唯一雲貴川風味

营业中

休息中

🍽🍜酸辣炸醬腩肉米線（$50）+冬瓜茶（$10）🔽呢間荃灣名物次次黎都要排隊等位，但今次成4點先黎到好好彩仲有位唔洗排。雖然咁晏先黎，但都係坐滿人，果然食出左名既野就係要同人逼。🔽碗米線好大碗下，米線煮既時間掌握到唔錯，咬落去唔會淋到一劈野咁，煙韌有咬口。小編覺得個酸辣湯底好重口味，酸得黎又夠辣，而且湯底好濃郁，從湯既色就睇得出好重口味下，岩晒重口味人士，略嫌個湯太油。餸既份量好多，有近十塊腩肉，而個炸醬既肉碎係多到啖啖都食到，但係腩肉就有少少過火，所以有少少韌。🔽整體黎講係好味既，值得encore大。Btw 有無高手知道香港邊度有得買呢隻味丹既冬瓜茶，之前係759買過，但之後就再無見過，味道不錯的。

今日終於嚟食左好著名既米線，平時成日排長龍，今日終於唔洗強烈建議入去前要諗好你想食咩，因為丫姐會不斷俾壓力你。。同最好諗定無嗰樣既話，要咩嘢去代替😅我咁arm 就係無左雲吞，要未諗好，丫姐就不斷用5耐煩既神情望住同催你😩第1次嚟俾1分鐘人諗下都得卦😑anyway 最後叫左腩肉雞翼，同魚蛋炸醬貢丸豬頭肉坐既位置係好迫既，有d客人辣到咳哂。又流哂汗😅😅依碗就係豬頭肉，好爽脆，份量都多，炸醬不太辣，魚蛋好一般，可以不用叫，貢丸入面有肉既，ok 不太差腩肉係真心好食同份量好多麵多酸菜多，雞翼ok既，明白到點解咁多人叫腩肉，因為真係鹵得好食不過價錢並不便宜，但佢個份量係對得住個價既

🍜 酸辣米線($33/1味 每加一款餸$7)有人講過唯一係荃灣食米線既代表，譚仔果啲真係要行埋一二邊，仲被喻為全港第一好味米線🤔 今次入到黎試左4餸，酸辣、豬腸、翼尖同雲呑，係，你無睇錯，"酸辣"係一個餸黎😮 叫左小辣，但覺得比普通米線店辣少少，酸辣味有啲死酸感覺，湯底較薄身。米線幾彈牙而且份量多，翼尖唔算太入味但勝在夠淋身，豬腸正常，菜肉雲呑大大粒幾抵食，貪心試埋隔離既腩肉，辣得幾入味，正。整體黎講，唯一既米線係唔錯，比一般米線店好少少，但亦未至於好食到嘩一聲，話佢全港最好食未免誇張左少少😂 反而我都係鍾意食香港仔南記多啲😏

今日同朋友們四圍打卡📌二人都想食米線🍜特登揸車入荃灣🚙🚙為左食傳說中好多人話好食嘅米線🤗一入門口😱全院滿座不斷有人入黎等位👬👭👫小妹點左💁🏻‍♀️酸辣+腩肉+豬腸呢到酸辣都計一個餸😅夾埋要$50酸辣酸度剛剛好😊小辣完全接受到略嫌太多辣油😳感覺油膩湯底好多酸菜同肉碎😙腩肉炆得入味😌係瘦腩果款😝肥膏唔多豬腸肥瘦均勻😚偏腍米線索哂湯嘅味道😜米線顏色都變埋為左呢碗野最終都比人抄左牌🤯覺得唔值😡嬲嬲豬呀

好多好味既面家都係開左廿幾三十年既老舖，呢間唯一都唔例外，就咁睇出面既裝修，你未必會好想幫襯，但一試左就會念念不忘！由於食唔到太辣，所以兩碗都叫左清湯，但搭枱見到好多人都叫酸辣，食得辣既朋友不妨試試～食米線又點少得懶肉呢～呢間既腩肉帶小小辣，但加埋清湯度真係好perfect，岩哂我呢d食到bb辣既人～腩肉半點肥膏都無，而加一d都唔鞋，秘製腩肉汁好正！愈食愈上癮～另一樣推介既係佢既醬爆豬肉丸同貢丸，咬落去即刻有汁爆出黎，雖然唔係超多，但都好正，而且完全無空心，成舊丸都超彈牙結實～另外推介加蘿蔔/腐竹，因為會索哂d湯既精華，無論配咩湯底都好入味！唔洗成日去譚仔既，支持下小店面檔啦！

