唐記包點 (MOSTown新港城中心(4期))

营业中

休息中

之前覺得馬鞍山無咩好食點知有次比朋友帶去唐記食飯....讚讚讚!!!!!我叫左個北菇雞肉飯d雞肉好香好嫩,下面有雞汁送飯一流牙!!佢係一籠籠咁蒸出來,既新鮮又好味只係$17蚊,仲送菜,真係飽死又笑死唯一唔好既係佢係馬鞍山街市入面可能好埋,所以唔多人知不過真係值得去多幾去!!

吃完燒賣在街市裡閒逛一圈後,經過這間蒸飯店發覺剛才的人龍沒有了,店裡還有空位,既然自己仍是半餓不飽,那就趁機一試吧。鳳爪排骨飯跟一碗燙椰菜同上,很少吃盅頭飯會主動加配青菜,這方面的確要加分! 盅頭飯以我最喜歡的瓷盅來蒸,這才像盅頭飯嘛!!由於流量高,蒸飯不會蒸得過火,飯粒粒粒挺身,就算加了豉油後也不會太軟身,是很好吃的軟硬度米飯;鳳爪不算很入味,肉質總算軟淋,以味道來說不算太出色;排骨帶點點肥肉,所以吃來頗為甘香,肉質相當嫩滑,只是較為細粒,味道還算入味,不俗;豉油是自助形式,味道不會太咸,在個人口味而言可以再甜一點就好了燙青菜用上椰菜,可能蔬菜質素所限,這小碗椰菜沒甚味道,不過可以增加纖維就ok了。廚師都是年青小伙子,想不到蒸飯蒸點心的功力也不俗;門外負責外賣的年青人雖然極為繁忙,但仍頗有禮對每位客人問上同一問題: 要唔要豉油/菜?? 反而傳菜的阿姐們沒甚表情。吃完之後,飽到想死!! 逛了商場一圈後再到花墟巡視,順道消化一下。

尋日(20/7/08) 由於有需要到馬鞍山，即刻上o黎開飯搵食，所以就o黎o左呢度。以排骨飯見稱，當然要試o下佢o既排骨飯啦！我要o左個鳳爪排骨飯，太太叫o左個豉椒排骨飯，再加倆個點心：鮮竹卷、雞扎。點心先到，先試鮮竹卷，掂喎！我本身好"好"鮮竹卷，平時飲茶都差唔多一定叫，而且通常都係小點喎。不過唔係間間酒樓都整得好食，有時太多油太油膩，有時太多肉太實淨。呢度就味道同份量都剛剛好，只嫌蠔油味不足，不過已經好滿意喇！雞扎用料同平時食到o既有o的唔同，以芋頭取代火腿，豬皮代替魚肚。改動可能有廚師o既心思或用意，但就唔及傳統火腿同魚肚咁惹味。不過$12蚊雞，當然要扣少o的分。排骨飯係原盅蒸，唔似大家x、美x，總係好似最後將排骨放上面咁...！肉汁落晒飯面，可以好好享受第一層香飯而飯粒仲保持乾身一粒粒，唔會一pat pat，個人比較欣賞。排骨唔肥，否則o的油滲落o的飯度，就太油膩喇。加埋豉油，一句講晒：好味道！o的味道仲令我諗起細個時時幫襯間屋村酒樓o既排骨飯。(回憶中o既食物總係好似好味o的！？)舖頭響街市裏面，環境絕對稱唔上舒適，但總算乾淨。味道就絕對值得笑笑口o羅！

行入新港城街市見有兩條長龍排隊一條排車仔麵...另一條排排骨飯今次試下排骨飯堂食排骨飯送一碗白灼菜...冇咩味...但叫做有d纖維質啦主角排骨飯飯粒尚算軟硬適中,排骨夠軟滑...有味...係略嫌太細粒佢仲有5-6款點心個鵪鶉蛋燒賣唔係處處有得食都有蝦同肉...唔錯!!下次會再去試下其他飯

今晚到唐記買外賣，兩盅飯加三碟點心，埋單收$68。先講食物，盅頭飯(每盅$17)份量剛剛好，今次選了北菇滑雞以及豉汁排骨，味道同酒樓差不多，我自己覺得幾好味，最少雞冇骨啖啖肉，排骨又唔會太肥或者冇肉得舊骨。另外點了雞扎、鳳爪和鮮竹卷，個人覺得鮮竹卷最好食，鳳爪個汁就麻麻地，做唔到酒樓o個種味度。最令我欣賞係呢度D伙記服務，有禮貌又有心機，例如將d飯由個盅轉落飯盒都排得好好睇睇，唔係一般反轉個飯"cup"落去就算，俾完錢多謝前多謝後，呢d唔係間間食店都做到。