喜遇 (已結業)

我們六個人下午茶時間來吃，主餐牌有85折，叫了一個松子魚，魚都ok,但覺得太多汁！小籠包不過不失，有醋，但欠缺薑絲！薑蔥牛肉，雖然係鐵板上，但感覺牛肉唔夠鑊氣炒！跟住叫咗三個下午茶餐，小食有四喜烤夫，水晶肴肉，山東手撕雞（撕得不夠幼細，）雪菜肉絲雲吞麵（還可以）， 排骨擔擔麵，排骨分開上👍🏻👍🏻，但太淋，不夠酥脆，招牌炒飯值得推介😍😍d飯炒到一粒粒，啲蝦仁好爽，最欣賞這個炒飯！下午茶餐包三杯飲品， 仲有甜品！今天的甜品係椰汁紫米糕😍😍👍🏻👍🏻整體來講，環境舒適，傾計的好地方，其他食物質素一般，炒飯和甜品喜出望外！

服務態度差咗好多pizza hut 嘅價錢，但低賤茶餐廳嘅服務態度，一d都唔專業食飯好似坐監咁，比d侍應啤住滂沱大雨的一天同屋企人食晚飯，但一進門個女侍應（疑似經理）一面不滿咁叫我地將d遮放喺門外嘅遮架，但當時冇落雨，而且我把遮都唔濕，所以冇擺，(何況餐廳方面唔擔保把遮會唔會唔見，食客應該可以選擇擺唔擺)，個女侍應更黑面，安排咗個風口位。最後，個男侍應幫我地另安排位置，態度反而比兩個疑似經理好得多。d位其實有好多，但偏偏就覺得會有好多人嚟食，有人想坐得舒服d，兩個人要張四人枱，個疑似經理嘅侍應就灑手令頭。講真，咁嘅服務態度真係唔會有人嚟食。唔通當d枱係擺設？以前，d服務態度唔會咁，呢次係因為過往嘅水準唔錯所以幫襯，呢次之後，都冇幫襯過。食物方面 份量比以前少，但味道冇太大分別 不過咁嘅服務，我就寧願去其他餐廳點餐：自選餸麵 期間限定的小菜

美麗街街，此處在此街算最便宜，麵食質數一般，勝在多選擇，健康麵，食具有睇頭，之前食過這裏上海料理就一般。二餸麵$49: 不辣擔擔湯，稠，花生味唔香，湯淡，雲吞，粉皮爛，即唔彈，露餡，白蘿蔔甜，全麥麵，有益健康。養生湯，幾粒杞子，炸魚片，扎肉~質帶粉及薄片，可能揀配料淡味，湯都淡，而隔離麥歌利加街越南餐廳，扎肉又厚又爽，環境當然這裹好些，淮山麵，對俾胃好。$20加配醉雞，做唔到李白，見有酒食物都想食，拍一聲上枱，手掌心大小白色磁碟，盛載約6件3份2手指長薄雞背肉，實質無乜肉可食，我同青蛙瞪一瞪眼望着，好嘢，師傅可斬咁細件又整齊放入去，酒味都濃郁，又唔同猪雜麵的醉雞酒味，話名係小食，無欺騙。每日心情不同，胃口如何，揀選去好食地方，或去好坐地方，或找新鮮事物，有這些生活感滿足，可能對有些人覺得要求低，但能有心有力做到已幸福！

喜歡遇見此上海言，進來一試上海小籠包，多汁，水準不錯生炒魚塊，酸味味，沒有太多粉，好食。素鵝，雖然材料普通，東菇絲，竹筍，但外皮趣卜卜花生醬烏冬加，花生醬味不夠，味道。烏冬堅硬度適中。

灣仔附近lunch hour 日日都塞爆，今日試下利東街這家喜遇，同事早少少過去拎位，都等咗大概15分鐘先入得〜 裝潢幾靚，主打懷舊mode，裡面有些舊郵箱、掌櫃招牌做裝飾，幾別緻要咗個兩餸麵，蜜汁叉燒配雲吞，四季養生湯底搭上海麵 ❤︎ 碗好大，但份量偏少，食完都無飽嘅感覺〜不過質素幾好，蜜汁叉燒甜度適中，大舊而且軟腍，唔駛出力咬。雲吞正常水準，個皮幾薄。湯底真是有杞子之類的養生食材，清甜，見在座其他OL都是揀呢個 $49 + 10% ，灣仔正常價位

食左唔夠10分鐘就趕人走，又要加一服務，落單到我起身，25分鐘。等左15分鐘野食先到。。。食到大半就問我仲要唔要 可唔可以收，筷子仲係我手呀大佬，咁都要問?係咪咁既服務呀。。。小籠包上台時係暖既，味道一般，但係咁多樣野食已經係最好食，係最好食。。。醉雞，配餐加$20，但只得一隻翼，份量奇少，似普通雞翼加花彫酒。炸排骨上到枱都係暖既，賣相好差，炸粉好厚。。。另外3碗面就好一般，都係份量好少。。。女同事食岩岩好。價錢就中等，但食物味道同質素絕對比上呢個價錢，食碗車仔麵仲好食過佢，平過佢，比人趕走條氣都順啲，因為文化係咁。。。差，好差，唔會再食！

