嘉寶漢堡 (和益中心)

营业中

休息中

終於可以食到嘉寶啦！最想食嘅時期經常大排長龍，到唔洗排又無經過呢頭！睇到menu樣樣都想食，第一次黎就識最classic嘅芝士牛堡〰️鋪頭大左，落完單要拎beeper返位做，整好就響架啦🤭[]$40+$6見到溶緊嘅芝士，食慾大增，醬汁有兩隻，橙色同白色，稍微多醬左dd，煎蛋熟得滯，完全無流心🤪不過牛肉搭救，煎得香脆，又夠juicy。[]$40+$8蘑菇量都幾多，但可能無咩調味，存在感唔太高。整體感覺係性價比高嘅港式漢堡。牛肉有厚度，唔會死實。蕃薯條非常值得嗌，軟糯口感，而且甜甜地，非常過癮。

終於試到香港人製作漢堡包！！！嗰日去完尖沙咀恐龍展咁啱經過冇乜人排隊 即刻衝入去食～我哋第一次是兩款漢堡包+炸燒賣+炸紫菜魷魚香辣煙肉蘑菇芝士牛漢堡 $52 +套餐 $16成個配搭賣相都好吸引有厚身漢堡扒、生菜、蘑菇、脆煙肉、自家香辣燒烤汁牛肉漢堡扒咬落去好Juicy 成手都係肉汁煙肉煎得好香脆 不過蘑菇就略嫌欠缺味道但係整體都好滿足～蝦牛堡 $62+套餐 $33我個人都好鍾意呢個漢堡包！炸蝦餅仲大塊過MOS Burger嗰塊配搭Juicy嘅牛肉漢堡一啖都咬唔晒咁多層漢堡包炸燒賣炸得好香脆 入口好煙韌 正炸紫菜魷魚係Secret Menu嚟㗎 大家喺餐牌見唔到 要問店員先得略嫌紫菜味唔太夠 All in all嘉寶漢堡CP值超級高！怪不得佢長期都排長龍～比任何一間連鎖店都更好食！一定會再次瘋狂encore🔥整體性價比：🦖🦖🦖🦖嘉寶漢堡 Kabo Burger地址：尖沙咀寶勒巷9-11號和益中心地下

我其實唔係太鍾意食burger，尤其是最驚油膩得嚟個包又乾爭爭果種感覺。嘉寶應該係2019年後最大發現，由葵芳店食到尖沙咀店不下10次每次都唔會令我失望。而我個人最鍾意食就係加左烤brie cheese嘅牛堡！比起就咁牛堡，加左brie cheese成個burger會再多一重口感，就係軟棉棉滑溜嘅芝士，因為其實我本身係鍾意食bacon多啲，但burger入面加bacon好多時會令個burger更加乾身，而嘉寶嘅burger本身個包已經好棉，再加埋brie cheese真係好出色。配菜方面，除咗薯條仲可以揀蕃薯條、ceasar salad等等，野飲唔洗加錢都有大量茶類可以揀，好啱我呢啲唔飲汽水同甜野嘅人🫂

香辣煙肉蘑菇芝士牛堡$52 (轉套餐+$16 薯條加飲品) 好味指數：8/10嚟到嘅時候其實有啲意外，個包🍔竟然咁大個，仲好足料，啲醬汁辣辣地配埋煙肉🥓芝士🧀好好味，蘑菇好明顯食得出佢係烤過，有陣焦香味，再配埋塊漢堡扒真係好Juice💦。薯條用薯仔🥔切成粗塊去炸，咬落非常有口感。菠蘿雞扒堡$40好味指數：8/10菠蘿🍍大大塊，配埋醬汁雞扒🐔再加少少腌菜，鍾意食香口嘢嘅朋友一定會好喜歡，唯獨是略嫌個包烤得硬咗少少，但係呢間嘅漢堡包絕對係性價比高👍🏽。

鍾意食漢堡包🍔的話一定要試香港嘅嘉寶！無論係漢堡、薯條，都有啲似港式快餐外賣店嘅味道，非常適合香港人口味。 佢唔會好似出面嗰啲咁多汁同埋油膩，麵包好鬆軟，而且餡料選擇都好接近香港人鍾意食嘅口味。佢地提供嘅麵包鬆軟，有烘到個面，最重要係夠熱，裏面嘅料有好多選擇。個人覺得餐廳嘅煙肉同埋香菇做得好香，大家不妨試吓！醬料同埋餐具紙巾都會擺咗喺餐廳嘅角落，方面你要幾多攞幾多！好啱鍾意食蕃茄浸薯條嘅我！每次都會好開心咁樣攞一碟醬料返去慢慢食👍🏼😄 餐廳入面有一個自動洗手機，好耐冇見過餐廳有擺呢一款嘅機，方便客人食完漢堡包要洗手。真係細心！今年多咗好多中高價位嘅連鎖漢堡包快餐店，喺幫襯美式快餐店嘅同時，都多啲留意吓有本土特色嘅漢堡店啦！

