喜喜中國廚房 (已結業)

五一假期, 陳公子又請我地出海, 果日天氣麻麻地, 久唔久就落一陣驟雨, 咁都好, 因為無咁熱囉, 晚飯買海鮮去喜喜煮,

先來的是期待已久這裡的名菜荔枝柴燒鵝，燒鵝附上用小砂鍋盛著的鵝汁，鵝汁表層泛油，相信是鵝油，淺嚐一口，有少許酒味。說回主角燒鵝，肉質鬆化有汁，極有水準，不愧為招牌菜，原以為半隻燒鵝會吃不掉，但真是太好吃了，結果是一件也不剩的！再來是尖椒炒豬肚絲，無論是紅或綠都很辣，不是我可能承受的，只吃豬肚則沒問題，豬肚被成切絲，味道都不會有何特別，無任何異味就是了。濃湯牛腩，湯是淡白色，應是豬骨湯，內裡有點菜圃，增添了咸味，牛腩炆得腍，但味道卻無甚驚喜，而蘿蔔則尚未炆至腍身，因為毫不入味，是錯點了的一味。另一個也是用鐵鍋盛著的菜色，是藥膳雞，先喝一口湯，有濃烈的酒味及藥材味，可惜過咸了，再吃雞，雞肉不嚡，湯很濃但奇怪的是雞肉卻不甚入味，湯和雞是分 開煮的嗎?幸而吃至後期，由於鐵鍋下有火一直滾著雞，雞肉也漸漸變得入味，反而更好吃。湯是令人感覺很補身的，可惜有點過咸了，不能多喝。砵酒鱔球，鱔應是有輕輕炸過的，有微脆，後再加醬油與洋蔥同炒，味道不會過濃，不錯，可惜的是鱔本身缺少了鱔應有的甘香。吃多了肉總不能沒有菜，就來一個啫啫通菜煲，如用熱辣辣的石頭鍋或砂鍋盛著的啫啫通菜，通常都無不好吃的理由，是次的就是

上次在屯門吃飯已經是想當年的事情了，今天偶然在朋友介紹下吃了一頓價錢合情、味道合理的中餐。荔枝柴燒鵝 - 很久沒有食過會覺得好食的燒鵝，肉身燒得很均勻，皮脆、色香，只是略感肥了一些，但這是我的個人問題。菜圃肉鬆炒蛋 - 是自己喜歡也沒有失望的一道菜。例湯 - 粉葛鯪魚湯-沒有感覺到很重的味精已值回票價，魚味濃但不腥，很少有湯水飲的我已感滿足了。杏仁茶 - 飯後贈送的，沒有味意，但有心意的甜品。

當日我老婆ge家姐，响屯門工廠大厦新開o左間傢俬鋪，又識逢外母大人生日，咁就落o左中國廚房。第一次去到，就四周維及o下，知客姐姐第一時間就跑出o黎問幾位，阿大家姐話16位，當時未有大枱，知客姐姐就聯同幾位侍應姐姐，由冇到有兩三分鐘就變o左張16人大枱出0黎，埋到位就立刻點菜，點o左個餐加幾個餸。餸菜o黎到，先o黎0左隻大燒鵝，皮脆肉嫩仲熱辣辣，食到個個成口油，有一個餸幾特別又有粉絲、蝦仁仲好鬼辣，不過唔記得叫乜名，之後就好似去飲一樣，十幾個餸………味道都唔錯。戲玉來啦！個個都食飽，就當然要去厠所啦，男厠就冇問題，阿大家姐一去到女厠就雞咁腳走反出o黎，就哇！格格都滿瀉，香汽彌漫四周，點去啊！跟住叫某位A侍應姐姐清潔過清潔，但過o左一陣外母大人去厠所，走出o黎都有同樣反應，可能就收工啦，原來個A侍應姐姐無動於終，我就細細聲話會上openrice寫出o黎，可能B侍應姐姐聽到就話如果冇入洗，就我去洗，聽到e道我就覺得openrice幾有影響力，之後當然洗反靚曬l啦！嚴格0黎講食物整體ok，價錢都化算，16人埋單都係兩千六百幾，服務就……o下……0下話！最後都要講句openrice好o野！

星期六同家人飲茶, 好彩有訂位六大一小,黎到都要等一陣食物唔錯魷魚鬚, 咸水角好正燒賣, 牛肉都好最正係亞姐攞出黎賣既义燒, 半肥瘦, 正都暈席間有人話咁肥 ,唔好啦點知咪又係個個都食, 玩野六個人埋單$478價錢唔平, 但野食好

星期日可能人多, 見到好多人等位, 叫左好多野食, 食埋都係一個鐘諗住坐多兩個字埋單, 水又唔針, 好似比人趕咁, 唔夠一個字, 有個經理望住, 個伙記黎汁野, 重汁埋碗同筷, 係咁問我地食唔食糖水, 我問送GA??佢又話唔係,我再問咁係咪姐係要我地埋計,佢無出聲,咁算囉埋單, 總之以後唔會再去,見到隔黎枱又係咁...唔知係咪果日無叫炒粉面,平時無咁緊要,各位如果想挑戰既可以一試, 時間係星期日下午十一點半到十二點到入去...間野野食都唔差, 價錢就比美心貴小小咁...

