喜滿樓菜館

营业中

休息中

平安夜，公司放下午，跟同事一起去土瓜灣「喜滿樓菜館 」午餐。雖然是一間傳統舊式小菜館，但是是推行少油少鹽少味精✌️入座後見到東星班系列只是$98！沒有理由不試啦😜平安夜，豪一點，來一個$148蜜椒脆鱔球😝鱔球外脆內軟，而且厚切，肉質鮮嫩，味道夠惹味！秘製醬油厚切豬扒煎蛋飯，豬扒大塊和真係幾厚🤣但口感不會鞋口😗秘製醬油夠香甜，餸飯一流😗豆腐支竹炆東星班，份量很足，東星班爽口鮮甜，豆腐支竹東菇也很入味，$98好抵👍🏻

#用心製作❤️#推行少鹽少油少味精#食得健康瑞士雞翼✔️鹹香味十足✔️雞翼超肥美✔️雞肉柔嫩，超入味豬扒蛋飯 ✔️豬扒肥美，油脂分布平均✔️豬扒勁厚✔️香脆且油分十足✔️蛋煎得脆口又有流心咖央西多士✔️好厚實4大件✔️唔會太肥或太油✔️炸得香脆黃金虎蝦球🍤 ✔️超級大隻蝦又勁新鮮✔️啲蛋黃醬超多超惹味✔️送飯一流👍🏻杯奶茶好香滑又夠濃茶餐人均消費 ~ $40 晚市小菜 ~ $100 + 打卡度 Igable: 7/10美食度 Taste: 8/10翻兜度 Worth revisiting: 8.5/10

喺高山劇場睇戲，順便喺附近食嘢，呢間餐廳睇落幾傳統亦有懷舊feel，但係好多菜式都幾特別，基本上都坐滿晒，聽落好多都好似係熟客。佢哋標榜少鹽少油，但做出嚟嘅菜式都好有水準。薑汁炒芥蘭，芥蘭煮得好爽甜，食落唔會有渣。蜜椒脆鱔球，鱔球切得夠厚身，炸得好脆口，有一陣薄薄嘅蜜糖面，咬落去後係仍然保持肉汁嘅鱔肉，鱔肉亦十分彈牙，加上微微嘅黑胡椒粒，口感層次豐富。惹味南乳脆豬手，一口咬落去好有驚喜，豬皮乍得脆脆地，但豬手肉汁保存得10分好，加上佢哋自家製嘅南乳醬，配合得10分好。黃金脆涼瓜，我最欣賞佢嘅鹹蛋黃好黐實涼瓜身上，而碟底幾乎見唔到有油，炒得乾身之餘亦應該用咗比較少油，鹹蛋黃加唔算太苦嘅苦瓜，味道亦10分有層次。食咗咁多個熱氣野，飲返啤酒降下火，食得更加滋味。

🐔芝麻雞 ： 半隻 ($188) 21歲人第一次食芝麻雞 (sorry超級大鄉里😂)不過有驚喜啊！首先隻雞好大隻 同埋食得出唔洗雪藏雞👍🏻 跟著個皮唔會太肥 好薄好脆😚鋪滿了芝麻同埋好新鮮整起🥰正啊！唔會太油 又唔會太鹹 係一個好啱同人share既dish 個個都啱食😊🍯蜜椒脆鱔球 ($148)呢個又好好食😋 首先脆鱔魚好嫩 夠彈夠新鮮 不過重點係無骨啊！！！啱哂D懶人（ie. 所有人😍) 想特比講個皮輕微脆口 但係唔會刮口 而且有蜜糖 好搭啊👌🏻如果多少少黑椒味就仲正 不過都好好食啊😘overall 係一個抵食小炒既小店 有土瓜灣地鐵站🚇都好方便 推薦大家黎試一試😌~~~~~~~~~~[ 評分 ] 😋味道: 👍🏻👍🏻👍🏻👍🏻🤩賣相: 👍🏻👍🏻👍🏻👍🏻🌝環境: 👍🏻👍🏻👍🏻👍🏻💰價錢: 👍🏻👍🏻👍🏻👍🏻🙈服務: 👍🏻👍🏻👍🏻👍🏻🗣回頭率: 👍🏻👍🏻👍🏻👍🏻📍 喜滿樓菜館 土瓜灣安徽街2號地舖

