嘆撈

营业中

休息中

朋友介紹屯門呢間撈麵幾好食，搵日放工嚟試吓。舖頭唔太大，得10個位左右，晚餐時候要等一等位。都有幾多選擇，花多眼亂。揀咗蟹嘆撈＄62有炸蟹柳和炸軟殼蟹，即叫即炸所以好香脆。蟹柳都好大條，肉質厚實。軟殼蟹都鮮味好吃。揀咗配涼皮，感覺清爽，好適合夏天食。撈完味道啱啱好，唔會好濃味，都幾開胃。另外揀咗爆蒜味付什錦 ＄65入面有芝麻八氏魚、味付螺肉、辣味帶子裙邊、中華海蜇，撈埋青瓜芫茜紫菜絲等。配料分量充足，味道非常之夾，亦都有小時候回憶嘅味道。跟餐加$12 有自家龍眼水，味道清甜，而且有大量龍眼肉，非常足料跟餐加$14 有椰汁西米露，椰汁味濃，不會過甜，份量適中。再叫了一個芒果涼粉$41，芒果非常鮮甜，配涼粉好夾。

話說最近由住左十幾年既港島區搬左入大西北，一直人生路不熟，想搵啲美食同小店試下。眾所週知屯門紅橋係美食小店集中地，坐低隨便一間野食都好正。呢間嘆撈絕對係我心目中其中一間唔可以低估既舖頭。店面小小，但食物質素好高水平。佢地招牌海嘆撈紅薯粉係非常特別，一片片煙韌得黎咬落爽脆🤯一試難忘。同平時食既紅薯粉一條條好唔同！BB辣爆蒜撈有啲櫻花蝦咁幾正，好惹味。另一個叫左禽嘆撈涼皮，超級足料！入面至少半碗係啲手撕雞、鴨胸同鵝腎，鵝腎仲要用鹽水浸過咬落水潤，手撕雞嫩滑得來配埋清新既醬汁好適合炎熱嘅夏天！佢地最大特色除左人情味外，加$12有佢地自家製煲既茶。叫左龍眼水同白桃烏龍茶，冇香精味，龍眼仲要好多粒，誠意分滿滿！見到其他出品都唔錯，叫多左桃膠雪燕西米露同檸檬愛玉消暑～同樣唔差喎！超有椰味同埋煲到啲桃膠起膠，檸檬愛玉就酸酸甜甜咁，好岩呢啲天氣😆經營小店非常唔容易，尤其係依家興北上，呢啲小店真係好值得支持～仲要咁好食，非常抵讚

#屯門井財街驚世小店《嘆撈》邊個話天氣熱🥵唔好食辣野架，天氣熱更加想食，因為唔想食飯，食下麻麻辣辣嘅涼皮真係好正😍，食完配返碗甜品，真係絕配架店舖面積唔算大，但唔會話好逼嘆撈涼皮+配料：青瓜、芫茜，炸黃豆、炸花生、芝麻，加上辣汁，越食越開胃😋😋我另加金錢肚，夠淋，索哂d辣汁真係好正芒果🥭椰果愛玉芒果好甜，配上愛玉，清爽解渴芒果🥭芋圓涼粉咁熱天氣整配凍冰冰嘅涼粉就岩哂，芋圓好大粒，好有口感，芒果夾任何甜品都好出色

📍 嘆撈-屯門呢一間其實就係我屋企樓下～每一次夜晚經過都會想入去食一碗糖水🥄但係估唔到店內都有正餐食～可以撈起撈起🥢好耐冇食過涼皮配埋爆蒜撈～食完爆蒜，個口好爽😄粗身既涼皮，不規則既切法🗡️粗幼不一🥢✨ 大盛嘆撈手撕雞+豬頸肉+牛柏葉＋鹿茸菇＋木耳依一碗大撈起，材料己經好豐富～加加埋埋，碗麵勁大碗，夠哂份量🤭全部食材都撈埋一齊，原來都幾夾🥢✨ 爆蒜蟹籽+麻辣雞軟骨爆多蟹籽，連雞軟骨嘅份量都十分之多撈埋青瓜🥒一齊食，辣得嚟帶點清爽口感雞軟骨好脆口🐥兩樣都係我最愛😍兩樣加埋一齊，就超有口感🫶🏻✨ 口水燒賣魚肉燒賣香口彈牙 有淡淡魚香 正正常常 比較特別係個辣豉油係帶花椒麻辣味 嘴唇食完會麻痺果種🐟✨ 雞包翅第一次食雞包翅，係碗仔翅加雞絲～有齊晒我想食嘅嘢，而且好豐富嘅雞絲🐥碗仔翅既料十足，毫不馬虎！好味到食晒成碗🥄✨ 自家龍眼水滿滿的龍眼好吃，看起來又很滿足😌而且每日新鮮自家製，唔怕隔夜🫶🏻✨荔枝烏龍飽滿的荔枝味，以烏龍為基底沒想到荔枝烏龍蠻搭～

