喵一下 (已結業)

非常有驚喜，價錢對得上品質非常有驚喜，價錢對得上品質2個定食，一碟雞泡魚干拼炸牛蒡片，一碟店長雞翼，2杯飲品，抹茶奶蓋好正。抱歉，太肚餓，懶得打字了。。。。非常有驚喜，價錢對得上品質；非常有驚喜，價錢對得上品質

推開左門見到同工業大廈完全唔同嘅感覺， 好復古，裝修得好靚。 中意睇書又得，睇漫畫又得， 比起好多觀塘中心小小嘅Cafe多左種寧靜。Cafe主打日式定食，份量同味道都比想像中多好多，特別中意日式天婦羅烏冬，同男朋友share都完全足夠。配菜嘅柚子蓮藕同芥末菠菜都印象難忘。天婦羅烏冬定食❤❤❤❤❤牛肩胛菇菇卷定食❤❤❤❤❤店員好親切，會盡力去serve同介紹最特別個杯雲朵飲品～叫左西瓜菠蘿沙冰，西瓜味比菠蘿重，但係好飲嘅～一定要試試佢！雲朵西瓜菠蘿沙冰抹茶奶蓋蜂蜜綠茶總括而言，係一間綠洲Cafe可以度過一個悠閒嘅假期。

之前見過人哋介紹呢間餐廳.好復古好特別打卡一流.Bookmark左有時間一定要過黎打卡.終於等到放假.出去又落雨.咁去室內就岩哂啦.所以就出發去左打卡📷我地點左2個餐套餐都有前菜.小菜.甜品.味道ok👌🏻🔎鰻魚滑蛋便丼鰻魚好明顯係解凍即食嗰種.唔算好熱.但好彩無骨.味道一般.滑蛋飯ok!🔎豬骨濃湯豬軟骨拉麵認真講句.好難食.🥹唔建議點.豬軟骨好硬又乾又韌又唔入味.拉麵好淋.湯底就似係超市賣豬骨湯底果種!🔎奶蓋水蜜桃綠茶哩個配搭好奇怪.仲要加28蚊.可以唔洗點😩奶蓋無芝士味又唔濃加埋水蜜桃綠茶係完全唔夾.分開就咁飲係可以.夾埋真係唔掂🙃🔎整體餐廳以打卡嘅角度係好好.好特別📷但係啲嘢食真係好一般.甚至我點嘅拉麵同埋飲品都係唔掂.仲要講緊係$88/set 飲奶蓋仲要加$28😢當日1點幾入座.我地本身係想食天婦羅冷麵.壽喜燒牛肉拉麵.但係無哂.店員話因為冇晒個醬汁所以冇.所以叫左2樣唔算好想食既野.但影相都影得好開心😃因為真係幾令🤟🏻

🔆包前菜3款、味噌湯、蕨餅🍜豬骨濃湯豬軟骨拉麵 $88拉麵其實好大碗，所以真係好抵食！😏豬軟骨超霖！！好好食😋配料有粟米、木耳、椰菜、洋蔥，口感好豐富，呢個性價比都真係好高！！食左半碗我都已經飽飽地！🤰🐮🍛咖哩牛肉丼 $118呢個係中左伏，搞唔店，我地以為啲牛肉係一片片，點知佢係一粒粒，個重點係質地好難又乾，唔知食緊啲咩甘😵‍💫咖哩偏辣，如果平時唔係好食到辣真係唔建議食。前菜、甜品柚子蓮藕好清新、爽脆，芝士竹輪一咬啲芝士出晒黎好食😋，菠菜個汁係帶少少芥末味，都唔錯！😃蕨餅就唔好要求甘高，味道係還可以！🍹抺茶奶蓋蜂蜜綠茶 $38超厚奶蓋，身為奶蓋控真係好正😋😋飲到底都仲唸到奶蓋架😋😋唔算好甜！☕️熱玫瑰咖啡 $40又令又好飲😋微微甜，啖啖玫瑰🌹味～🈺12:00-10:00pm喵一下 觀塘興業街16-18號美興工業大廈A座2樓C1號舖

