唐記包點 (港鐵青衣站)

营业中

休息中

今日11：30外買自取，3個點心3個飯，收我138，諗住食好d，因為2樣野pack埋一盒，一打開發現少左個飯。行返轉頭話冇得保，唉，真黑仔。味道正正常，提醒大家以後要小心d。

唐記包點青衣港鐵青衣站TSY 53號舖平時早餐會去餅店買個麵包食，但通常都係凍冰冰同埋係空氣包，好似食左陣風咁唔夠飽近呢兩日香港氣温急降，突然想轉下口味好想食返D熱辣辣既嘢做早餐，但而家去茶餐廳食份早餐成40蚊太貴啦，所以就唸起唐記，其實每日返工搭地鐵都會經過，但通常都係衝衝忙忙，真係無咩幫襯過成日唸住<唐記包點>淨係買到蒸包，原來仲有蒸飯，點心，糖水同埋糕點賣，真係好多元化，下次收工都可以黎幫襯買外賣返屋企食最後我揀左香菇雞包，真係睇住姐姐係蒸爐到囉出黎，熱辣辣岩晒咁凍既天氣食 而個餡料都好真材實料，以呢個價錢黎講，真係唔錯我見餐牌有成10款蒸包選擇，下次又可以試下其他款式

幸好有唐記，可以解決快捷醫肚的問題。唐記的地理環境很好，差不多全位於地鐵站附近，對於我們上班一族來說是非常方便的。蒸包、蒸飯、蒸點心… 總比吃快餐店的炸薯條健康。最近推出2款特色客飯，價錢相當便宜，分別有咖哩牛筋腩飯及豬軟骨飯。嘗試了咖哩牛筋腩飯，絕對值得推薦，咖哩醬汁多及香濃，牛筋腩肉質夠軟易入口。馬拉糕、雞扎、沙嗲金錢肚，是我的至愛。大大件的馬拉糕鬆軟及帶點甜味；雞扎材料充足；金錢肚非常惹味。豆腐花及腐竹白果雞蛋糖水，價錢平，比糖水舖還好吃。原本想買桑寄生蓮子蛋茶，可惜售罄。購買了二人分量的點心及飯類及甜品，都只需要$100， 價錢非常大眾化， 又有新鮮的健康的美食。

經過青衣城每次都見到唐記好多人排長龍，今日晚餐時間經過，見到原來佢地推出左有汁飯於是就決定做晚餐，仲可以一站式買埋點心，糖水，不過餐廳只限外賣，不設堂食，就買返屋企慢慢嘆冷氣食啦雖然要排隊落單，但職員非常有禮貌，而且解釋得好清楚, 之後等候時間都係五至10分鐘就有哂有咁多野主食:薯仔忟雞翼飯多汁，雞翼同薯仔都非常入味，果然係多汁飯呢咖哩牛腩飯辣度夠，咖啡味濃，鍾意重口味不錯錯過，牛腩完全同咖哩溶合，撈飯一流飲品:黑豆漿樽裝飲品，豆味ok, 食咖哩辣辣地用黎解渴啱晒點心:流心阿華田包新包黎，好鐘意流心呀，甜甜地用黎當飯後甜點好正。本身來想試埋阿華田奶茶，可惜售罄鮮竹卷同酒樓食既不相伯仲，肉汁豐富，味道唔錯，如果可以再多啲汁更好古法馬拉糕又係當飯後甜品食，微甜，大大舊又鬆軟，下次可以買黎做早餐糖水:腐竹白果雞蛋糖水呢個係我每次夜晚經過唐記都好想買既糖水，終於一嚐，唔太甜，好欣賞，必定會再黎食桑寄生蓮子蛋茶呢個比較甜，但應該好多人買，因為我5點買已經係最一碗，連雞蛋都入味啊，推介

今晚好夜先收工，想買啲點心返屋企食真係太夜啦，好多都已經sold out😢😢😢冇乜嘢食揀! 想食個雞扎都無喇🥺好彩都仲有我最鍾意食嘅鵪鶉蛋燒賣普通燒賣都照殺啦。😌😌😌買埋牛肉球返去俾屋企人做宵夜😋另外買多個鳳爪排骨飯都算多料喎，廿幾蚊抵食👍🏻🍚叫咗個紅豆砵仔糕做甜品砵仔糕唔會太甜，岩哂我！紅豆大大粒有咬口，好似好味過平時傳統果d~~~原來依家除咗傳統蒸飯之外仲有其他飯揀，有咖喱雞 魚香茄子飯等下次冇飯食又多一個選擇啦

