唯一雲貴川風味

营业中

休息中

同男朋友不嬲都係米線食家，一星期起碼都要食一次麻辣米線先安落，今次經過荃灣呢間幾出名既米線，見到人少少唔駛等位就即刻入去啦～我叫左個腩肉紅腸雞翼米線（中辣），上到台個樣係妹吸引既，份量好足餸都好多，但係湯底真係偏咸，太重手啦，咸多過辣，我仲要叫中辣，但辣度都係一般，鐘意食辣既我就有少少失望啦～個湯底太咸，咸到我食完成晚都要不停飲水都仲係好口渴～ 但佢d餸係好食既，米線都煮得岩岩好，如果個湯無咁咸就一流啦～不過環境就真係非常一般，坐得好辛苦，一張圓台坐成8個人，同隔離位貼住咁滯，台同台之間又好逼，個晚仲要落雨，個個d遮濕答答都無位擺，總之坐得好唔舒服，只係想快快趣食完就走，整體黎講就未必有下一次了...

這間米線在荃灣有很多年，長期排隊鋪，相信好多人都絡有所聞，出名四川風味，夠辣夠大碗，從前只做米缐一味，現在還有小食提供，可以滿足各人所須，推介餸款係炸醬（不是譚仔那種），腩肉（不是牛，是豬，雖叫豬腩肉，但一D都唔肥，又厚又啖啖肉），豬頭肉，雞亦尖，自家製餃子，豬腸⋯一個男仕食一碗都夠飽，如果兩位兩碗覺太多可加錢加底，米線配料有芽菜，酸菜，蔥，配菜可以叫＂走＂，見好多人都會叫多蔥，不過就好快無蔥，大多數晚上19：00前都齊餸，過後就好多餸都售罄，尤其係餃子同亦尖，晚餐時間去食一定要排隊，地方亦唔就腳，但路過附近就一定會聞到佢陣麻辣米線味～

一間每日都是排長龍的餐廳，以我記憶就真係有20年歷史左右，他們標籤着自己是唯一，相信是因為外面有其他店舖都用了相同的名字吧！為了避免要排隊，我大約九點左右才去，點了個炸醬，腩肉及豬肚酸辣米線，炸醬基本上係每一位客人都必點菜式，非常香口惹味，令到食慾大增，有少少辣但係完全可以接受，腩肉及豬肚師傅都處理得非常好， 起菜也不用等得太久。而且米線也非常彈牙可口，外面有些米線店會煮得太林而令到整個米線失色，相信這也算是師傅的功力吧，值得推介。

今日同女朋友去咗城門水塘行下出下汗，行完打算食個下午茶，於是就去咗荃灣好出名嘅雲貴川食，我同佢都係第一次食。我就揀咗個酸辣腩肉豬腸，女朋友嗌咗酸辣雞肉，酸菜一啲都唔酸，腩肉又un，雞肉又鞋，豬腸無乜特別，無下次埋單$93無嘢飲，都幾貴

 細個果時就已經會去雲貴川，相信鍾意食米線既朋友應該唔會對荃灣呢一間唯一雲貴川風味陌生 。夜晚7點去到門外依舊排滿長長人龍 ，  前面位呀姨已經幫排隊客人落單，  等左陣就已經有位食米線最 最吸引一定係濃郁既湯底，而佢就除左辣之外，要記得一定再加酸菜，酸酸地幾開胃 ，另外叫岩配料好重要。個人推介呢間嘅腩肉,夠哂入味同唔會太肥、雞翼尖同雲吞(雪菜+肉碎)。價錢平，味道好 ， 不過因為坐位比較逼 ，食完要即刻走  

我覺得一碗好食米線其實湯底都好緊要更重要嘅就係米線嘅質地軟硬度巿適中唯一 亦都係我食過覺得好味嘅米線之一雖然唯一嘅環境一般 而且坐得迫迫gipgip而且有時仲要排長龍不過我覺得偶爾去食一次都OK嘅

