喜運點心專門店 (已結業)

住馬鞍山， 但疫情下怕去酒樓，怕老人家咳痰唔淹口， 驚驚。 所以改去點心專門店。此店已吃過3次， 第一次吃有驚喜，感覺點心店水準同酒樓差不多， 又不用等位， 又唔駛咁嘈。但昨天第三次食， 食物質素感覺回落， 雖然疫情食客不多， 只是4枱客。 侍應招呼手腳快， 好快比洗碗盤及上茶， 茶杯碗碟清潔ok, 但茶壺就頗污穢， 可應茶漬太多， 應加強浸洗， 嚇怕不敢飲茶壺d茶， 只作洗碗筷。叉燒肠粉皮不太薄， 芫茜多了點， 不喜歡感覺腸粉質素一般。叉燒包皮有些沾了水， 濕了少許， 但饀料味道一般， 完全唔香口。春卷最好味， 細細條， 熱及脆， 只是細條饀料較少， 不過好食的， 最重要炸得夠脆。粉果粉果係最差的，皮厚， 餡料怪怪的， 像不是我們一般食粉果的馅。點心食物質素像差了， 價錢又不是平， 所以感覺一般

☕️話說早兩日先飲咗茶，諗住搭2⃣️個站睇吓石門有咩新嘢吃！點知.....一出石門A，🚇即見到喜運點心，又聞到香噴噴♨️；既然躲也躲不過，食籠蝦餃先！🙆🏻‍♀️蝦餃肥啫啫脹卜卜，皮滑通透、🏀蝦肉彈牙又充滿肉汁，怪不得有個like 👍🏼💰我未食過點心專門店，原來茶錢$3、唔洗加一！哈哈，可以食多個鳯爪排骨飯了🤘🏽,係大size的鳳爪，皮多肉多離晒骨；排骨亦入晒味，好好噀 😽；米粒有嚼勁，好出色！個义燒腸係好好味😋～如圖所示，皮薄滑溜，勁多肥瘦相稱的叉燒，☘️再以芫荽吊味，一口滿足！特別推介～七味虎皮青椒，🍆脆皮的虎皮青椒釀着厚厚嘅蝦膠；脆皮彈牙兼備，係高質點心啊！🍯最後食咗個番薯糖水，甜下個咀；原來食點心去專門店，係正喎！🐥

今日去左石門。貪方便試左石門站旁既喜運點心，點知有意外驚喜！有傳統大包 好多材料係入面 重要大大個！乾身既排骨飯 大大粒燒賣、又滑又香奶味 又唔會太甜既燉奶，滑dodo既腸粉！入味唔會in既金錢肚👅 絕對可以再幫襯。加上姐姐服務態度勁好！讚👍🏻

呢日去左石門搵哥哥食飯，佢食過呢間點心話唔錯，而且又近地鐵站，一出就見到喇；點心款式都幾多，而且茶錢只係每位$3，全日免收加一，抵！先黎嘅係喜運鮮蝦餃欣賞佢皮唔厚，十分之適中，口感好好👍🏻臘腸滑雞飯有4大舊滑雞，好嫩滑👍🏻鮮蝦燒賣皇細望之下，粒粒面頭都有原隻蝦喺度外觀精美，味道亦唔錯蔥花牛肉滑腸粉真係幾嫩滑，如果就咁用筷子夾好易就會滑走左🙈要夾幾次先夾到鮮蝦炸雲吞炸得好靚，十分之金黃、香脆👍🏻仲有另一款炸野都係好靚仔架千島脆皮炸蝦角覺得佢有d似係炸左嘅蝦餃都幾特別，點千島沙律醬食，幾開胃.總結：雖然係小店，加上係午飯時間，不過侍應姐姐們嘅服務都好好，本身係要搭枱嘅，但岩岩坐低無耐有其他枱走，佢地都好樂意甚至係主動叫我地坐過去，唔駛搭枱；食物性價比高，而且上菜時間都好快，即使係lunch time時間黎食都唔會令你等好耐又要食得好趕

