喜喜中國廚房 (已結業)

我剛剛去食飯, d餸好多油, 價錢大部份我想貴在食裝修, 因為由7-8時半只有不足十枱客!甜品太甜!

最近和男友家人去慶祝他母親的生日，食物方面水準還保持到，而且我最喜愛就是它的環境，好高貴，不過地點方面我就有點先保留，因為不是很方便，而且乘的士也不見到方便。食物方面....由於是慶祝生日，所以我們特地訂了壽包，味道還不錯，而且很大個，像一個拳頭那麼大。其他食物方便我們點了燒味/蒸蝦/煲仔飯/牛仔骨..etc，我就最喜愛叉燒，實在太好味了，吃到停不了。整體上各方面我都很滿意，我一定會繼續光顧。

開張已經有一段時間,今天終於有機會試下晚上7點幾已經到,全場地方很大,但只得十多台客,十分冷清.我們要求坐卡位,侍應很快便能安排卡位十分寬闊, 加上3大個毛毛咕臣+很閃的水晶燈環境一流~叫了怪味骨,鮑汁飯及黃金蝦(全名唔記得)值得一提的是飯後送的3款甜品~ 桂花糕用料十足~啖啖桂花~令人回味無窮.總的來說味道OK,不過不失~不過嫌價錢略貴(不過這次的選擇沒有錯,起碼試過佢既豪裝)

都係睇到食評所以先會去..但有被騙感覺一家五口食裝修.. 坦白講係ok掂架但野食..... 就真係好唔掂砵酒牛仔柳...無乜味, 牛肉超勁鬆肉粉,"拿"到d肉無味,霉霉咁..唉, $68南海小炒皇: 九菜花+腰果+蝦乾+少少肉, 炒埋一碟, 無任何特別味道, 但已經係全晚最正常的一碟$60~70 (唔記得幾錢,係咁上下)菠蘿咕嚕肉: 細碟到呀!!都唔知有無10舊肉..真係孤寒到爆, 又係60-70蚊咁上下芥末炸蠔: 上面寫o個幾樣小炒都唔掂, 呢樣又點會掂o丫.. 個粉漿真係厚得有d過份同嚇親我, 厚到咁都得?! 連流浮山d炸蠔都好過佢多多聲, 最頂癮居然要$160!!!! 起級唔值呀!! 諗住食評有人話正嘛, 咁貴d都試囉..真係搵笨!!南乳走地雞: 雞本身好新鮮, 幾好, 但味就真係一般過一般, 皮有少少少..南乳味..肉就係~~雞味, 一d南乳味都無. $90半隻鮑汁海鮮撈飯: 嘩!!! 撈飯咁囉!! 名符其實汁撈飯, 濕到o個pat 飯... 真係諗番起都有d唔開胃..又係60~70蚊最後, 唯有期望個甜品.. 楊枝甘露+馬拉糕(有幾粒紅豆o係面), 楊枝甘露,第一次食花奶+糖

住屯門又或者自己揸車既朋友不妨一試! (食飯可以免費泊車~)食左日式香草牛柳粒, 一上臺就好香好吸引, 睇落細細碟, 一路食先發現原來都好多, 牛柳粒炒得外脆內嫩, 加埋附上的芥辣汁就更加惹味!鮑汁海皇撈飯都o吾錯! 看上去以為會太濕~對於愛吃汁撈飯的我, 食落會發現剛剛好,頗為濃味的一個飯, 也很足料。香辣金錢鱔則較為失色...口感一流, 外面香脆, 裡面保留鱔肉爽而滑的口感, 辣度亦適中, 做到了香辣的效果, 可味道稍淡...特別一讚是飯後送的三款甜品, 比起特地往甜品專門店掏腰包買的更為出色。楊枝金露有奶味, 柚子味亦見突出, 間中吃到很甜的芒果, 特別渦心, 略嫌太少芒果肉。沙翁不會太甜, 咬下去很有蛋香, 細嚐之下竟然有香滑的口感, 不錯。花生糯米糍涵料的口感豐富, 有粒粒花生, 而且其外皮有著一種很細嫩的感覺, 是本人喜愛的一類。可惜地點真的是其一大弱點, 宣傳亦不夠, 以致全場冷清非常...不過亦因如此, 服務特別週到。餐廳環境不錯, 裝潢簡單而脫俗。

