唯珍上海麵家 (已結業)

於電影中心欣賞觀音山後, 漫步到女友經常光顧的唯珍用膳聽說呢間係新鋪黎, 裝修比舊鋪舒適好多我唔明點解九龍灣工廠區既茶餐廳價格要差不多貴一倍...是次點左北京餡餅, 雪菜菜肉雲吞粗麵, 酸辣湯, 蔥油餅呢碗麵我俾4分, 湯都幾鮮味唔太重味精, 粗麵正常, 菜肉雲吞大大隻好足料有肉汁, 整體味道偏濃(寫食評時先發覺我唔識分雲吞同水餃, 係咁諗呢碗究竟係雲吞定水餃?! 最後都係憑記憶, 同自己講一萬次呢碗係雲吞!!!)餡餅係好味既, 但係味道同菜肉雲吞太類同, 一齊食就打左D折扣有肉汁但未到爆汁既程度, 如果清真牛肉館既牛肉餅係5分的話, 呢個餡餅迫於無奈地只能得到4分喇酸辣湯味道都唔錯, 但同平時飲開既酸辣湯味道唔太一樣, 呢碗比普通既酸, 色澤都淺D, 加上得我一個人飲實在太大碗, 飲唔哂蔥油餅一般, 可能都係已經太飽既關係聽說煎餃係必食之選, 不過今次8點去到已經賣哂, 下次先再試埋計50蚊兩個人都食唔哂D野, 食物積素中上, 實在抵食

因為舊樓清拆重建，唯珍搬左鋪，但仍在舊鋪條街，只要向油麻地方向前行兩分鐘就到啦。新鋪裝修當然比舊鋪好，新淨光猛，唯一問題仍然係座位好迫狹，食完就一定要即走了。上海粗炒：好味！好多椰菜同蘿蔔絲，配料的份量多。粗麵是招牌啦，彈牙入味。唯一美足不足係好油，不過粗炒是無可避免的啦。上海水餃雪菜麵：麵可選粗、幼。水餃係韮菜豬肉，皮略厚，好大隻，飽肚，連湯底都有雪菜的味道。餡餅：這個是必吃的啦！八蚊個，切開四舊，好ｊuciy ！咬下去鮮甜的肉汁會彈出來！凍豆漿：一般，冇咩特別。不過食完上海野飲，個人感覺又好似特別夾。兩個人食左七八十蚊，抵食又好味！

數月前已得知這棟舊樓會清拆店舖會搬走，只是不知道新址原來是在同一條街上！一切安頓下來也是時候來探探老朋友了。其實是有點擔心，因眼見很多老店搬舖後食物水準會大不如前，總給人新不如舊的感覺。由舊店向油麻地方向走一分鐘便來到新店。地方間隔和舊店相同，只是變得更寬敞明亮整潔。蔥油餅----蔥下得夠多，吃起來既薄身帶脆。牛腩麵----選擇了幼麵貪其有咽韌口感，份量是一貫的大碗，濃汁牛腩炆得軟淋入味牛筋尚有咬口。菜肉雲吞----味道沒變，依然是帶丁點胡椒作調味白菜豬肉作餡料，不是熟客應不會發現的是雲吞體積比舊店略細了一點。但依然是覺得最好吃的菜肉雲吞。炸豬扒----只要老闆不在水準便大幅滑落，百試百中！這天老闆剛巧不在...吃完後疑慮全消，因味道一切照舊！始終也是一家光顧了接近廿年的老店，由十多歲時期吃完一碗麵再加剩雲吞餡餅豆漿也臉不改容，到現在連一碗麵也吃不完。對這裡的味道始終是有一份感情在內。