全香港ge米線舖我估起碼都過千間間間ge特色都唔同有d sell 湯底有d sell配料特別不過呢一間就sell童年回憶係荃灣紮根幾十年，經過幾次搬遷終於落戶呢度雖然唔近地鐵站，但係因為名氣夠大食飯時間門口都永遠大排長龍蘿蔔腩肉中辣加蔥腩肉係鐵膽！佢唔似有d鋪頭係白烚d豬腩肉比你而係醃製過ge肉雖然重味，但係冇咁多肥肉加上有少少辣味非常惹味！加蔥免費gar如果鍾意蔥ge朋友記得加啦雖然一碗麻辣米線鈉同味精都肯定超標，但姐吃的不是米線，而是回憶！

細細個住過荃灣，今日舊地重遊，發覺街道還是老樣子，只是店鋪不知已經轉了幾多手。好在我地今日的目標食店還依然屹立不倒--唯一雲貴川風味米線。老店一間，環境欠奉，但下午2點幾的時間還是要排隊，充分證明人氣。左邊等外賣，右邊等入座，時不時有姐姐出來落住單先，增快速度。兩餸43蚊，三餸50蚊，比其他店特別的是“酸辣”都算係一個餸，因為姐姐話有多咗肉碎。酸菜腩肉米線，我最愛呢度既腩肉，因為一d都唔肥，完全就係瘦肉，而且本身帶一點辣度，惹味非常，而且份量非常多，但酸菜的份量更加驚人，基本每一箸米線都鋪滿酸菜咁滯，。酸菜豬肚米線，豬肚爽口彈牙，重點係沒騷味，姐姐會係點餐的時候問要唔要蔥，然後就。。。如圖一大把果然就是豪爽！腩肉豬肚米線，當兩樣都自帶辣味的食物碰撞在一齊，本身原味的湯底都變成辣湯，當然點餐的時候姐姐都有提醒過。麻辣皮蛋，原先係有6件的，吃咗兩件先醒起影相。多數米線店都係切細塊上，呢度一塊就係半個皮蛋，一碟六塊等於3個皮蛋，份量來說應該比算多，但皮蛋唔係件件都流心，有d已經乾硬化。童年回憶中最愛的米線，又酸又辣的感覺還在，仍然大愛，下次唔知又幾時可以搵時間再來呢。

位於荃灣呢間 "唯一雲貴川風味"， 真係無論幾時嚟都人山人海， 有一種無形嘅吸引力，無論天氣冷熱，都願意排隊， 呢度最特別嘅係個湯底， 真係好香濃鮮味嘅湯底， 絕對唔係 一滴香嘅感覺！， 聽講係用好多豬腩骨去 餚出嚟 ， 唔怪得咁鮮甜！呢度嘅腩肉全部都係瘦肉， 好有咬口，好有肉味， 你可選擇多蔥、多芽菜，少米線……走油，中酸辣等等...， 我個人最鍾意就係加豆卜， 因為豆卜可以吸收湯底嘅味道，入口份外香甜，一碗米線多餸都係50蚊有找， 而且 好大碗份量十足，每次都令人津津回味！

本來想食老闆娘，但星期三唔開朋友介紹這一間他們的酸辣湯底也計一款餸的要了酸辣，豬頭肉，腩肉(中辣)欣賞他們湯底可加葱，上枱時香氣撲鼻，先嘗一啖湯底，非常濃郁，酸酸辣辣帶點麻醬味，腩肉不是我喜愛的那款，它比較厚，似瘦肉但我第一次食豬頭肉，我很欣賞，骨膠原的口感，有點豬耳的爽口這碗是豬腸，腩肉，豬肚湯底味道跟酸辣沒差太遠，值得一讚的是料很多，唔會好快食曬d餸得番D麵蒜泥白肉口感好正，軟綿綿，有些青瓜舖底，增加膩感。

