唐

营业中

休息中

上星期六趁住父親節、家人好耐冇去過唐餐廳食嘢，趁住節日再book餐廳晚上食，晚餐分左兩個時段，我哋卜咗第二時段，八點鐘到達餐廳，職員帶領入座見到餐廳差唔多爆棚，坐低後即時叫嘢食，我哋點咗五樣嘢食，點知職員返轉頭同我哋講五個有三個已經冇得order😑 重話係要專登留畀套餐客人點，我哋覺得好奇怪點解散餐唔可以order，如果係咁安排，餐廳理應唔好再接受booking，未食已經一肚子氣😵跟住職員叫餐廳經理來解釋什麼原因😌跟住經理嚟左及回覆可以order番之前所叫的食物😪其實我哋order啲食物系餐廳嘅基本食物。於是叫咗德國豬手、蒜香意大利粉， spanish pizza，Us rib eye 450g牛扒，豬柳意大利飯，及stella啤酒1L，分左兩大杯，份量十足。唐呢間餐廳嘅食物質素同之前比，差左好多。豬手炸得比較乾身，變咗食落去有啲鞋口，肉質偏韌麻麻哋😪蒜香橄欖義大利粉，蒜香味濃郁，好食合格😜pizza就正正常常冇乜特別。牛扒order左五成熟，切開唔會血淋淋，好juicy👍👍👍保持一貫水準。豬柳意大利飯，飯嘅質地好好，都OK好食，但豬柳就比較鞋口，麻麻地😵總括來講，唐初期幫襯時食物質素

呢一間「唐」 係朋友揸車帶我哋去嘅 餐廳佔地極大有5000尺 可室內室外用餐 室內有氣氛高樓底 一去到門口覺得好似去咗鄉村俱樂部咁😂門口有各式各樣嘅兒童設施滿足到大人同小朋友嘅需要🤣🍗鹹蛋黃炸雞翼及薯皮$128好鍾意呢一道菜 即炸雞翼熱辣辣 面頭鹹蛋黃醬係超級香濃濃稠 好味到食咗兩隻🤣再配埋香脆薯角 滿足❣️🦪煙肉菠菜焗生蠔（半打）$268生蠔上有菠菜煙肉芝士一齊焗 微微焦香味道調味剛剛好 但焗蠔食落去比較乾身少少 焗嘅時間再調整一下會更加好🤣🍝卡邦尼意粉$188意粉上 可愛小巧的parmesan cheese 脆脆放左隻溫泉蛋 將溫泉蛋整破再作攪拌 呢款係有用忌廉嘅 香濃忌廉加上蛋汁 醬汁質感唔會勁濃稠 加上煙肉嘅鹹香所以唔會好漏 好味 不過未算非常出色🍴德國腸拼盤$290多款德國腸仔 每款各有特色 香腸皮脆口 香腸有肉汁 份量都好足夠 而其中一款辣肉腸味道有點太鹹😆即刻加返少少酸椰菜 及薯角一齊食 中和返 拼盤送酒一流❌德國豬排骨$148呢款唔建議大家叫 唔知係失手定點 肉質比較乾 過咗火喉 ✅幾推薦大家去 尤其是有揸車 因為泊車就喺餐廳出面 幾方便係一間真正嘅親子餐廳 同時間其

二個人$700幾蚊食個Lunch, 點知又難食又唔飽, 不會再去了！首先每人點左個二佰幾蚊既午餐啦, 點知牛扒厚切, 佢會俾四瑰「瘦叉燒」又乾又薄又無味,由於係半自助餐, 可以任飲湯及任食餐包及任食沙律, 但無理由揸車來到要食幾個餐包先食飽架，於是咪再叫其他野食, 嘩!唔知點解食幾隻生蠔啫,要開左半個鐘..... 先來跟住有條友行埋來Sale你入會一年幾錢，有幾好、有幾著數, 又想夾你幾仟蚊想舒舒服服食餐好D既西餐啫, 點解會咁既？

元朗友話黎食嘢，價錢唔貴，味道好，King Parrot 集團下的西餐廳之一，會員有折，如果附近住，成日過黎食認真抵食。呢度近洪水橋，一入門口可以泊車，餐廳亦為食客提供免費泊車，環境好大，卡位闊落，坐得舒服，三五知己一齊黎食啱曬，可以叫多啲野！餐廳範圍，地方相當大，餐廳主要分室外和室內，用上大量落地玻璃，空間感非常好，感覺非常良好。食物選擇非常之多，我地叫左： ❣️Twisted Soft Bread with cranberry spread 新鮮即烘軟包，熱辣辣，香噴噴，外脆內軟，再搽上芝士紅莓醬，好味道😘😘 😋美國特選級肉眼扒點咗五成熟，牛扒表面有光澤同好靚嘅網紋切開見到大概去到六、七成熟到，肉質比較結實有嚼勁，牛味濃郁 另外，德國豬手外脆肉嫩、青口好大鍋，食極都有甘！ 最後甜品點火焰雪山蛋糕，打卡一流。呢度食物水準夠出色！餐前麵包真係好好味😋，青口夠香滑，牛扒剛剛好、火焰雪山甜品夠出色！

