喇沙 (已結業)

味道好過好多中高價餐廳, 芝士薄餅芝士多到漏出黎！總括：好味又抵食

我鍾意食喇沙，但最近都搵唔到好味既，星期一啱啱見到"喇沙"名列前芧，就專程到大角咀一試。晚飯時間，人不太多，地方光猛，都好潔淨。招呼方面，都有禮貌，只係唔夠醒目啫。都ok既。我和男友點了一碗雞絲喇沙及一個咖哩牛腩飯set，set入面有一碗咖哩牛腩，一個鬆餅及一碗飯，一碗(雞粉湯)上湯時菜，包一杯飲料。價錢合理，食物外觀亦不錯，只是本人比較愛辣，但喇沙和咖哩都不辣，愛棷味重的人會較喜歡。牛腩都做得不錯，飲品亦大大杯。總括而言，唔差，去開又想試下的朋友可以一試，但像我專程到訪就未必咁值。

海鮮喇沙~椰奶味太重, 好"漏", 搞到cover左其他味!!大碗飯汁太多, 飯用太多水煮!!但材料都幾多!大碗飯ok抵食!

叫左兩個喇沙一個係海鮮一個係牛仲叫左個練奶椰絲薄餅都好味嫁....感覺好似一d溝"希"左的咖哩咁~~好味練奶椰絲薄餅就真係好香~~~雖然真係好似一個椰絲包咁....而且服務都好好~~好有禮物....就算我已經出左門佢都繼續同我講拜拜不過....我就真係唔會再尼因為我食完之後竟然嘔....係唔係都懶落佢度嫁喇....如果你覺得唔關事的話...我都建議你地去一去gei~

今晚三個人一起到這裡食飯叫了一個兩人套餐及一個一人套餐，有咖哩牛腩、有咖哩雞，味道都幾好，不過我覺得薄餅就比較干及厚小小，不過如果無去過可以一試。

睇完戲專登搭車來呢到食晚飯﹗原來在車品品附近，估唔到呢頭臥虎藏龍。裝修得幾清新，簡簡單單，舒服，點了冬蔭公、海鮮酸喇沙、金柚沙律、雜菜同埋油餅配咖哩。冬蔭公頗辣、海鮮只有蝦好似少左少少款式，不過味道不錯，不會太搶口﹔金柚沙律好大碟，勁多柚子粒，食落新鮮酸甜，我就最鍾意食柚子架喇，最後係我一個人清哂﹗海鮮喇沙好多料，湯帶點點酸味不辣清香，麵條彈牙口感不俗，大大碗兩個人share都覺得夠，工友都讚好味道﹗炒雜菜普通，油餅沾咖哩食好好味，值得當飯食一試﹗點得太多送了，食不哂有點浪費，點知埋單原來只係160蚊﹗嘩，我仲以為三百先埋到單，抵食呢﹗

早幾日師傅專程黎呢間食店食晚飯, 無他, 因為呢間食店最近都幾出名, 加上師傅都好耐冇食過喇沙, 所以都幾期待!入到去燈光光猛, 比人一種好清潔乾淨同埋舒服感覺! 兩個人被安排坐於一張四人, 絕對寬敞! 跟住師傅就睇下有咩好食先, 見到都有好多唔同選擇, 最後決定要一碗新架坡咖喱海鮮喇沙, 一個一人套餐同埋一客越式炸蝦卷!先講下個新架坡咖喱海鮮喇沙, 新架坡咖喱海鮮喇沙湯底係以咖喱為主, 但咖喱味唔重, 反而有d椰香, 絕對唔似食咖喱, 湯底有少少酸少少辣, 幾香幾好味喎; 而海鮮就唔算係d咩海鮮, 淨係有兩隻未去殼蝦, 有幾粒魚蛋, 幾片炸魚片同埋幾塊魷魚; 蝦都幾新鮮, 肉身爽口, 可以啦; 魚蛋絕對係爽口彈牙, 好好味; 炸魚片都幾爽口, 薄薄地口感唔錯, 可以; 魷魚就冇咩特別, 不過不失啦; 而喇沙入面粉係米線, 米線煮得煙煙韌韌, 咬口一流, 絕對唔係腍截截, 好味; 一人套餐就要左秘製咖喱牛腩, 而個套餐仲有清湯浸青通菜, 薄餅同埋餐飲; 秘製咖喱牛腩咖喱好香而少辣, 牛腩就好鬆一d都唔韌, 而且好有牛味, 好香好正呀, 不過d薯仔就硬d, 扣少少分啦; 青通菜味道一般

