喜滿樓菜館

营业中

休息中

呢間係土瓜灣特色手工中菜館，有好多款小炒，睇到餐牌唔知點什麼。樓面哥哥有禮貌客氣介紹幾個招牌熱門菜式。最出色招牌就係芝麻雞，雞皮掛滿芝麻雞，香脆味鮮香口，皮薄肉嫩有肉汁，芝麻香氣十足，送上一碟芝麻醬更加豐富味蕾。深井有燒鵝、沙田有乳鴿、益新有琵琶鴨、呢度有芝麻雞，值得一試。另一個推介蜜椒鱔球鱔球切得夠厚身，炸得好脆口，有一陣薄薄嘅蜜糖面，咬落去後係仍然保持肉汁嘅鱔肉，鱔肉亦十分彈牙，加上微微嘅黑胡椒粒，口感層次豐富，最正係鱔球已去骨，功夫心機出齊。仲叫了其他鑊氣小炒有椒鹽鮮魷用新鮮鮮魷、孜然腰果牛柳粒夠惹味、黃金蝦球、咸魚煎肉餅，唔詳細講了，樣樣都好食，甚有驚喜。

朋友飯聚想去土瓜灣食晚飯，但正式中菜館既餐廳唔多，選擇呢間餐廳有人氣小店既感覺，分開樓下同樓上，樓高兩層樓上有圓檯選擇多。今次一行4人叫左6個菜: 小炒王材料十足最喜歡魷魚鬚同香脆腰果。黑松露炒蝦球黑松露味濃香脆可口 。酥炸生蠔比較香口夠薄皮。風沙雞夠惹味，跟芝麻雞一樣出色必叫，雞面灑上炸蒜粒同原隻辣椒，色香味俱全。黃瓜涼瓜唔會苦，甘香鬆脆，夠哂熱氣。最後叫星洲酸辣骨，個醬汁唔太辣少少酸，醒神開胄反而洋蔥仲好味。整體都滿意，服務及食物都可以。

國慶假期同朋友去土瓜灣喜滿樓食飯，地鐵站附近幾方便。我哋分別叫芝麻雞、芥末沙拉虎蝦、黑松露蝦多士、椒鹽軟殼蟹、上湯鮮墨魚滑浸油麥菜。整體味道出品好，翻食機會大。招牌芝麻雞 - 果然係招牌菜，皮香脆肉鮮嫩，原來雞都可以黏上芝麻，再黏上芝麻醬有入口即溶的味道。芥末沙拉虎蝦 -有食沙律蝦的味道，芥末有少少攻鼻，食落過癮。黑松露蝦多士 - 以為黑松露同蝦膠混在一起，原來係放係上面，裡面仲有原隻鮮蝦。黑松露、蝦膠、鮮蝦肉同多士一齊咬，舌尖大享受。椒鹽軟殻蟹 -香口惹味，大碟有8件，蟹味鮮甜，加上椒鹽好惹味。上湯墨魚滑浸菜心- 墨魚滑吸哂上湯又夠彈牙，用墨魚滑浸菜都幾特別。

又貴又唔好食，個招牌芝麻雞$188/半隻，外皮沾滿白芝麻拎去炸，再比碟芝麻醬你點，完全唔明白點樣可以收呢個價。個皇牌椒鹽軟殼蟹$128，乾爭爭，淨係得個鹹字，數埋唔知有無3隻蟹，我夠膽話元氣都整得好食過佢。薑蔥蠔煲$178，啲蠔上晒粉去炸，根本就好普通，數埋得6定7隻蠔，去海悅廣場間囍宴食好過，又平啲又好食啲，起碼啲粉無咁多先啦。最後個黑松靈墨魚餅係幾好食嘅，$148/6件，一支藍妹都要$35，埋單先知無得碌卡，得咩支付寶、微信支付同八達通，但樣樣菜式都3位數，好彩八達通消費券未搣完啫。總結，直升機店，對象應該係區外慕名而來人士，同豪華餅家一樣，街坊自己睇路。補充，間食店好細，冷氣又唔夠，見啲姐姐係咁捧餐出去，應該有隔離或樓上偏廳。衛生方面：普通茶記嗰啲情況，無乜特別。服務方面：招呼就無乜，因為太忙，又送餐出去，又執外賣，又多人入嚟要安排座位等等，但整體態度唔算太差，但亦絕稱不上親切，例如無得碌卡，老板娘都只係神情冷漠咁望住我，話晒得2個人都食咗$700+，酒樓都會講多謝晒，呢度係無嘅，我諗張單唔夠大，同佢哋真係太忙，宣傳太成功啦。

