喫茶ちょうぼ

营业中

休息中

Bookmark 左一段時間, 終於搵到機會黎試下全餐廳都以木調昭和復古風為主, 環境寬敞舒服, 好有置身日本的感覺~  🔅和牛漢堡蛋包飯店員會係面前切開新鮮熱辣辣嘅蛋包飯～ 蛋皮好厚身但唔老，蛋漿夠香夠嫩滑，入面雜菜炒飯並不是坊間茄汁炒飯，反而係似醬油炒，米粒軟糯又分明。配埋厚切和牛漢堡扒， 漢堡扒偏濕潤，牛香味都幾突出，整體味道豐富！🔅 蕃茄香草牛油青口意粉青口份量好足而且都算肥美，大青口仲有一陣海水鮮味添～ 茄醬意粉🍝調味控制得唔錯，唔會太酸而且仲好濃郁嘅香草味～🔅蟹肉忌廉可樂餅外層炸得鬆脆，而且裏面忌廉同薯蓉都唔會太油膩🔅 宇治金時盛合好適合打卡嘅甜品～隻松鼠仔整得好靚，真係唔捨得食🥲 焦糖布甸🍮：微甜但口感滑滑的大福餅： 包忌廉，適合配紅豆蓉一齊食抹茶啫喱：如果鐘意濃香抹茶，記住要配抹茶餅碎朱古力卷蛋：鬆軟唔甜🔅抹茶麻糬沙冰🔅白桃梳打麻糬沙冰帶Q彈，口感幾特別白桃梳打味道唔錯，值得推薦

今日同朋友逛街，見到一間用大大棵樹裝飾得好有情調既日式西餐廳，木色日系傢俱陪襯得富有自然又特色既風格，所以我同朋友就選擇左喺呢間餐廳食個舒服既lunch。首先，我地揀左個蟹肉忌廉可樂餅，鮮味蟹肉外面係包左一層金黃脆皮，仲有甜甜既茄汁伴碟，味道配搭得好美味！👍🏻👍🏻之後，朋友點左香草牛油大蜆扁意粉，蜆肉又大粒又鮮甜，扁意粉配茄肉醬煮得好彈牙，好岩我地口味👍🏻👍🏻接著，我地又叫左和牛漢堡蛋包飯，侍應服務好好，主動幫我地切開蛋包，滑溜既蛋漿慢慢流落飯上面，連埋和牛飯一齊食，醬汁濃稠得來又唔油膩既感覺！😋😋最後，朋友點左一客超好味既甜品，叫宇治金時盛合。盛合包括左朱古力蛋糕，麻糬雪糕再配布丁，紅豆再淋上面，再加抹茶啫喱粒同餅碎，我地最鐘意小松鼠仔餅乾做甜品裝飾，整個甜品設計真係好有心思，味道亦好有層次感，真係好值得推薦💯👍🏻另外，飲品方面，我同朋友點左夏日海洋梳打+靚靚草莓沙冰，飲落感覺好清新又涼快。總結，呢間日式西餐廳性價比好高💯👍🏻 服務態度一流，裝潢又有靚，係一個幾好既打卡位，所以我同朋友一定會再來大埔超級城幫襯。

難得入大埔試一試之前係K11 都試過一次，餐廳環境好懷舊好有昭和風，幾多客人，不過唔洗等太耐，但係呢間既餐廳男經理唔知點解俾人一種好招積既感覺 😅😅？？🌟 $39 琉球族八爪魚香腸｜😅就係普通既界花脆皮腸，$39 其實頗貴🌟 $77 月見雞皮餃子 | 有6隻，已經係推介產品，但真係好難食，個餡係好結實既唔知咩餡，個外皮又唔夠脆🌟 $165蒜香蕃茄煮青口鍋配香草薯條 | 呢個還可，青口份量幾多🌟 $160 日式紅酒燉牛面肉蛋包飯 | 蛋包飯整得好靚，牛肉都幾淋同入味🌟 $78 日式卡邦尼意粉 | 呢個都幾好，幾多醬同夠味🌟 $68岩燒芝士多士 | 超搵笨💔第一已經唔係厚多士，圖中咁樣收$68，好意思嗎 ？？主菜類其實都可以，但小食類真係好貴，貴都其次，係可以用難食黎形容💔 飲品個杯幾懷舊，但份量少，幾啖都飲完總括黎講性價比低，主食類還可，千其唔好叫小食～～～！🏠店名：喫茶ちょうぼ Choubo Kissaten🚘地址：大埔安邦路8&10號大埔超級城B區2樓276號舖