朋友介紹黎食嘢，價錢唔貴，味道幾好，有驚有喜牛扒唔錯，熟度啱啱好卡邦尼意粉唔係正宗果隻，但味道都幾好Margherita Pizza都ok，見有款係水果Pizza，雖然冇試甜品超正，Creme Brulee大大碗最大問題係凍食方面，生蠔食落去唔新鮮，有啲怪怪地，食咗一隻就冇再食。廚房係半開放式，可以睇到廚師點處理食物，唔知係忙定佢哋唔記得，竟然見到廚房阿姐冇帶手套，見到佢徒手整沙律可能係上咗年紀嘅人，衛生意識差，但做得廚房嘅衛生係基本嘢，仲要依加係疫症時間，睇到都唔敢食總結：會再幫襯，但唔會叫沙律。

原本諗住同個fd食個birthday lunch,點知餐廳原來已經轉左自助午餐。我book位果陣又無人提，我仲要預先講明係想慶祝birthday想order定個cake。我知道平日lunch時間都唔會full,所以walkin其實無問題。去到講明左book左位，職員又好似無sense，咁我都估到應該無幫我準備個cake架啦。咁講返佢個半自助午餐先，最貴都唔過200，所以價錢上可以接受，而且環境寧靜，下午時間同朋友傾計，坐足成個下午其實幾爽。自助bar啲嘢食好新鮮，而且個餐湯都好好飲，質素上係ok. 反而main course就爭少少，叫左個厚切西冷，好似細舊左少少本來諗住俾個surprise 個fd,最後surprise 果個係我...搞到我安排上好似失當咁

揸車黎到元天屯，想搵個地方好好坐下，結果黎到依度，Chill 門口免費泊車，入到去，環境完全唔似入到天水圍，分邊有室外同室內，揀咗室外，貪佢有啲風坐得舒服，結果冇揀錯。店員安排我哋坐正係live band前面，有驚喜凱撒沙律擺碟靚，凱撒沙律其實黎黎去去都係嗰啲，但係佢放咗一隻炸蛋落去，再加上嗰一塊烤脆咗嘅煙肉，收到百幾，都值回票價。牛扒好大份，五成熟夠juicy，配薯條好味新奧爾良海鮮飯蝦岀奇地彈牙，但飯偏硬身，其他海鮮都一般因為係會員關係，所以送咗個甜品本身以為得一舊芝士蛋糕，但係一份甜品原來有兩舊，開心🥳白酒一支飲住酒加聽live band，一流真心覺得兩位唱得好好，可以點歌，好開心仲可以同侍應講點歌最後佢哋都有唱我點嘅歌，嘻嘻要讚讚女歌手把聲好有磁性，佢一開聲眼睛已經離不開佢，而男歌手把聲仲犀利，把聲好似煙喉一樣，我唔識形容，佢哋兩個都好into入去，都帶動到全場嘅氣氛，感覺非常好，因為佢哋唱歌太好聽，我由七點坐到10點。唔好以為外籍人士淨係識唱英文歌，佢哋唱咗一首韓文歌同埋廣東話歌，好犀利後記當日只係星期三，都非常爆場，所以如果平時黎，都要book枱，見到好多毛孩，都係一個消遣

今晚特別專程過嚟同朋友慶祝生日🎂，歺厂食物方面種類繁多，有海鮮🦞，薄餅，意粉🍝，甜品🍮都不錯，最緊要朋友見到為她安排火焰雪山蛋糕及現場生日歌演奏，她非常高興，給她一個難忘的晚上，另外，歺厂環境好有泰國feel好寬敞，現場樂隊表演，又有小朋友遊戲設施👍👍Twisted Soft Bread with cranberry spread $48新鮮即烘軟包，熱辣辣，香噴噴，外脆內軟，再搽上芝士紅莓醬，好味道😘😘

黎慶祝生日就一流 依度既環境好有去左外國餐廳咁 建議唔熱既時候 坐露天 好有情調 不過就要預備揸蚊膏果啲食物質素高 大人細路都食得好開心但依度好多人黎 要打黎預約先！一流呀！