愈來愈鍾意食唐記，一食開就停不了。今日行經本身一心想再買個阿華田包食，點知好失望，因為不幸運又賣光了。所以便買其他野食。買了個豉椒排骨飯做晚餐，排骨啖啖肉，肉質腍身好易啖，好滋味。點了三款點心。每款各18元。鮮竹卷共有3條，好惹味。雞扎大大扎，入面仲有好多餡料，好鍾意個件又大又滑既雞件。好惹味。燒賣啖啖肉，粒粒好味。豬肉彈牙。係屋企都可以嘆點心好正，又方便。仲買左個黑麻蓉包，唐記包好多餡料，所以好鍾意買黎食，又有甜包又有咸包。今次仲試左新野，青衣城呢間分店仲有糖水食，今次買了一碗豆腐花，店員係打開成桶既豆腐花，再一片一片的放到紙碗上，再加以糖水，熱熱的好重豆味，而且甜度適中，又香又滑，好正。呢碗豆腐花有驚喜。

一直都有幫襯這間位於青衣城的唐記包點，位置非常方便，收銀姐姐及廚房姐姐態度都非常友善。今天路過想試一試新推出的啊華田包及奶茶，但2款都賣晒，十分可惜，下次必定再點。以往到唐記包點都是食各款點心，包點。今次點了蒸飯。感覺還不錯，能夠以這個價錢買到大大份的蒸飯，性價比非常高。再來就是點了飲品，從來都沒有在堂記包點點飲料，今次是了柚子蜜，味道出奇地好，下次必定會是豆漿。泊車人士注意，青衣城的泊車優惠，在唐記包點內消費並不計算。

懶虫又發作唔想煮飯，今日經過唐記買咗3個人的晚餐~有糯米雞、豬軟骨飯、鳳爪排骨飯、鵪鶉蛋燒賣 和 桑寄生蓮子蛋茶做甜品。豬軟骨飯是新出品，一於買嚟試下。性價比都幾高，豬軟骨肉質及軟骨位都很淋及很入味，值得一讚！ 糯米雞非常之足料，內裡有半肥瘦的义燒，冬菇，咸蛋，還有一隻雞翼👍桑寄生蓮子茶，帶它返屋企嘅時候已經嗅到好香的桑寄生味道，味道不太甜蓮子味突出。而鳳爪排骨飯內的排十分嫩滑，還加了有很多蔬菜，比起酒樓的較健康。至於鵪鶉蛋燒賣已經好少地方會有得賣，沒有味精，所以每次外賣都是我的首選。

天氣炎熱，一出地鐵站，看到唐記包點新出的飲品，性價比高，即買支止止渴。而媽媽及哥哥也順便買點蒸飯點心一起品嘗~海鹽檸檬柚子蜜，味道天然，甜度適中，嚐到微微酸甜的檸檬柚子味，同時滲出絲絲的海鹽味，清熱潤喉，生津止渴~山竹牛肉，大粒圓潤，口感嫩滑彈牙，富濃厚鮮香的牛肉味，混合爽口的馬蹄碎粒豐富口感，再淋上喼汁，酸香醒胃~鮮竹卷，外層腐皮煙韌軟糯，佈滿醬汁，包裹著鮮美的豬肉、冬菇及生菜等，肉汁滿瀉，鹹香惹味~雞扎，大件足料，薄而煙韌的腐皮包裹著肥美肉嫩的雞件、爽滑的豬皮豬肚及軟糯的芋頭，口感及味道層次豐富，香口滋味~章魚肉餅飯，混合章魚、豬肉、冬菇及馬蹄的肉餅厚而大塊，鮮香可口，肉汁甘美，章魚香味滿載，簡單配搭白飯及蒸飯豉油，滋味十足! 蒸飯點心保持高水準，鮮香味美，而新出飲品也相當可口，價錢相宜，是家人最愛的簡便飯堂~

唐記包點一直是我喜愛的外賣點心食店。唐記的包點和點心除左可以與酒樓的點心媲美外，價錢都比較優惠。這次買了豉椒排骨飯、鳳爪，山竹牛肉、燒賣、蔬菜香菇飽和沙嗲牛肉飽。蔬菜香菇飽是我每次必點的飽類之一，餡料有雲耳，香菇和蔬菜，雲耳很爽脆。沙嗲牛肉飽第一次吃，餡料分量不少，有香濃沙嗲味。燒賣是豬肉燒賣，皮薄餡靚。排骨飯有飯，菜和排骨，淋上豉油，傳來陣陣香味。一個排骨飯$27，已經可以填飽肚子，非常優惠。山竹牛肉和鳳爪都不錯。

✏️香芋包 ($8)其實我好多時都會買唐記做早餐 當中最鍾意食嘅包一定係黑麻蓉包🤪(對佢嘅熱愛程度真係好誇張唔係講笑🤣)不過其實佢其他好多蒸包我都好鍾意食 特別係甜嗰啲 有日突然之間好掛住台灣嘅芋泥 所以就買咗個香芋包頂下癮😌甜度適中 芋泥餡都幾多 未係打到完全蓉嘅狀態 會食到少少芋頭嘅顆粒感 好食🌝