🍽️《喫茶ちょうぼ 》@choubo_kissaten經過大埔，必定會去一間昭和裝修風嘅日式餐廳享用午膳。相信好多人都會被它的裝修吸引到。當然除咗店舖美觀之外，食物也同樣地好味，就連餐廳所用到嘅杯杯碟碟都很精美。🐮和牛漢堡蛋包飯 一如既往蛋包飯總會唔會令大家失望，職員會即場幫大家切開滑捋捋嘅蛋，再淋上香濃嘅咖喱汁，這場食物嘅表演，相信大家都必定拍攝一番。和牛漢堡很厚，啖啖肉，牛味亦很濃。而咖喱亦都唔係辣嘅，係日式偏甜嘅咖喱。🍝香草牛油大蜆意粉蕃茄醬底，配上扁意粉，每一啖都送上濃濃嘅蕃茄香草醬。味道滿意。🥔蟹肉忌廉可樂餅 口感外脆內軟，裏面就包含滿滿香滑嘅忌廉蟹肉，而醬汁就係濃濃嘅蕃茄醬。🍮宇治金時盛合呢款甜品包括有咖啡味布甸、熊仔曲奇餅、紅豆蓉、蛋捲。但整體每一款都偏甜。🍹草莓沙冰&幸福綻放花環拿鐵打卡飲品，啲杯真你好靚草莓沙冰有濃厚草莓味拿鐵嘅咖啡味好濃配上士多啤梨嘅酸酸甜甜嘅味道，都幾特別I▪️🅐🅓🅓🅡🅔🅢🅢📌 大埔 📍 安邦路8-10號大埔超級城B區2樓276號舖

真係 最後幾個月， 要爭取 同小可愛 一齊唔使打交嘅日子今日我有帶左小可愛去食好野啦宜家小可愛好乖 唔再系好似以前甘樣扭計真係人見人愛❤️❤️今日我地揀左間比較 西餐廳去食主要系 想小可愛可以感受下唔同個氛圍可以系唔同嘅氛圍下成長 唔會變成牛屎妹⛺⛺⛺今次小可愛 超可愛去帶見到人地個餐牌好靚 當裝飾 甘拎黎影相 好似賣廣告甘第一次黎📔📔唔肯定咩岩小可愛食就叫左個飯同埋粉面比較大路 和牛漢堡蛋包飯 & 香草牛油大蜆意粉 神奇地 我本身 念住和牛漢堡蛋包飯 甘靚，🐂🐂🐂因為和牛漢堡蛋包飯 系會 待應上菜時再 劏開變蛋包飯🥚🥚念住 甘新奇嘅野 小可愛 應該會中意啦點知~~~小可愛 系中意個一粉🍝🍝香草牛油大蜆意粉 雖然佢唔食大蜆但係個味道真係好香 可能系因為d牛油啦佢真係可以食到2碗仔🍝🍝佢食得開心 我俾錢都覺得抵d之後小可愛 揀左杯草莓沙冰因為系佢最愛嘅粉紅色💓💓真係幾靚 雖然唔系好甜 帶dd 酸但小朋友飲都ok✅下次有時間再黎因為呢間餐廳 屋企樓下坐502小巴就到啦🚌🚌幾方便快捷 簡直系遛娃1流👍🏻

