唯一雲貴川風味

营业中

休息中

我知道荃灣嘢食好多，今日心思思想食熱湯嘅食物， search到呢一間米線好似幾受歡迎，於是試吓，而且行過去好近。咁岩去到都仲有幾個位，唔使排隊。佢嘅餐單係喺牆上面，不過我覺得有啲混亂，佢唔係好似車仔麵咁樣可以展示俾你睇有咩餸。佢係本身set咗有兩個餸係點，三個餸嘅組合, 4個餸既組合，跟住我睇到有啲迷惘。侍應行過嚟話你隨便點買都得，雖然係咁但係點都有啲亂。於是見到牆上面有咩餸菜可以選擇，就揀嗰個餸。我揀咗豬腸、紅腸，跟住想要一份芽菜，侍應話本身有芽菜，我話我想要多啲可以加錢，跟住佢就話咁不如都話多芽菜少米線啦，會有提議俾你。跟住湯底嗌咗酸辣米線，本身跟小辣。都幾快嚟到，唔使幾分鐘就煮好左。個湯底嘅味道都幾有味，幾濃。小米線，個米線都係好多，芽菜好似真係有比多左我，都幾好！紅腸有四片大片嘅，豬腸夠味，好淋。但係間舖頭其實坐得都幾迫下，四個人坐一張枱，但係中間係冇隔板，防疫意識差。雖然餸嘅份量唔算少，但係個價錢都算幾貴!我嗌咗兩個餸加酸辣湯底，原來酸辣湯底已經當係一個餸，三餸咁樣計, 總數要$56 ，唔包嘢飲，呢個價錢真係幾貴!尤其是佢坐得好迫又唔舒服既情況, 性價比幾低。呢間野唔會砸黎食

點了3餸的米線🍜（$56）酸辣、雞肉、腩肉，另外加可樂＄6一罐，米線價錢偏貴配料方面，推介腩肉，有醃過，偏瘦整體而言，湯底非常濃味惹味，湯底亦偏油偏鹹，酸辣個隻辣唔會食到喉嚨好乾唔舒服，天然辣味，材料和米線份量好多，食完超級飽肚😋整體美味程度：👅👅👅/5CP值：⭐️⭐️/5我間唔中可以食一次，重口味人士應該會好鍾意😂📍唯一雲貴川風味四陂坊14號地下

經過荃灣就梗係要去荃灣嘅米線名物之一唯一雲貴川自從有左米線關注組而家買外賣都要等好耐例牌腩肉係必食嘅咁多間米線· 呢度嘅腩肉可以話排前三叫左一個腩肉豬肚絲轉芽菜底好可惜佢嗰日冇晒豬腸🥲另外仲叫左韭菜腩肉米線每次必點小辣多酸因為佢個中辣同小辣係差唔多辣但中辣會勁勁勁多辣油浮面至於佢個酸菜同其他米線店既唔同唔會話好酸對我而言佢既小辣多酸係啱啱好同朋友share食我一定會轉芽菜底咁又食到米線之餘又無咁罪惡感作為半個米線達人（我真係好鍾意食米線🤤🤟🏻對米線本身嘅質地相當有要求雖然今次外賣返屋企食但啲米線口感依然保持到·不過都有美中不足嘅地方如果你係好想食辣野嘅話呢間既辣唔會刺激到你建議你去食川之味/石離既雲南小窩佢仲有一樣最為人垢病嘅就係佢個湯有時會好油所以如果你驚太油可以叫少油想再酸d可以叫加酸汁仲可以加蔥總括而言佢係一碗相當之唔錯嘅米線呢間野鍾意既人同厭惡既人都好極端但咸魚青菜各有所愛☺️