今日終於都係荃灣返工～我太耐冇去荃灣了，當然要去食我最愛既米線啦～之前係荃灣返一星期食足五日都係佢得幾個人～等左一陣位～每次來我都自私食～因為一個位係最快有每次來都中辣，今次叫左酸辣小辣腩肉，豬腸兩個餸～配菜有酸菜，炸醬，芽菜～佢既腩肉好岩我，我食腩肉只喜歡食瘦腩，豬腸肥瘦岩岩好～湯底都係依然好濃味～不過今日米線硬左小小，咬左好耐先咬斷開，食左5分鐘之後先開始淋～可能太耐冇黎食，價錢又唔同左，兩個餸$50，加左一罐紅色可樂$6，午餐$56米線好似貴左小小！

繼續掃勻荃灣！呢間之前上過新假期雲南米線榜頭三，究竟係咪真係咁好呢？由於係平日又係12點前來，完全唔使等，入面都冇咩人（仲好添）。原本想叫酸辣豬腩肉米線少辣，店員姐姐就講如果唔太食得辣不如唔好叫酸辣，因為豬腩肉本身就帶點辣度，而且每碗米線都會附送酸菜，再叫酸辣就曬左。真係好好人呀！所以轉左叫豬腩肉炸醬米線。一來到就有股酸辣湯陣味飄埋來，就係我想要既味道！d豬腩肉份量都幾多（起碼多過譚仔，先得個3、4塊），煮得林身但又唔覺鞋，好入味；反而炸醬就略嫌鞋左少少，下次可以試下其他配料。至於米線當然係好彈牙啦，以前譚仔d米線都彈牙，依家越來越退步，已經回唔到當初。雖然就咁睇好大碗，但入面米線份量略感不足，湯圓我一個女仔食曬碗米線同配料都覺得唔夠飽，之後仲出去買小食，呢點反而譚仔會好dd，米線份量充足。一間會再回頭食既小店

今日經過荃灣！有咩做？緊係黎千色𣿬附近呢間米線一試啦。甘岩冇撞正午飯時間，所以排左幾分鐘就入左去試啦。我叫左腩肉 雞翼米線腩肉十分之有咬口 雞翼淋得黎又好滑 十分之好味 湯底麻麻辣辣 勁好味 米線彈牙店主易落左好多配料另外米線十分之彈牙非常野味 差吾多成個湯飲哂 十分之推介！！

收藏左呢間米線一段時間 終於黎試luu... 我同朋友二人唔係太肚餓 (荃灣實在太多野食啦) 諗住食d濕濕地嘅麵食... 點知...去到要排隊 無飛仔攞 排到噤上下就有個姨姨出黎同你落咗單先 (所以要諗定喔)... 好快就入得... 當然係要搭枱的...入到去 碗米線好快就到...叫咗兩餸 原來噤大碗架 D料又足我地都叫咗腩肉 都ok「淋」而且好入味我叫咗豆卜朋友叫咗酸辣 (無錯 酸辣都列為其中一個餸) 係堅辣嘅 (聽說第二日去完廁所 菊花會熱熱地嘅)d米線都幾好咬口 唔錯唔錯食食下 見到人地嘅五餸 係超級大大大碗 佢地唔會因爲你叫多幾款餸而減量同枱有食客叫涼拌皮蛋 $26都有三隻 好靚噤 不過今次食唔落 下次先

💕💕.價錢：$38-57（視乎要幾多餸）有選擇困難症，推薦：腩肉、炸醬、豬肚.閒日也要排隊，證明人氣多旺，還要排到出門外很遠的地方😂但排得很快，大約5-10分鐘，同時他們見你吃完即收走，不適合來聊天😂而且要跟人逼在一台🤤不過這是香港人的風味。.我覺得是不錯吃💕但未去到好好食😂但如果剛好在附近，又不多人我是會再次去的！因為喜歡他們的麻辣味！腩肉也好好食啊🤤🤤🤤豬肚也是不錯，下次可以吃別的！

呢間雲貴川，嚟唔使經過都想回味一下佢嘅濃味湯底，尤其是見到經常排長龍，都不期然會排埋一份呢D就係香港人食嘅指標我最喜歡吃就是腩肉配中度麻辣湯底，多蔥 再配合蘿蔔，豆卜等配料。先講麻辣湯底，真材實料，湯底肉味很濃郁 ，而且真係會食到你頭髮冒出汗及嘴唇亦麻痺起來!腩肉多數是全瘦的，沒有太多肥膏，咬落口 肉質豐富，食完一件很想即刻食第二件!蘿蔔炆得很淋索滿湯汁，很入味。而豆卜 細細件，同樣一亦吸滿麻辣湯很惹味第一次嚟食，感覺很擠迫，一張圓枱坐滿六個人。但之後都習慣了，客人流水式自動自覺坐滿一張枱，各有各流汗，真的很過癮!