2人同行食得唔多都叫左唔少野食有咖哩, 喇唦, 又有薄餅全部食曬個咖哩有蕃茄味, 甜甜地, 唔食得spicy既朋友都可以去試下雖然飲品方面無咩特別但0係大角咀有間咁ok既食店大角咀居民真係有口福!

平安夜來這裡吃，鋪位不算大，但整體的感覺很舒服，裝修很漂亮^^咖哩牛腩好香好入味，d牛腩好林，這點最重要，因本人不喜歡吃un的肉。印度薄餅很好的切開了小塊小塊，這很細心，之前在別處吃過沒有切開的一大塊很是不方便。還有伙記有很好的態度，我們問她們那裡有車往尖沙咀她們也很好人回答而且很有禮貌=]唯一不足是本人覺得蔬菜咸了些許\。

Laksa始終都不及灣仔蝦麵店好食，後者的湯底香濃很多，而且可有米粉和油麵兩溝，另外有有半隻蛋。不過，此處有多些食物選擇。

今晚試了咖哩一人套餐嘅咖哩牛腩,d咖哩幾好味,但係d牛腩就唔夠入味,d薄餅好好味,同埋個上湯青菜都好味,整體黎講十分ok!

喇沙湯好味. 如果除米線之外有第二種麵選擇會更好. Roti配鮮茄咖哩幾特別, 好味! 椰子雞湯都好. 腸粉亦唔錯, 不過攤開腸粉食點咖哩汁會入味.

今次第二次嚟,上次三人都叫了咖哩一人套餐,所以試混三款咖哩.今次我想試喇沙,所以今次要一個一人套餐,秘制咖哩牛腩配鬆餅,加$4飲馬來拉茶$44.一個泰式义燒扎肉湯河$25.一個檳城酸子魚湯雞絲喇沙$32.秘制咖哩牛腩配鬆餅-薯仔淋咗啲,牛腩OK得,鬆餅最和味,拉茶即奶茶,點解要加$4.泰式义燒扎肉湯河-一個普通廣式义燒扎肉河,點解叫泰式?冇特別.食完都唔知乜野叫喇沙,應該係啲湯料,但喇沙又有幾款湯揀喎,點解呢?又冇椰奶味.最後,我肯定喇沙唔係解作啲粉既名,因為睇得出兼食得出嗰碗係米線嚟囉!!!

前日出街食飯,試下喇沙.雖然舖位細細，但食物質素一流, 一個馬來咖哩喇沙+海鮮set lunch 都係三十六蚊，喇沙湯底好，仲包埋一杯凍飲，地方唔大, 但很乾淨,坐得幾舒服, 員工都幾好禮貌呀, 抵讚!!!.

我是看過餐廳排行榜，才決定到這食店一試，果然沒有失望。一行四人，點了下列菜式﹕喇沙新加坡...河粉(湯好味，果然是招牌菜，$32)牛尾濃湯米線(不錯，牛味濃，$3x)咖喱牛腩套餐(幾抵食，油鬆餅、牛腩都好食，有一塊小小的胡椒脆餅，一碗菜，$40)鹵水豬手拼鹵蛋(不錯，$25)鴨胸米紙卷(最鍾意這個，$2x)油葱薄餅(葱多，夠香，吃味，$16)糯米池(普通，糯米厚了點，$6/件)海底耶糕(普通，稍硬了點，多海底耶，可以一試，$6/件)四人共二百元，幾抵食!點菜時，有點花多眼亂，因為樣樣都想試，下次會試木瓜鴨胸沙律和喇沙海鮮。