又係外賣自取時間， 住土瓜灣都幾年都未試過e 間野， 試一試。落單， 一陣有人打後， 問要飯 or 湯， 又會話比你聽要大約幾耐到有， 好好。叫左四個送， 芥末沙拉骨， 黃金脆鮮魷， 西檸雞， 紅燒豆腐煲。芥末沙拉骨，出面少叫D， 因為怕芥末味重。 本身係有 ， 但唔會話重手/ 大味， 有D 的接受到。黃金鮮魷， e 個正， 一咬咸蛋黃味， 入面魷魚係好爽。西檸雞， 可能我外賣帶返屋企都要時間， 有汁又有炸粉 ， 耐左都係會痴埋一舊舊街。 味道ok.最後係紅燒豆腐煲， 底係菜， 其他都係肉，要叫個菜先得， D 汁黎撈飯所以今次都滿意嘅。

其實呢間已經係vip經常同雷哥去食嘅地唔係環境吸引而係因為 食物質素非常之高質話說雷哥個朋友生日我哋就整咗條靚嘅紅瓜子（魚）肉質鮮嫩 飽滿又滑： 再加上 餐廳 整得超好食蒸魚豉油淋落去嗰下味道啱啱好魚肉吸收曬 鮮甜 豉油嘅味道再加上魚既肉質啱啱好, 唔會過火 食出真嘅味道再加上整咗個 果子鴨 味道出眾酸甜再配上芋頭作精心配菜, 淡芋頭香, 啖啖鴨香口感超驚喜。生日更加要買啲特別嘅整咗條油鎚, 呢間餐廳完全可以整到一啲都唔腥肉質飽滿： 爆香咗嘅汁醬 味道完全爆炒曬滲曬入去肉入面真係冇得彈！仲有我覺得好驚喜嘅 黑椒炒蟹！肉質非常嫩滑啖啖肉！ 絕對好食過馬來西亞！胡椒唔會太刺激, 爆炒嘅肉汁滲曬入啲蟹肉度絕對可以食多幾碗飯！仲有最後 絕對唔會令人失望 辣椒鹽瀨尿蝦呢個絕對係王牌 去親一定要食超多肉超滑, 食完永生難忘！一定返焯絕對夠膽講好過三聖海鮮飯店鮮香味齊曬！。

這間位於土瓜灣的喜滿樓菜館，擁有街坊的格局和價錢及大排檔的火候，是我幫襯了幾次的食飯好地方。他們的招牌菜芝麻雞，是我每次都會點的。每次都不會令我失望。是我的首選推介。他們還有必食的推介，每次我都會品嚐幾個。今次選擇了蜜椒脆鱔球鬆脆香口，甜甜地好滋味。見到隔籬枱蒸左條魚，心郁郁，但老細話條斑要預訂，而家剩返倉魚。都照殺，用嚟炆涼瓜。其實都入味的。只係如果可以食到鮮甜嘅蒸魚會更好🤪。想食嘅話訂位時就要預訂啦！另外都叫咗三隻蒸蟶子，蒜蓉粉絲係惹味的，但蟶子有些偏熟我有些少沙。環境雖然沒有華麗嘅裝修，但舒服企理，加埋貼心嘅服務。 誠意推薦俾大家！

