唐

营业中

休息中

今日去左Felix bb的lunch百日宴（其實百日飯可能比較貼切，因為只不過係幾個朋友食飯🤣）Felix媽媽喺元朗搵到間好正嘅buffet。呢間buffet餐廳叫唐，真係名符其實嘅隱世食店，因為佢並不是喺元朗市中心，要搭輕鐵去屏山站，但係落車過天橋，唔洗5分鐘腳程都已經到，搭巴士都可以，不過行遠d。由於豬小時候住附近，所以非常熟悉，講前往方法都講多左🤣順帶一提，係有車位嘅，方便駕駛人士。餐廳都幾大，樓底高，室內以木材為主，帶東南亞氣息，卡座私密度都幾高，乾淨企理，非常舒適。食客都幾多，所以不便影相了。戶外方面都有幾多影相打卡位，最吸引莫過於小滑梯，唔理好唔好玩，已經好吸睛。仲有小丑扭氣球，場內仲有棉花糖機、爆谷機，岩晒小朋友。食物種類對比大酒店黎講唔算太多，但都提供多款國際化美食，當中包括海鮮冷盤，有鱈場蟹腳、鮮蝦、海螺等， 望落都好新鮮同大隻。仲有沙律吧，各款沙律新鮮精緻，夾沙律好易跌到周圍都係菜，但呢度有店員不斷refill同清潔，食左d沙律菜同車厘茄，鮮甜冇苦味。現場有即切紅燒牛肉同羊肉，肉嫩juicy，羊比牛出色，但唔夠熱，可配上芥辣汁同吃，但豬呢排試緊生酮飲食，所以冇添加醬

早喺一個月前已經book咗呢間餐廳同小朋友喺假期嚟玩，未嚟之前小朋友睇相已經好期待。嚟到門口已經有影相區，餐廳都幾大，大概分三個區同一間大房，每個區設有不同食物，客人唔使堆晒喺同一個攞食物。餐廳除咗有小朋友設施外，每個區都投影機播放放米奇卡通，不過睇見無小朋友睇。雖然食物種類唔多，但係味道幾好，而且小朋友開心，服務都令我好滿意，收碟快，去拎食物嘅職員都好有禮貌。每位付費客人除咗可以憑機票揀多一款餐飲。玩樂小設施，小丑哥哥好受小朋友歡迎，每個汽球都好用心扭，好有耐性，好有禮貌，睇得出右下兩張相係恐龍同槍嘛。蝦同煙三文魚唔錯，蟹腳肉有啲少，翡翠螺可以，有幾隻食到有沙。焗蠔好味，燒羊脾好嫩。忌廉湯麻麻。燒烤好多人拎，基本上一出就無。每位一份片皮鴨。甜品好用心，唔會太甜，馬卡龍做得好好。芒果糯米飯，細細份，芒果好甜。即燒焦糖燉蛋。大概一點半左右小朋友可以參加一個免費嘅簡單甜品班，左下嘅甜品就係小朋友整。除咗棉花糖外，仲有爆谷。Dreyer's雪糕都係任食，有兩款味。

德國風味餐廳，不過不失，有小小貴。豬手好大隻，都好好味，性價比高。但係我最期待既海鮮飯，我都幾失望，唔係唔好味，而係無乜味，唔太值呢個價。反而個包幾好食，配埋佢個醬我可以食兩個。親子餐廳為賣點，但玩樂地方細，設施好舊同感覺唔係幾乾淨，好多都生銹。我唔放心俾BB係到玩。但好處係免費泊車，適合大家庭聚會。有人會黎sell會員，有八五折，我諗住附近又成日同屋企人聚餐都可以考慮下，佢集團有廿幾間餐廳都用得。

已經阻止唔到香港人想去旅行既心喇～連食個自助餐都要揀悠遊異國主題😆唔係朋友介紹，真係唔知屏山有間咁正既餐廳！元朗站轉輕鐵過黎屏山站落車行幾步，大概15分鐘就可到達，交通尚算方便！主題自助餐每逢星期日或公眾假期先有😎 可以由11點食到3點～預約時要留意日期😉比起酒店自助餐，依到相對行親子餐廳路線👨‍👩‍👧‍👦除左食野，另有小廚師工作坊、小丑哥哥扭汽球、氣墊球、籃球架、户外遊樂區，大人細路都可以一齊參與～＊－。－。－。－。－。－。－。－。－。－＊指定動作！係門口GATE位拎住登機證打打卡先！✌🏻✨登機證係稍後用作換領免費Cocktail或Mocktail一杯～千祈唔好整唔見啊！自助餐分為幾區，室內室外都有，平均分佈餐廳唔同角落，可以分散到人流幾好👍🏻以下為大家粗略介紹一下～🙆🏼‍♀️＊－。－。－。－。－。－。－。－。－。－＊🔺冷盤區 (室內)每次自助餐最回本方法都係食冷盤😆海鮮有蟹腳、凍蝦、螺。Refill幾密，長拎長有～蟹腳鮮甜多肉，凍蝦肉質爽彈！😍真係食多多都得！火腿、芝士、煙三文魚依啲唔少得想健康啲既都有沙律吧🥬另有日式卷物提供＊－。－。－。－。－。－。－。－。－。－＊🔺熱食區 (室