肥仔作為一個屯門牛成日都會嚟虹橋度食個便飯。今日就係試吓呢間街坊推薦嘅撈麵。除咗撈麵之外，呢度仲有糖水㗎。🍜大盛嘆撈🍜要撈就撈個最大嘅！啲餸有豬頸肉、牛柏葉、手撕雞，又有木耳、菇同青瓜等嘅配菜。我就自己另外加咗皮蛋。仲可以揀要嘆撈、爆蒜撈定酸辣湯。我就揀咗有炸花生、炸黃豆同爆多青瓜絲嘅嘆撈。麵底就揀咗涼皮，夠彈牙，又清涼，好啱而家熱辣辣嘅天氣食！🍰檸檬愛玉🍰凍冰冰，酸酸甜甜，愛玉「雪」一聲就滑入喉嚨，生津解渴啱晒熱辣辣嘅天氣。🍰綜合芋圈（涼粉）🍰本身仲唸住再加多小丸子，點知原來佢呢個綜合係咩都有齊曬，好岩選擇困難症人士 ！芋圓好大粒，味道好足，而且配上小丸子，大細一齊食好有口感 ！涼粉亦都好消暑。🥃龍眼水 🥃濃濃的龍眼味，而且又差唔多成十粒龍眼喺入邊，好足料，非常消暑解渴！總結撈麵，好惹味糖水好足料，係一間值得支持嘅小舖。

呢排天氣真係好熱，唔想食熱野，所以今日同老公去左食涼麵。我就叫左個小辣牛嘆撈，我老公就叫個小辣大盛嘆撈。另外，叫左支自家制龍眼水。牛嘆撈個味道辣得來又好醒胃，好適合夏天食。大盛嘆撈份量再大碗D，裏面嘅牛栢葉好索味。嘆撈配料包含青瓜，芫茜，炸黃豆，炸花生及芝麻。加埋個辣味醬汁，成件事就好夾。雖然店舖面積唔算大，仍有自家制飲品，係誠意之作。一邊食，一邊飲支清甜龍眼水，好爽呀！飲完正餐，當然要叫個甜品。我哋叫左個楊枝金露，裏面超多芒果，份量十足，呢個甜品下次可以再encore😋。

一開始係朋友介紹食，食過一次就形成左個習慣，每次入去虹橋食完晚飯都一定買一兜番屋企，其實完全唔係住屯門嗰頭😂但真係好正！！🤤🤤不過今日紅日晚市時間入去竟然一個客都冇 真係覺得好心up呀真係內心不禁感嘆宜家香港市道差左好多各行各業都好難捱，特別係小店😮‍💨所以決定將自己人生openrice第一個食評獻比嘆撈～真係好好食，夏天食一流，又用心整，每次去店員都好有禮貌，每次都係好快就有得攞～嗌左雞嘆撈，之前都係食開牛嘆撈都一樣好食，特別鍾意佢個雞軟骨，調味好足配料都多，不枉山長水遠攞番去食🥹👍🏻👍🏻呀仲有+$10既白桃烏龍都係好香！

但被小甜品安抚滋润牛杂捞粉里面的料超级多，每一次从下往上捞起的瞬间都带着丰富的配料和小滋味⚡️，选择的红薯粉皮是软韧弹牙的口感，又和牛杂互为表里🐮芒果芦荟小丸子🥣香甜和丝滑是喝的到的香醇滋润，🥭真实的果肉在嘴里爆出汁水，带来了满足和幸福🌤️要结束了，又吃着好的了

很適合完全唔需要飽肚的朋友到場支持是街頭冷面質素但餐廳價錢最重要是完全不飽肚很有吃法國菜既感覺而且很適合有無限耐心耐性的你可以兩張單也各自漏飲品及小食涼面也可以漏配菜店內環境勁CHILL店的職員自己玩得盡興也提醒大家走也有小驚喜一定要check單所有加錢配的東西也沒有到齊但也會照收錢的驚喜堂食也寫了我們外賣價surprise 大推呀（我特意開openrice就是為了大推這店,真心想打這食評，謝謝！）

去開屯門行山，托閘試咗街坊名店嘆撈主餐牌撈麵同點心紙撈麵係唔同嘅內容，我哋揀點心紙🤣有幾個preset撈，想食蟹籽嘆撈，但preset係爆蒜撈，自選又無蟹籽🤔睇唔明就問下侍應，但佢好似都唔明😅對話如下😋：唔該想問下呢個蟹籽爆蒜撈可摸耳…👩：唔可以！😋：下…👩：👀😋：想問下可摸耳爆蒜撈轉嘆撈？自選無得揀蟹籽…👩：你揀嘆撈再加蟹籽咪得😋：可以嗎？但自選無見到有蟹籽…（然後佢拎走張紙去咗廚房門口。以為佢要問老世，結果佢自己睇咗陣就過返嚟）👩：（指住飛魚子）呢度咪有😋：佢係蟹籽？👩：係！🙂然後揀咗🍜雞嘆撈 配紅薯皮 小辣 $48紅薯皮一大塊雲吞皮咁，咬落幾彈牙手撕雞太碎，都無乜味雞軟骨幾爽脆，味道ok，無雪藏腥味上菜時炸花生同炸黃豆唔知點解係碗底，比汁浸住，已經唔脆。食呢啲粉麵最鐘意就係食個炸黃豆，呢次有啲失望😔汁太少，有汁個啖就係小辣，無汁個啖就係食材味🤣套餐可以加購細份甜品，本身係想解辣🤣但個撈撈整體唔係好有味🍨檸檬愛玉 +$12都講下甜品檸檬汁酸酸甜甜幾好味😋愛玉偏硬實個種，我哋都覺得食到最後有少少少少少少膠味，唔知舊愛玉係點整㗎呢？Overall鋪頭好細，上菜好快，味道唔差，無咩服務態

