唯一雲貴川風味

营业中

休息中

今天陪媽媽到荃灣買東西，之後她跟我說想吃那間極辣米線，起初我摸不著頭腦，後來我才知道媽媽所指的極辣米線是唯一雲貴川風味，我們差不多一年沒吃。我最深刻唯一雲貴川風味是它的辣度，記得第一次吃時「不知死活」，點了中辣，結果吃到鼻涕淚水流過不停，至此來吃米線都只選小辣。對著餐牌我苦惱好一會，不知吃甚麼配菜好，我記得這裡的雲吞不好吃，故撇除我的配菜名單，恰巧有食客跟我同樣想法說雲吞難吃。我忘了甚麼是豬頭肉，媽媽答即是豬耳，且這裡的豬頭肉蠻不錯，叫我試試看。最後我選配腩肉和豬頭肉，媽媽則吃腩肉和豬腸。雖然我點的是小辣，但其橘紅的湯色也能感受到它的辣度，辣得過癮。腩肉肉質軟腍，滷得入味，豬頭肉脆彈得很，頗有嚼感，豬腸處理乾淨，不會油膩膩的，三款豬配料各有風味。

自從喺荃灣返工開始，間唔中行過心思思都想食返碗米線，唔理佢外面人龍長到死，唔知要排幾耐，唔理佢加價加到飛起，都一定會去食！不過，睇怕今次都係最後一次！不停加不停加不停加價，所有價錢用卡紙蓋上去，加完又加，不過都係願者上釣啦！米線其貌不揚，我一向都叫佢做垃圾米線！我每次都係食少辣，不過今次食完之後，堅係覺得差咗好多！唔止啲餸比以前少咗、米線冇以前咁爽滑彈囗、啲湯仲好油，所以今次食完之後就肚子痛，今次食完真係怕怕！從前最恨食呢度嘅米線，依家竟然係怕咗食，真係可惜！

呢一間米線長期都排好多人，同左朋友都排左一陣隊，嗌左雲吞腩肉米線，米線好彈牙，雲吞都好吸引，呢一間米線份量都算好多，腩肉都好好味，味道辣得來又唔會太過份，岩岩好係你既最可以接受程度，下次會再來試下其他餸

荃灣一向都係米線重鎮，假期想去任何一間稍有名氣既，都有一隊長長既人龍，雲貴川就係其中之一，好彩平日既時候唔使點排已經有得食，米線發展到今日，每間名店既口味都唔同又各有追隨者，好難話邊一間係最好食，我鐘意雲貴川係佢自己醃既酸菜，開胃得泥可以中和番辣味既不適，米線亦有咬口，一碗出色既米線，單係湯底同米線已經令你食曬成碗，反而餸係其次

次次經過呢間都都排晒長龍😑以為夜晚就嚟關門冇咁多人 點知去到都系要排隊 真系好多人食啊🤧.👉🏻小辣湯底 腩肉+雲吞米線($45)淨系睇呢張相都見到碗野系有幾多腩肉😂腩肉肥瘦適中都好入味🤘🏻.雲吞就😢有一刻系到諗系咪叫錯左水餃 啲皮同水餃一樣咁厚🤧而且入面啲餡加左腐乳 酸酸地有啲怪.湯底同酸辣差唔多 有好多酸菜同芽菜系碗米線入面 不過個湯太油 聽人講好似話可以走油 可以試下走左佢🥳而米線就普普通通 但真系好多 多到食唔晒😂—————————————————唯一雲貴川風味荃灣四陂坊14號地下

平時晚餐時間黎一定要排隊，仲會好多餸都無，難得今日2:30左右去食，終於唔使排，想食既都食到，非常好。每次黎一定叫炸醬同豬潤，今次豬潤有少少失望，比較多筋難咬。芽菜依然好多，會食唔曬，但米線就少左，食完好似不太夠飽。今次發現d阿姐都幾好人，有客人第一次食，唔知叫咩餸，阿姐非常詳細介紹，唔食辣有咩咩揀，唔要酸可以走酸菜等等，係一間人流甘多甘忙既鋪做，有甘既服務態度好難得！呢間米線每隔一段時間就會想去食，好似中左毒甘