< 喜運點心專門店🥢 > 📍石門今朝同母親大人去咗石門飲茶😋 呢間點心專門店質素都幾好 唔洗去啲大集團食🤣❣️$3 位茶芥 全日免加一❣️🤎臘味糯米飯🍚 $38一黎到就聞到好香😍 上面有臘腸、潤腸同臘肉 好足料😛😛 糯米飯煮得啱啱好 粒粒分明又煙韌😋 唔會痴牙 秋冬時候食啱晒😆👍🏻🧡鮑魚帶子金腿湯包 $43類似灌湯餃🥟 灌湯餃大大隻 好多湯 入面有好多蝦肉😋 仲有鮑魚、帶子、素翅😆 湯底清徹而且唔乜味精味 好飲😋 皮薄饀多 餡料豐富 成隻都好飽滿🥟 仲有淅醋俾你加落湯到 減低油膩感🤣 💛鮑魚燒賣皇 $48呢個其他酒樓都比較少見 上面嘅鮑魚都幾大隻打卡一流😆😆 燒賣有三粒 大粒過一般燒賣 肉偏多 好味😋🌽金粟花枝餅 $36呢個比出面酒樓大塊 而且即炸熱辣辣 啲邊邊位好脆😆 成塊花枝餅都好厚 入面有蝦膠同墨魚膠 仲有好多粟米🌽 另外仲有泰式雞醬點 好好味😋🐥鮑螺片棉花雞 $27棉花雞上面有塊螺片 雞件有三大舊 肉質正常 豬皮索晒啲雞汁好入味🤤🤤🍞四寶雞球大包 $23而家酒樓比較少賣雞球大包 不過呢度都有得食😋 一個大包有差唔多一個點心籠咁大🤣 好抵食😝

我超鍾意飲茶。飲慣晒屋企附近嘅茶樓，難得今日放假就上網睇下邊度有好食嘅點心，想去遠d嘅地方試下。住石門嘅朋友話佢附近有間點心專門店唔錯，就一於試下！原本驚唔識去，點知原來就喺石門站對面，超方便！食點心重有湯飲？呢度原來有湯飲架！好似飲緊呀媽煲嘅湯，好有家嘅感覺。真係估唔到有湯飲，好surprise！最鍾意佢呢度有湯飲。重點係呢度煲嘅湯全部都冇落味精！星期一至日日日都有兩款湯比你揀，唔使自己煲就有得飲。土茯苓赤小豆薏米燉響螺湯湯底嚐到海螺的鮮甜和藥材的香味。海螺鮮甜有咬口。配以瘦肉同薏米煲，好多湯渣，好足料呀！因為無落味精，飲完唔會覺得口乾，重覺得好舒服。鳳爪排骨飯飯夠乾身，排骨嚿嚿都整得夠熟，唔會紅。飯嘅份量都好多，淨係食個飯已經胞胞地。飯同鳳爪排骨嘅比例都配合得啱啱好，唔會飯多過餸。鮮蝦燒賣皇蝦夠新鮮，就算攤凍左先食都唔會覺得鯹。蠔汁蜜味叉燒包醬汁同包嘅比例調較得剛剛好，d蠔油唔會太多，令個包鹹，反而試到甜甜嘅叉燒。包夠鬆軟。細細個去茶樓都好鍾意食「鹹菜胡椒豬肚湯」。但依家好少茶樓有得食，估唔到呢度有！即刻豪不猶疑咁叫左！湯底滿是胡椒香和它散發出來的微辣，刺激味雷和食慾。飲到最尾會見

蒜香鮮蝦春卷炸得香脆 蒜香好濃 同蝦膠好夾 酥皮再加上蒜香餡 食完幸福感滿溢🥳🥳秘製五香鳳爪同酒樓既鳳爪汁味道比較甜香 骨細肉多 食到停唔到～😘鮮蝦燒賣王鮮蝦好滑 燒賣皮彈牙 而魚肉落粉份量岩岩好 口感煙韌🤯喜運鮮蝦餃形狀係標準既半月形 蝦餃皮薄同軟 亦唔痴牙 蝦肉爽口👏🏻👏🏻鮑螺片棉花雞魚肚完全唔腥 又吸滿左螺片鮮甜既汁水 每一啖都食到清甜 雞肉滑潤唔會太油膩👍🏻鮮蝦腐皮卷腐皮煎或炸至香脆 放入彈牙既蝦膠 入口非常鬆脆美味😍紫醉金迷流沙包外觀一流～紫色包吸睛又有芋香 咬落去「爆醬」入面係透明金黃色奶皇料🤩都唔會太甜 岩老紅棗百合蓮子燉桃膠好足料 燉桃膠好潤膚 紅棗同百合蓮子補身 甜到入心 仲要滋潤又養生 推介呢個甜品☺️

同女朋友兩個人叫左250蚊左右～❤️我一黎就整左個《鮮蝦春卷》 香脆酥皮再加上蒜香餡 正👍🏻《秘製鳳爪》比較甜 但小心有碎骨 《鮮蝦燒賣》個黃色皮彈牙而且煙韌 但係我覺得蝦膠有啲太散 《鮮蝦餃》皮唔夠薄但好在唔痴牙 味道都幾好 🐽🐽😘《棉花雞》、《鮮蝦腐皮卷》推薦大家食！最後叫左個甜品《紅棗百合蓮子燉桃膠》個名好長 但係亦都好足料 食完解膩又補身😋雖然呢度嘅點心比一般酒樓都貴少少但係質素都相對唔錯 甜品有驚喜