成日都有朋友話好食， 所以搵日就試左呢間首先， 佢地既門口係普通既舊式小店咁， 一入到去，當然我都冇抱咁大期望啦。之後見到個餐牌啦， 我覺得款式唔多， 同埋好多都賣晒，最後是是但但咁揀左三個餸就算。之後都上米線啦， 最好食係個豬肚， 其他都一般般啦， 米線既酸辣湯底係辣既， 但冇我想像中咁好食另外仲叫左皮蛋， 個皮蛋係唔錯既， 而且都夠大隻， 我覺得幾好味。之後食到差唔多時， 我見到個員工不停拖地， 但拖地水應該係溝左洗潔精，個地下係超級滑， 未收工就拖地，我覺得感覺唔係咁良好。總結： 試一次就好啦， 唔會有下次。 個米線一般般， 食完覺得好口渴

第一次食，朋友話好多人食，唔錯既。就抱住試新野心態，但真係好大伏！首先，環境真係唔得，我地仲要坐「樓上雅座」其實係旁邊後冷行入去，入面一半係倉貨，一半係飯枱，咁岩我張枱就係對住廁所，冇計人多我唯有走去閂左個廁所門同背住坐。然後，我嗌左酸辣，豬肚、腐竹、炸醬。可能個環境又暗我後面又係廁所，碗野黎到真係好似便便啲色。不過夾返啲米線出黎感覺好啲既。但成碗野唔辣、唔酸，湯冇味，三樣送都好似一支豉油炒完出黎既味。不過好彩冇肚痛，返到屋企打食評先發現呢間野影出黎既相都係有個種感覺⋯⋯⋯⋯⋯

呢間米線店1993年開到呢家😎好多荃灣人由細食到大，米線係偏重口味，食唔慣好油/重香料味就唔太岩la主打腩肉&酸辣&炸醬等，平日都要排隊先食到🚶‍♂️🚶🚶🏻‍♀️雖然d人話無以前咁好食，質素退步左，但呢間米線的味道好獨特，都唔係其他米線店食到的，到呢家先會仲咁受歡迎，幾乎每次去食都要排隊😌😌值得一試嘅酸辣腩肉米線（$47）·今次食個湯底唔係好夠酸，不過都好惹味，如果想酸d，可以要求姐姐比多碗酸汁🍜腩肉一碗有好多塊😋每塊都勁入味，切到偏厚身個種，肥瘦不一瘦既有d柴，真係咬到好牙痕，偶然食到肥肉個d，脂肪勁香口，真係又愛又恨～🥰後感 💰⭐️⭐️⭐️⭐️ 一般米線價錢，份量應足，所以很合理🗺⭐️⭐️⭐️⭐️⭐️ 交通亦方便，荃灣站一出，經過天橋再穿過商場落地下就到，落雨都唔太狼狽🍽⭐️⭐️⭐️⭐️ 食物水準每次都有d參差

成日聽人講到咁好食，一試便知龍與鳳😏 今日星期六13:00去到，去到要等一兩張枱，姐姐叫我地去後面個舖位！喂？衛生情況一般喎，一張圓枱幾個人搭枱，無隔板😅 不過甘，可能好食呢，如果好食我可以原諒佢🤣 .温馨小提示:如果食開譚仔2小3小辣嘅朋友，建議食呢度嘅中辣(中辣唔係太辣，剛好👌🏼).📌酸辣炸醬豬腸米線( 中辣)  $56酸辣都當一個餸，酸辣夠惹味，但係唔夠酸，酸菜同炸醬太多，配菜仲有芽菜同葱花！反而無咩腩肉，肉質好瘦、好鞋、好柴，一般！米線太淋，無咬口! .📌小鍋炸醬腩肉米線( 中辣)  $56湯底勁油，無酸辣湯底甘香！豬腸好少、好細舊，但係食落幾腍，滷得入味，唔會有屎味！.忌廉 $6 全店都係枝裝、罐裝飲品!.總括而言，呢間舖都幾多人食，啲枱一張又一張甘坐滿! 但價錢偏貴，唔值得山長水遠嚟食！事實證明，要排隊唔代表好食，試一次就好！.P.S.姐姐們互相鬧交有啲搞笑😂😅.=========================.食物：7/10環境：4.5/10抵食度：6/10回頭度：6.5/10.

