喇沙專門店 (已結業)

今次我打卡食樂城，行到飽時遇見了這間好評如潮嘅喇沙專門店。當天，我揀了一個煎豬扒喇沙。豬扒煎得啱啱好，外皮微脆，啖啖肉，咁juicy嘅肉質真係要讚一讚👍！喇沙湯口感幼滑，椰奶香甜夾帶咗少少辣，幾勁呀！加上辣度可以另外加，真喺食客友善。面條係手工嗰種，Q彈得滯，唔會太過腍。佢地嘅料理做法都幾細心，料豐富得嚟，湯底味道重又唔會膩，真係正到我食唔停口！就連平日唔咁鐘意食辣嘅朋友都話，個辣味咬合得剛剛好，令到成碗麵都唔覺得悶。而家食完都覺得口裏邊好似仲停留緊嗰種椰香同麻辣感，感覺好滿足，好過癮🍜！總之，呢間店嘅喇沙經濟實惠，味道又一流，喺西九龍中心算係搵食嘅好選擇，下次我一定會再黎光顧架啦😊！

試過好多間喇沙(唔包括幾間排大隊既網紅店)，唯獨是得呢度係滿足到我對椰香味既要求...星期日一支公lunch，成年無幫襯，就的起心肝搭半個鐘巴士黎買個外賣；擔心小店生意唔好會執，所以臨走時口多問一起生意o唔ok，老闆雖然覆我還可以，但另一個惡號係，做到12月中約滿就會結業。再追問係咪relocate，但唔係搬，所以唔會再開...無再追問原因喇...總之要食的話，大家就把握呢個半月既尾班車。講番個喇沙，因為我專登加底想食多d(加5蚊係良心過好多粉麵店)，但由於外賣，個碗係得咁大，加左粉就未必夠位加咁多湯，加上搭半個鐘巴士番屋企，米線又吸湯，所以番到去，基本上得番個底既兩啖湯。所以如果大家外賣加底，考慮下問老闆再加外賣盒錢分湯。湯就無退步到，米線都係我鐘意既口感，唔會太過淋，而牛脷都係無臊味，食到本身牛脷既香味，無加其他調味，夠淋。BTW，大家要食就襯早...12月中好快到，無幾多時間

深水埗嘅food court有好多唔同類型嘅特色餐廳，每間睇落都好吸引。今次選咗喇沙專門店呢間餐廳，我企喺遠遠嘅地方就畀佢個醒神黃色招牌吸引住喇 😛😛😁我叫咗一個豬扒喇沙麵，喇沙湯底好香好濃，但唔會過鹹。椰香味濃，令湯底飲落好舒服，而且唔會好辣，只係輕輕少少辣啫。豆卜完美吸收咗喇沙湯底嘅湯汁，每一啖食落去都食到好重嘅椰香味。豬扒食落都好嫩滑，老闆仲幫手切開咗做幾小塊，咁就可以好輕易食到喇😋😋😋😁👍🏻跟餐仲包咗一盒紙包飲品，都係50蚊，都幾抵㗎😆😆🤤

天氣濕濕地，食辣嘢祛濕是常識吧🤣一於食位於平民food court中嘅牛脷喇沙湯麵！！入面有三大片厚切牛脷，預先煎香過，好香口，軟腍度剛好！入邊嘅豆卜索晒啲湯，每啖都食到惹味喇沙濃湯。湯底好重椰香味，唔會太辣，辣到差唔多係譚仔10小辣。豆卜同麵份量麵量都多，夠晒一個男人食。另一加分位係芫荽、辣椒同蔥係自己任加嘅，可以自製勁辣重茜喇沙湯都得🤪🤪喇沙湯麵附送紙包或罐裝飲品，$50 食到厚切牛脷絕對抵食！！

係89美食既9叔度買左半隻口水雞,再係喇沙專門店買症個牛舌喇沙返去同同事開心share.因為怕兩份分會唔夠食,於是叫喇沙仔幫我加底XDDD跟住我仲貪心地狂加芫荽XDDDD雖然係運送既過程有D捩棄,d喇沙湯又漏左出黎,口水雞個碗蓋又鬆左,差d 搞到一袋都係汁,但最後都安全到達XD 牛舌喇沙,配料有豆卜,芽菜,雞蛋,配埋香濃喇沙湯底.正呀.同事試左啖喇沙湯底就係咁話好味,話好香蝦湯味,話d 湯再多d 就更好啦,咁加左底湯更係少左啦XD佢話下次要自己食一碗仲要多湯喎~