有別於X仔，呢度嘅米線非常重口味，湯底好濃郁，好多料，好辣，好勁....成日都聽到介紹，話嚟到荃灣必食嘅米線鋪就必定會有呢一間唯一雲貴川風味，呢度成日都要排隊等位，可想而知有幾旺場，不過加價加得好快，上兩年嚟都仲係$47三個餸，而家已經要$52三個餸，不過唔緊要，好食就得喇！因為知道佢啲餸本身就好辣，所以湯底就叫唔辣，廢事食得咁辛苦啦，裡面揀左三個餸，有豬耳，豬頭肉同埋腩肉，勁大碗，湯好濃味，啲餸都好辣好入味

經常都見到呢間野排長龍，所以平時都冇乜機會食，今日見冇乜人排隊，就過嚟試吓，思源之後覺得冇咩特別姐.....涼拌皮蛋($28)皮蛋係糖心，蛋白比較煙韌，糖心一般.....雞翼腐竹米線($45)自家製滷水雞翼，味道帶點甜味，估計係滷水汁裏裡加咗糖，富足嘅味道都好重口味，米線彈牙，不過湯底就敗筆⋯⋯只有酸菜味，而酸菜嘅味道亦都蓋過食物本身嘅味道，自問都係一個鍾意食酸嘅人，不過我都嫌佢太酸豬頭肉腐竹豆卜小窩米線 ($59)豬頭肉即係豬嘅面頰、豬耳頭等等，先用辣醬醃製，味道幾香，不過都係輸湯底，酸到一個點好唔好食，就真係見仁見智，不過要我排隊的話，我應該唔會選擇呢間🤷🏻‍♀️

一直以來呢一間唯一米線係我最鍾意食嘅米線，好耐冇食米線，今日突然非常想食，第一時間諗起嘅米線就係佢。😆下晏晝兩點鐘去到仲係非常多人係門口排隊，入面好多人好迫，我叫咗炸醬雞翼蘿蔔小辣米線外賣，外賣都等得幾快嘅。返到屋企打開碗米線，見到外表同以前一樣咁吸引。點知一食落就知道賴嘢啦！！唔知點解會米線有浸奇怪嘅唔屬於米線既味..😩炸醬都唔入味，雞翼算正常，蘿蔔就好甜好好食！可惜d麵線湯底唔掂，而且米線又煮太耐，所以成碗感覺好差！我由超級fans變到完全唔想再食呢間嘢😪😭👋點解會咁㗎，仲要成53蚊，諗返都嬲

諗住下午菜時間黎坐坐已經3點都仲超多人位都好難搵不過員工服務好好即刻幫你砌位抵贊入去之前已經聽講好出名真係好期待啊！即刻就叫左我最鐘意既酸辣腩肉米線好吸引！一黎個腩肉隻色已經令我流曬口水啦！不過點知名大於實米線過硬 唔知係咪太多人煮唔切好失望腩肉就唔錯肥瘦得宜但酸辣要加$7實太貴而酸味不足 被辣味蓋過再次很失望但勝在份量很多腩肉同米線都夠2個女仔食！女士建議可以少米 以免浪費但整體都是比期待中差不會再去

唯一雲貴川風味在荃灣甚至是香港一向也有一定的名氣 亦令不少港人由其他地方遠道而來去一嚐風味 而作為米線愛好者的我 當然也不會錯過這間赫赫有名的傳統雲南米線食店我點了最著名的腩肉炸醬米線 的確非常惹味 由於我並不能吃十分辣 腩肉及炸醬本身的辣度已讓我吃得非常惹味而酸菜的酸度亦剛好 令我在濃濃的湯底中亦感受到小許的酸味 整體而言 米線的硬度適中 湯底亦濃郁 唯有點美中不足的是 友人點了酸辣湯底 湯底的油膩感過重 注意健康的食家緊記提出少油的要求 以免太過油膩

