唯一雲貴川風味

营业中

休息中

聽講荃灣有間好出名既雲南米線餐廳 自己本身都鐘意食米線 食得最多就譚X 所以都想試下呢間人氣食店夜晚七點幾去到都已經滿滿地座 好彩搵到兩個位 店鋪唔大 亦都冇裝潢可言 都預左搭枱 無奈要坐近廁所位 好彩冇異味影響食慾我地叫左呢度出名既炸醬腩肉米線小辣仲有個豬肚腩肉米線小辣 一上枱 就聞到好香既氣味 個湯好濃味 但其實係有成浸油係面 碗面有大量炸醬 米線份量都好多 腩肉入味 冇肥膏 唔錯炸醬配埋米線食 好好食 本身我個人唔算好食得辣 所以少辣對我黎講已經係我既極限 但佢個隻辣又好過癮 愈食愈停唔到咁 所以都忍唔住叫左個可樂飲不過女朋友個豬肚份量就相對少 但佢都滿意個炸醬米線 雖然店鋪唔顯眼 但估唔到可以提供到咁好味既米線 值得encore 不過就唔好祈望有咩服務喇

星期日晚上見冇咩人，諗住買個外賣返屋企食。掂知遇到個短髮啊姐態度極差，自問我正常速度落單，唔洗佢等我諗食咩，都有唔該前唔該後，但係佢全程都眼超超啤住我，好唔順氣，好似得罪佢全家，講野態度好唔gur咁。唔通因爲我著住黑色衫買外賣？!Anyway, 佢d米線真係好一般，唔明掂解講到佢好好食！今次係第1次食亦係最後1次。

每天都很多人排隊去吃，從早到晚都在排隊的。 一味就等於一個菜，他們建議一碗最多放5個菜，因為料很多，太多菜的話粉就會很少。 實在很能吃的可以加大的，加大的一碗夠兩個成人一起吃了，真的很真材實料又好吃！ 因為我經常吃，隨著時間我都換一下口味，這次我點的是四味（炸醬+雞翅尖+蘿蔔+貢丸），中辣。 腩肉，豬俐，豬肚都是很多人的首選峨，本身就特製煮好的，有一點點辣，辣度可選擇，但香港的辣和我們不同，很能吃辣的可以點大辣再加他店裡特制的辣椒醬，可以讓他加蔥或者不加，自由選擇。 不能吃辣的人可以試下小窩米線，那是不辣的。 但我從來都是吃酸辣米，多芽菜多酸菜，我經常會點涼拌雙拼!!木耳和皮蛋都超級好吃，很入味，蒜蓉白肉也很多人點，店裡有很多飲料，可以自己去拿，總結，米線控值得去一試！

第一次食呢一間非常之出名嘅米線 減緊肥 叫咗雞肉火腿米線小辣 最抵讚嘅係湯頭好甜又辣又香 酸酸地好正 蒜泥白肉 肉偏瘦 啱曬我呢啲減肥嘅人 味道啱啱好又酸又辣 超級符合四川風味 米線有大碗有多熱辣辣 成間舖最大嘅問題就係要等好耐等咗足足十五分鐘先有得入

食過荃灣路德圍、香車街街市幾間不同米線，今日終於可以試下呢間有名既特色米線小店。以往經過都見到大排長龍，唔知道係因為我地比較早到(大約12點正)，因此不用排隊。店面面積不大，裝修欠奉，又正正讓大家知道甚麼叫作 山不在高，有仙則靈。因為聽聞這裡的腩肉和炸醬均十分出色，所以第一次來便點了：炸醬腩肉米線(不辣)和酸菜腩肉米線。店員亦十分細心地問我地要不要走蔥，因為都真係幾多蔥。米線上有滿滿的炸醬，因為走辣，所以湯底亦顯得較清。聞上去，有濃濃的酸味。米線的軟硬則好，感覺上彈牙又不會過硬。另一碗米線則配上嚇人的紅油和份量十足的酸菜，不過酸菜真的太多，最後食到打冷震 而這碗辣度是小辣，對於平常食五小十小辣既我黎講，都唔算辣。如果中意食辣既人，未必滿足到啦。兩碗米線都有腩肉。老實講，呢度嘅腩肉其實係瘦肉，千祈唔好期望有少少肥膏。所以食落都幾鞋口，有少少失望。總括黎講，米線份量十足，湯底出色，酸度岩岩好。下次黎可以試下豬腸，望到隔離果碗都幾吸引。順帶一提，呢度只有罐裝和支裝飲品。