12月3日, 是晚出咗去佐敦, 先搞掂d野先食飯, 搞完都9點鐘, 得知附近有間好味上海麵, 尤其想試人地大讚嘅豆沙窩餅同北京餡餅~ 但係可能太夜去到, 坐低咗叫野食先知想食嘅已經賣晒, 有d失望… 不過既然坐低咗, 就食埋先啦…::: 豬扒雲吞麵 ::: $26豬扒唔分碟上唔得, 因為實在太多油! 成塊炸豬扒又油又乾, 炸到個邊邊勁燶, 賣相令食慾減了一半… 咬落只有嚡烚烚嘅肉地, 成塊扒都好瘦, 仲有一層油膩感… 雲吞都可以啦, 說明了用白菜豬肉做餡, 白菜偏少, 只食到豬肉嘅味道~ 反而麵配上雪菜, 唔駛另加都有, 為比較淡味嘅上海麵增加一d鹹味~::: 雪菜肉絲水餃麵 ::: $24原來d麵係唔係都會加雪菜… 早知就唔洗特登叫呢個啦! 可能碗細, 搞到d料好似好多咁… d雪菜都幾濃味! 水餃餡係最正常嘅韭菜豬肉, 不過都係肉多菜少, 而豬肉又較肥… 唔太啱呀菲口味… d上海麵呢麵粉味係有, 但煮得過淋… 成碗野水準一般!::: 豆漿 ::: $6豆漿喺豆漿機只剩餘小量, 我地嗰杯應該就係尾一兩杯嚟~ 味道帶淡淡嘅豆味, 好清好清… 同埋個杯邊崩晒都仲比客人… mmm…2個麵其實

食肆的佈置挺簡單通俗，雖然只有幾枱座椅，不斷有人進出，很快便坐滿了。與朋友點了豆沙窩餅、豬扒粗炒一起分享，另外叫了兩杯凍豆漿。豆沙窩餅餡料足，甜度適中，窩餅雖較油膩，但十分香脆。綜合而言，從未吃過這樣美味的窩餅，配搭得很好。凍豆漿味道清甜，有豆味，喝下令人舒暢。而豬扒粗炒料足，豬扒香脆但油膩，吃多會滯。最後再點了葱油餅外賣，亦是美味之作。此店於2011年1月1日起遷往鄰近街道，若然經過，不妨試試它的餅食呢!

我經常來吃午餐,唔得閒都會買個餅走,近日見棟樓封晒收樓banner,才知下年唯珍會搬後一點,新舖較近永安,在佳佳對面北京水餃是我的最愛. 韮菜豬肉十分新鮮,隻隻包到脹卜卜,同樣是韮菜豬肉造的餡餅,皮薄脆餡多汁,記得趁熱食呀！因為放久了,皮吸了汁便會淋啦！唔鍾意水餃皮厚又嫌韮菜臭口呢,可以食上海雲吞,皮滑,白菜豬肉餡.又係大大隻！另外, 我鍾意佢地會送匙雪菜在麵上,我見好多人叫無錫骨及豬扒,不過我次次都受不了韮菜的誘惑...

好多年前已係openrice度見到呢間既好評, 但因為呢間野係唔起眼, 有時行過個頭都唔記得, 所以都未試過.今晚去開個頭想食麵, 突然記得呢間唯珍.醒唔起最招牌既係咩野餸, 惟有叫碗安全既上海菜肉雲吞幼麵($22). 碗麵唔係好大碗, 有4粒菜肉雲吞, 但粒粒都幾大粒 先飲啖湯, 係豬骨湯, 當然唔係日式豬骨湯啦, 亦唔係味精湯, 好味 . 再食一粒菜肉雲吞, 嘩!! 好好味, 好驚喜!! 亦都明白點解呢間唔起眼既麵店咁多好評. 雖然d皮唔係好薄, 個餡亦係少肉多菜, 但佢地餡既調味係好好味, 仲有湯汁响裡面, 所以係好正, 仲係我食過咁多間菜肉雲吞最好味既一間呢! 跟住再食既上海麵都因為俾菜肉雲吞搶晒鏡而暗然失色.我見好多食客都order北京餡餅, 等我下次都試下先. 但我下次一定會食淨上海菜肉雲吞!! 已家諗起都回味呀!!!PS. 見其他食評話個女老闆態度麻麻, 但係今晚我見到既伙計, 個個都好nice呢!!

下課正好是吃下午茶 早前做足功課搜尋佐敦美食 決定一試唯珍!這兒位於XX國貨(忘了名字)後街 那小街到處美食的看到菜單有「豆沙窩餅」的字 , 立刻點了一個. $8好久沒吃這個了 以前還多在內地吃,因為是即制 並不是''交貨''那些見阿姐把做好的窩餅放回鐵板上煎熱,不久上枱切成四小片.豆沙窩餅,是薄薄的,豆沙平均分佈於餅內 不感膩應讚是滿有芝麻香味雖然阿姐說此餅是煎不是炸的,但入口外層像酥餅那樣好像是炸後再煎的模樣。我還是怕上火 , 小吃多滋味好了

