唯一雲貴川風味

营业中

休息中

🍜荃灣唯一難食雲貴川風味！🥴▫️呢間排隊唔算排好耐，排咗大約20分鐘左右，入到去坐咗一陣就好快有得食。▫️蒜泥白肉($36)腩肉位好爽，唔辣，好厚切，呢一款小食就做得不錯👍🏻▫️雲吞酸辣中辣($45)酸味比較重，食落都唔算好辣，成碗米線不停食到酸菜同埋辣椒🌶️冇咁多辣椒會好啲，而雲吞皮好厚，一嚟到以為叫咗水餃🤔😂仲要係兩舊黐埋一齊咁，個皮重多過個餡料，米線偏粗、冇咩彈性，好似浸咗好耐浸到發脹咁💁🏻‍♀️▫️整體來講，蒜泥白肉幾好味，但係米線就出晒事-.-覺得好難食，唔會再去，都係唔明點解會有咁多人去食，仲要講到好好味咁，價錢仲要係少貴🙄🤷🏻‍♀️▫️地址：唯一雲貴川風味 (荃灣)荃灣四陂坊14號地下▫️為食指數:4（10分為最多)抵食指數: 6

假日下午已經排哂隊 講緊條隊應該有成二十人 究竟有咩咁吸引呢🤔•麻辣豬頭肉雲吞米線 HKD54熱辣辣嘅湯底有肉碎 酸菜 芽菜嗌咗麻辣豬頭肉 諗住試吓特別啲嘅配料食落似係較肥嘅腩肉 品種較濃 但唔算辣雲吞就皮厚冇餡 完全唔吸引整體嚟講湯底較重口味 米線份量都偏多✦冇傳說中講到咁神級 唔使排隊可以試吓嘅🥲✦兩餸$54嚟講真係少貴🤏🏻🚩唯一雲貴川風味 荃灣四陂坊14號地下

米線啊米線啊🤪又係你啦米線達人Jan又帶大家去食好野😀✅唯一雲貴川風味呢間米線店係米線關注組好出名🤣成日都見到有人去食每次經過都有好多人排隊🤧聽屋企人講呢間米線店已經有好多年歷史但我就一次都未去食過所以見唔係好多人排隊就去試下啦😆🔆麻辣酸菜雞肉米線 $52係關注組見到有谷友話食酸辣湯唔夠辣就麻辣湯加酸菜呢個組合就會正好多麻辣湯聞上去好香 飲落亦都有輕微既麻辣味 但我就覺得可以再麻再辣多少少🤣谷友推薦食腩肉同炸醬但我自己又冇特別鐘意食 所以就叫左雞肉啦！個雞肉比較薄身 唔會太乾酸菜做餸真係爆多！酸酸地好開胃 但又唔會話好人工既酸味米線好彈牙！最鐘意呢啲唔易腍既米線😀見到有人話食親呢到既米線都會好油我諗個啲油就係來自啲肉碎我個碗又唔係真係咁多油姐 我覺得可以接受！味道: 3.8/5賣相: 3.5/5P.S. 下次去食要叫多酸多辣🤣唔怪得之大家話食有hidden menu啦 要食過一次先識叫餸🤣地址: 荃灣四陂坊14號地下

今次揀咗酸辣小辣，酸菜份量好多，鍾意食酸辣嘅朋友絕對唔可以錯過😂如果鍾意食葱可以叫多葱！揀咗豬肚、豬脷、豬頭肉同麻辣雞。餸嘅份量幾多，最好味係豬脷，薄切之餘仲好入味🥰 豬肚一樣好入味，豬頭肉就一般啦。麻辣雞唔算太辣，因為連埋雞骨所以食嘅時候要小心呀。湯底都唔算好辣，米線份量都多嘅。😋😋一坐低發現隔離枱三個日本男人食緊米線😂 落咗單好快就上菜啦，食完走嗰時見到餐廳門口大排長龍😂真係好誇張呀！！

📍唯一雲貴川風味 #happytreats_tsuenwan-腩肉炸醬雙拼米線 (酸辣小辣）- $45由細到大都好鍾意食米線😍以前好似譚仔都仲未受歡迎😳(暴露年齡🤣)其實我覺得呢啲小店嘅米線好食過連鎖嘅好多，至少湯底係真係每日新鮮熬製出嚟👍🏻呢碗米線絕對屬於中上水平，米線入口彈牙，輕微有少少煙韌，係我比較鍾意嘅麵質😙湯底酸辣十分惹味，但我覺得可以再辣多少少，下次試吓中辣先～炸醬亦都係屬於重口味，本身已經加左香料同埋辣椒油🔥而腩肉呢就普通少少，有少少鞋，同埋比較瘦><整體都唔錯呢😬-識得米線，比呢個價錢都唔係要淡啲咩環境啊😹呢度係坐得有少少北極，衛生都一般🤣我哋坐落去之前，姐姐好似都冇乜點抹枱😗有啲改善空間~-食物 3.8/5環境 2.3/5服務 3/5

