唯一雲貴川風味

营业中

休息中

同老婆食佢最愛既米線，平時呢度人山人海排到外邊，今日有d雨少左人好快入到，由於我喜歡濃味，叫左個炸醬米線，呢都維持一貫美味，炸醬十分多，d湯又夠濃，米線有咬口同滑。喜歡米線的朋友，一定要試。

此店人氣非常犀利，每日中午必大排長龍，座位狹窄一定要搭枱，其實我真係好憎搭枱，仲要接近手肘貼手肘踎底頭先食到，所以秘訣係要坐底速食。老實講小弟幾食得辣，亦都好鍾意食辣，米線來講佢聲稱係雲南風味，叫咗個中辣賣相的確係幾吸引，足料之餘嗅覺上都係幾香既。可惜食落就完全無特別，辣味不足油份太多，食落好油膩，湯底質感好厚，鹹味偏重。佢個馳名辣腩肉都係不過不失，鞋口肉薄。雞翼係好食嘅，大大隻好滑。整體合格但唔算得上係好味。價錢唔算特別吸引，一般兩餸麵都要五十幾蚊，真係唔係好明點解要每日大排長龍先可品嚐哩碗我感覺上似車仔麵質素嘅麵，可能此店唔係小弟既口味。

荃灣出晒名多米線鋪，係未興食米線之前，荃灣已經有好多間米線鋪，間間唔同風味、各有特色同傳統。唯一雲貴川風味就係其中一間，保留住傳統既裝修，一磚一瓦、一碗一碟，全部都充斥住香港情懷。無打卡位，但每日都咁多人食，靠既就係味道。佢有好多餸你可以自己配搭，特別啲既就係佢地係當酸辣同小鍋係一個餸咁計價錢既。你唔洗一定跟佢個配搭架，總之你係餐牌上面見到就嗌得。每一碗本身已經有酸菜同芽菜，呢兩樣野對我黎講真係米線必備。今次嗌左酸辣豬腸貢丸同酸辣雞肉紅腸，大大碗好足料，熱辣辣上菜個湯係好濃偏油既，我不得不承認唔係個個都偏好呢個口味，有啲人會覺得太重口味，但我就係為左呢樣野而黎食。酸辣湯底一開頭食個時都唔覺辣，但食到一半就會出晒汗同流鼻水，大家記得帶定紙巾先好去食啊。豬腸夠冧，清洗夠乾淨，而且好入味。貢丸係漲爆，一咬入面好多汁流晒出黎，真係要小心唔到辣親個嘴。雞肉係隱藏Menu黎，我地偷聽到隔離枱嗌，我地又都跟佢嗌幾真係幾好食，而且加左雞肉個碗唔同左味道（應該係啲醃料味道滲透左落個湯到）米線今次去食就失準左，煮得太冧。我最後食唔晒一碗，就交比我個超級大肥仔清理埋去了，細食既人可能要嗌少麵啊。食得曬先至好

去開荃灣行街。想食米缐既緊係去唯ㄧ呢間米線鋪。因為試過真係正。所以專登放假去荃灣食佢。。雖然間老舗冇乜點裝潢。坐又坐得迫。人又多。但也無影響我對它的喜愛。每次點3個必食配餸。腩肉。雲吞。肉躁。酸辣米線。簡直絶配。真係好正。未試過的ㄧ定要試下。

荃灣呢間唯一雲貴川風味又係香港10大最好食既米線之一如果食飯時間黎必定大排長龍, 今晚我做完FACIAL過黎都9點幾鐘都仲要等位呀 好耐冇食, 又加左價啦, 一個餸既米線都加到$38, 麻辣雞更加係$40添另外仲有小食選擇最後我叫左腩肉同豬紅, 腩肉都係我必食既餸之一呢度既腩肉唔係用五花肉, 所以唔會好肥, D肉都係比較瘦腩肉同豬紅煮得好入味, 煮腩肉果個汁好好味, 有少少辣而且餸既份量好多, 絕對值呢個價錢呢度既酸辣湯底係會有酸菜既, 今日仲意外發現個湯底入面仲有粒粒蒜頭連埋湯一齊食味道好夾, 呢度既湯底都做得好出色, 酸甜度都調得好好香港10大最好食既米線係實至名歸既

荃灣依間米線，係隱藏一條巷入面，話難唔難話易唔易揾到，鋪面細細，但碗麵就唔細，份量樂大，湯底夠濃，d料好足，腩肉係我最鍾意食既瘦腩，雲吞簡單雪菜碎肉已經好好食，但最遺憾係雲冇得外賣。。。。

有時唔係太肚餓，想食啲粉麵，呢間唯一雲貴川係必然之選，除咗食咗咁多年，有感情之外，水準仍然保持到， 係主要原因 ！裏面嘅老伙記，大多做了很多年，同埋米線雖然味道很濃，但係唔算好口渴，我通常都係會必點腩肉，因為全部都係瘦嘅沒有肥膏！同埋豆卜、蘿蔔都係必然之選。我朋友今日就點了一個 炸醬、蘿蔔米線，呢度記住唔食得太辣嘅朋友就只好嗌小辣，同埋可以叫落單嘅姐姐走油及多蔥！呢度經常都喺門口都好多人排隊，所以最好避咗放工時間 ，今日係假期相對地人少一點，這間老點絕對可以一試！