難得早收工就同同事落到黎荃灣覓食最啱就食熱騰騰既野其實呢間野中學喺荃灣練完跑一定會走黎食醒起中學之後都好耐無食呢間野還掂黎到一於就去回味一番啦適逢晚飯時間所以都等左成20分鐘先入到枱一坐底即刻拎起餐牌睇下先我叫左碗腐竹豆卜炸醬酸辣米線10分鐘度熱騰騰上到枱雖然湯底偏油但依然有好香既酸辣味豆卜完全吸哂湯汁既精華夠哂入味而腐竹就煮得剛剛好唔會話煮到爛哂個炸醬就中規中矩可能因為浸左湯走左味如果可以另上會更加好雖然比起中學貴左好多但總結黎講50蚊買返個中學回憶暖下個胃都值得既

食完想再食早幾天，要替媽媽到荃灣千色買衣服，所以很早已經出門去荃灣。買完衣服後，就想吃麵，可能早餐沒有吃吧，所以當時特別肚餓。所以我和媽媽，和姐姐，便一起去食麵。我們去到一間叫做唯一雲貴川風味 的餐廳。每人叫了一碗米線。我叫了豬耳，豬肚，豬腩肉，豬頭肉，小辣米線，大大碗的放到我們面前，而且下單後，上菜速度都可以。另外，這個米線香辣好味 ，配料又夠入味 ，米線軟硬又適中 ，所品食完真是想再食。整體來說，這間唯一雲貴川風味，真心不錯，食物味道好味，又夠入味，米線和配料的配合又可口，真心不錯。下次一定會再來。

前排喺荃灣見完個客，心諗都去到荃灣啦，無理由唔去食個米線嘅！鍾意食米線嘅人就係咁，點都會心思思想食碗米線呢啲就係米線迷嘅心癮啦！Lunch time 都幾多人排隊㗎，我都排左好幾個字先入得去。雖然呢到環境真係好一般，坐又坐得唔係好舒服，不過一個人食個快飯，無咁高要求，都可以接受嘅😅😅叫左一碗楠肉酸菜米線一如以往，湯底好濃，好香。加上米線又熱辣辣，忍唔住飲左好多啖！楠肉又辣辣地，再加埋酸菜，真係好開胃

坊間有水準的酸辣米線愈來愈多，而食客對酸辣米線的要求亦都因此愈來愈高而呢間唯一，的確會令人念念不忘啊！不但湯底非常香而濃，同時都100分足料！個人認為一般人的胃口絕對會好飽，加上價錢公道，一碗酸辣米線性價比十分高！發現呢間米線最多人叫腩肉，真係好好味我叫左酸辣腩肉豬肚，每一樣送都好多，連米線都好足夠！無論味道同份量都令人十分滿意！加上湯酸辣得黎不會過份，酸同辣平衡得剛剛好友人則叫左呢碗酸辣腩肉豬肉丸，都係味道同份量十分，真係會令人返轉頭再次光顧的酸辣米線！

前兩日喺小紅書個app見到有人話唯一可能喺全香港最好食嘅米線 於是趁今日有事要去千色匯 順便試試係咪真係咁好食間鋪離千色匯真係好近 喺二期後面條街度 沿住四陂路就搵到 鋪面唔大 6-7張圓檯 晏晝5點半 唔算好多人 姐姐態度都唔錯嘅 可能未開始忙嗌咗四個餸 腩肉、豬腸、雞翼尖、炸醬 中辣（我平時食開大辣）堅辣 我諗如果嗌大辣我應該食唔到 啲餸都好入味 米線有少少煙韌嘅感覺 唔會太硬又唔會淋 好正 而且湯底好夠味 米線都好入味 難怪有咁多好評我老公平時食譚仔酸辣 今次佢就叫咗腩肉、豬肚（餸係辣嘅 冇另外加辣） 佢覺得已經辣過譚仔 佢食完都話正 問我喺邊搵到哩間鋪價錢方面就貴少少 四餸57+豆漿10/兩餸43+維他檸檬茶10 不過料都足嘅 我覺得可以接受食完鄰近6點 已經9成坐滿 好彩避開食飯時間去下次去荃灣會再去試其他餸