見呢排大家都不停推介呢一間米線 喺荃灣附近返工既我當然要來試吓🤩🤩🤩 抱住超大期望過 我帶埋我老細同埋一個同事一齊去 我哋提早咗去所以等咗一陣就入到😉😉 首先叫嘢食要好急 冇咩時間俾你考慮🤨🤨 另外 我自己食米線一定要飲凍檸茶 但係佢竟然只有支裝飲品😖😖😖😖 大大扣分啦 不過唔緊要 見大家評語咁高就繼續觀察 😋😋😋 我就叫咗個腩肉豬潤酸辣米線🍜 首先我覺得太多油 但係聽講可以走油🧐🧐？ 腩肉同豬膶係的確幾好食 但係😟😟😟 湯底係完全冇味 唔太辣 另外係一啲酸味都冇 少少都冇😖😖😖😖😖整體來講 真係冇講到嘅咁好食 價錢又偏貴 而且重點係冇凍檸茶🥲

好多荃灣朋友仔都有推介既一間小店，今日我終於的起心肝去試。平日收工去到排左三個字就入得，店舖內唔係好多張台，但座位都算鬆動，而且會比到櫈仔我地擺袋。我地叫左小窩米線：一碗腩肉豬肚豆卜；同一碗大腸雲吞。佢既腩肉同豬肚有辣味，而且好淋都幾好味，而且加入米線令湯底多左辣味，唔錯！而另一碗就好似比較清淡，而且大腸有少少厚同唔夠淋，雲吞食得出係自己包既，皮有啲厚身，餡料不多。整體來講，米線ok，唔知係咪因為冇叫到麻辣，冇想像中甘好食，但一試無妨！

行完街個肚餓餓地荃灣排隊米線店-人氣米線店，長期full,圓枱六、七張，一張坐6人，必須搭枱，客人背貼背坐。筷子幾乎接觸到隔璧，，隱身於不顯眼的四陂坊內，裝潢簡陋D。米線逐碗煮,鮮甜濃郁,腩肉、炸醬幾乎每枱必點,真的好好味,自製酸菜用香料醃芥菜，爽脆惹味。主打酸辣雲南米線,我覺得D腩肉唔係咁肥,岩晒我口味分大中小微辣,清湯，小辣已夠，大辣會辣得出眼淚來。我覺得好味過譚X,如果你愛味道濃的話平時晚上大多要20分鐘!其實都幾耐,不過就一邊排一邊可以TICK下咁!

人龍=好食，呢個係一定既定律呢間目測都長期有人龍，估計都係受歡迎嘅。呢間等10分鐘左右入座，5分鐘有米線送上。好快有得食，正啦！😆🙌🏻叫左2碗：酸辣+酸菜+腩肉🍖🍖麻辣+炸醬+雲吞 🥟🥟酸菜好夠酸👍🏻👍🏻，但酸辣底唔夠辣。麻辣底比較辣，多紅油，幾正。不過呢度無咩餸選擇，單調左d 🙄🙄呢間一解米線癮都很不錯呀，味道值得去食👍🏻呢排成日去食米線，已成癮，哈哈，成功取代左飯🥳🥳

最近日日睇米線關注組搞到心思思想食米線今日終於嚟到呢間 網紅米線！我6點幾嚟到都要排一陣 前面大約6個人左右一路排隊 就有個樓面姐姐一路幫大家落單第一次嚟都未睇得清有咩食就要落單都幾有壓力 建議大家揀好晒先開始排隊( ͡° ͜ʖ ͡°)排左5分鐘就到我入去啦 都幾快喎！ 坐左一陣野食就到啦～我叫咗腩肉豬肚米線小辣老公叫咗腩肉炸醬小辣兩碗一上枱係分唔到邊碗打邊碗嘅XD湯底啲色啲餸都差唔多樣咁好彩有佢啲炸醬都幾大堆 咁就識分啦 第一啖食落口 又幾好味喎幾岩我口味 辣度酸度都岩岩好 就算係小辣都唔會無晒辣味（不過我下次會食中辣）同埋餸都幾多 食極都仲有腩肉都幾入味 不過有幾舊就偏韌但整體嚟講都係我鍾意嘅口味 網上話覺得個湯底太油 呢方面我又覺得ok 都仲可以接受（可能平時食酸辣粉仲油） 不過呢度地方就唔算乾淨 同埋都幾逼要同人搭枱 疫情嘅時候都少食為妙或者下次會叫外賣返去食 好似安全啲╰(*´︶`*)╯