每次去大埔超級城 我都會幫襯呢間日式茶室 食招牌蛋包飯 跟住欣賞入口處嘅日系家居cutie小品-🍳和牛漢堡蛋包飯漢堡扒原來喺奄列底下 奄列色澤鮮黃 切開之後 半熟蛋汁流出 係一個令人流哂口水🤤嘅視覺享受-🍝香草牛油大蜆扁意粉原來日本人叫嘅大蜆係指青口😅 肥大肉厚 份量好足-🌰宇治金時盛合盛合超有誠意‼️🫘珍寶糯米糍裏面有鮮忌廉 加埋十勝紅豆茸 香甜滑溜🍮日式布甸入口smooth 蛋味香濃🍰最後K.O.埋呢件可可忌廉蛋糕-🍥蟹肉忌廉可樂餅可樂餅外脆內軟 正正係我要嘅口感 不過蟹肉就唔多食到😂-🍹海洋梳打🍹焙茶麻薯沙冰餐廳飲品選擇好多樣化 焙茶沙冰有Q彈麻糬 沙冰透心涼 海洋梳打味道清新refreshing

被門口的裝飾吸引，經過餐具擺設再步入餐廳，內有乾坤。等就座的時候順便欣賞一下有趣的日式餐具。和牛漢堡蛋包飯$108集合日式漢堡，滑蛋和飯，蛋液滑嫩柔軟與漢堡肉的口感完美融合，再配上醬汁和白飯，飽足又不失精緻。香草牛油大蜆扁意粉$85青口點綴香草牛油扁意粉，意粉吸收醬汁更加入味，而且口彈充滿彈性，不會過於軟爛。蟹肉忌廉可樂餅$77可樂餅的外皮酥脆金黃，忌廉的加入讓餡料更加濃郁順滑，非常邪惡。宇治金時盛盒 $108很容易被剛呈上的日式甜點吸引，集合多種口味，有抹茶果凍，紅豆，布甸、咖啡蛋糕、麻薯、曲奇餅，各種顏色與各種口味碰撞出不同火花，口感層次豐富，甜品總是令人變得心動。抹茶牛乳$42濃郁細緻的抹茶融合進牛奶之中，口感順滑，還有精心的花式點綴，令人賞心悅目。夏日海洋梳打 $48清爽順口，是夏日午後最佳解渴良伴。

餐廳無論裝修、擺設和餐具都充滿昭和復古風。餐廳播放著輕鬆的音樂，再配上柔和的燈光，讓人感到寫意舒適。和牛漢堡蛋包飯 和牛漢堡厚身且肉質鮮嫩多汁，蛋漿嫩滑，非常美味。香草牛油青口意粉 青口份量超多，入口嫩滑無沙，意粉軟硬適中且入味。蟹肉忌廉可樂餅 外層金黃香脆，內裡的蟹肉忌廉口感好creamy，再沾上蕃茄醬，味道相當豐富。宇治金時盛合 賣相吸引，打卡一流。小松鼠曲奇十分可愛，蛋卷口感綿密，大福和布甸味道不錯。甜品材料豐富，必食之選。草莓沙冰 草莓味道香甜，喝一口已讓人感到透心涼。抹茶麻糬沙冰 抹茶味道超濃郁，再加上軟糯Q彈的麻糬，增添口感。

當晚係叫左炸軟殼蟹扁意粉同壽喜燒牛肉蛋包飯。前菜兩款都好食好開胃，飲品叫左紅豆牛乳細細杯好濃牛乳味👍🏻另外一杯係白桃梳打，一定要搞均個底先飲🫣超甜。面前切開蛋包飯哥個係驚喜既，但好似有少少偏熟冇見到有流蛋液，整體食完個蛋飯都唔覺得膩，中，係壽喜燒份量多同太多汁。去到重點！！！炸軟殼蟹扁意粉🦀一開始上枱賣相好驚喜炸到好靚好漲，意粉都香芝士cream味。切開哥下有蟹膏流出黎，好正咁。但放落口哥下唔對路，有啲奇怪咁觸感，竟然係蟹鰓？？？？。我即刻吐番出黎，同認真切開成隻蟹蓋睇，全部鰓都係到！！！！跟住就之後問店員想知道係米平時都唔會處理蟹鰓就炸出黎…店員諗左一陣答我話係因為原隻炸😮。我地就好無奈咁望一望佢，之後就係到諗係米尼間鋪咁特別會唔剪走或者特別處理啲鰓變可以食用？？跟住個店員就問洗唔洗重新整過隻蟹比你，我點敢再食呀⋯⋯重話一係整份唔知咩扒當補償番，我都係拒絕佢。唔知道依家連蟹鰓都可以食，我真係見識少。