今天天氣非常酷熱，幸好輪班工作的我今天晚上值班，能夠避開炎熱的太陽伯伯。不想接觸陽光，但係想吃到新鮮的食物，只能夠到與商場連接着的商店尋找美食。唐記包點一直都是我最喜愛的外賣點心鋪頭，因為這裏有我最喜愛的金錢肚，這裏的金錢肚能夠與酒樓質素媲美，非常出色。有另一樣野我喜愛的是沙嗲牛肉包，這個充滿創意的中式包是其他地方吃不到的。還有其他不同的點心例如燒賣，牛肉，等大家都會喜愛的點心。值得一提的是，這裏還有糖水，今次點了腐竹雞蛋糖水，感覺還不錯，下次必定再食。這裏的服務員姐姐態度非常好，令食客有賓至如歸的感覺。餐廳位置極佳，與商場相連接。

唐記包點總有一間係左近今次出完街諗住買返個晚餐返家食行經唐記包點決定買些蒸飯、點心、蒸包返家做晚餐可能都開始晏了，好多包點都已賣清，呢間唐記平時都好多人會買早餐、午餐，常常會見到排曬長龍先排隊比錢再等叫號碼，好快便買了一袋外賣回家了今次買了兩個包，一個叉燒包，好大個比起係酒樓吃的。又多汁又多餡，好好味另一款買了蕃薯包，見比較少見，所以便買來試試呢個包比較飽肚，因為蕃薯本身都飽飽的，但味道唔錯，甜甜的買了三款點心，有我最愛的春蛋燒賣，呢款點心好多酒樓都冇得賣了，呢度仲可以食到，而且味道不錯的。燒賣啖啖肉又惹味，好彈牙。另外鮮竹卷有3條，好多汁，好味雞札大大件，入面有豬肚、雞、棉花、好好味，而且腐皮都做到好入面，好正我們仲點了一個蒸飯，章魚肉餅飯白飯份量不少，而且肉餅混入了章魚，好惹味及有咬口，肉餅一向都用來送飯一流，唔錯唔錯。近近地又可以買到點心外賣返家吃，正。

放假想留係屋企食點心、包點、蒸飯，唔使去茶樓等位，都可以食「唐記包點」，我覺得中午去買蒸飯最抵最岩時候，而早餐食包點亦都方便購買又抵食。我買左一個蒸飯、超大隻糯米雞、點心、包點、糖水，夠2-3人食，都好抵，而且蒸飯幾健康。雞蛋牛肉飯 $27，牛肉餅好嫩滑好鬆軟，味道口感同山竹牛肉一樣咁好味，而且牛肉味重，配煎蛋同醬油，還有椰菜配搭夠哂均衡飲食，飯的份量也適中，飯粒蒸得爽身唔會糊哂，係飽肚又健康的午餐之選。足料糯米雞 $27，超級大隻夠哂份量十足，內有雞翼、叉燒、咸蛋、肉燥……味道濃郁，肉汁豐富，糯米飯亦香軟綿糯，夠2個人分享都得。香菇雞包 $8，一咬落去熱辣辣，有陣陣香菇味，雞肉好滑溜，仲有木耳絲增加爽脆口感。中式包的鬆軟滿足感才最正。香芋包 $8，餡料都幾滿，但唔夠滑，偏硬身少少，不過食到芋香夠真材實料，包點口味選擇多，仲有其他味的包都好正，芝麻包餡料較滑。鵪鶉蛋燒賣 $18，好耐冇食的懷舊點心，唔係好多地方有，呢度有真係岩哂，可以時常食得返。豬肉餡好嫩腍帶肉香，玩鵪鶉蛋味道更濃更香。桑寄生蓮子蛋茶 $14，溫熱微暖，入口順喉舒服，微微甜味，有紅棗蓮子補身，配合唔少得既雞蛋，中式糖水

今晚凌晨撘飛機去日本, 諗住去青衣坐機鐵入機場，夜晚11點幾唐記竟然未關門!!即刻衝入去睇下仲有乜買先😜平時唐記d 蒸飯出名抵食大家都應該食過，我都係常客，但青衣呢間竟然有糖水! 係我最鍾意食嘅白果腐竹雞蛋糖水!! 味道剛剛好，唔會太甜，食到底先發現原來好足料!!! 但好似唔係間間有，青衣呢間除左有糖水，仲有奶茶!! 不過佢話今日奶茶賣晒所以我唯有下次再買來試下la~~ 另外仲買左鵪鶉蛋燒賣、 菜肉包同奶黃包, 上機前食小小啱晒😁😁😁