永遠的長龍店我又來探你啦！印象中依度係一個味之日「辣」！今次好醒要左小小辣，小窩炸醬貢丸。小窩勁多肉醉，醬爆貢丸今次竟然沒爆漿有d失望其實醬爆=爆漿？另一碗腐皮+腩肉，腐皮吸哂d湯係好好食，腩肉肥瘦適中唔會太咸有咬口最後好後悔叫小小辣唔夠過癮，下次都係要番正常辣來依度食唔辣到出哂汗流哂眼淚就排得冤枉了.

荃灣有好多好食既米線店，呢間唯一雖然鋪頭位置隱蔽，但係長期都好多人排隊食。記得幾年前有食過一次，果陣已經係要排長龍先食到，今次再去食一樣人氣不減🔥不過黎呢度食既話就要預左環境逼硤啲，同埋呢度既menu都有啲亂😂  不過今次黎食有少少失望，覺得好似冇第一次黎食果陣咁好食。不過都值得一試既。1️⃣酸辣腩肉炸醬米線（中辣）（$56） 呢度酸辣都係計一個餸架😂見到好多人都推薦黎呢度食必點酸辣、腩肉同埋炸醬，我就一次過嗌曬呢三款嘢，重口味人士一定鍾意🙈仲有記得要嗌多蔥！  呢度每一款餸既份量都好多，腩肉係偏瘦既，我自己幾鍾意，有醃過，本身就辣辣地。而炸醬更加誇張，一上檯，啲炸醬鋪滿曬成碗麵咁濟，好香撈埋碗米香食超正❤️酸辣方面我同另一碗冇嗌酸辣既湯底比較過，酸辣既係味道濃郁好多，建議真係要試下酸辣！如果唔係佢本身既湯底係偏清啲帶微酸，我自己就鍾意濃味啲所以酸辣就啱曬。  基本上呢碗麵係集合曬重口味既配料，如果都係鍾意食濃味嘢既話會啱。同埋呢度既辣味比其他米線舖既係再辣啲，我今次嗌中辣覺得都幾正辣得幾爽🤤但係佢既湯底就偏油少少，同埋鹹啲。2⃣️豬肚豬潤米線（小辣）（$47）冇嗌到酸辣湯底飲落明顯冇咁香濃，如

幾年前食過一次 印象之中係好好食今次去食之前上網睇到評語話已經冇以前咁好食所以就想去試吓晏晝時間去到 依然多人排隊叫咗豬腸酸辣炸醬腩肉 $56豬腸好入味 酸辣炸醬腩肉正常好味 但係唔會令人驚艷可能而家啲米線舖 周圍都係 好食過佢嘅相信都唔少同埋佢嘅價錢都唔平食到嘅係風味 大家迫住坐埋一齊留住鼻水索吓索吓咁食

第一次朋友帶去好好食。但第二次自己去就好差。我真係未見過豬潤一早煮熟曬有客黎先放。你估雞中翼咩。大家睇下張米線相就見到。豬潤係湯上湯下兩種色。好明顯係浸一段時間先可能發生。明顯發黑。又硬又干。服務唔錯。即刻幫我豬潤換翻雞中翼俾我。中翼不過不失。但好可惜。我要左酸辣米線。不酸也不辣。平淡無味。真係想問係咪換咗師傅。所以好難得咁浪費。食左中翼。全碗留低。清潔姐姐仲問我係唔係太辣食唔到。我只能報以苦笑。唔通我真係大聲同你講我唔食垃圾咩

午餐 米線篇 天氣凍既時候 ， 最想就係食熱辣辣既野 番工地點關係， tko 係有架290, 咁同事有啲住係荃灣區， 佢地知我鐘意食米線就帶我係荔枝角 同荃灣去食米線 😁初初都唔識架， 咁佢地成日都話有間米線一食就會上左癮咁， 講到咁巴閉 咁當然試試佢去到個呀姐超勁， 認得啲同事係熟客， 又問仲咩唔日日黎 🤣🤣 必楝既餸係腩肉同炸醬， 呢2味係一定架喇，另外會加就可能係 雞翼或丸類， 小辣少酸走芽菜激多蔥 🤩🤩🤩🤩🤩 每次多蔥都唔會失望 ， 啲湯又夠滾， 食完暖笠笠 ， 跟著啲同事都會帶我搭番290 閃人 而啲呀姐都超好， 所以每次食呢都超開心同滿足