依舊，推開那塊厚而不透明的透明膠門擋。仍然係圓膠櫈，圓摺枱。兩邊牆依然貼滿餐牌。佢老闆，依然頸戴八両金，健壯如昔。一切無變！係囉，好既野，變來做咩呢？！今時今日係香港地做餐飲，叫「唯一」既唔止呢家。但呢家真係做到合乎其名，全港只此一家。歸根究底，只有兩種可能性：１. 只懂堅持出品而不懂經營之道２. 資金問題我諗，佢屬前者。講錢，佢蝸居四坡坊，即紅遍港九近二十年，為不少人心目中雲南米線之首選。點會無金！知道老闆堅持每碗米線上枱前，均用小鍋煮過，力求熱烘烘，香味遍達。呢種近乎「戇居」的堅持，為佢開了發達之門，卻同時關了可能大肆擴張的機會。雖知道坊間做米線者十之有九點九九九九都係車仔麵檔咁運作，幾樣做好的食材執成一碗，加上熱湯上枱。好似佢咁做，搵鬼同佢打工～哈哈～～～呢碗「腩肉豬大腸米線」，由細食到大。由好早前一粒粒肥脂浮係面，到依家「清」左好多，但依舊係油立立！無錯，佢就係咁有個性。從來都無話sell健康少油。但個味道，真係令人回味。辣得來酸，酸得來一啖嫩滑、爽脆、軟稔．．．．．．忍唔住連湯都想飲埋。但我通常叫多支豆漿飲，明知你會搞到我再肥Ｄ，可避，則避ＤＤ啦！歲月如輪轉，小店，轉眼熬成經

星期日去開荃灣第一時間諗到食人龍米線 排左幾個字入去 但食完感覺質素大不如前腩肉好大塊好嚡質感唔新鮮 唔入味仲有朕雪味 應該係太多人整唔切 好求其 最後放棄 以前食軟腍又辣 而家差咁遠既 所以出左名就差架喇雲吞食落怪怪 外皮唔爽彈 煮得唔好 餡料又唔豐富 得個厚字 深水埗整既雲吞水餃又平又靚 係豬肚夠腍幾好食同個湯底好些少 但都係好油好油 整體黎講真係雲桂香好食過佢 又唔駛排隊 風味又差唔多 三味餸都收$52貴過人 整體價錢可以有更好選擇

依間雲貴川已經好多年, 可謂讀書時期幫櫬到依家全因佢嘅湯底真係好惹味 !!雖然佢唔近地鐵又唔就腳不過鋪頭長期都處於爆滿狀態大家就知佢幾有實力啦 😛岀面都有唔少d店自稱雲貴川不過依間稱自己係唯一對上一次食都有成年前餐廳環境係逼迫左d不過都係預左快食快閃客人可以自行揀餸配搭米線成碗麵精粹在於湯頭 非常濃郁 👍🏻米線每次都keep到有口感的水準肉應該是醃過的 又有酸菜感覺雖然不太健康不過久唔久食一次都幾回味 ~依個價錢好過食譚仔多多聲 ! ♥️

放工出荃灣睇戲，睇戲前去唯一雲貴川風味食米線，哩間米線細細個食到大，餐牌好多款食物配搭選擇，我叫了炸醬+豬頸肉+雲吞米線，米線煮得夠軟，湯底好濃，好入味，豬頸肉多肉不肥，雲吞夠大粒。老公都叫炸醬+豬頸肉+紅腸米線，飲品叫了一人一罐可樂！

前幾日去荃灣行街，無意中發現左呢間米線食店。唯一雲貴川風味嘅酸辣非常好食，足料，非常夠味，我嗰日食嘅係腩肉雲吞，同埋腩肉炸醬，個人應為炸醬配麵一流，非常好食，適合很多香港的口味。

米線一直係小妹既愛好食物見呢間咁多好評, 又經開荃灣, 就黎左呢間"唯一雲貴川風味" 小妹因為唔熟荃灣D路, 兜左個圈先搵到原來唔係係大街, 係係小街入面 一去到門口就排緊隊 入到去有6張圓枱, 個個都埋頭食米線 價錢貴過平時既食開既少少餐牌上既餸係任選GA, 小妹一開始仲以為限左配搭 酸辣雞翼腩肉米線: 酸辣都計一個餸GA, 但小妹推介必點酸辣, 因為入面既酸菜太好美LA 味道係偏辣GA, 但愈食愈想食, 大家要量力而為 腩肉大大片, 雞翼都好入味酸辣豬腸豬肚米線: 豬肚, 豬腸都入味, 好有口感食呢D傳統小店, 環境就唔可以要求太多, 只要食物保持質素, 小妹都會繼續光顧 

今日係荃灣放工，想搵一啲地道小店，本身想食米線，但老闆娘無開，結果朋友介紹呢間有聽過無試過嘅雲南米線七點鐘到黎到見門面有人排隊，以為係外賣，原來都係等入座，同埋有姐姐出黎幫大家落單，入到去兩三分鐘就有麵食一碗2餸米線45蚊，本來都覺得有啲貴，食落先發現真係足料到值回票價每一啖都係炸醬，腩肉份量亦好慷慨，甚至有餸多過麵嘅感覺味道方面，我叫左少辣，第一啖湯已經係濃濃嘅咸酸菜加上惹味辣味，少辣雖然第一啖無乜野，但係係會累積嘅辣，愈食愈過癮，米線口感煙軔滑溜，炸醬味濃，腩肉一啲都唔老，亦唔算好肥，怕肥嘅朋友都可以一戰，美中不足係慢慢食落會有愈來愈咸嘅感覺，應該好岩重口味嘅朋友，如果下次黎荃灣一定要試埋老闆娘睇下邊間更出色

我小學食第一次，到現家成廿年有多。老婆岳父係四川人，岳父食到連湯都飲晒咁滯，老婆食左有多間米線舖都係話呢間好食。唔係話其他唔好食，呢間係幾有風味同吸引既。可以平返少少就好