星期六下午2點，餐廳比較多人，自助形式，等位大約5-10分鐘。揀好食品就可以出去收銀處點餐，之後會有個電子機，食物準備好會響提示可以出去拎餐。叫咗個蜜糖芥末豬堡（$40）+$16 可以有套餐，有飲品同小食，都多選擇，揀咗薯條同熱伯爵茶，加$10 要咗兩隻 BBQ 醬雞翼。另外單點一杯凍鴛鴦（$17）。食素嘅朋友都有素食漢堡可以揀，可以加錢加配料。蜜糖芥末菠蘿豬堡🍍🐷🍔：包好軟熟，暖暖地，🍍菠蘿有煎過，增加菠蘿嘅甜味同汁，香甜得黎又唔會乾身。🐖🐖豬柳好有厚度，食落好多肉汁，唔會過份熟，剛剛好嘅感覺。漢堡底少少沙律醬，有生菜🥬同蕃茄🍅墊底，新鮮爽口，減少膩感。蜜糖芥末醬唔多，唔太食得出醬汁嘅味，但本身食材新鮮，配搭好平衡，就算醬汁少，都覺得好好食。食漢堡嘅時候要小心啲肉汁係咁滴落黎，有帶濕紙巾會方便啲，餐廳都有部洗手機，食完可以去洗手。一個有質素嘅漢堡，套餐價有埋飲品同小食，$56 唔算貴薯條🍟：係粗身嗰種，熱辣辣，好食～ 一包份量一個人食啱啱好😄😄BBQ 醬雞翼：醬汁覆蓋全隻雞翼，好均勻，雞翼上面有啲香草，好入味，皮脆肉嫩，唔會因為脆邊而入面肉地乾身😋熱伯爵茶：正常想飲熱飲嘅朋友，嘉寶都

終於黎潮聖😂但真係太多人排隊又熱 要買上車食.🍔黑松露芝士牛堡 $52即叫即做 食好東西都是要耐心等~巨多黑松露醬+🧀🧀但感覺唔油膩牛肉好厚身 juicy 有口感生菜蕃茄都勁新鮮🫡估唔到真係咁好食 出左名都唔會hea抵佢越開越多間.📍嘉寶漢堡📌葵涌青山公路葵涌段499號嘉寶大廈地下A&B號舖📌尖沙咀寶勒巷9-11號和益中心地下📌上環德輔道西103號樂基商業中心1-2樓Freshlane

某天經過看見這鋪鋪外很多人排隊，服務方面沒有指示但原來需要自助找位置坐，找位後枱上的垃圾也要其他客人自行清理，建議可找員工定期看看，幫忙清理，點餐時的隊龍也較長，如有QR code 落餐更好。食物方面款式很多，主食點了大啡菇牛肉漢堡，份量十足，包皮也較脆、漢堡是正常味道，整體味道都較夾，另一個羊肉漢堡加了菠蘿做配搭，出來效果也不錯，羊肉也較重羊的味道，另一方面炸物也較出色，炸薯條、燒賣、雞柳條及BBQ雞翼也不錯。唯薑蜜只有薑味較重，液體較清淡（似水），較失色了！整體都是不錯。

不是第一次食尖沙咀嘉寶，今日如常點餐，去到要比錢先話呢樣唔收果樣唔收，就連最普通嘅八達通都話壞嘅，你放咁多機係枱面唔想收都唔緊要，你起碼人哋落單嘅時候講咗先，乜都唔講重好似大支咁，浪費大家時間，以後都係唔好再嚟受氣

8:00去到諗住都要等下位點知發現入邊即刻就有位，即刻9秒9衝入去霸咗個靚位先。呢度其實係好似快餐店咁自己攞位然後去返門口買，買完比部機仔你整好就叫你過去。首先叫咗個最基本嘅芝士牛堡，個包係軟熟嘅，個牛就唔算好多肉汁但係味道都唔錯，當然你同嗰啲手打牛就冇得比但係呢個價錢性價比都好高。另外我哋仲叫咗香辣煙肉蘑菇芝士牛堡，我個人食burger係比較鍾意有煙肉，呢個煙肉辣辣地再配合埋切碎咗嘅蘑菇非常之夾。相比起最基本嘅芝士牛堡呢個的確係好食好多，呢$12係抵比嘅。另外加$16就有套餐，套餐包括一個嘢飲同埋一款小食，我哋今次就叫咗薯條同埋炸燒賣。先講炸燒賣因為比較特別唔係度度有得食，其實如果真係貪佢叫做特別啲，咁都可以食下嘅，否則我自己其實都係鍾意蒸燒賣配合豉油同埋辣油。呢個炸燒賣出邊脆脆地但係感覺有少少黐住啲牙，雖然口感幾過癮但係味道就普通啲。薯條方面係厚切，都幾脆，除此之外就冇乜特別啦。整體嚟講雖然你唔可以同嗰啲賣到好貴嘅手打牛堡相比但係以呢個價錢講真喺邊度搵，佢可能只係貴麥記少少但係味道就好食好多，所以呢間嘅性價比非常高。

