飯，一次過滿足了願望，也只不過是$100有找。紅豆砵仔糕放狂收銀處，$8，很多紅豆。番薯包 $8包的皮與餡料比例適中，餡料是甜番薯味，適合小孩子吃。鵪鶉蛋燒賣　$18很惹味的鵪鶉蛋燒賣，淨食送飯勻一流，汁多鵪鶉蛋亦不會乾，皮薄好味。燒賣　$18是豬肉燒賣，上以杞子點綴，較有益，肉汁鎖在皮內，深得孩子歡心。鳳爪排骨飯　$27今時今日的香港地，買盒飯不用$30，實在化算！鳳爪不會梅，易脫骨又不會硬，剛剛好又惹味，排骨不會鞋口，整體不錯，更細心地附上了椰菜，達至飲食較勻衡，是加分位！糖水是豆腐花！筆者最愛，唐記包點的豆腐花豆味濃，糖水味不會太甜太搶，外賣時職員會加糖水及黃糖才加蓋，故如有特別要求，例如多糖或走糖水要早一點要求。豆腐花　$9.5Ｑ之親子小貼士：

收工冇飯食，為左想快ｄ回家，就買唐記食啦排隊都係得４－５人排緊唔算多啦，飯類永遠，有１－２種要等既。可能因為太夜，賣曬其他先自己買個北菇雞飯回家食，再加個山竹牛肉就夠飽啦。其實係好飽～飯可以叫多菜～雖然ｄ菜唔係好好食。但有菜落肚比較好麻。

我去位於青衣城既唐記! 成日其實都見到好多人排晒隊買野嫁啦, 今日起得早岩岩開店!唐記點心d飯其實都好抵食, 30蚊有找牛肉夠juicy!! 同埋夠大件, 飽肚一流! 牛肉入面係有好多洋蔥同其他料既, 我知道有D人唔食入面D料, 所以要注意下呢個牛肉飯唔係普通餐廳牛肉係牛肉餅, 姐係都係茶樓牛肉球個類!一般情況下我會拎走出去食既!當中最好食我覺得係金錢肚, 但未必成日有, 可能好快賣晒, 如果你見餐牌無就可能賣晒啦,牛肚本身d醬汁好濃味, 份量正常, 18蚊 同茶樓價差不多啦! 所以如果肚餓經過買碗即時飽肚係最好選擇!軟硬岩岩好嫁啦, 爽口既, 唔會過軟或太硬!燒賣, 唔係魚肉燒賣黎, 係入面有蝦既, 姐係都係似茶樓個d, 個蝦都算爽口既, 肉味重, 唔算太粉, 因為燒賣最驚就係無咩肉,太多粉, 呢間唔會!芝麻容既包, 入面料落足嫁啦, 基本上味道無問題, 包有小小硬, 最好一買無耐食, 熱辣辣會好食好多!價錢10蚊有找, 都係好平嫁啦! 入面有好多芝麻粒, 粒狀既口感都幾得意, 有小小磨碎係舌頭既感覺.

經常光顧唐記包點，今天終於有時間替他寫一個食評，屋企冇煮飯，唯有落街買外賣。七點多的時候，見到唐記人山人海，不少人在下班後也累得很，不想親自下廚買一個飯盒就算了。最鍾意食鳳爪排骨飯！排骨質素幾好。另外叫咗個煎蛋牛肉飯，煎蛋夠晒大，仲有個肉餅，好似住家菜味道。飯同埋餸嘅比例都一半半，最正係會配埋一啲配菜，食落去嘅時候更加健康。呢個平民飯盒，相信好多市民都可以負擔得起。唐記除咗飯盒亦都有包點同點心，唔同類型嘅包點我都試過，我通常喺早餐嘅時候都會叫，貪佢快靚正。今次我叫咗菜肉包，熱辣辣，令人口水大流。

唐記真係抵食之選！去青衣城睇戲前不算太肚餓，但等到睇完食又接近9:30pm，所以決定先去唐記食個包打底！最後要左一個蔴蓉包 雖然人流不少，但姐姐們非常快手！個包大大個、熱辣辣，蔴蓉餡又不會太甜，味道不錯最重要係真係好抵，真是窮人恩物 絕對會再食