Finally they are open! I’ve been wanting to go to this cafe for so long. The environment and setup is just beautiful! It felt like I was back to the 80s. The day I went was not busy so I got to sit quietly and walked around to take lots of photos. The tempera undo set came and I was amazed with the presentation. It was placed nicely on the tray and looked mouthwatering. I was so surprise with the amount of tempera, there were prawn, mushroom, ladyfinger, eggplants, pumpkin and lotus. They were a

Garden Meow重開，裝修比以前少左份侷促，多左份幽雅😍有種古老秘密花園feel🪴被洋蕨類植物包圍，加上舊鋼琴和書架背景📚打卡當然冇問題啦，有時間嘅做埋文青看書慢活下又點話😚每個便當都有伴菜，喺呢啲細節見到佢哋嘅用心，有甜薯、芥末菠菜、芝士竹輪、豆腐味噌湯同一大片蜜瓜🍈好食又開胃🤤𝙁𝙤𝙤𝙙🍄汁燒牛肩胛金菇便當 $98牛肉幾入味多汁，油份控制得岩岩好😚爽口彈牙嘅金菇，黃金組合冇得輸啦🇯🇵天婦羅便當 $98天婦羅比想像中多，呢個價錢都真係算係咁喎😇炸得脆得黎唔厚粉，你諗到嘅配菜如吉列蝦、菇、番薯、秋葵⋯⋯都喺齊度，冇偷工減料喎😙𝘿𝙧𝙞𝙣𝙠𝙨☁️雲朵紅白火龍果蜂蜜檸檬 $48說得出嘅重點就係一大個雲朵棉花糖喺杯頂，打卡用🤳味道就係非常突出嘅火龍果味，唔太甜幾清新🥰 但如果你係完美主義者，要等埋主食一次過影嘅話⋯Jenny勸你放低無謂嘅幻想🥶除左佢溶得非常快之外⋯你等不到的🤣因為上菜都幾慢⋯雖然已經邊影邊等，但差唔多45分鐘先上主菜，慢到飛出左可接受範圍🥵眼見都有客人鼓躁投訴唔等要走先啦🙊Jenny杯飲品等到出晒水無晒顏值——嘢食都仲未到😂可能重開都要時間reheat，廚房都比較細，叔叔做

餐廳好大，有空間感夠闊落，坐得好舒服 ！ 木系裝修好別緻，有不小懷舊裝飾，四邊仲有大落地書架，各式書本任睇唔嬲！食野嘅食野，影相嘅食野，睇書嘅睇書，放空嘅放空！ 自由自在，成個feel 好似去左台灣甘！當天平日下午茶時段去，無咩人，超級寧靜！播住輕音樂，更加有feel !除左正餐，佢都有小食飲品提供，有d可惜係無甜品！ 特別鍾意佢杯雲朵飲品勁靚 ！ 見到到開心！感覺除左餐廳，佢真係想提供一個環境比大家休息同睇書，而且服務員都好斯文有禮貌！ 香港鋪租甘貴，有呢d地方真係難得，值得多多支持！

有一段時間冇嚟，同好友聚會，想搵個地方，可以靜靜傾下偈，就諗起呢度。可能係我自己小心眼，因為疫情問題，寧願一個人，早啲嚟食咗嘢先，到朋友嚟到，佢哋有照食，但，我已經全程冇除過口罩了！呢間小店，喺食物質素、佈置、環境、服務，都令我好滿意，真心，可能我太掛住台灣啩，佢會令我諗起，當地嘅一啲樓上 cafe。佢真身係由 PMQ 起家，依家轉咗過嚟，但依然保留到佢獨特嘅風味，仲要係歡迎帶寵物過嚟嘅 cafe，確實比較少見，希望多啲朋友可以，過嚟幫襯下佢啦！😍😋😍😋😍😋😍😋