又係我。既然個晚飯咁得，當然想試埋佢個點心。點知..真係失望。叫左7個點心同一個伊麵：雞札--感覺最好食既點心，d雞好滑好嫩，而且d棉花又唔會硬，好入味。馬拉糕--見佢都頂點，心稔唔會差吧!幾好，一來到聞到好香，比出面既滑好多，又鬆軟。有d似麵包點既鬆餅蛋糕，不過人地用焗佢用蒸。只係有d太貴，如果係大點就值d，頂點就....菜苗餃--幾好，見到成隻蝦(仲兩隻)，d菜苗都好甜。牛肉腸粉--ok啦，不過唔夠美心咁滑。只屬一般質素。桂花糕--仍然係有水準，不過可能有其他點心，顯得冇咁特出了。蘿蔔絲酥餅--皮厚左d，唔夠稻香既酥。比較膩。叉燒包--失敗之作，個包好黏牙，d叉燒醬又唔夠，其中一個仲要冇乜叉燒，是旦一間酒樓都做得好過佢。蝦醬海皇蚊伊麵--最好食又最底食既野($58)，好多料(蝦，帶子，魚肉)，d麵又淋又入味，唔會因為係午市供應就求其交貨。整體來講，都係抄野食晚飯好好多，點心...唉,唔知佢地有冇考慮換左個師傅呢?!

又來開飯，上次食過番尋味，昨晚又來食過。叫d新野食下。有左上次經驗，叫少個菜，免得食唔曬：鮑汁海皇撈飯--咦個係撈飯，唔係抄飯，所以會濕濕地，不過又唔會話好多汁喎，岩岩好，未食先聞到好香鮑魚汁。見個色好深，以為好咸，食落又唔係喎，入面仲好多料：有蝦，帶子同魚肉，抄得夠嫩，好食。宮廷秘制骨--用沙鍋上，一開蓋，又係好香。少少酸，甜甜地，d肉又淋又入味，個味比較濃，送飯一流。所以叫左個白飯同兩碗粥送佢。紅燒豆腐--係台灣耐左，以為紅燒都係辣既。咦個餸見佢個色好深，以為又係濃味餸，點知一食，咦...又唔係喎，清清地，岩岩好襯番上面果兩個餸。食完好滿足，當然仲有個甜品。大膽問個女侍應有乜甜品，知道冇桂花糕，真係有d失望。最後來左2碗紅豆沙，2碗楊枝金露，仲來左個沙翁。雖然d甜品都好好食，不過都係覺得個桂花糕正d，成晚既唯一一個小遺憾。

見咦度d人咁suggest，揾左好耐，終於知道間野係邊。(其實我住係附近，真係...個招牌實在<<唔>>顯眼得緊要)夜晚7:30，我細佬帶我行過去屯門中央廣場，一路人煙稀少，仲要行行下連人影都冇半隻，真係驚行錯地方。到左廣場個停車場入口，佢有個後門寫住"喜喜中國廚房"，不過為左安全，都係行多兩步去正門。成個商場，得地下兩間茶餐廳，其他乜都冇，空框框(幾似拍緊鬼片)。好彩一入正門，望上個電梯，終於見到喜喜兩個大字同個好好笑容既姐姐(知客)。因為怕重陽假期多人，之前訂左位(要卡位)，點知入到去，又係冇乜人，兩邊差不多十張卡位一個客都冇，見到佢入面個大廳，只有一圍，唉...有點兒替佢地擔心。等埋爸媽一齊來再點菜：1. 大少炒飯--用龍蝦肉，鵝肝，火鴨粒炒飯，d龍蝦肉實實在在，唔會好似出面咁得幾條絲，火鴨粒幾香，鵝肝炒之前先切粒煎過再炒，不過好似油左dd，我阿媽一開始仲以為係豬油，不過真係唔錯，d飯炒得粒粒分明但又唔會好硬，而家好少酒家有咁既水準。雖然貴左d(成$128一個)但份量十足，我地四個人每人兩碗炒飯，勁。全晚最正!2. 煎泥鴨--稔住半隻食得曬，差d要

想試呢間屯門豪裝中菜好耐,今個星期終於付諸行動,唔係得個講字。地點似乎有d吊腳,其實都有輕鐵經過,只不過我地豪到底,打的去也!!由樓下望上去已經見到好幾盞華麗水晶吊燈,真係幾得bor!!扶手電梯未上到,知客小姐已經出黎迎賓,由於訂位關係,坐係超正卡位,毛毛cushion好軟熟,舒服!!每檯上面都有一盞水晶吊燈,型爆!!點左鐵觀音,茶味好香好滑,最特別係用個金屬架加粒votive candle暖住壺茶,細心!南海小炒皇:九菜花超鮮嫩,清甜無渣,好正!!另外仲有乾魷魚、大蝦乾、炸魚仔同大腰果;呢味好香口,炒得好有鑊氣,蝦乾好好食!!雲吞咕嚕肉:咕嚕肉好脆,食到最後都脆,勁!!我同大人覺得呢度用豬頸肉黎做,因為d豬肉好爽口;脆漿好薄,酸甜汁好好味,加上鮮菠蘿一齊炒,我覺得呢個係我暫時食過最好食既咕嚕肉;至於雲吞就有少少取巧,只係炸雲吞皮囉。鮮百合炒雜菌:材料有鮮百合、蜜糖豆、西芹、日本本菇、雞髀菇;內容豐富但份量較細,不過的確係貴精不貴多,炒得好香。圍村必食煎泥鴨:一上檯就聞到好香酒味,原來係來自南乳汁,真係好惹味,呢味菜用黎送飯一流!!鴨仔細細都有少少肉,加上南乳汁已經好惹味,再加上鴨肉稍