第一次食呢間位於石門廣場的點心店， 不時都經過呢度，呢間點心店就係喺馬鐵站對面嘅地鋪，好顯眼，同好就腳。餐廳做足防疫措施，店內亦都十分乾淨企理，雖然係坐圓凳，但枱面都算闊落。點心款式多元化，價錢都算經濟，我點左鮮蝦腸，同埋米網腸，本人喜歡腸粉，呢間既腸粉夠滑同埋好薄，配搭裏便嘅餡料，突出咗蝦嘅鮮味，米網腸亦都內脆外軟，從相中都可以見到腸粉皮係幾薄。另外。仲叫咗蝦餃拼燒賣同埋蒸粉果，蝦餃燒賣基本上都同出邊酒樓水準差唔多，不錯。粉果皮亦都好軟糯，十分足料，好飽滿，兩款點心都色香味俱全，而且上枱時熱辣辣。鳳爪排骨飯方面，排骨非常大嚿多肉，鳳爪亦都好入味，餸同飯的比例剛好。甜品方面，叫咗個南瓜煎軟餅，食嘅時候剛剛煎起，熱騰騰，表面香脆，十分有驚喜，係必食推介，仲有叫咗桑寄生蛋茶，甜度適中，女士必食補品，有中式糖水舖嘅水準。整體來說呢間點心鋪很有水準，大家路經石門可以一試。

想食一盅兩件，除咗酒樓之外其實都仲有選擇嘅！石門呢間喜運點心專門店，喺正石門站出面，位置極方便，雖然鋪面細細地，未必有酒樓坐得咁舒服，不過食物質素都好唔錯。佢有點心、包類、腸粉類和飯麵等，全部明碼實價，唔係分大中小點，特別推介佢嘅孖寶優惠，可以揀蒸飯加點心或者腸粉加點心，分別都係$48或者$45 ，我覺得都幾抵。今日就試晒兩個蒸飯孖寶，有鳳爪排骨飯和北菇滑雞飯，點心都有八個選擇，我哋就揀咗鮮蝦燒賣皇同埋陳皮鮮竹牛肉球。蒸飯份量多，味道不錯，兩款都ok。燒賣都大粒，上面有蟹籽。牛肉球一碟三粒，陳皮味就唔係好覺，同酒樓嗰啲冇乜分別。另外我哋都仲叫多咗兩個點心，鮑螺片棉花雞（ $27 ）同埋一碗上湯鮮蝦水餃（ $42），一碗有五隻仲有菜，都好新鮮好味又大隻。棉花雞一向係我喜歡嘅點心，呢度都做得唔錯，啲棉花索晒啲汁好味，鮑螺片煙韌，雞又夠滑。由於唔洗加一，埋單價錢平過飲茶！

石門站對出有一間專食點心嘅舖頭，中式裝修，木枱木凳，門口仲有個外賣快線，方便叫外賣。今日得閒就坐低慢慢嘆茶，呢度就冇得揀飲咩茶，一律都係壽眉，茶錢每位$3，不過我就冇乜所謂嘅，食物選擇方面都有幾十款，除散叫點心，仲有孖寶套餐，可以蒸飯孖寶或者腸粉孖寶。今日就試咗個明爐叉燒滑腸粉拼喜運鮮蝦餃，腸粉都係三條，叉燒餡料OK啦。至於蝦餃，都係一籠四粒，啲蝦都新鮮大隻。懷舊糯米雞（ $29 ）糯米雞都好大舊，熱辣辣蒸出嚟好正，裏面有成隻雞翼，另外有叉燒、瘦肉、鹹蛋黃等，都好味呀。蒜香鮮蝦春卷（$28），呢個我覺得做得唔錯好脆口唔會油，一碟四條，good!奶黃千層糕（$22），呢個相當特別，同我食開嘅千層糕好唔同，佢中間係奶黃質料同時又加咗有啲合桃之類嘅材料，應該屬於甜品，但係又唔會太甜。點心似乎都係即叫即蒸，新鮮出爐當然好味，我覺得同酒樓質素有得揮！仲要唔洗加一！另外呢度有明火精選靚燉湯，寫明不含味精，星期一至日每日有兩款可選，今日係椰子粟米蜜棗雞腳燉上肉或者土茯苓赤小豆薏米燉響螺，一盅$38 。我哋決定試晒兩款，椰子湯比較清甜，粟米、雞腳、瘦肉齊晒了。而另一款土茯苓燉湯，雖然個樣黑孖孖，睇落好