本人係米線之鬼，由細食麗江食到大，大個繼續追尋米線。原本諗住去老闆娘食，點知裝修就嚟咗哩間～都係聽香港米線關注組提起先識嚟。米線：4/5彈牙得嚟唔會太淋，比起麗江會硬身少少，但係好食！酸辣湯底：4/5酸辣入味，酸菜夠香。湯頭濃又唔會死鹹，辣油好香；可惜本人食唔到咁辣，如果可以揀辣度就唔會食得咁辛苦。推介畀食得辣嘅朋友！配菜：3/5普普通通，都係酸菜芽菜肉醬。肉醬無色無味。酸菜太多，啖啖都係酸菜。雲吞：0/5雲吞皮極厚，無乜餡，零誠意！前一日我仲食咗梁記，真係無對比就無傷害。價錢：3/5偏貴，酸辣都計一個餸，酸辣雲吞米要$45，但都可以接受嘅。體驗：2/5無得自己配搭餸、無蔬菜類（碗米菜都無條）、無茶啡奶、無長湯匙（用短匙，成日跌落去）。總括而言，對於食得辣、無打算食雲吞嘅朋友仔嚟講，哩間的確係值得一去嘅選擇。

成日經過都見到呢間嘢好多人排隊！朋友住荃灣區竟然都未食過一於去試試佢好好彩 去到未有人龍 我哋排第一姐姐會預先幫我哋落單先咁樣坐低無耐就有得食嚕！見到酸辣都當一個餸好特別哈哈我就叫左 酸辣 腩肉 雲吞 米線 $54朋友叫左 小鍋 炸醬 雲吞 米線 $54小鍋：朋友唔食得辣都話係唔辣嘅酸辣：其實唔辣 但食到我喉嚨勁痛 不停咳 同埋名不虛傳！勁勁勁油！看圖就知！腩肉：瘦嘅位就一般，半肥瘦就好好食雲吞：啲皮真係厚咗啲，啲餡有陣酒味(?)飲品散叫的全店都係枝裝罐裝飲品無枱高價格同出面買差不多而且種類都算多～你知食辣野一定會叫飲品 必須的～有啲舖頭飲品勁貴 無跟餐優惠 局住比叫咗銀菊露 仲有低糖版 唔太甜岩我總括而言我哋都一致認為係好食嘅但係味道就太油間唔中嚟食一次都可以但係特登山長水遠嚟食就唔需要啦如果要排長龍，我就唔會啦

📍唯一雲貴川風味💡荃灣近排好似越嚟越鍾意食米線，見到上網啲人力推唯一雲貴香，特登嚟荃灣試吓🐥炸醬腩肉米線($腩肉份量好多，而且好淋好入味，唔會話太肥或者太瘦，而且個酸辣湯底好惹味，食小辣都流晒鼻水🤣炸醬都好多，都叫重口味，所以定我一杯嘢飲就好啲。而啲米線軟硬適中，成碗米線都好滿意😚不過記住食辣最好帶定包紙巾🤣呢間舖真係好多人食，啲枱走完一張又滿一張，好多熟客仔，所以我哋食完都好快就俾下一台人食