自問唔係米線控，不過有時兩丁友唔想下下大魚大肉，總會諗起車仔麵、米線類。唯一雲貴川風味聽就聽過好多次，但一直提唔起勁食，聞說都幾多人排隊。見時間早早地，又有荃灣友人推提議，於是一試，至於我地兩個係第一次食餐廳位於四陂坊，面積唔大，一律圓枱，預坐…最少5-6人，店員全女班，入座時都已經9成滿，跟指示坐低就得喇。作為第一次食嘅鄉里，餐牌有啲難睇，我最初以為款式係固定哂。1/2/3餸定價$38/45/52，餸菜選擇唔多，有腐竹、腩肉、雞翼、雞翼尖、火腿、炸醬、豬腸、雲吞、豬頭肉、魚蛋、紅腸、豬肉丸、貢丸、豆卜、豬肚、豬膶，酸辣同小鍋都當一餸。酸辣雞翼腩肉米 $52/少辣炸醬腩肉雲吞米 $52份量無話說，配料多，尤其係腩肉、炸醬，幾乎鋪滿成碗麵。至於酸辣當一餸，係因為酸菜量多，酸辣以酸為主，如果喜好酸野會幾高興對於我鐘意食辣黎講，就似乎係點錯餸(笑) 少辣唔夠，但又有點嗆喉。湯底油到反哂光，自問係重口味人士，都飲唔落口。雞翼兩隻，入味但過老；雲吞3粒，皮厚非常，而且餡料少腩肉本身帶少少辣，唔明顯，最主要係全瘦 全瘦…實在難啃如果鐘意食瘦肉嘅朋友應該會喜歡，但我點腩肉…都想有啲脂肪仔嘅。米線粗身

這間米線店的人流總是大排長龍！如果一心想去食，一定要挑不是食飯的鐘數去才能省去排隊的時間！每次去食，總不免是腩肉、雲吞！腩肉是純瘦肉，真是啖啖肉，而且是薄切的，方便咀嚼！雲吞是上海雲吞那款，厚皮，充滿芝麻味，香氣撲鼻！而且，能食到陣陣麵粉味！一碗三隻，十分抵食！有時，好彩的還可以食到豬脷、豬潤！不過，呢度的豬潤就較為柴，不屬於爽口那款，但每塊豬潤的厚度都好厚，能咀嚼到豬潤的質地！熟客仔就一定要加蔥，加左蔥的米線真是惹味好多，而且能食多左口感，就是蔥的爽脆！但是，呢度的小辣和中辣的程度不是好穩定，有時候叫小辣，但是就好似中辣咁辣！所以，穩陣的叫法是先叫小辣，唔夠辣再自行加！

知道這家店經常排晒大長龍女，終於有機一試它有多好味。叫了四味(四樣餸)，腩肉、豬大腸、雲吞、雞翼尖，湯底一試難忘，非常好味，酸菜味是夏天最能增強食慾的湯底。雞翼尖，煮到爛晒，一咬即散無味…失敗。雲吞，皮厚餡少，北方人會喜歡這類雲吞…但這裡是香港…失敗。腩肉，夠味但太瘦，有咬柴片的感覺…失敗。豬大腸，無味太淋肥膏太多…朦住眼食它，一定食唔出係豬大腸…失敗。

唯一雲貴川風味，係其中一個我嘅米線飯堂。基本上如果喺荃灣想食米線，我就會去。雖然10次有9次去到都係要排隊，都不減我對佢既鍾愛😂照舊平時阿姐都係喺門口條隊就幫你落單，輪到你嗰陣入到去坐低就有得食咁滯，時間啱啱好。🤷🏻‍♀️次次去到都每人嗌兩個餸，再交換啲餸share食😂呢個出名豬頭肉，其實我覺得係豬耳🤔腩肉都正，因為一啲都唔肥，岩晒我呢啲鍾意食瘦肉既奇怪人😂小辣既辣度岩岩好，唔會太搶走晒啲味。而且米線既軟硬度適中，唔怕爛晒，又唔怕頂胃👍🏻