屯馬線美食攻略土瓜灣特色手工中菜餐廳招牌芝麻雞,抵食下午茶炒粉麵飯,厚豬扒包呢度主打手工中菜,平時仲有小炒,粉麵等等最出色招牌就係芝麻雞雞皮掛滿芝麻,香脆味鮮香口皮薄肉嫩有肉汁,芝麻香氣十足下午茶仲非常抵食!先飲返碗足料老火湯,夠曬暖胃清甜咖啡鴛鴦幾濃香順口星州炒米,料頭非常多,口感好豐富有蔥,芽菜,炒得爽身唔油膩！夠獲氣添！厚切豬扒包，差不多有１ＣＭ厚配上番茄片沙律醬,煎得香,肉質細緻嫩滑半隻芝麻雞仲跟飯,份量抵食!芝麻雞,雞皮好脆好薄身每一口都食到芝麻,入口香氣十足又脆又嫩,雞肉又啖啖肉,非常滋味土瓜灣安徽街2號地舖G/F, 2 Anhui Street, To Kwa Wan喜滿樓菜館 #中菜 #茶餐廳 #堂食 #屯馬線Joyful Catering Company#土瓜灣美食 #土瓜灣

屯馬開通真的很興奮🎤🎶～當屯馬線開通左之後，周圍去都好方便，終於唔使轉嚟轉去咁塔車，今日去到土瓜灣搵野食，一出地鐵站行一陣就去到目的地 喜滿樓菜館🏠菜館主打少鹽少油少味精，想大家食得更健康👍👍蜜椒薯角牛柳粒$88蜜糖包住每樣食材🍯薯角新鮮炸起再用蜜糖包住，食落先嚟甜甜嘅糖漿面，再嚟就係脆口嘅薯角🥔而牛柳粒亦一樣俾蜜糖漿包住，肉質有咬口得嚟又唔韌😋仲有少少紅椒伴碟，正碟餸菜食落甜而不膩仲好香口濃湯魚肚浸時蔬$88有多款蔬菜可以選擇，我哋揀左白菜仔🥬大大個湯碗裝滿魚湯、魚肚、白菜仔加埋蟲草花，湯身味道鮮味冇果陣唔好食嘅草青味，用魚肚條吸滿湯汁再撈飯食認真唔錯，而且魚肚質感唔會太淋，口感配搭得宜👍鍾意食菜加飲湯嘅朋友依味係一道唔錯嘅選擇枝竹火腩大鱔煲$158有人話《豆腐火腩飯，男人嘅浪漫》，而依道煲仔菜更加正，不但有枝竹、豆腐、火腩、冬菇，仲有主角鱔魚🤩醬汁濃而不咸，十分惹味，而且火腩可以保持脆皮冇淋到，豆腐唔會一夾就散🥢，枝竹淋身每一條都掛到汁主角大鱔更加好食，鱔塊冇骨絲之餘肉質鮮甜彈牙，廚師仲去除左少少背鰭，不但骨刺，仲令口感更加好😍加埋醬汁配飯食為一絕整體來講，菜館地理位置方便，食物質

土瓜灣都幾多舊式香港地道風味中餐館，依家市區都好稀少，多數都配上裝潢的裝修，難得搵到間喜滿樓食中菜，仲有源源不絕人流人座。😬 兩個人大胃口都點了三個小菜嘆下，回報返辛勞一天的工作不過人太少試唔到招牌菜 - 芝麻雞🐔。蜜椒薯角牛柳粒 - 每粒薯仔🥔香脆內軟，口感豐富，而牛柳粒都頗大粒，加上有蜜糖拉絲同黑椒惹味，我地都將成碟清光光，不過略嫌薯仔有少少痴牙。XO醬四季豆炒鮮魷 - XO醬不用多説點炒都好味，炒出四季豆香口，鮮魷🦑夠新鮮，夠濃味送飯食的確一流👍🏿濃湯魚肚浸小白菜🥬 - 湯底少鹽甜甜地，再加埋魚肚吸左少少湯，加上我們自選的小白菜都好夾，清新健康之選🥰總括而言，每一碟份量都夠大，而且標榜少鹽少油少味精健康飲食，味道都不錯，捧著肚子飽飽的回家

同朋友久違地經過土瓜灣，諗住揾返間地道啲嘅小菜食下😎見到呢間餐廳門面，雖然唔多起眼，但見到入面爆曬棚，門外嘅菜單都好多款式咁就決定食呢間啦🤪因為下層坐滿左，所以就去左上層坐啦，菜款多到諗左幾個字先決定食咩呀👅🔸 蜜椒薯角牛柳粒（HK$88）排行第二名嘅小菜緊係要試下啦，一入口好喜出望外呀😍薯角同牛柳黎出面都食到有一層蜜糖，甜味十分突出😋牛柳粒都唔會太韌，薯角食完一舊又一舊呀～店員話好多小朋友都鍾意食呢個菜式🍯🔸椒鹽白飯魚（HK$98）椒鹽九肚魚就食得多，第一次見原來白飯魚都有得咁樣煮🧐一上枱發現超大碟，3-4個人share其實都好足夠😎食落脆卜卜好似薯條咁，就算放耐左之後都依然保持到呢個脆口感呀～🔸 秘製醬汁厚豬扒飯（HK$58）店員大推呢個豬扒飯，係真係幾抵食嘅😛豬扒大過隻手，而且都好厚身，配埋隻流心蛋，做lunch一流呀🙌🏻🔸 菠蘿咕嚕斑塊（HK$68）另外呢到都有全日供應嘅街坊小菜，仲會送白飯同老火湯添🍴菠蘿咕嚕斑塊酸酸甜甜好開胃，斑塊都幾大塊，送飯最啱🤓