After years, finally burger time again - still high quality with valued money! Great lunch experience🍔Beef & Portobello Cheese Burger with fried eggBeef was cooked super juicy; well cooked but not overly cooked; egg was the perfect match with running egg yolk - super yum! the cheese was not the Mcdonald’s one which was good with melting; all sauces were balancedThe restaurant was a bit busy during the lunch time, however customers were super nice to self served to put all stuff in the rubbish bi

個日同朋友係尖沙咀食串燒飲酒，埋單每人成300幾蚊都唔飽，走時好彩見到有burger 食，一於買個take away burger 返去醫肚。佢比較特別是有羊肉漢堡包，嘩平日都係食牛肉burger 架啦，一於又挑戰下羊肉先。佢架lamb party 都幾juicy 帶小小羊so 味,喜歡吃羊架人就係喜歡陣陣so 味嘛，其他就如普通burger ,有tomato, leccture 等等, 可能羊小有，散點呢個包都要近60 蚊 ，對試下新野都ok

朋友將去新挑戰，走前相見，細說新動向，一起再聚，一起再食餐好，朋友勁現一日一餐，修身修心。我們點選了黑松露芝士牛堡（孩子一口一口吃了一大半，孩子自律健談，健康是幸福）真心欣賞爸媽的勞苦，教養孩子不宜，更見媽媽心機；impossible 素肉芝士漢堡（滿足肉感，重份量更開心）看見媽媽滿足享受每一口，媽媽謝謝你；芝士烤菇堡（就愛啡菇的厚實足料，口感驚喜），烤蕃薯條（香脆好味，必選）及烏龍茶（大樽好）菲姨姨真開心時間就這樣流走，祝願平安愉快。

好多人推薦嘅人氣平價漢堡💛一見到個menu真係平到嘩咗一聲❗️夜晚食餐飯成日都過百 呢到嘅burger只係大約$50 跟埋餐都唔駛$70 真係好抵食🥺香辣孜然羊堡 ($44)見平時多數都係牛雞豬 第一次見有羊 點都要試下😆孜然味同羊味都好香 有驚喜 值得推介❗️配上炒沙蔥絲同特製洋蔥醬 口感更加豐富 好惹味🤤配上生菜同蕃茄 可以中和膩感 juicy得黎又唔會太肥膩 食完真係幾飽 夜晚完全唔駛食宵夜😆跟餐都只係加$16 可以揀薯條、燒賣、炸燒賣同蕃薯條(+$5)蕃薯條同薯條都炸得香脆可口 蕃薯條都幾重蕃薯味 唔駛點醬已經好夠味 薯條同我想像中有少少唔同 係闊扁個隻 但都好食😋炸燒賣不過不失 燒賣唔會炸得太乾身 份量都算多 有7-8粒 但略嫌偏鹹～另外加分位係所有小食都係熱辣辣 唔似某連鎖有時啲薯條會凍哂🍟❣️整體黎講真係好抵食🥺選擇偏多 性格比高 仲可以食蕃薯條同炸燒賣😻

🍔 嘉寶漢堡·香港足料漢堡尖沙咀區食飯價格一向偏高，難得有一間高質的港式漢堡店價格貼地，亦相當高質，今天為大家介紹「嘉寶漢堡」。漢堡價格由 $40-62，加$16可升級成套餐，可選指定小食及飲品。🍔 香辣煙肉蘑菇芝士牛堡 $52漢堡內有厚身漢堡扒、芝士、脆煙肉、蕃茄和生菜及自家製的香辣燒烤醬汁。漢堡排目測有1.2cm-1.5cm厚，相當足料，而特製的煙肉有爆脆口感，非常惹味，充分帶出漢堡的層次感。這款適合重口味的人空食用。🍔 黑松露芝士牛堡 $52黑松露芝士牛堡內同樣有厚身漢堡扒、芝士、蕃茄和生菜及黑松露醬汁。這款漢堡相對更清新，入口多汁，肉質嫩滑。牛肉漢堡充滿肉汁，配以黑松露醬的加持，滋味度滿分。🍟 薯條 餐廳選用粗薯條，感覺會較飽肚，但香脆度會較低。✨ 炸燒賣 燒賣炸過後加了少許椒鹽，入口更煙煙韌韌，惹味可口。🔸小總結：餐廳光潔明亮，性價比極高，平日12:15已滿座，漢堡即點即製，足料好吃，值得回訪。👅味道：4.7/5💰CP值：4.8/5🕴🏻服務：4.6/5🔰餐廳環境：4.7/5🍽 餐廳：嘉寶漢堡🌐地址：尖沙咀寶勒巷9-11號和益中心地下🐮 #cowing吃在尖沙咀#foodie