最近同朋友係大埔試咗呢間日式餐廳，唔使出銅鑼灣同尖沙咀就已經試到，餐廳門口位置擺放咗好多唔同嘅精緻餐具同裝飾方便顧客選購。餐牌食物種類都幾多元化，單單主食方面就已經有蛋包飯、飯類、意粉、扒類、漢堡包可供選擇，最後叫咗幾款小食同兩款主食。食物未嚟之前同朋友各自叫咗杯嘢飲嘆吓，白桃梳打 ($45/左)，紫薯牛乳 ($38/右)，估唔到連個杯都咁可愛，紫薯牛乳奶味濃郁，口感綿密滑順。岩燒芝士多士 ($68) : 朋友超鍾意食芝士，所以就叫咗呢個 share 一齊食，多士口感超軟熟，芝士溶晒喺個多士面，再配上咸香味十足嘅巴馬火腿，味道層次豐富。唐揚炸雞 ($88) : 外層炸得夠脆之餘內裏肉厚多汁，配搭奶油質感嘅蛋黃醬，非常惹味又夠飽肚感。蒜香蕃茄青口鍋配香草薯條 ($165) : 青口份量幾多，蒜香蕃茄味道香濃配薯條一流。特大海老蛋包飯 ($137) : 果然真係特大海老無呃人，切開蛋皮後都做到流心嘅效果，而飯就採用珍珠米同已經調味，就算唔點伴碟嘅醬汁都好好食。炸軟殼蟹扁意粉 ($98) : 軟殼蟹成隻上碟一啲都唔孤寒，扁意粉口感 Q 彈，而且又夠多汁，食落非常正。

估唔到大埔都有間咁靚嘅餐廳，餐廳喺大埔超級城，經過門口已經俾佢吸引住，裝修好日系，好有特色，門口仲有啲位置賣啲有特色嘅產品，座位都坐得好舒服，就連個餐牌都設計得好有心思😍😍特大海老蛋包飯份量果然好大，個蛋煎得火候啱啱好，下面嘅飯都炒得好，炸蝦處理炸得唔錯炸軟殼蟹扁意粉一上碟俾隻軟殼蟹嘅大細嚇親，係原隻嘅軟殼蟹，炸得好好，個醬落咗好多芝士，好Creamy，有驚喜蒜香蕃茄青口鍋配薯條好多青口，而且青口好入味，蕃茄醬唔會太甜，好開胃唐揚炸雞唐人炸雞個味調得好好，甜甜地，而且雞塊份量切得啱啱好，一啖一舊，好味特別一讚係佢嘅飲品，叫咗一杯焙茶牛乳同Cappuccino，兩杯都好好味，加分