長期糧尾打工仔食咩好呢⋯⋯當然係食地鐵站小店啦！熱辣辣之餘有營養不過放工時間就多人啲～但好嘢梗係多人買！香菇雞包：香噴噴熱辣辣～香菇同雞完美融合！食落去啖啖肉又唔會過鹹～絕對係一百分叉燒包：日日都愛食叉燒包😋😋😋打開大家都見到濃郁嘅餡料～塞滿晒成個包包！叉燒肥瘦均勻～切得大大粒！所以有豐富的口感💕甜鹹調味非常適中！由於老婆鍾意食饅頭～所以買咗一個饅頭比佢估唔到都好有驚喜💕鬆軟有口感之餘⋯⋯顔值亦都好高返到一日工⋯⋯點都要有啲米氣～鳳爪排骨飯一定係香港人的集體回憶！大夾抵食不特止仲有菜🥰排骨非常入味軟硬適中，米粒亦都粒粒均勻～好正

日日返工都係披頭散髮唔好話自己煮早餐，記得攞飯盒已經係好叻嘅一件事！所以我最鍾意就係喺唐記包點買早餐貪佢熱辣辣之餘，包包種類多食極都唔會厭呢隻最近做緊宣傳！聽包包嬸嬸講呢一隻款係新出嘅當然要買來試吓啦⋯⋯芝麻味非常濃郁，咬落去索索聲，有芝麻口感，而且唔會過甜！覺得好補身，最啱冬天食迷人粉紫色～個香芋包見到都開心！滿足滿足的香芋泥一口下去⋯⋯💕💕💕有口感之餘又飽滿紅豆包💕包甜甜地，而且亦都好鬆軟! 好好食！嘩嘩嘩⋯⋯一睇就知健康估唔到返番薯包都有！我之前食佢朝頭早都變得好暢通！如果有便秘問題嘅大家可以試吓～吃起來很Q嫩，不會軟趴趴，咀嚼時帶著濃郁的番薯香甜味大多以睇吓無時無刻都係人山人海！大佬係朝頭早朝頭早呀～😊$7.5一個包包！再返公司沖杯奶茶～完美嘅早晨就係咁簡單

今日收工攰唔攰地，男朋友話想係屋企食，但係做咗成日野，有邊個想煮飯啊？經過地鐵站聞到陣陣飯香，原來係唐記呀⋯⋯一於買個飯，買返兩個點心，返屋企同男朋友慢慢嘆啦。燒賣本人只吃用豬肉做的，十多元的價錢就能夠吃得到真正燒賣的味道，比起街邊的小食檔利用魚肉和粉糰混合的垃圾，真是超值鵪鶉蛋燒賣，又一必吃的點心，吃過很多過火的鵪鶉蛋，外皮乾內粗糙，唐記絕無此情況，配合鮮味的豬肉，每次也吃得津津有味排骨飯只吃唐記不無原因，首要選擇條件是排骨有淡淡豬香味，肥瘦適中而不會粗糙，其次是蔬菜份量充足，與其它點心店絕不能夠相提並論糯米卷香而柔軟，糯米飯黏口，絕不生硬，配搭香脆花生簡直錦上添花

係人都知香港人好忙㗎啦，要去飲餐茶食件點心，真係唔係一件容易嘅事，但係好彩有唐記，喺呢個咁繁忙嘅生活節奏裏面，都可以滿足到我一點嘅小希望。收工嘅時間，去買返個飯買返個點心，返屋企慢慢嘆下先。今日買咗個排骨飯，排骨份量夠晒多，啖啖肉，而且裏面總會有脆骨，係我最鍾意食架，排骨新鮮，充滿肉味，唔會有少少嘅雪藏味，味道夠晒足夠，而且啲飯粒粒分明，排骨嘅汁入左每一粒飯，淡淡都好滋味。雞雜，平時飲茶最鍾意叫架，你同隻雞達好大件，裏面會有芋頭，一大件雞肉，豬肚，同埋豬皮，食材好新鮮，而且唔會好乾身，雞肉滑身，芋頭又夠粉，果然好味。蝦餃，淨係睇個樣都覺得好精緻，粒粒爽口彈牙，而且皮薄餡靚，裏面隻蝦仲要好大隻架，一份有三隻，份量啱啱好啊。