📍唯一雲貴川風味 (荃灣)荃灣四陂坊14號地下.本身想食老闆娘，但去到先發現佢話天氣炎熱晏晝唔開。最後揀咗附近嘅✨唯一雲貴香米線✨入到去叫嘢食嘅時候諗咗一陣，見佢有好多唔同嘅配搭，以為佢fix死咗要嗌一個set，點知最後店員話亂咁揀就可以😂.👧🏻就叫咗炸醬，餃子🥟，腐皮(中辣) $54🐷就叫咗豬潤，豬腸，滷水雞翼( 中辣) $57如果食開譚仔中辣嘅朋友建議食呢度嘅大辣，因為我哋都覺得中辣唔係太辣。.首先講吓佢個湯底，都幾濃味，不過我哋嫌佢放得太多油，飲一啖湯好似會肥20磅咁🥲👧🏻嘅評價上網睇人哋話唔叫炸醬嘅話個湯會唔夠味，所以我就叫咗炸醬，都幾好食。餃子雖然塊皮有啲厚，但係唔知點解塊皮有浸鹹鹹地嘅味，都尚算可接受，可能一直係放喺湯入邊浸。🐷既評價豬潤好嫩，唔會好似食擦子膠咁樣，而且份量都好多。豬腸滷得好入味，唔會有屎味洗得好乾淨。滷水雞翼唔使講啦，唔會只係得個咸字亦都係滷得好入味。.所以如果係糧尾，又想食得好食又飽，我哋10分建議大家嚟荃灣呢一間米線試一試👍🏻👍🏻.推薦程度：⭐️⭐️⭐️⭐️性價比：⭐️⭐️⭐️⭐️（抵食又唔差）服務：⭐️⭐️⭐️

兜兜轉轉我又黎到唯一雲貴川，二個月零五日前你第一次帶我黎食，排隊都排到身水身汗，你拎左張你用過既紙巾幫我抹汗，個一刻我仲以為我地會一生一世。 仲記得個陣入到去坐低，你叫左碗豬腸火腿米線清湯走酸菜，我冇出聲轉身走左，行左去荃灣西搭屯馬線返屋企。我終於明白點解D港女發脾氣個陣會鬧對方從來都唔咩咩咩，我重來都冇愛過你。以下呢段歌詞送比你Honest It's too hard to be honest When everybody's faking And all they feel is vacant

荃灣一向多米線食呢間屹立左咁耐相當難得，係一種回憶口味既野各有所好，我覺得呢間係屬於耐唔耐會想食一次既味道🤓講真，如果專登過嚟食既要保持平常心酸辣豬頭肉腐竹米線🍜味道: 👍🏼👍🏼👍🏼環境: 👍🏼👍🏼👍🏼服務: 👍🏼👍🏼👍🏼🥢偏油既湯底充滿住炒香咗既辣椒油&籽，香而不辣，重口味注意⚠️ 覺得太油膩可以要碗酸菜汁，自己調節平衡一下😄一啖食件豬頭肉，雖然望落多肥膏但唔肥膩，而且份量勁多🐷🛎去到都要排隊，姐姐會幫你落定單先，一坐低等一陣就有得食👍🏼 店舖環境餐牌都好有味道，食既就係呢種情懷😋

好多人推薦呢間唯一，所以就襯平日嘅下午茶時間先去食，但都要等位。鋪面唔算大，但坐落唔逼，衛生情況一般。. $47⭐️⭐️ 2/5腩肉：同平時嘅米線舖唔同，佢食落好”鞋”好柴，份量夠多但食落好一般。雲吞：皮超級厚，肉餡好少。湯底偏油，但唔會死鹹。有汽水、冬瓜茶等枝裝/罐裝飲品。.整體：可能聽過唔少好評，所以覺得有啲失望。我認為唔值得排隊食，食到一半已經唔想食餸淨食米線，喺荃葵青絕對有更好嘅選擇。🌝

前幾日經過荃灣，就諗起好耐冇食既唯一於是決定晚餐就食佢叫左一個麻辣大辣腩肉雲吞米線米線份量多而且軟硬適中腩肉份量又多，雖然佢係瘦腩但係一啲都唔鞋 好好食雲吞比起出面既都好大粒，而且佢係酸菜餡。第一次食呢種餡既餃子，味道唔錯 下次去會encore. 成碗米線我都好滿意，但如果辣度可以再多啲，油少啲就更好！