又嚟到西九龍中心覓食。今次幫襯喇沙專門店，叫得專門店，喇沙應該係主打，一定要試，於是叫咗個大蝦喇沙麵。一碗喇沙，最重要嘅肯定係個湯底，以快餐店嚟講，呢度嘅喇沙湯底算唔錯，唔會好稀，椰香味亦算香濃，幾好飲。配料方面，除咗蝦之外，仲有魚片，熟蛋，芽菜同豆卜，最好食嘅當然係豆卜，因為粒粒吸滿湯底，一啪入口，再爆漿，其味無窮。其他配料就正常水準。

好耐冇出過深水埗啦, 適逢母親節就訂咗個毛巾卷食,要出西九攞,咁就係西九food court 睇下有咩食之前嗰一晚已經睇定食咩好,其實大同小異都係嗰D嘢食,見好耐冇食過喇沙就睇中咗佢啦去到都係12點左右,但佢未開門我又行下睇下食乜好,轉多個圈佢就開咗鋪啦,即刻沖埋去落單😆我就叫咗牛脷喇沙麵,50蚊包埋一盒紙包飲品,等咗8至10分左右就有得食份量十足,取餐位有芫茜,蔥同埋辣椒粒可供自己加,雖然我係芫荽蔥怪,但我都唔係幾好意思落咁多講返碗麵先,第一時間飲啖湯先,係夠香濃但重點唔會咸,而家出街食嘢乜都咸到一個點,牛脷就唔叫厚,但係好冧,而豆卜有成7至8舊,真係估佢唔到,吸曬湯嘅精華,50蚊都有3大塊牛脷仲要咁多豆卜,抵食讚但始終係food court 環境一定唔叫好,但味道係好食嘅

喇沙專門店絕對係西九food court入面比較多人識既一間。最出名既係佢地既雞扒喇沙同埋牛脷喇沙。果日去買先知原來佢除左喇沙之外，仲有冬陰功米線、飯同埋一啲小食賣。不過一場黎到，緊係要試下佢地最招牌既喇沙啦😌喇沙好大碗好足料，而且都係$50一碗包野飲，超抵食～  1⃣️雞扒喇沙麵（$50）喇沙湯底帶椰香，鮮甜唔會過鹹🤩配料除左大大塊雞扒之外，仲有半隻蛋同埋好多豆卜、芽菜。另外蔥、辣椒粒、芫荽係自己落既，鍾意落幾多就落幾多。因為鍾意食辣，所以我落左好多辣椒粒🌶️湯底既辣味唔會太辣，伴隨椰香，好正～雞扒都好抵讚，好大塊煎得好好，肉質嫩滑而且好厚，食落口感好正😋Overall覺得呢間值得encore，下次黎會想試佢地既牛脷喇沙！  

😈喇沙專門店☀️雞扒喇沙麵🐓呢間真係好好食😋佢嘅湯底好香，啖啖都會食到椰香🌬唔係得死鹹或者辣，佢真係唔算太辣😂唔會辣到食唔到其他味，但我每食完一啖都要飲番啖茶先🙈.呢碗麵有唔少配菜😜有好幾塊豆卜，每一塊都吸滿哂啲湯 😚沉左落底嘅半隻蛋同埋舖滿面頭嘅雞扒，雞扒係好嫩滑、唔會好鞋 😆.佢地嘅麵都好特別，好似日式拉麵嘅麵質咁，同埋佢嘅份量啱啱好，食哂都唔會好飽👍🏻.$48 有野食同飲品，質素都唔錯，係西九搵食嘅其中一個選擇🤩💰$48

我一向有食開呢間鋪到食開佢d牛脷喇沙，咁我見到佢出埋火鍋套餐好似好正咁，我就即刻訂左個火鍋，佢原價$288，早一日之前訂就可以優惠價$268訂購。見佢餐牌個火鍋餐係好多料，肉方面有4款選擇，分別係 牛肩肉150g, 肥牛200g, 黑豚肉 150g及腩片200g。咁我今次就選擇左牛肩肉同黑豚肉。上面深紅色d既係牛肩肉，下面係黑豚肉。佢d牛肩肉係切得好薄，比既位又靚。就咁望d色已經好靚。牛肩肉我好快碌一碌就食。真係好重牛味！好香，唔會韌，好好食重點推介！至於黑豚肉佢係切得比牛厚少少，但都完全唔會韌，幾重豬味，幾好食。之後係菇，娃娃菜同金菇，份量都比好多，幾抵食其他仲有雞件，豆卜，咸蛋流心丸同其他雜丸。原先套餐係有跟甜不辣的，不過甜不辣剛好賣哂，老闆事前同我講話改為比左其他雜丸。雞件都幾滑，一點都不老，豆卜索哂D汁係好入味！咸蛋流心丸有流心又幾特別。粉麵方面有油麵和米粉，份量幾多，一定夠飽。油麵索哂喇沙湯汁係幾好食。海鮮方面，有4隻越南虎蝦同蜆，蜆的份量真係好多，而且老闆真係洗得好乾淨，蜆係完全無沙。至於蝦都幾大隻幾抵食。其實呢個份量2個人係食唔哂，最後我係要留番第2日先食得完，真係非常抵