有返夜晚堂食真開心，可以唔洗再買外賣返屋企食😄老公上網睇到條片係介紹土瓜灣呢間 收工即刻去試啦！其實我地冇book枱，不過去到嘗早5:30pm，店員話好多book咗枱，不過客人多數book7:00,所以都可以比枱我地👍餐牌真係好多小菜仲有海鮮選擇， 我哋試咗最出名芝麻雞🐔點了半隻，另外蒜蓉蒸聖子，仲有蜜椒薯角牛柳😋另外哩度原來係送例湯同白飯架，客人 點多少餸，菜館都會送比你食😊個例湯仲係老火湯，完全不是味精湯，太好飲我仲飲咗2碗添🤣個芝麻雞味道真係好食到不得了🤩雞肉嫩滑 外皮滿滿芝麻又炸到好薄脆香口，完全唔油腻，再沾上秘製芝麻醬好好食🤤蜜椒薯角牛柳味道好特别，甜甜薯仔，牛柳粒夠軟嫩😋仲有海鮮每日新鮮到，size每次都唔同，但如果人多就要預早訂定，我地點了2隻蟶子唔多😂所以都有得食總括嚟講回頭指數很高👍👍入到嚟食好有街坊feel好親切😍呢度賣點係食得健康少鹽少油少味精食得更健康💯

已經來過四五次，每次都必定會點黃金涼瓜，炒得非常出色！今天另外點了避風塘虎虾，很有鑊氣，虾亦非常彈牙。濃湯浸西蘭花，除了西蘭花，還有冬菇、魚肚及蟲草花。半隻炸子雞，皮脆肉嫩。由於疫情關係，6:00食完，還外賣點了下午茶餐星洲炒米，$45，夜點吃！每次都自攜白酒或紅，免收開瓶費，有酒杯提供。食物質素相對價錢是相當抵食。

今日同朋友兩個人去咗食小炒，呢間係土瓜灣嘅小炒茶館係主張少鹽少油，仲係少味精，推行健康飲食！而且晚餐時間得好多人，我哋就叫咗一個特餐加左兩碟小炒👀份量都好夠食！秘製豉油厚切豬扒煎蛋飯係特餐，見到好多人都有叫厚切豬扒，好似幾吸引，就諗住試下！點知真係冇叫錯，好好食🤤塊豬扒仲大塊過d飯，食落又夠嫩滑，真係推介👍🏻❤️而且調味都好夠，唔會好鹹🙆🏻‍♀️😍小炒方面，我地就叫左喜滿小炒王和招牌欖角骨，本身好想食小炒王，食多啲菜健康啲，佢地仲小油小鹽，好岩我哋口味！仲叫多個肉，招牌欖角骨似黑椒骨🥰調味都係好適中，唔會好鹹👍🏻份量都好多，價錢方面都好親民！

隨着土瓜灣呢邊開咗地鐵站，黎呢邊方便咗好多越來越多小店俾人發掘，好多人都會過嚟搵食呢一間係港式小炒，估唔到仲有高質雞煲食老細超好客勁親切，熟客新客佢全部都會傾吓偈金牌雞煲本身過嚟之前見網上話要食芝麻雞但係黎到見天氣凍凍地，老細又強推咁就試吓有半隻雞，大中小辣揀，兩個人食啱啱好連埋個火爐上枱，即時煮一陣店員同老細都有keep住望住個火所以生熟程度控制得啱啱好，食落真係好嫩滑雞件都比較乾身，煮完之後微焦，更加香口食入口麻味同埋辣味都好出原來佢哋嘅魔鬼辣椒粉都係專登訂製返嚟菠蘿咕嚕肉咕嚕肉嘅肉質偏瘦，食落有咬口最怕食到一澹澹肥肉，兩件就滯咗炸粉厚薄適中，撈左醬汁之後都唔會林晒甜酸醬平衡做得幾好，甜甜酸酸送飯一流最有誠意係用咗新鮮菠蘿，甜到好似落咗糖水咁最後我哋仲叫咗個豆豉鯪魚油麥菜因為餐廳係用少油少鹽，所以食起上嚟一啲負擔都冇唔會好似其他地方咁油到鹹到食唔到有機會一定會再嚟呢邊食芝麻雞佢哋仲有薑蔥蠔同埋椒鹽白飯魚都好吸引