多謝朋友帶我去佢既飯堂每款小菜都係用心製作♥️我個人好鍾意食中菜 所以對中菜既要求都比較高佢哋主打少鹽少油 但保持惹味有鑊氣喜滿樓菜館俾我既整體感覺係用料高質 有特色 CP值好高當晚每一道菜都好用心🔥 爵士燉湯 $488/ 6位採用北海道密瓜、金華火腿、雞腳、豬𦟌等用心燉足5小時 味道清甜滋潤 好適合秋冬天氣飲🔥 招牌芝麻雞 $188 半隻皮脆加上芝麻 好香口 肉質滑嫩果然係喜滿樓菜館必點🔥 蜜椒脆鱔球 $148白鱔去骨處理得好好 完全冇骨啖啖肉蜜椒外層脆卜卜香甜惹味🔥 懷舊蝦多士 $188/ 6件依又係必食推介 蝦滑超足料 彈牙爽口未見過咁大件嘅蝦多士 好滿足🔥黑松露煎墨魚餅 $128/6件🔥鮮菠蘿咕嚕肉 $98🔥新加坡酸辣虎蝦球 $148🔥麻婆茄子$88🔥上湯松草花魚肚浸豆苗 $128爵士燉湯、煎墨魚餅、蝦多士（要早一日預訂）香港好食既中菜真心唔多尤其是有創意有質素既依餐朋友真係冇介紹錯♥️♥️♥️♥️我已remark左依間係同朋友聚會既餐廳臨走前同老闆爭取只要出示依個post晚飯可享88折（即日起至1月13號 逢星期一至四12月20、21號除外）

上星期同朋友去土瓜灣喜滿樓食飯，地鐵站附近幾方便。我哋分別叫豉椒炒蟶子煎米粉底、芝麻雞、椒鹽軟殻蟹、黑松露煎墨魚餅、水煮東星班片、上湯鮮魚腐浸豆苗。豉椒炒蟶子煎米粉底 – 蟶子肥大肉厚好鮮甜，豉汁米粉是絕配，一餸兩食。芝麻雞  - 果然係招牌菜，大香里第一次食，皮香脆肉鮮嫩，原來雞都可以黏上芝麻。椒鹽軟殻蟹 - 超值之選，大碟有8件，蟹味清甜，加上椒鹽好惹味。黑松露煎墨魚餅  - 以為黑松露同墨魚膠混在一起，原來係放係上面，賣相唔錯。水煮東星班片 - 椒味香，唔太辣，粗薯粉入味，可以少啲花椒粒。 上湯魚腐浸豆苗- 魚腐吸哂上湯，咬落去湯汁爆出嚟，用魚腐浸菜都幾特別。整體係好味抵食，下次同屋企人一齊再食

在網上見評價不錯，而且地點方便，於是選擇此店。第一次來，長輩話事，只要了豆豉鯪魚油麥菜及雜菜煲，其實我想試芝麻雞，不過要預訂；又想試一字骨，唯有留待下次。豆豉鯪魚油麥菜及雜菜煲都是簡單菜式，可能你我都識煮。這店標榜少油、少鹽，雜菜煲確實淡味少油，豆豉鯪魚油麥菜就更不用額外調味。另外，贈送的例湯，味道適合。整體來說，不過不失，或許下次點心機菜，才能知道廚師的手藝如何。任何小菜，都會送贈例湯及白飯，價格算合理，現在網上訂座有9折優惠。

今日父親節,睇完Hea佬條片就去試吓.叫左蒸肉餅,又大又厚,好味. 椒鹽鮮魷,都好食.小炒王就咸左小小及多汁,唔夠干身,都唔差嘅,但我就麻麻.最正就係蜜椒薯仔牛柳粒,薯仔竟然脆口,牛柳粒入味香口,必食.炒菜心都有鑊氣.跟湯跟飯,唔使加一.必定再去,下次会試梅子鴨及焗魚腸.唯一唔掂就係唔夠冷氣.冇計