天氣又轉涼了，冷颼颼的雨落左一天，今日仲要出街做野，返屋企時見到唐記好多人排隊，行近就聞到蒸野既香味，熱騰騰好撩人，即時好肚餓！一直想試佢個黑麻蓉包，于是排隊。雖然長龍，但好快就排到，決定買多份鵪鶉蛋燒賣食下。新鮮出籠！外型已經好吸引，點點的黑麻蓉皮，好Q有彈力！忍不住即刻掰開兩瓣！嘩！滿滿的黑麻蓉餡呢！正是我期待己久的黑麻蓉！咬一啖！超正！香噴噴的卻不太甜不膩！醫得飽肚，也倍感健康！加上三粒大大粒鵪鶉蛋燒麥，食完好滿足！

雖然天氣開始變得和暖，但無減我買凍包返屋企加熱的喜好！行街經過見到有黑麻蓉包，久久未試便決定買一個，再加一個叉燒包做早餐。點知翻蒸之後，個包超大個！個宜家家私碗我平時用來裝麵同湯的，都叫做大個，但個麻蓉包直徑竟然同個碗差不多！好大個喔！包身Q彈，餡料唔會好甜，但略嫌芝麻唔夠乾身同幼滑，好甜的我希望再甜啲，同埋似湯丸隻餡就最好啦！叉燒包則保持一貫好品質，餡料多，有汁有肉，唔會只是多汁多肥膏，繼續是我必買之選！一鹹一甜好滿足😊

今日谂住去唐記包點買腐竹糖水潤潤，熱辣辣，好好味，唐記包點，我見一向做法係蛋同糖水分開盛……呢樣唔重要。回到家，諗住開食，喝了一口，一撈起只蛋，我望到，嚇一跳，但無得笑，上面有兩大點發霉了，其實咁大撻咁顯眼，個客一捞就見到，我唔信個職員捞起見唔到，或是心不在焉望都唔望？不論那個原因，個職員見到都唔丢，照丢入客的碗入面，可怒也！！！做飲食，最緊要過到自己過到人，我問你會不會照食……真係呀！他們冇專頁，反映不到。

對於長期糧尾ge香港人黎講，唐記可以話係最佳糧伴！學生時期佢岩岩開，d饅頭同包全部$2-3一個食兩個lunch都慳返，對學生時期零用錢長期唔夠ge我黎講，真係吊命恩人咁樣啊！雖然經過無限次加價，d包宜家貴左一倍，但仍然算良心價今日返工途中見到唐記門口居然無人排隊仲唔係機會黎啦飛雲！平時d阿姐已經快手快腳，就算打蛇餅都唔駛等5分鐘今日直頭如入無人之境我估由買飛到拎包真係10秒左右！咁ge效率，我相信9成99ge鋪頭都比唔上！熱辣辣ge包到手啦用一個簡單ge膠袋裝住就咁睇係咪唔知個包係咩呢😆其實佢個底有張紙，話你知佢係咩包睇下佢d叉燒，多到瀉都係賣緊$7.5 jar仲要大部份分店都係地鐵站方便，快捷，好味又飽肚！支持唐記上市，繼續救助長期糧尾ge朋友🙃

黑芝麻餡好香濃黑芝麻味🖤食落口感係沙沙地咁 不過係偏乾少少 所以食食下啲餡會跌左啲出黎😂我本來以為係會係濕啲嘅芝麻餡🤭本身仲驚佢會太甜會滯 點知食落完全唔會 係屬於少甜🤩所以唔會覺得甜膩㗎😌整體都幾滿意😚

🥐麻蓉包$8🥐唐記推出了一陣子的黑芝麻包，最近才有機會試試😍麵包一如既往的鬆軟熱辣辣，麵團當中揉合了黑芝麻😌咬下去是扎實的黑芝麻餡，份量一點也不吝嗇👍🏻味道有點甜但可接受，最重要的是夠香濃🤤密度比較高、偏乾一點，感覺不會很油膩❤️心目中香芋包的地位有點動搖了怎麼辦😂.食物質素: 🌕🌕🌕🌕🌘食物顏值: 🌕🌕🌕🌗🌑性價比: 🌕🌕🌕🌕🌘回頭率: 🌕🌕🌕🌕🌘