🍧自助餐嘅甜品corner好多選擇 淨係蛋糕🍰都睇到我眼花🤩🤩仲有個macaron塔同朱古力噴泉⛲️🍫🤤睇見都開心首先我係食咗啖熱辣辣嘅豆腐花先😋超級香滑 加埋黃糖係冇得輸🥳🍰食咗件芝麻mousse蛋糕 芝麻味濃 唔錯🍨有即叫即燒嘅creme brûlée😍好香蛋味 質感都滑另外🍿同棉花糖機當然唔少得😍呢個嘉年華真係乜都有❤️入場嗰張機票🎟一定要keep住 因為憑飛可以換領cocktail或mocktail一杯🍹不過味道就冇乜特別 好似普通汽水咁

男朋友升職，值得慶祝一番😍想係元朗附近搵間好味西餐廳，見到呢間都多一讚就試下先去到環境清幽，坐位都舒服😌每樣食物都好滿意，好食😋期間仲有人黎介紹會員，都幾抵，如果一年會黎幾次係可以考慮呀

係收緊限聚令之前，我哋一家四個去咗屏山輕鐵站附近嘅一間西餐廳！喺輕鐵站行過去大約3分鐘嘅路程，門口有少少泊車位！佢有限兩個時段，六至八點，同埋八點後入座！我哋六點去到唔係好多人！叫咗以下幾款食物忘記咗呢個沙律叫咩名，味道一般，我哋四個人啱啱好一人一件！依個係煙肉芝士焗蠔，另外仲有一款菠菜芝士焗生蠔！我覺得呢個好好食呀，我都忍唔住食咗兩個！佢芝士味幾香濃，焗得啱啱好！依依款蜆肉青口Pizza就比較麻麻哋啦…佢係蕃茄張，但係都冇乜味，而上邊嘅料亦都比較少…下次唔會叫啦嚟到西餐廳，又點少得叫返塊牛扒嚟食！呢款肉眼扒我哋叫咗六成熟，左右比較熟，起碼都七八成！中間嗰啲都算六成嘅！睇落係用烤晚形式去煮，所以都真係幾好味呀！我哋仲叫咗個好出名嘅豬手，但係唔記得影相！我覺得佢個豬手係必要嘅！我見張長枱基本上都會叫！最後就食咗呢個甜品火焰雪山，冇乜特別。

入到嚟環境舒服，可以坐外面或入面現場有歌手唱下歌，但唔係次次好聽㗎，我嚟過幾次，今晚真係唱得麻麻地頭盤生蠔🦪好味 creamy ，正👍🏻👍🏻水牛芝士pizza，好味😋辣腸pizza , 不太辣 好味呢間係薄pizza 的 ，但唔會過脆過硬，真係好好食😋推介👍🏻👍🏻焗肉排，juicy 但略嫌太多醬汁，有點鹹呢塊肉眼扒真係不得了😍😍6-7成，控制得非常好，好好味😋另外呢三款有：燒菠蘿蔬菜拼盤、菠蘿忌廉焗澳洲薯仔、炒雜菇 都係好好食😋

疫情有啲稍為放寬，好耐冇試過出去食飯啦!俾我搵到間喺元朗屏山一間好靚嘅親子餐廳🍴，餐廳有分室內同室外坐，侍應非常細心，因為我地有BB所以俾咗一個角落我哋！我哋今次係星期六去所以有個lunch buffet可以試吓，食品種類都算多環境又清幽，最緊要係有停車仲要係免費！食到一半時間，會有小丑你同小朋友扭波波又可以喺出邊玩啲小遊戲，我哋當日有得玩親子遊戲係做特飲沙冰，有得食又有得玩，值得推介！我聽好多人講話夜晚黎仲靚，我都諗住再黎試吓！🤩

當晚我哋預早少少打電話去reserve枱，坐室內，熱天都係室內好啲，我怕蚊怕熱🤣 “唐”的環境很好，無市區嘅嘈雜聲音，慢慢享受食物同live music（只要唔好坐喺喇叭下面)，有啲慢活嘅感覺。不過冇揸車應該比較難去到。我地叫咗兩個主菜：炸蝦墨魚意粉同西班牙海鮮燴飯。兩個main都出色！炸蝦外脆入面juicy，炸得剛剛好。墨魚意粉口感al dente。嗰意粉sauce味道調得不錯，每條麵都沾到，不會濕不會太乾。海鮮焗飯有幾款海鮮...蝦好大隻！飯好夠味，有淡淡嘅海鮮味，再加上fresh嘅蕃茄甜！食物價錢較貴，但質素好，連不太中意食西餐的男友都讚🤣