A sucker for the minced pork balls, I thought I got lucky with the $52 lunch deal. Turn out I was wrong. The tomato soup base was so sweet that I regret ordering it. The meat balls were miniture. I am not too sure what 8 had paid for because even the noodle was sauggy. Hugely disappointed by their lunch deal, and their dinners have not been great for a while. Once a happy go lucky place has now turned into a messy kitchen with no standard because of the steady flow of clueless tourists. Not reco

早兩晚同家人嚟到喜遇, 點了蔥油海蜇, 小籠包, 兩餸麵, 三餸麵。蔥油海蜇: 好爽口, 蔥油味不算濃, 夠冰涼, 開胃前菜小籠包: 好多湯汁, 要小心夾起, 唔好心急, 湯汁好正, 不過肉餡味道一般蜜汁叉燒菜肉雲吞擔擔准山麵(走辣): 叉燒好入味, 雲吞唔好食, 比買現成的雲吞更差, 店方可考慮轉其他雲吞, 准山麵夠健康, 可健脾, 麵條幼滑, 擔擔麵湯不俗

每次經過利東街都沒有機會黎食，咁啱有日啊妹在附近返工時便相約前往食晚飯，當然也是被外表吸引而來啦😆叫左個魚香茄子煲 味道聞起來當然會覺得好香同野味 但係本人覺得偏鹹左小小😶撈麵反而會比較清淡也算不錯至於生炒都不錯酸酸甜甜比較開胃

早幾日又同朋友嚟到灣仔食晏, 經過喜遇, 諗住再入去試下其他湯底嘅烏冬,今次點咗四季養生湯烏冬配叉燒及蝦卷。我覺得四季養生湯比較一般,比起上次食嘅唔辣擔擔湯,擔擔湯好味好多, 香好多!下次會揀返擔擔湯。

酸菜肉末炒面酸豆角的味道很足量但是味道略鹹要叫個白飯🍚送麵麻婆豆腐傳統麻婆豆腐的味道分量不多是剛剛好再送飯肚子會爆炸豆腐好嫩好好吃熗炒包菜除了分量少了一點真的沒有別的缺點了夠火候，夠味道桂圓桃膠羹這個真的超級好吃治愈人心的暖食桃膠和皂角米很有嚼勁桂圓肉的點綴很好

落灣仔搵朋友食飯，佢選擇左呢間平平地食午市香港島黎講算係幾平！先上左個小籠包，但係肉汁唔算多，唔夠鮮，不過都只係過下口癮。呢個面好。難。食！第一次食個蕃茄湯係咁咸！好重 茄膏同味精味 豆卜係好大浸雪藏味，又吸唔到湯汁😑唯一好小小只係個蝦卷....呢間係我第一間覺得劣食既餐廳

今日上朋友新居，去咗呢間野度食lunch，整體環境都幾舒服，裝修得幾好呀，我哋三個大人兩個小朋友，俾咗一個卡位我哋坐時。我叫咗一碗酸菜麻辣湯上海麵，再加一個醉雞小食。本來滿心期待呢一個麻辣上海麵，因為佢寫兩隻辣椒，所以我期待嘅事會好難辣。嚟到嘅時候，完全食唔到啲辣味，又唔夠酸，有啲失望。至於個醉雞小食，個雞食落去係OK嘅，都畫嘅，唯一美中不足就係唔夠酒味，唔夠香口。整體價錢都算合理，味道唔算差，只係樣樣都係爭少少，職員態度都唔錯，好有禮貌。下次去可以試吓其他湯底。

中午經過喜匯，隨便揀咗呢間「喜遇」食午餐，睇睇餐牌，價錢在灣仔區來說算是抵食，雙餸$49，而且有好多湯底選擇，幾吸引。我揀咗蜜汁叉燒+白蘿蔔擔擔烏冬（走辣），再加一小碟四季烤麩。先說烤麩，好有水準，雖然細細碟，但味道好香，好好味，食唔停口烏冬好好咬口，擔擔湯底好香，好濃，超正蜜汁叉燒都好入味，甜甜的，叉燒出奇地好味，唔似一般茶餐廳提供啲hea 爆無味叉燒，推介俾鍾意食叉燒嘅朋友😊 白蘿蔔不過不失，清甜。呢間喜遇，絕對值得encore

今日行經利東街搵食，行到街尾見到有間叫喜遇嘅鋪頭，門口擺放了二個一男一女嘅中國公仔好得意呀！好像迎接緊你要入嚟光顧一樣！咁就入去試下啦入到去環境闊落沒有擠迫嘅感覺，而且裝飾走懷舊路線feel👀點菜 - 小食山東手斯雞 。招牌炒飯 。熱奶茶手斯雞 - 小食嚟講都算唔錯，雞油唔會太過多夠入味招牌炒飯 - 冇叫錯真係招牌菜，飯粒炒到粒粒分明，乾濕掌握得好上面放了蟹子增加賣相，內裡有蝦仁、义燒、豆粒味道好味值得一試熱奶茶 - 夠茶味☕️杞子桂花糕 - 清甜可口值得一讚👍🏻餐廳很細心，每張枱底都會有一個掛鉤可以俾你掛住啲物品，你知㗎啦我哋女士們會有手袋，有個掛鉤好方便唔使放係大腿🦵到😝