喺荃灣食米線， 一條街跌落嚟嘅招牌都有排揀，講食開又營業一段日子嘅鋪頭當然有呢間份。 盛興果時排曬長龍， 而家見唔到人龍唔代表佢唔好食㗎。前鋪係得幾張台，啲呀姐好好㗎，只要有位，你想揀邊個靚位都得，絕對唔會強迫你指定位，同人教硬迫一張枱，然後同隔離唔識嘅人筷子打筷子，膊頭掂膊頭。餐牌就喺牆上，擰到頸歪睇食乜， 唔好畀佢餐牌上面嘅xx+xx嚇到， 啲餸係自由配， 唔係限於xx+xx。次次唔使諗一定要叫雞翼，入曬味，又淋，又香滑。幾高g嘅豬腸都要點，隨碗有芽菜、酸菜， 最出色就係個湯底，食過就個幾難忘，食到抹鼻水都要食。因為帶小朋友唔食辣，我叫一碗一餸唔辣小米線，呀姐提議我咁樣叫比小朋友， 即時覺得好為客人著想。出名嘅鋪唔一定"略水" 雖然佢地聲大大聲粗粗，我覺得唔代表係服務差喎。 其實我叫一碗小米線，佢根本冇必要提議你咁叫。人情和道理嘅關係。 除咗佢咁貼心嘅服務， 難以抗拒的味道， 無論如何都會返轉頭再食!!每次坐低即刻問有冇大枝豆漿，又抵又好飲。

好幾年前食過，之後念念不忘，今天放假不枉我專程再來！中午時段預咗好多人，不過呢到係食完即走模式，基本上好快有枱，阿姐亦會預先叫你落定單，坐一陣米線已經專人為您送上😋雞翼尖，腩肉、紅腸小鍋酸辣米線，翼尖保持水準，入味，腩肉都不錯，份量也不少，可惜紅腸失色，來貨完全不行，最後要放棄，害我少了一個餸😭，米線彈牙，湯底依舊濃厚，非常喜愛！呢到唔好期望環境舒適，服務週到，最好諗定食咩，但試過應該想再試！

早幾年嚟過，回憶好好。今日再過嚟，直情覺得中伏🤮。排隊人少左以為執到，原來又貴又唔抵。雲吞冇晒，雞翼冇晒。連個湯底都淡味🤢，盛為$59。辣味得個辣子，完全冇香味。完全覺得俾人搵笨。試過對面間川麵，幾乎半價相雙倍享受。大家自己諗。除非有改善，我一定唔會再來。可能租金貴，要縮皮，但係都唔係要搞到我要嗌救命。咁樣嘅價錢，半價就可以。真心要反醍。衛生環境相片自己睇。搞到我Trip Advisor 都要寫多一篇。呢度廁所同埋環境不嬲都唔好有大期望。但係咁多年完全係退步左。唯一最好嘅，起菜快。

想不到在荃灣工作了三年多，終於找到機會試到這間荃灣著名的米線店，因為每次經過時都見到大排長龍令人卻步，難得今日十一時多早放飯，於是決定入內一試。 十一時半雖然沒有人排隊，但內裡已經坐滿了客人，不過因為我只有一個人所以很快便有位子，店內非常狹窄，基本上每張檯都是由不同客人搭檯而成，非常誇張。坐下之後望著餐牌好迷惘，因為有太多選擇，一二三四餸有辣有唔辣，但我又不太能吃辣，最後我決定點雲吞米線唔辣。 米線好快送上，先試一口湯底，實在是超酸的非常醒神！！！再試吃雲吞，是我喜歡的薄皮雲吞，不過內裡的饀料，居然也是酸的！湯底和雲吞酸上加酸，簡直是味覺上的震撼！ 埋單$38一大碗米線其實都算抵食，只是如此酸+油+濃的特色重口味，我實在是不太接受到，以後路過都不用心思思再想試幫襯了。