❀┈┈┈┈┈┈┈┈┈┈┈┈┈┈抵食特色撈麵糖水舖✨屯門地膽一定認識既虹橋甜品店 其中一間轉型賣撈麵小食 店面小小的只有幾個堂食座位相信是外賣為主～除了撈麵外也有涼菜小吃及一系列的港式糖水價錢並不貴┈┈┈┈┈┈┈┈┈┈┈┈┈┈𐂐 ⠜蟹籽麻辣雞軟骨爆蒜撈 $55 (7/10)麵底有涼麵 涼皮 紅薯粉 酸辣粉 我們選擇了前者 表面有滿滿的蟹籽 青瓜絲 雞軟骨 感覺跟中學吃的冷麵十分相似！是熟悉的味道𐂐 ⠜口水手撕雞 $35 (7.5/10)個人覺得口水比麻辣更滋味 醬汁份量很足夠所以雞肉很入味底下更放上脆青瓜增加口感愈吃愈辣令人停不了口𐂐 ⠜綜合芋圓涼粉 $41 (7/10)芋圓配以小丸子 椰果 西米 涼粉及椰汁享用 多種用料口感更豐富呢 而且也適合用來解解辣┈┈┈┈┈┈┈┈┈┈┈┈┈┈

位於屯門的嘆撈，舖仔細細，鹹食甜食一應俱全，其中撈面最出名，如果去開圖屯門大家可以試下👍🏻😺👹🌸🌸🌸🌸🌸🌸🌸🌸🌸🌸🌸豬嘆撈$48芝麻八爪魚+$10麵底選擇多多，包括涼麵、涼皮、紅薯皮仲有酸辣湯粉。試下涼麵，凍冰冰都幾彈牙，份量都夠多！選擇左豬口味，入面有豬頸肉同埋鵝腎，再加埋芝麻八爪魚 ，超級大隻！配菜有花生、炸黃豆、黃瓜同海量芫荽，清爽有口感！椰汁西米露+$12食完辣野當然要點一刻解辣的椰汁西米露！西米透明且有彈性。整體唷豐富的椰香味道！透心涼好爽快！

人生第一次過黎呢邊，原來屯門虹橋呢邊好多野食，勁過而家嘅荃灣路德圍！呢間位於井財街嘅嘆撈就係其中一間主打撈麵、糖水、滷水～等comfort food 眼見好多街坊都買外賣番屋企！豬·嘆撈 $48有涼皮、涼麵、紅薯皮、酸辣粉4款 麵選擇4款都幾特別！我就揀左撈涼皮涼皮好爽滑，吸晒醬汁好好味配料有豬頸肉、鵝腎、青瓜豬頸肉有厚度鵝腎都滷得入味，口感軟硬適中雞鮑翅 $38間唔時就會想整番碗碗仔翅，大大碗有好多雞絲！

天氣開始轉凍，突然想食甜品潤吓，朋友就推薦咗附近嘅呢間！一路食，佢地外賣都有keep住響，可見都幾多人嗌外賣拎走～糖水嘅款式都幾多，有我男朋友鍾意食嘅芋圓，亦都有養身嘅南北杏燉雪耳！先到嘅係男朋友嗌嘅「綜合芋圓(涼粉)」，係店主推薦之一，好多料，唔同嘅材料加埋食落好有質感，我都忍唔住食咗好幾啖🤭另外係南北杏燉雪耳，嗌咗熱嘅，個人覺得甜度啱啱好，都算足料，有幾舊木瓜同埋雪耳～店入面唔算有好多位，感覺都係做街坊生意，好多時都係嗌完直接外賣拎走返屋企食。另外呢度都有d撈面嘅選擇，都睇落好惹味咁，價錢相當合理，都係屯門一個唔錯嘅選擇！

虹橋呢間嘆撈 真係撈得好好食😋回頭率：⭐️⭐️⭐️⭐️⭐️食物味道：⭐️⭐️⭐️⭐️抵食指數：⭐️⭐️⭐️⭐️我又來買外賣啦嘆撈食物選擇都唔少當正餐食 可以揀撈面餐想食糖水又有糖水想食小食又有小食今日宵夜想食碗仔翅湯底濃郁，材料都好豐富，口感順滑，味道不過不失，口痕想食都可以選擇另一必食一定揀佢既撈涼面 爆蒜味付雜錦（中華海蜇，芝麻八爪魚，味付螺肉，辣味帶子裙） 配菜仲有櫻花蝦，青瓜、花生、芫荽，辣到可以自由選擇撈均勻左既面，每條都掛滿汁，好惹味小朋友都淨住食