成日去酒樓飲茶好悶，所以去下點心店食，類似茶居的店，都幾有趣及有好多新奇的點心。早上有抵食套餐腸粉即叫即做，好食. 皮滑，牛肉都多。燒賣略蒸耐左，皮林左D，味道都OK，大粒。手製養生花菇包$20 好可愛的造型，一眼望真係以為係菇，味道清清地好好食，好過食平時多醬既叉燒包。呢個真係好得~!百花釀金錢$32  幾精緻的點心，有好廣東茶居的特色，就是有D與眾不同的食物款式。個菇都大隻厚身，唔錯。金銀蒜帶子餃$36  又係平時好少見的點心，每隻都好飽滿幾靚，味道好而且材料足，特別~!!!柚子蝦餃$32 估唔到又幾有心思做得咁可愛~!~用薄荷葉裝成係桔仔，影相打卡真係好正。食落味道都可以，蝦好大隻，皮比一般蝦餃厚身，可能因為要做個效果，的確令人印象難忘。好獨特的點心餐，有驚喜呢~!

一直都好鍾意飲茶，但平日要返工又唔想咁早起身，所以都冇乜機會去飲。最近搬咗去石門發現原來嗰度有一間點心專門店咁就啱晒遲起身嘅我。呢間點心專門店嘅位置好方便就係馬鐵站一出既A出口，所以好容易搵到！果日同我媽咪10點幾到，餐廳都唔係太多人，而且環境舒服，裝修好有中國特色。食物種類同酒樓嘅差唔多，甚至有啲特色啲嘅小食！因為我都係第一次嚟所以想試吓佢啲嘢好唔好食 所以嗌左幾樣試試，我哋嗌左招牌米網海鮮滑腸粉，鮮蝦燒賣王同埋樓面姐姐推介嘅雞粒鹹水角。腸粉皮好滑同埋第一次試有米網既腸粉，好新奇而且佢都有幾多海鮮，唔係剩係得一兩粒Hea你。至於個燒賣入邊嘅蝦乾係爽同新鮮，不愧為佢哋嘅招牌，想再encore多碟。而鹹水角同平時食開嘅唔同佢特別有雞粒喺度所以令到成個鹹水角嘅味道提升咗！總括今次喺度食嘢體驗環境舒服，侍應服務幾好，價錢同埋嘢食嘅性價比都幾高，茶錢亦都好平。所以我得閒嘅時候，又想飲茶都會嚟返呢間！

帶完大帝返學就和同學媽媽一齊周圍去食下野，疫情咁耐都無飲過茶，就黎食下點心，第一次係鑽石山搭屯馬綫一期 ，好快就到石門，一出地鐵就見到喜運點心，真係好方便。同學仔媽媽想飲湯潤下，就叫左川貝圓肉雪梨海底椰同鮮百合麥冬太子蔘螺頭湯。仲叫左牛肉腸粉，蝦餃，馬拉糕，鮑魚金湯餃。2款湯都好飲，飲得出好足料，海底椰個款比較清甜清熱潤肺，另一款有螺頭既鮮味養陰潤燥。牛肉腸粉個皮幾滑，牛肉餡幾多蝦餃有4粒，爽口彈牙點d辣椒油👍👍馬拉糕軟熟香甜，好味道鮑魚金湯餃即灌湯餃，有隻鮑魚仔，熱辣辣幾好味。有個侍應姨姨幾nice,會主動話我知有燉湯同埋有孖寶，亦會主動加茶。

今日去行山，去石門食個早餐先~ 去左間食點心既餐廳，食番一盅兩件🤤•北菇滑雞飯•明爐叉燒滑腸粉•鮮蝦燒賣皇•喜運鮮蝦餃•蒜香鮮蝦春卷•秘製五香鳳爪•奶黃千層糕•薑蔥牛柏葉呢度既點心夠熱夠新鮮，特別推介呢一個喜運鮮蝦餃，入邊好多蝦，好新鮮彈牙爽口！另外呢一個叉燒或腸粉味道都唔錯，腸粉食落唔會覺得好糊，好滑好正，另外叉燒都幾惹味。但係呢個奶黃千層糕就唔係好推介，入邊有一粒粒嘅冬瓜蓉，食落好甜，怕甜既朋友未必鍾意呢一個點心～ 另外鳳爪牛柏葉都夠味，好新鮮，值得一試。