💛成日行過都想叫，知道佢地出左外賣邊爐就係聖誕試左，但好似唔係二人餐咁簡單😶除左張相有嘅（牛，豬，雞，麵，蝦，蜆，菜）之外，仲有2碗重點精華湯底，店主會先加椰汁再落湯，所以惹味得黎唔會得個鹹字！而且仲好貼心驚我番去整會偏鹹，叫我加d熱水先😊但佢成個餐（我加左盒海鮮）先$33x，唔係$2xx埋單，細食既2餐都食唔哂（因為我最後煮埋午餐先食得哂），不過味道真係夠香夠濃而且唔太辣，唔差得過堂食！🥰

🐂牛舌喇沙拉麵$48唔好睇小呢個白色紙湯碗，細細嘅碗入面居然勁足料😍成碗麵都係即叫即整，湯底算係我食過咁多間喇沙入邊最香甜！一飲落口首先會有一陣濃濃嘅椰香味，之後會有一陣好微嘅辣味🌶兩塊牛舌都好高質， 好大塊仲要係脆邊，易咬💥入面仲有3、4件豆卜用嚟吸汁🤤呢幾日咁凍嘅天氣食真係好正☺️

上西九hongkong_in拎野,掙扎食喇沙定叫蕃廚爸爸整雞肉碎熱狗比我食,最後決定食喇沙,平時好少食牛脷,試下食先,今日得型仔喇沙仔係度,佢話喇沙女係屋企湊貓,佢地都有join哩個深水埔小店聯合感謝祭,佢地既優惠係買麵麵就送送l串麻吉燒或甜不辣比你加餸.等煮其間又更係周圍望啦.對面既營業部做到12月中就唔做啦,老闆們決定出外進修,要打握機會食啦.麵麵到~老闆以為我堂食,我唔鍾意係西九龍food court 食野,係拎走前影返張相先.返到返屋企,好彩都太走樣,湯底椰香唔鹹,又甜甜既,充滿東南亞風味,哩個係蝦卷.今日唔食哈哈丸啦, 試下蝦卷,好多豆卜,浸滿湯汁,好味,牛脷定牛扒XD?三塊大大塊既肉肉,對我箍緊牙黎講有D 難咬,但其實佢唔係真係韌,係我廢XD厚到一個點XDDD最厚哩塊係爽身架.哩隻係幼上海麵,白雪雪,有D 似米線,但又彈性D,又唔係上海粗麵咁既質地.好飽,D 牛脷食到我好飽XDDD

今日行開深水埗…突然好想食碗叻沙(定喇沙🤔)。就貢左黎呢間喇沙專門店。其實之前食過又幾鍾意佢個湯底。雖然我唔識乜係正宗…啱食就好了😌😌呢度個湯就椰奶重d…好creamy同幾香…微辣…唔食得辣既都manage到。最鍾意呢度d湯夠熱…最怕一飲d湯係暖既…即係會成個人謝哂😥😥。我就叫左雞扒…雞扒都幾大份…即叫即炸…食時熱辣辣…正。麵我估係油麵但係白色既油麵…比較腍左少少…呢度最正就係蔥同芫荽自己落…我就一定要多蔥同茜😍😍😍😍。連埋罐裝野飲$50我覺得都ok…

喇沙專門店你個西九龍中心， 呢度真係好多餐廳今次就食呢個喇沙😋我就揀咗大蝦喇沙（$48）超足料， 有好多魚片，豆卜，芽菜， 仲有半隻蛋！我見到佢個湯底， 再加椰奶即刻煮，先試下佢個湯底， 佢個湯底濃郁烈， 好香椰奶味， 會飲完一啖再想飲多啖個種😋， 如果再（傑） 少少就似馬來西亞嗰種喇沙！🤞佢嗰個大蝦超彈牙， 最怕出街食蝦會有種梅的感覺😔， 呢兩隻完全係超彈牙👍再加埋啲豆卜吸曬啲湯汁， 真係超好食😋😋$48，仲要送多包嘢飲， 真係超級抵食整體嚟講都會返轉頭再食