趁暑假完結前星期一一早去摘香印提子，元朗人氣一向都高的親子餐廳一路都想試，終於有機會。可能平日關係，不用訂位，walk in 便可以。門口可以泊車，餐廳分室外及室內坐，我們一行四人選擇冷氣的室內坐位。因疫情關係我們分兩張枱，待應非常細心，馬上安排冰水。我們想試Set lunch, 有頭盤buffet, 主菜，甜品及咖啡茶，非常豐富。侍應提議小朋友可以不選主菜，包頭盤buffet, 甜品及果汁或汽水已經足夠。我們選了chicken burger with fries, 雞肉非常多汁，肉嫩，外邊脆，另外選擇蕃茄大蜆扁意粉，多汁，大蜆新鮮，很有誠意。甜品是迷你果撻，不太甜，生果清新。服務非常週到，下次一定會再嚟。

星期三平日中午去食午餐，平時都有去食開，環境是不錯的，同埋食個午餐好舒服。但疫情期間半年冇去食啦，今次去返食午餐，因全部都是女生就只有食前菜，食前菜及湯都已經好豐富好飽。前菜有前菜的沙律（12款）、熱小食（3款）及雜菜湯（淡味），就是少了各款的芝士，同埋少了生果，甜品就知得一款冇落糖嘅奶凍......侍應仲話係廚師唔記得落糖，就只有這個回應，冇任何補救的方法，我地就只有硬食，真失敗。 我知道在疫情期間各方面都減少了選擇，這個我能理解及明白，但係廚師嘅失誤亦唔去補救就是真的失敗。做錯事就應該道歉，這是應有的態度。

第二次黎唐食晚飯今次夜左, 又無book, 2個人被安排坐室外.檯下有蚊香, 唔怕俾蚊咬.大熱天時, 叫左兩杯凍飲解下溫,叫左iceberg, 味道有d 似lemonade 加 雪碧,無藥水味, 無怪味.餐廳氣氛好好, 有live band,有人生日, 歌手就會去客人張檯唱生日歌,餐廳亦會送上蛋糕👍🏻叫左一個吞拿魚沙律吞拿魚厚厚有4片👍🏻仲有蟹肉沙律, 蟹肉味道新鮮👍🏻叫左一個海鮮湯配蒜蓉包,見到已經好興奮!! 有4條蟹腳, 好多青口, 墨魚仔, 有2片魚肉, 有一粒帶子, 仲有半邊龍蝦, 同一條龍蝦尾!! 4條蒜蓉包.全部都好新鮮, 肉質彈牙,煮得合時👍🏻湯唔係一般西式龍蝦湯咁濃咁稠, 但味道絕對唔差, 好有海鮮味!有個半價menu, 有幾款菜式可以揀, 有雞配薯餅, Pizza, 焗蠔等等但因為我同朋友兩個人, 飲完個湯都好飽, 所以就無試特價菜式啦!今次我地仲join 埋會員, 1000幾蚊, 送嘅400蚊coupon 可即時用, 會員優惠7折亦可即時減. 仲送一疊coupon.今餐飯本身900 幾蚊, 折實200幾蚊, 好抵呀!只要平多300幾蚊, 會費就抵返啦! 會員喺同集團

一家大小已訂位，在炎熱露天的接待處，暴曬15分鐘才有人接待入內。自助餐食物質素普通，座位安排惡劣，坐在玻璃門旁，員工還要將大玻璃摺門半開放著，玻璃門頂住嬰兒Highchair，非常危險。向員工反映後，屢勸不改，而且黑面，態度惡劣。

家姐生日大家就想俾個驚喜佢，帶去食呢間唐 .. 位於唐人新村及洪水橋邊，地方好大架日仲可以帶寵物一齊去食飯。白酒煮大蜆，鮮甜白酒唔會搶咗啲海鮮甜味。我未去過西班牙，但係我都覺得個海鮮飯好新鮮，大大隻蝦。德國鹹豬手，睇落覺得好肥膩，但係配上德國酸菜，油膩感即刻降低😆😋。反而個炸蝦墨魚汁意粉，比較平平無奇冇特別驚喜🤷🏻‍♀️。飯後甜品，外面有冧酒，裏面夾雜左雪糕同蛋糕。每位壽星女，都會獲得餐廳一份小禮物，😬雖然係小，但係心意非常之貼心。