今日LUNCH過咗嚟呢邊食, 雖然個名有個喵字, 但原來係冇真貓咪喺到既, 呢到既環境都寬敞, 冇壓迫感幾舒服, 1:15過到嚟唔駛等位真係好, 今次我試咗個麵同飯再加特飲豬骨濃湯豬軟骨拉麵 - 成條豬軟骨上, 份量算多, 而拉麵既份量係出面加底既SIZE, 所以一定飽, 而味道亦都唔差西京銀雪魚飯丼 - 銀雪魚好似細條咗少少, 但味道係唔錯既, 賣相都好吸引雲朵草莓芒果冰 - 原來雲朵係棉花糖嚟, 好好味, 而草莓芒果冰都好飲雲朵荔枝蝶豆花梳打 - 賣相真係好吸引, 打卡一流, 味道亦都唔錯總結 : 價錢呢到係中上既, 叫特飲既當然係貴啲, 如果相比樓下果間, 我會貴少少選擇呢間, 大家既裝修差唔多, 一個係台灣文青, 而呢到就歐陸文青FEEL, 因為播英文歌, 我去過咁多間CAFE餐廳好少會揀英文歌去播, 感覺不錯

The food is good, 符合香港人嘅口味，整體環境好舒服，特別係書架上面D書，有許多書都排得好整齊，食物方面有許多選擇好多都好吸引，而飲品我最鍾意蝶豆花嗰杯，真係好好飲

呢間寵物友善餐廳位於工廈裡面，間隔同樓下嗰間台灣餐廳差唔多。咁啱去食嗰日有隻狗狗不停吠、所以同朋友完全傾唔到計...😅😋 薑汁燒豚肉便丼套餐有幾款配菜同麵豉湯。豆腐麵豉湯整得相當別緻，湯入面有豆腐雕嘅花。豚肉份量足料，燒得好香口，整得好嫩滑，撈均隻生雞蛋嚟食，個口感更加順滑。配白飯一齊食會有少少唔夠汁送飯嘅感覺...😋 壽喜燒牛肉拉麵壽喜燒湯底幾濃郁，不過味道偏鹹。牛肉望落去唔係普通肥牛，不過就有少少老。拉麵軟硬口感適中。

上週未放假， 想同小朋友去屋企附近食午餐。 上網search 到黎間觀塘工廈清新小店「喵一下」， 主要食日式便當及拉麵。  我俾杯雲朵荔枝蝶豆花梳打吸引左 ，大大舊棉花糖，小妹妹一定會好鍾意，所以二話不說就同兩個女搭車過去。📍觀塘興業街16-18號美興工業大廈A座2樓C1號舖美興工業大廈向The Wave 再行前少少，唔算太難搵，但要注意既係美興工業大廈有分A， B座，「喵一下」向A座， 唔睇清楚的話小心會行錯啊!!「喵一下」地方闊落，入門口位置放滿懷舊傢具俾食客影相。用餐區既書櫃放置左不同種類舊書， 周圍有一些綠色盆栽，感覺悠閒。我哋一大兩小叫左兩個便丼，一杯雲朵荔枝蝶豆花梳打 ，一杯岩鹽焦糖咖啡便丼配有味增湯，三個小前菜及一份蕨餅味噌湯入面件豆腐切成大花形狀，幾靚同特別，坊間小見。若果湯既溫度再熱少少就完美啦~~炸雞份量足，每件都幾大舊，皮脆內嫩，唔會太乾身。銀雪魚啖啖肉，肉質厚實滑溜 ，但稍為醃得唔夠味。我兩個女大愛棉花糖雲朵！ 造型吸引加上淡淡荔枝味梳打，啱哂大人小朋友。靚靚拉花 ~~~ 打卡後送既雪葩，清香好味，兩位小朋友搶住食。整體質素不錯啊!! 地方闊落，而且無入座時間限