一想到米線好自然就諗到雲貴川，原因係除咗近舊公司外，主要係味道同感情!!!食咗差唔多二十年，寫食評不如分享吓心得…店內嘅米線聽講係老闆依黃金比例用新舊米專門搵麵廠訂製，比坊間嘅米線彈牙好多。而湯底就半夜就開始熬煮，無味精成份，所以飲完都唔會好渴。每碗米線都好似煲仔飯咁逐碗連湯帶餸+米線一齊煮，味道先至入味。所以外賣即食嘅話係無可能米線同湯分開裝，除非你想自己煮就可以要求分開，我試過買3碗外賣唔煮，分開湯/米線返屋企用嚟打邊爐當湯底，真係正到暈!!!餸料方面好似車仔麵咁，有幾十款。全部寫晒牆上多眼處，推介係腩肉、豬肚、豬耳、豬頭肉、腐竹、雞尖、雞翼，豬肉系列一般都有小辣，所以叫2-3款辣餸嘅話，湯底就唔好再加辣喇! 雞尖，雞翼用鹵水鹵到好入味，雞尖唔多，要食就早啲去喇~  如果唔食得辣就可以叫腐竹、蘿蔔、丸類系列、雞尖雞翼，雲吞就唔推介喇!!服務方面，阿婆直腸直肚但非常貼心，經常見到啲人食辣食到死死吓，都會問"駛唔駛俾碗清湯你呀?" 店內嘅米線係冇蔥嘅，你要蔥就落單時加埋。街坊生意，講真二十年來從未受過氣，唔明點解啲人成日當自己係上賓VIP 要求呢樣嗰樣又要投訴!!! 

記得第一次食呢間米線已經有5年前，第一次食既時候覺得佢地既湯底好濃郁，好香。第二次食係3年前，冇第一次咁好食，味道淡左，而且個辣味冇第一次咁香，而今次係第3次食，今次都係照舊食番佢個酸辣湯底，佢地連個湯底都算一味餸咁計錢，所以其實都吾平，但好在麵既份量夠而且啲餸都算有質素，見比較多人食既係豬腸同腩肉，佢地會煮到好軟所以好易入口，但湯底既味道真係一般，吾會覺得特別好食，不過佢地因爲都算忙，所以會係你排隊既時間預先幫你落定單，咁樣令你坐到入座既時候吾洗等咁耐，對於冇乜耐性既我黎講都幾鍾意呢個安排，整體黎講合格。

Not telling y’all but maybe there is a way to cut the queue 😎? All the way to Tsuen wan for mahjong at my friend’s place but partly also for this bowl of 🍜Yunnan mixian! Heard about it for a long time and highly recommend their pig ears & “pig head meat” . I ordered little spicy🌶 and I can totally go one level up but @cmerlinwong was already sweating like he was in the desert lol..yes, definitely quite oily so maybe just once every few months! HKD 43 for two toppings; HKD 50 for three!.

我很喜歡食米線，尤其是麻辣米線。一直以來都知荃灣有間頗出名的米線舊店，今日難得到荃灣剪頭髮，當然要一試。亂打亂撞終於來到此店，門外已有十多個人在等位，心裡十五十六是否也排隊等候時，心魔就跟我說，專登行過來，唔係唔等掛？？幸好，人流去得好快，等了不消十分鐘就到我了，坐下來不需三分鐘食物便上檯，全因排隊時已有人走來幫忙下單。效率之高不得不佩服😆排隊下單時，落單阿姨話這店最出名是腩肉，於是我便點了酸辣腩肉腐竹豆卜米線，阿姨兩三次跟我說是辣的，生怕我食唔到辣，我跟她說我唔怕辣，只怕唔夠辣😂果然，喝下第一口湯，真的是唔夠辣。湯只是帶少許酸辣，但辣度不是最重要，重要的是並沒有想像中那麼好味。可能人們評論得太高，令我寄望過高吧！阿姨口中所說最出名的腩肉也只是平平無奇，只能說腩肉瘦得來不會太乾。豆卜則有點不新鮮，有少許益味同一點點酸味。對於我來說，這碗米線味道一般，不算差也不能叫好，不會令我有encore的感覺。而價錢方面，這碗米線絕對唔平，要$57，真的並非物有所值😔