查看openrice 而得知有呢間餐廳存在，見到open-rice 有九折coupon,於是打去致電，職員表示仍然有9折優惠。 於是第一次到訪上址餐廳，並在入座前已再同職員確定有這9折優惠我才入內坐定，餐廳內食物價錢偏貴，才一個小菜餐就接近$100,但這價錢仍然不包含飲品。 餐廳服務員服務常可，食物不算價廉物美，但起碼夠熱。。所以$100元一個小菜款式，我都尚算覺得係貴，但尚可接受，而且仲有9折。。。於是就order 左鮮魷及水煮魚鋪面：普通的一間茶餐廳設計，並不要諗有咩裝修服務；餐廳服務員服務尚可，但係收銀果個真係好垃圾。。食物：水煮魚===太少魚。。而且剩係得辣，又唔知點解用一些粉墊底，所以其實配料都好少。唔值。鮮魷=====其實原本又熱同埋都幾脆，但係都係偏貴。之後再order 左飲品，所以張單都接$2xx之後去cashier 埋單個女cashier 竟然現在就主動同我講男為剛剛果二樣嘢係有海鮮嘅食物，所以係無open-rice coupon 9 折，我就話我order 妳又唔講。。現在咁都得？佢話個coupon 有寫明，我就睇coup

之前一直都聽聞75X巴士站落車附近有呢間中菜館，網上評價唔錯，所以都特登上去試一試。入到去嘅時候，短短嘅服務態度非常好，非常殷勤，店內冇乜位，因為都好多人；但店員就好盡力地幫我哋安排四個人的位置。呢度嘅午餐幾抵食，一個超級大份嘅煎蛋豬扒飯，連餐湯同埋飲品都係$58。最有驚喜嘅係佢嘅煎蛋🍳係太陽蛋，蛋汁流滿成碗飯時，特別香；豬扒亦都好大塊，非常厚肉。之後我哋叫咗半隻芝麻雞，芝麻雞係呢度嘅王牌特性，這碟小菜我要等咗差唔多15分鐘，拎出嚟嘅時候係新鮮熱辣辣，再配上胡麻醬一齊食，雞嘅香味配上胡麻嘅甜，係幾特別。之後我哋叫咗個鴛鴦炒飯， 70幾蚊，佢嘅白汁炒得非常香濃，蝦仁🍤亦都好大粒，而且仲係去腸；茄汁亦都酸酸甜甜，一啖白汁，一啖茄汁係幾唔錯。最後我哋叫咗個鮮魷，蒜蓉嘅香，再配上熱辣辣嘅炸鮮魷，鮮魷非常軟身，完全唔會好硬，肉質亦都好爽，整體體驗不錯。好多人都覺得中菜館一定要去酒樓先食到好嘅小菜，但係今次黎完呢間中菜館之後，發現不能服務態度、食物質素、性價比都處於中上水平。呢間餐廳係土瓜灣緊嘅街坊餐廳，但我覺得佢實在有潛力去比更多跨區嘅人認識。

呢日回到土瓜灣搵舊工作伙伴食飯，雖然我對呢區頗為熟悉，但就喺佢嘅介紹下，先至初嚐「喜滿樓菜館」。因為餐廳門面並唔起眼，之前行過只覺得佢係一間地道街坊茶記🙈。行到入餐廳先發現原來幾大間，估唔到閒日下午都咁多人食緊，環境正正常常啦，大致上都算乾淨企理。其實下午茶時段只係做到五點，我哋過咗小小鐘，但店員都俾我哋嗌埋，好好人呢☺️。定價方面，早午茶餐同客飯嗰啲偏向大眾化，而小菜類價錢就較高，可能因為唔少菜式都用上靚食材嘅關係啦。秘製醬油厚豬扒飯($58)，作為餐廳名物嘅皇牌厚豬扒果然無令人失望🐷。豬扒堅厚堅巨型，大塊過我塊面啊！豬扒肉質既嫩滑又結實，食得出並無用鬆肉粉過份醃製，更絕無臭豬味。除咗豬扒外，仲有一隻荷包蛋🍳同少量椰菜伴碟。🍚白飯份量唔多，對女仔嚟講啱啱好；不過大食的話，叫多飯應該都OK。秘製醬油睇落好深色水，但實際上唔會過鹹、過於纏人。星洲炒米($43/下午茶價)，雖則話係迷你，但份量亦都唔少，足夠當正餐食😜。呢碟星米比起九成茶記好食，分別在於炒得入味兼爽口。鑊氣唔算好勁，但亦免卻咗炒燶痴底同過份肥膩嘅情況。米粉麵質唔錯，粗幼適中，唔易截斷，並無炒到碎濕濕。最後，星米中嘅配料－蝦同叉