我地一行五人坐sofa位,張sofa又闊又大,仲有咕比你埃住,唔錯唔錯....佢壺茶仲有個爐仔heat住架(但我見隔離遲左黎就冇,可能數量有限).....真係好細心......d茶比一般茶樓d茶靚,唔係下下價貨........我地叫左炸生蠔、炆牛腩、炒飯、炆鴨掌.....日式芥茉炸生蠔：脆漿好脆,咬第一啖唔覺有芥茉味,第二啖開始先有淡淡o既芥茉味走出黎,隻蠔又肥大,食完都飽清湯炆牛腩：牛腩超林,蘿蔔又甜,d湯又夠味鮑汁海鮮炒飯：可能太多鮑汁o既關係,比較濕左d,d蝦好雪,其他有帶子粒、魚、魷魚仔、菇粒等等......同埋鹹左d海參炆鴨掌(個名唔記得,大概係咁啦)：有海參、魚、蝦、鴨掌、小棠菜、菇等等....味道唔錯,樣樣都炆得好林、好入味食完仲有蛋撻仔同紫米露送,好味、好飽、好滿足........所以野都唔錯,真係一分錢一分貨,因為都幾貴....下次試下飲茶先........

今晚我同家人去了<<喜喜中國廚房>>,因為佢地成日都話好好食到今晚我都去埋一份~海鮮係我地買上去比廚房煮~但佢地整出黎個味道令我地讚不絕口~(有:彊蔥炒蟹,椒鹽蝦,清蒸鮑魚,東風螺,上湯魚......)幫我地整出一種好獨特風味~叫埋南乳走地雞,豬腳仔~如果想更開胃不妨叫個梅菜扣肉叫多幾碗白飯一定更佳.......後尾上甜品~楊枝甘露,有蛋撻仔(仲暖)環境好好~個場既感覺係好舒服~我地都座左好耐成兩個幾三個鐘~服務一流~一定有一個人會跟一張枱~員工又好傾~價錢都係比想像中平~雖然都為二千幾蚊(因為我地買海鮮識人都平左好多)但都係覺得一分錢一分貨~

跟父母親大人到這裡飲早茶, 卡位無疑是舒服, 不過食物又是普通之作~ 點了九個點心, 以下兩個印象較深刻~馬拉糕- 創新形式, 像一塊淺黃色的西樵大餅放在蒸籠內, 像西式蛋糕般一開六, 幾鬆軟, 不過欠缺那香甜的味道....這裡做的頂多似鬆糕....蝦餃- 一隻大一隻小, 賣相麻麻, 不過皮做得不錯, 很有口感, 一咬之下有2隻半大蝦在內, 可惜除了蝦, 還是蝦.....筍? 肥肉? 甚麼都沒有, 奇怪的蝦餃...於屯門來說, 這酒樓的環境確一流, 如食物質素可提昇的話, 是值得一去的~

已經食過2次, 2次o既感覺都好好, 豪華裝修, 環境舒適, 最緊要係座位有寬闊空間, 唔會傾計隔離檯都聽得一清二楚.食物有水準, 梅菜扣肉, 糯米飯蒸蟹, 椒鹽大隻瀨尿蝦,仲有味唔記得叫xx鴨, 都好好味. 雖然地方偏僻, 但有佢o既好處, 就係幾時黎食都唔使等位.

同屋企人食晚飯, 都估到唔使等位.. 無可否認餐廳位置偏僻, 但真係勝在夠哂濶落, 下次一定要同friend 黎, 因為夠靜, 唔使下下"口益"破口龍講野..可能少人, 野食熱辣辣, 服務好.. 仲有甜品送, 以為係例牌紅豆沙, 點知係足料楊枝甘露.. 一定有下次, 再帶多o的friend 黎支持下!!! 唔想屯門冇好餐廳食野.. 成日都要去市中心等位!

飲茶及晚飯都食過, 好食, 環境好好, 服務都ok, 希望唔好因為佢地點問題而最後無法經營,