繼La Villa海景午餐，夜晚又要入屯門吃生日飯... 其實這般連日暴食，實在也有點吃力；然而當晚老爺奶奶都有空，再聯同媽媽細妹，一家親人齊出動食海鮮，又是相當難得的!　多謝老公，一早做好資料搜查，最後訂下既有靚場，又可以免開瓶、免切餅費的喜喜，最後更提早到三聖揀選海鮮，以致大伙幾乎是一來就得有得食! 由屯門泳池輕鐵站落車後，已可見喜喜的標誌，依方面直走過去不過3分鐘時光。以喜字為主題的酒樓環境不錯，座位又寬落相當好坐，第一印象不俗。　來到已開壽眉及普洱茶，都幾香，另前菜小吃是花生。打開餐牌，見$588四人套餐頗合意，不作多想就選揀了它，加上外帶海鮮、美酒及蛋糕，也就是很豐富一頓了：　KISHU梅酒-其實酒樓有$50 cockage的收費，不過訂位時老公講明是慶祝生日，結果店方主動減免了，各位訂位時也不妨問清楚。另這支梅酒十分清爽又甜美，我很喜歡! 　 天天老火湯-是日為土伏苓牛大力豬骨湯，飲得出此湯火候十足，濃厚卻不稠，清潤又美味；而且份量不小，六人分完還有剩，我就不客氣飲了兩碗!　荔枝柴燒鵝-半隻燒鵝連頭上，擺明貨真價實，沒有以鴨亂鵝。大家很欣賞這鵝皮脆甘香，肉質細嫩又夠瘦；怕太

Today, I have lunch with 2 of my colleagues in this resturant. The service was really bad and made us angry. First of all, we selected 7 types of Dim Sum, after 35 minutes, nothing came but the staff moved our table aside in order to 'make' a bigger table nearby. Then when we traced our order, they discovered that our table no. had changed; they gave other 'excuses' that they need to make the dim sum for another 10-15 minutes; ok, we waited and waited. After 4 dishes, it stopped again, then

由於要安排家人一齊食飯, 所以今年去屯門, 另外我妹妹又話有間叫喜喜好似幾ok, 所以就試下. 我地book左8點半食, 晚上8點已經去到睇下咩情況, 咁岩又有人罷酒結婚, 所以位置唔係好多, 但整體環境都感覺, 起碼唔會又龍又鳳, 比較現代式既中餐.8點35分可以入坐, 依舊入坐環境及位置都唔錯, 好似去左包房咁, 用大量破璃做裝修, 燈光充足. 坐低晒就立即點菜, 一般都係推介D客食套餐, 但我屋企通常都唔會叫套餐, 一來未必所有野都岩食, 二來可以叫多D款色既菜試下不同味道. 以下係點左既菜:荔枝木燒鵝 - 呢個菜可以話今晚既主打, 因為之前都聽講過呢個係招牌菜式, 都有電視台報道過, 由於有十幾人食飯, 所以叫左一隻, 一試之下發現味道果然唔錯, 鵝味好濃, 我覺得好食過深井果D, 不過價錢都幾貴, 要成320蚊.爆蝦仁豆腐 - 呢個菜有少少辣, 蝦仁size好大, 又爽口, 豆腐好滑.珊瑚太子西蘭花 - 珊瑚太子好爽身, 西蘭花好新鮮.花孤鴨掌扒生菜 - 冬菇好大又厚身, 鴨掌煮得好"林", 同埋好滑.怪味骨 - 呢個骨既味道好特別, 辣中帶點酸甜, 肉骨唔會肥.梅菜扣肉 -

前排睇到佢d廣告, 心諗荔枝柴燒味係咪真係會有荔枝味嘅呢,結果把心一橫去試吓.平日去真係好寧靜i like it,我地兩個人全部叫哂荔枝柴燒味,包括燒鵝半隻,叉燒例牌同燒腩仔例牌,我一向都好鍾意食燒味,所以呢餐啱哂我.首先試咗個燒腩仔先,經理同我地講佢地係用新鮮腩仔燒嘅,又真係幾好味喎,一層肥一層肉,塊皮都幾脆,不枉我特登入嚟屯門.至於個叉燒真係好重好重果木香味,半肥廋叉正.食完呢度d叉燒我過兩日又食但係真係差好遠,唉大濟,以後我點算.講埋個燒鵝先,佢地係分開個汁上,我不嬲都唔係咁鍾意d食物浸滿哂汁,呢度真係好細心.不過隻燒鵝皮真係唔夠脆,肉就好有味好滑,但係就無乜果木香味,呢樣野佢地真係要改善,希望我地下次再嚟嘅時候會再好d喇.食哂所有食物之後我可以好肯定一樣野,就係荔枝柴燒味係唔會真係有荔枝味嘅.仲有呢度d裝修都幾靚,有卡位添,都幾特別.