📍To Kwa Wan 土瓜灣一間傳統小菜館, 主打少鹽少糖少味精😆👍🏻 每碟小菜都超級夠飽😙 適合一家大小去食✨ 有好多YouTubers都有推介🥰-芝麻雞🐔✨呢個我俾100分🥰 真係做到皮薄肉嫩, 咬落香脆可口😍 芝麻味超香!!!! 沾上芝麻醬一起食超惹味✨ 送飯一流🥳 呢個都係我第一次食,真係好正😆 個人好鍾意層芝麻脆皮☺️ 真心推薦👍🏻❤️🪄4.8/5💰188 (半隻）魚腐浸時蔬(油麥菜)🌿呢到餸超健康!!! 用左雞湯做湯底✨😙 魚腐大大粒 飽滿雞湯汁 一食落口超好食!!!😍 油麥菜 本身會有少少苦澀味, 但係呢個食落無😆 係一個唔錯嘅健康選擇！🪄4.5/5💰88-⛄️適合冬天一大班朋友/一家大小一齊食😋⛄️店內仲要好多招牌菜式例如風沙雞🐔🥳 值得一試😆-#土瓜灣美食 #芝麻雞 #香港美食

📍 喜滿樓菜館 Joyful Catering Company🌍 土瓜灣安徽街2號地舖G/F, 2 Anhui Street, To Kwa Wan📝 整體評分：7／10一坐低咩都未點就先即刻呈上例湯，真係好快手~ 南瓜煲成蓉，份外清甜，幾好飲。🥢蜜椒脆鱔球🥢 $158糖衣裹住鱔球好香脆，而且完全無魚骨，大大口放心食。作為下酒菜真係好唔錯，一啖鱔球既甜味一啖酒既苦味，但係餸飯就會覺得偏甜。🥢招牌㰖角骨🥢 $98大大件排骨係肉多過骨，蜜味加上淡淡既欖角香~🥢星州炒米🥢炒到勁有鍋條仲要條條米粉分明又足香咖哩味，仲要勁多配料，每夾起一攝都會，份量多到有成5碗，食完超飽。

好朋友介紹土瓜測開通地鐵站要跟他食好西，佢住開呢度介紹有間隱世中菜是不錯的！喜滿樓菜館款款小菜都係用心製作，而且主打少鹽少油，仍保持鑊氣，我見仲有私房菜式呢，招牌芝麻雞 、蜜椒脆鱔球等等的！但因為我和朋友來到見有下午茶便點下午茶先，下次晚上來一定幫襯埋小菜呢！而估唔到下午茶和午餐都有水準，例如我們點了蒜蓉多士配雞蛋奄列， 蒸肉餅和四川回鍋肉！很有住家飯的感覺，啖啖滋味呀！📍喜滿樓菜館地址土瓜灣安徽街2號地下（土瓜灣地鐵站D出口）

自從上次嚟土瓜灣食過呢間「喜滿樓」嘅小菜後，有人就一直記掛住店舖嘅小炒，話有機會一定要再嚟翻兜，好啦，就一於趁聖誕假期，食過返尋味。餐廳嘅裝修同上次嚟冇乜大分別，店員一樣咁熱情好客，而且見我哋坐低後，仲喺度慢條斯理地研究食乜嘢，亦冇催促我哋落單。其實最鍾意就係餐廳奉行少鹽、少油、少味精的健康態度，絕對可以令人食得安心又放心。今次我哋就點左蜜椒脆鱔球 ($148)、蜜椒薯角牛柳粒 ($88) 同 上次有人力讚嘅秘製醬油厚豬扒飯 ($58)。鱔球新鮮炸起，送上檯時仍熱辣辣、香噴噴，而且最正就係雖然面頭沾滿了黑椒同蜜糖汁，但食落仍然好脆口，惹味非常，加上爽彈嘅鱔肉，絕對係味蕾大享受。牛柳粒亦做得很不錯，即叫即製，肉質鬆軟腍滑，鑊氣十足，入口啖啖肉。薯仔粒外脆內軟，醬汁惹味，用嚟送飯一流。豬扒飯仍然保持到水準，睇下件豬扒幾厚身，勁大塊，肉質肥瘦適中，彈牙有嚼勁，腍軟入味又富肉汁，品質控制得很不錯。荷包蛋煎得好香口，用筷子一戳，中間嘅蛋汁便即時湧出，有流心效果，正！豬扒和飯粒染上蛋汁，更加香口惹味。 豬扒飯奉送飲品，如果想轉凍飲，亦只需 +$3，既經濟又抵食，唔怪得餐廳由開店至今，都一直廣受附近