每次去親荃灣都一定係食呢間米線！ 仲記得第一次食係男朋友帶我嚟食，俾碗米線嘅豐富程度嚇親，自此之後就返唔到轉頭啦！平時嗌開酸辣腩肉腐竹米線，今次嚟個小變奏，腐竹變豆卜。估唔到豆卜可以咁震撼！首先，豆卜口感非常好又索曬啲酸辣湯，所以食入口就好似食咗會噴汁嘅豆卜咁！ 好好味啊媽咪！腩肉就唔使講，佢簡直係我一直支持呢間鋪頭嘅原因 腩肉入口即溶又非常惹味！ 從未食過醃得咁好嘅腩肉。 以前食開唔係白色，就係唔夠鹹。 佢簡直係重新塑造咗我對腩肉嘅概念！酸辣方面， 碗米線包含咗海量嘅肉碎芽菜酸菜，啖啖都好滿足！ 第一次食建議大家食小辣，咁就可以品嚐到每樣餸菜嘅味道。 食得辣嘅朋友可以直接叫酸辣，絕對係另一番享受嚟架！最後提提大家，酸辣都係一個餸所以記得一定要同店員講明要食酸辣！

身為一個米線愛好者，唯一雲貴川係最經常幫襯。同宇宙米線一樣都好食，但位置較方便。肥仔米線嘅腩肉仲好食，但其他唔夠打。今次嗌豬脷米線。多酸。少油。(無錯係可以咁嗌架)原因係腩肉會少痴牙，豬脷唔會。不過有時豬脷嘅樣係有少少衰。嗌一個餸咁少？因為要食涼拌木耳。呢個木耳入味夠酸少辣，超愛！呢間實在幫襯得太耐，都有啲心得分享下。1 雲呑都好好食 (唔肯定: 酸菜雲呑咁，仲有少肥肉？) 2 米線係唯一一間浸水耐咗都唔會難食如果放賣唔洗分湯，浸一陣啲米線都另有風味。反而有次係分咗湯，啲米線好似未熟晒咁。3 鐘意食酸嘅留意：嗌多酸菜係當一餸，多酸汁係free架。4 外賣一個盒收$2，如果好似我咁嗌多份木耳就多$4。5 以前嘅茶幾好飲。而家多數都凍就不了。

Happy Friday,出荃灣食米線。兒時食到大既雲貴川米線，細個食三十幾蚊，食到而家兩個送都要$45，而且食米線真係貴過食飯。但兒時回憶，貴都久不久來回味一下。叫左炸醬枝竹米線，湯底入味，米線夠淋。

唯一雲貴川這是一家位於荃灣四坡坊的一家米線店位置，不顯眼不熟悉荃灣區或是不開手機地圖的話，是比較難找到的唯一雲貴川米線，在米線界是相當有名的長期打入網絡排名頭十位唯一是有實力的，以往都是吃他們的酸辣米線或者是小鍋米線這次我見到他們有提供涼伴米線，所以馬上叫來試試看腩肉雲吞涼伴米線叫完，問一下這涼伴米線是辣不辣的落單姐姐就話：「腩肉就會有少少辣的」我：「我可唔可以加辣？」落單姐姐：「你想要幾辣呢？」我：「大辣」假如，依碗涼拌米線，可以辣一點就是一碗完美的涼拌米線

今日終於放假可以訓到自然醒,訓醒左就落街搵野食去左四陂坊唯一雲貴川風味今日都唔算多人,門口好多人等外賣,好彩我一個人食,可以直接入去要左小辣炸醬腩肉蘿蔔米線炸醬同腩肉都有少少辣,蘿蔔就幾甜同好好食好彩要小小辣因為都幾辣下

今日中午同太太入到去荃灣諗住求其搵啲嘢食吓，太太話想食米線，我又唔想去連鎖店譚仔，譚仔三哥嗰啲，最尾揀咗歷史悠久嘅唯一雲貴川米線，都話咗有歷史，當然冇乜裝修，一般茶餐廳格局，地方又逼，又坐得唔舒服😌服務生態度散漫，好似唔多想做生意咁樣，有時真係怕左佢哋，快快手點完餐，快快食完就走，先講下佢哋嘅米線🍜味道係濃郁嗰隻湯底，叫咗三個餸，腐竹，菜肉雲吞，豬頭肉，菜肉雲吞係上海嗰隻，個皮非常厚，本人唔太鍾意，豬頭肉都幾香，但總括嚟講價錢唔平，員工態度需要改善，食物中規中矩，下次未必會返去再食🤦‍♂️