自金融海後,很多大大小小的食店都加價並將份量減少,質素也大大進步。不過唯珍仍然保持水準,抵食又大件!水餃餛飩雙拼,加上蒜蓉醋,簡直絕配!炸菜/雪菜豬扒飯也是另一招牌菜(份量＋足)

最少3個月沒有惠顧，十分期待。食物（雙拼麵）：-水餃：有4粒；有很多韭菜，很香；皮薄，好豬扒：切開了三份，一份骨和兩份肉，方便進食；炸得剛剛好，沒有燶；炸粉不多，剛剛包住塊豬扒；很juice上海幼麵：普通，無特別服務：-我之前曾經惠顧無數次，每次都見到老闆娘呼喝客人和伙記的情景，今天竟然見唔到，仲要見到老闆娘笑笑口對住客人。簡直是奇聞！要買六合彩！環境：-普通裝修。座位比較窄，很逼。注意事項：-（1）全場只有1張六人圓枱，其餘都是2至4人枱。如果多人去，要預咗分開坐。（2）等候坐位及食物時間較長。

lee間野有一日係開飯既食評到見到...唯珍..個名好熟..我就諗起想當年相公帶我去旺角女人街到食..後來再想食但發覺冇左..好失望因為相公好鐘意食lee間野..點知又比我係開餅到搵到..但係唔同地方就一樣名woo..仲要係個餐牌都係一樣..所以就黎食下la..點知..原來真係同一間黎ga..一見到個老板相公勁開心呀...哈. 豆漿..有豆味又唔算好甜. 北京餡餅..入面d料好味..如果熱d仲好. 無錫排骨..好好味呀...不過淨食會咸左d..如果叫無錫排骨會好d. 煎餃..熱辣辣..好正...入面好多汁...加埋d辣醬好好食 時菜排骨飯..就係lee個飯食到相公好開心...真係估唔到咁都搵到..當年唔知有分店仲以為淨係得女人街個間..我諗下次會去食下佢d酸辣湯又重拾番當年同相公拍拖去食既感覺..哈哈

本次番大番障木頭, 都會食一間叫做"北大倉" 的食店, 呢間鋪做o既餃子同豆沙窩餅都非常出色. o係香港搵o左好多間上海食店, 都食唔番咁o既水準.聽朋友講, 呢間d 豆沙窩餅都好好味喎. 好. 就試一試.2人叫o左:豆沙窩餅 , 好味, encore 再 encore, 食o左3碟 淨雲吞 (一碗有成十粒, 又好食又抵食)腩汁白菜2杯豆漿 p.s: 豆沙窩餅即叫即整, 亞姐由搓面粉到煎都係一手包辦, 勁 ~雖然我都係覺得北大倉o既豆沙窩餅好食d, 但o係香港o黎講, 已經算好好 !

路過這間不起眼的食肆，因肚餓又趕時間便入去幫襯。叫了–碟時菜豬扒飯 (28元)及一杯凍豆漿 (6元)豬扒飯要了無錫汁，相當好味。豬扒一件也炸得好香，但略嫌細件了一些！另外，在進食期間好多人入嚟買餡餅同豆沙窩餅，應該好有口啤。

今日心血來潮想食早餐*對面間澳奶排隊-.- 唯有去e間唯一啦!!!!見到出面寫住9蚊早餐xdd"未貢入去睇下有咩食~~結果我見到有salt豆漿.....起初以為加隻旦就算啦!!!!呀~又唔係wo佢落左好多料而且望落好大碗有蝦米之類個d..同埋食落去好滑好似食緊豆腐花咁~~~不過食到一半就會好飽同埋愈來愈salt!!!可以改善^^是日仲同埋細妹來食.....所以share來食岩岩好~~order埋個北京餡餅...正"韭菜我鐘意.....而且啖啖都有韭菜~~~不過如果佢平到5蚊件都應該好多人去食xdd"但lee個時勢唔加價已經偷笑環境唔好staff唔係幾聽得明佢地講野

每次都係來食雪菜面,主要唔係因為雪菜而係佢煮到剛剛好既幼面.佢既雪菜及面都煮得比唯一好. 湯無咩味精,所以食完唔會好thirsty及佢雪菜不會油及太咸,味道清食得出雪菜既味道>昨天食了個云吞面,料好足,皮既厚度剛剛好. 一口咬下去,成口都係好香既白菜加埋面條真係好prefect.要注意,佢地好似收得幾早架,所以10時前去到會好d. 試過2次都係10點05分去度,阿姐說要收工.