無意中發現到呢間餐廳, 一開始仲以為有真嘅貓貓, 不過即使無貓貓, 都有好多唔同嘅貓貓裝飾。餐廳裡面擺放咗好多書, 亦有唔同嘅綠色植物, 枱與枱之間有好舒適嘅距離, 唔會坐到密麻麻。另外, 因為係一間寵物友善🐾嘅餐廳, 我去當日有隻狗狗太興奮不停吠, 如果好驚小動物就可能要考慮一下。🥢壽喜燒牛肉拉麵套餐配有芝士獅子狗, 菇菇, 芥末菠菜, 麵豉湯 (湯入面有一朵用豆腐雕嘅花, 好精緻) , 同甜品。壽喜燒湯底香濃, 味道同平時食壽喜燒差不多。牛肉因為煮得太耐變得有點乾身, 有點可惜。拉麵與壽喜燒呢個組合有少少唔襯, 所以味道上有少少格格不入嘅感覺。🥢薑汁燒豚肉便丼套餐一樣配有芝士獅子狗, 菇菇, 芥末菠菜, 麵豉湯同甜品。豚肉燒得很香口, 肉質軟腍, 加上一隻生雞蛋, 令口感更滑更順。🥢八爪魚丸外脆內軟, 醬汁味道剛好, 如果要挑剔, 只可以說八爪魚太細粒。🥢拿鐵咖啡(熱)有靚靚嘅朱古力拉花, 咖啡香濃幼滑。整體嚟講, 只要唔 encore壽喜燒牛肉拉麵就可以了。😝

這家以圖書館為主題的餐廳，很容易就令人想起同一大廈同一室、只是不同樓層的小時光，兩家裝修都以台式食式為主，但老實說這家的食品就高質很多了。雖然我不太喜歡這裡的裝修，一方面圖書館為題，但天花又裝上大顆大顆的假植物，枱櫈各有特式，沒有刻意去襯托，整體給我一種凌亂的感覺，這是台灣的真實寫照嗎？抑或是店主在裝修上太貪心了？點了最喜愛的壽喜燒牛肉拉麵，但由於到訪當天有兩位店員休假，我足足等了約50分鐘才可品嚐。食物上菜感覺也一般，食物盤有點廉價感。但當我品嚐前菜，是有點驚訝感，與剛剛的印象很有對比。麵豉湯底的百葉豆腐得有驚喜，沒有日本的味道，廚師的刀工很厲害，把豆腐切得很精緻和幼細，令豆腐每一個角落都有麵豉湯既味道，好入味。芝麻醬菠菜都很有心思，而且味道很好又開胃。（菇類跟加工製品我沒大興趣，skip評論🙈）。壽喜燒牛肉拉麵既湯底香濃，整體沒有太甜，每塊牛肉都精心炙燒過，讓每片薄切既牛肉都散發到濃郁既牛味，口感非常不錯。雖然係薄切牛，但每塊都好大塊，份量算幾多，好滿足。如果大家不介意等太耐，又想享受高質食品，可以一試尼間。

🌍喵一下 (觀塘)復古風格嘅cafe 唔少朋友都黎打卡 人氣旺盛 所以要book位先得 餐廳周圍都打卡位 可惜食物質素差 而且碗碗碟碟有少少崩咗 真要小心進食呀！唔會再次幫襯👎🏻每一個餐都有三個小食盤一個湯一個主菜 睇落去好豐富 但唔好食 小食盤一係煎一係炸 好缺少菜類 如果係漬物/沙律會更 反而佢個味噌湯好飲 個豆腐係散花款 有落啲心思條魚真係超難食🤢🤢🤢🤢首先重油味 又無檸檬癖腥 成條魚食落去又苦又腥 👎🏻而金菇牛肉卷一般般 好油膩👎🏻💵人均消費：100✨環境及衛生：6/10🙋🏻‍♀️推介指數：3/10📍觀塘興業街16-18號美興工業大廈A座2樓C1號舖