參加一天遊旅行，到這間中式食肆吃中午飯以團體餐來說，這一餐算唔錯的有六道菜------梅菜扣肉、魚香茄子、紅燒豆腐、白菜仔、豆角、黃牙白梅菜扣肉︰南乳汁相當吊味，用來撈飯實最好不過；內唔算太肥膩，唔錯魚香茄子︰魚香茄子的汁帶起整道菜，十分野味紅燒豆腐︰不過不失白菜仔、豆角、黃牙白︰沒有甚麼特別，但團體餐一來便送上三道青菜，少見論食物質素，喜喜尚算唔錯論服務質素，侍應招呼算唔錯，也十分醒目，例如一見客人尋找餐桌上的公筷，便立即主動送上論店內裝修牌場，算裝修得幾靚啦也許是閒日的關係，場內所見，散客、街外客唔算多難怪連團體客也要接了

家人對此店情有獨鍾。 假日與家人品茗後覺得點心一般但小食和原個菠蘿炒飯就抵讚。點心有春風得意腸、 叉燒包、馬拉糕等, 樣樣都不太好, 最差是叉燒包, 味道很怪。 反之, 小食如炸蝦多士、春卷、鮑汁雞腳等就好味得多。 炸物既香口, 味道又好, 鮑汁雞腳夠入味, 雞腳連老人家都食到。 原個菠蘿炒飯不是罐頭菠蘿, 粒粒皆是超甜菠蘿。 個人喜歡炒飯見到粒粒飯, 這個炒飯正合心意而料亦夠多, 有水準!!此處坐得舒適, 服務亦週到。 有位經理很細心, 扶著老人家到座位和推椅, 謝謝!!

食物大致上都ok~唔知係咪因為個日係mama 's day...好多客..d 服務員態度有d差..同埋呢d大節日....平時食開既野都無.只有佢所謂的精選菜式..離不開都係個d..但係有到好..如果好肚餓的話.中國廚房都係好選擇.因為落單到上菜.15mins 都唔駛!

蛇王如粉絲會會長吹雞，帶大家入屯門吃海鮮，作為忠實兼之C硬派既「粉絲」自然即刻舉生報記九月下旬粉絲會和味海鮮宴特別的海鮮節目，由在會長同會長夫人特別安排，以二百二十元「海嘯價」擦勻三斤重海斑、重皮蟹、奄仔蟹、鮑魚仔、花竹蝦等等等等的生猛海鮮，盡興的一夜！托會長安排，一行十二人輕易坐到面對街景的靚位置，輕鬆地跟大家分享精彩海鮮宴。先說生猛花竹蝦，每隻二至三兩，大堆頭鮮蝦將碟擠得滿又滿，蝦本身夠新鮮拆起殼，快快手吃上三、四隻，見大家停晒手，又拆多兩隻，又鮮又爽嫩中蝦，都好耐無試過拆咁多蝦了！沙葛湯，用了河魚、瘦肉同煲，濃郁稠杰，是下火良品，足料亦有水準！會長特別到街市買的鮑魚仔，聽說買一打送三隻，我地十二人一圍，因為之前的蝦都未清晒，結過轉了兩輪、三輪都仲剩幾隻，靚姐三催四請後，最後都完滿清碟！鮑魚肉質當然爽嫩彈牙，而最精彩是墊底的豉油汁惕夠鮮美，可以來下飯呢！原煲太爺雞，會長話此品索價二百，雖是冰鮮雞滷水雞，但由專人推來，排場十足又夠體面，雞又砌到靚靚仔仔，絕對有觀賞價值～雞都算安祥，但滷的功夫麻麻，亦沒有煙燻過，只能當浸雞吃，比較起會長挑的海鮮，這個吸引度麻麻。會長細心解釋這裡的梅菜扣

自開業以來，都已經惠顧這間酒樓，但這幾年間，因為變換了工作，已很少到這間酒樓了。上星期六全家放假，幾難得興起，一起飲茶，首選就這這間喜喜中國廚房，原因？就是貪佢唔洗等位，當然價錢有番咁上下了。幫襯這間酒樓，當然還有一個原因，就是環境清靜，裝修豪華，在舒適的環境品茗，享受一盅兩件，自得其樂，全家樂也融融。在屯門區，很難找得上這一類酒樓。以前，我們都會到屯門市中心的美心、稻香等位，等了個多小時後，又在嘈嘈吵吵、污煙障氣的環境下，甚麼閒情逸緻也沒有了。沒到這間酒樓多年，進入了，環境雖然仍算幽雅，但已比以前嘈雜了少許。食物方面，最特別的是腸粉，特別的不是味道，是其盛器，酒樓用一碟很長很長的碟來盛載一條長長的叉燒腸，小孩子覺得很得意，我們成年人也覺得很特別。春卷也造成長長的，插在玻璃杯上，十分別緻。不過蝦餃賣相就不太好了，上枱時，蝦餃皮已穿洞的，是裂開的，入口時已覺過火了。XO醬海鮮炒河也欠缺穫氣，不過，唯一可讚的是不太肥膩。其他點心尚算一般。