_____好味指數：🌟🌟🌟🌟抵食指數：🤑🤑為咗慶祝朋友生日專程走到元朗食飯🎂呢間餐廳雖然叫「唐」，但其實係間西餐廳😂餐廳環境好大，有露天同室內座位，仲有駐場歌手🎤你有想聽嘅歌都可以點添🤩✅菠菜芝士焗生蠔試過佢哋嘅生蠔🦪就咁食已經好鮮甜🤤依家將咁大隻嘅生蠔再加入菠菜同芝士焗味道再提升一個層次🔝焗嘅時間控制得啱啱好，芝士完全溶於生蠔上，並帶微微焦香；菠菜亦好軟身，同時平衡到芝士嘅膩，連埋生蠔一齊食鮮熟交集味道出眾✅美國特選級肉眼扒點咗五成熟，牛扒表面有光澤同好靚嘅網紋🐮切開見到大概去到六、七成熟到，肉質比較結實有嚼勁，牛味濃郁，亦無乜筋同肥膏👍🏻✅挪威三文魚煎得好靚🐟深橙色嘅三文魚身見唔到有烤焦嘅痕跡，而魚皮煎得好香脆，魚肉味道軟嫩，配上佢哋特製嘅醬汁口感更creamy✅芭菲三文治賣相好好，咁華麗嘅甜品相信大人同小朋友都鍾意💞冰涼又甜嘅芭菲配上熱辣辣新鮮製成嘅窩夫口感特別又新鮮🧇配料仲有忌廉、朱古力醬同燴士多啤梨，記得連埋一齊食呀～

滿心期待食好嘢，餐廳環境可以，生毫都算新鮮，可能唔係主打牛扒方面，所以煎出嚟好弱。牛扒賣相可以，叫5成熟出嚟得3成多啲，唔知人手不足定係乜，上到枱係凍嘅，個心嘅質感係感受到凍，好難食！以為食緊剌身，如果要食牛，會選第二間，因為真係嘥咗舊肉。。。。。

朋友帶路去到元朗哩間西餐廳食飯，室外配有兒童遊戲及活動，有充氣彈床、掟籃球、迷宮、填色等等，完美地解決咗小朋友嘅需要後，大人就可以安心坐定定嘆食物啦！首圖嘅凱撒沙律好有驚喜，除咗沙律菜嘅擺法有創意之外，仲配有酥炸溏心蛋，玩味又特別！而個德國鹹豬手就係house special啖啖肉，食肉獸們有口福啦！而所有食物中要大讚個香草煮青口，真系我咁耐以來食過最好食嘅青口。首先上桌已經浸滿咗香草汁，青口超級超級超級肥美creamy，可以encore多幾次都得！而哩度嘅野飲都好有心思，造型特別，打卡一流。藍色嘅哩杯iceberg，其實係有少少菠蘿冰嘅影子，好清新同refreshing。而粉紅色嘅哩杯Tong's Angel相對之下就顯得平淡，但系打卡都好吸睛！總體價格中上，但系小朋友有得玩之餘，食物素質真的不錯，下次要試埋個buffet！

第一次黎呢間餐廳，好處應該係有得泊車，夠闊落，戶外掛滿吊飾，如果聖誕節黎，可能更有feel，因為會多咗聖誕樹🎄聽講以前有band show，但唔知係咪疫情關係而取消咗，所以失色小小，但整體闊落，唔會台拍台，都坐得舒服😌個沙律最特別係溏心蛋係炸嘅，所以好好味😋但塊煙肉又係炸的，好薄透啊😂😂那些菜都新鮮的，但我就平日少食沙律菜🥲之後菠菜麵超喜歡💕因爲很多醬，很天然的感覺，食曬！yummy ！個pizza兩個人好難食得曬，極大份，喊出來😭最後係火焰雪糕蛋糕，好靚，好多水果，同埋入面的雪糕有士多啤梨🍓同chocolate 味，食唔曬！因疫情關係，呢度收10點，所以間餐廳得返我同佢兩個人，最後waiter都叫收檔了，嗚啊～～～價錢略貴，但環境不錯👍😌

《唐 / Tong’s Road House Seafood and Grill》前年生日，老公帶了我來《唐》吃晚飯慶祝～餐廳唔算係太入，乘輕鐵再行過去都容易找到；另餐廳外有車位，適合駕駛人士。餐廳地方很大，有室內亦有室外座位，因天氣不太熱，我地坐係室外：芒果木瓜沙律，好味：我叫既煎三文魚，煎得好脆好香：老公叫既牛扒：Shared食既pizza，即焗，好好味：要打卡就必叫呢個火焰生日蛋糕，但係佢一d都唔好食，甜到不得了⋯打卡啦～好食，環境同服務好，但價錢偏貴。

因為想揾個地方chill又想帶狗所以揀呢度環境真係好好，又可以帶狗 (細狗only)😂😂香港真係少呢啲地方🙈Parma ham交貨泥嘅，所以唔評論啦😌雖然個青口同蒜蓉包擺盆咁樣但係味道唔錯👍🏻不過青口啲肉已經唔係用迷你形容，應該用納米形容😂😂😂芝士焗蠔唔錯👍🏻蠔亦唔會有腥味成晚最失望，碟意粉勁難食，無味嘅程度係小小鹽味都無🤯極度懷疑廚師發梗夢唔記得落鹽😂啲炸蝦又難食，粉漿厚過隻蝦🤯我地叫左medium rare但係一切開，入而全紅得面個陣係煎成啡色🤯我打包翻屋企翻焗焗完先變medium就想像到為幾生🤦🏻‍♀️整體來講呢間野食物質素係唔值咁嘅價錢，只有環境加分