🇯🇵充滿日本色彩既和式餐廳 🌸平時去到日本東京都鍾意食呢類 又有主食小食甜品 環境靚靚🌸 1/ 特大之海老蛋包飯🐣蛋包飯好大個，而且個賣相好靚！舊滑滑既厚蛋，切開個下半熟蛋漿向外滑落去 ，真係好似去咗日本咁樣💛入邊有炒飯～ 特大海老亦都好大隻!!🦐2/ 炸軟殼蟹扁意粉🍝有豐富嘅蛋汁 軟殼蟹大大隻，仲要係真係一隻蟹嘅形狀，見到都覺得好驚喜🤣🦀脆卜卜 而且食到蟹既鮮味～ 意粉係扁意粉 軟硬度啱啱好🤗3/ 蒜香蕃茄煮青口鍋配香草薯條 🍟 好大鍋熱辣辣嘅青口 有新鮮嘅海水味道 蕃茄汁都幾好味 仲可以點埋啲薯條添🤤4/ 唐揚炸雞🍗排到一座山咁高 外脆內軟 有雞汁 好juicy 😙😙5/ 岩燒芝士多士 🍞咸香既味道加上淡淡既奶香味，濃郁既味道喺嘴裡蔓延開而且仲有Parma Ham 嘅鹹香味道🥐加埋啲沙律 啱啱好中和返🤤🤤🍺嗌多兩杯嘢飲，抹茶牛乳& 白桃梳打 呢個午餐真係好豐富呀

靚靚喫茶店門口擺設一棵大樹，樹下陳列出各式杯碟家品可供售賣，精美又可愛！餐廳係復古昭和風設計，木系元素感覺溫暖、純樸。擺放食物的餐具碗碟都非常靚！-特大之海老蛋包飯 蛋包飯係日式洋食料理的代表，有兩隻特大炸海老配甜甜酸酸的他他汁，軟嫩的蛋皮包裹住茄醬炒飯，香口又開胃！-炸軟殼蟹扁意粉隻軟殼蟹好巨型，炸得脆脆的蟹味甘香，再灑上蟹籽，仲有兩隻帶子，滿滿海鮮，外型超靚，扁意粉被濃厚嘅忌廉汁包著好香滑！-蒜香蕃茄煮青口鍋配香草薯條 蒜香蕃茄汁又香又醒胃，配青口食一流，一大鍋真係大件夾抵食🤭薯條都好大份。-唐揚炸雞 炸雞外包著甜酸帶蒜香嘅醬汁，而雞肉保持嫩滑幾好食！紫薯牛乳 $38焙茶牛乳 $45最愛焙茶獨特濃厚的茶香氣，而紫薯牛乳就微甜帶紫薯香氣唔錯。

人氣打卡西日fusion Cafe😎😎每次經過都有長長人龍，今次一定要去排隊隊😃果然沒失望⭐️⭐️首選炸軟殼蟹扁意粉，大大隻軟殼蟹，多肉有咬口，配上扁意粉味道剛剛好。稀有蛋包飯配上2隻超大巨型海老，食到舔舔脷。再來多個青口加薯條，加埋杯靚靚士多啤梨沙冰，超級開心開心。呢間餐廳裝修好有心思，每個角落都適合打卡，環境令人放鬆，椅子坐得好舒服，一路食一路打卡，餐廳還有其他日式擺設售賣，好可愛呢☺️🥰🥰

🥢 唐揚炸雞 $88 ⭐️必點！炸雞外脆內嫩淋上糖漿同他他醬呢個組合意想唔到嘅夾😍而且他他醬嘅洋蔥味超香!!本餐MVP🤤***🥢特大海老蛋包飯 $137炸蝦真係超大隻醬汁係龍蝦汁炒飯底都好香蝦汁味***🥢炸軟殼蟹扁意粉 $98忌廉汁夠哂多唔會食到尾唔夠汁撈炸軟殼蟹口感酥脆唔油膩👍🏻***🥢蒜香蕃茄煮青口鍋配香草薯條 $165青口超級多粒粒都有肉唔會炒到甩哂👏🏻蒜香蕃茄汁用黎撈飯好好味😂***🥢岩燒芝士多士多士超級鬆軟芝士偏淡味 所以食到好飽都食得落🙈***🥢草莓沙冰 $48沙冰好幼滑 唔會有碎冰粒但係螞蟻人如我都覺得有點太甜😂好彩面頭嘅cream稍微減輕左甜度👍🏻***🥢抹茶麻糬沙冰 $52真抹茶沙冰 冇加奶甜度適中麻糬口感軟糯