嘉年華海鮮酒家

营业中

休息中

奇怪間野咁差服務點解仲未執，中秋節6點入座得幾枱客，6點15分落單後十多分鐘上菜還欠一個未上，6點50分追單說落漏要補單，等多二十多分鐘追幾次竟然在7點40分說厨房做唔切要我地取消，咁點解唔早講要我地白坐45分鐘，如果7點前落單都做唔切是否7點就不接散客呢。最離譜就是說客戶落單廚房竟然可以話唔做咁惡

今晚母親節晚，嬲到1個點....平時都有食開，但今晚簡直不能再接受...服務態度差到離曬譜，如果酒樓老闆睇到又想知情況....請親自感受一下。另外，我都好明白....酒樓員工都係要收工，但 8點15分開始將冷氣溫度校到 15度以下....開始趕客會唔會太早？9點或9點15分開始校會唔會合理？如果我3個人食4，5百蚊埋單，我無野講....但8百幾蚊埋單，咁既服務.....真係一肚氣著曬！唔想做，可以唔做....唔係咁做！如果老闆睇到留言，而又無問題....我無言。可以既話，酒樓老闆請自己去了解下....

下午茶🫖 四嗰人人均消費食咗$80，荔景嘅屋邨酒樓都真係幾抵食🤭 呢度今日覺得最好食嘅係椰香脆蛋散，佢完全無油益味，加埋蜜糖真係好正😛 我encore咗一碟🤭其次就係銀芽肉絲炒麵，雖然我自己就唔係中意食呢類嘅，但佢做到嗰麵好脆，再將肉絲放上面，即食嘅話啲麵都唔會淋😎 做得好好👍🏻 不過需時，俾啲耐性，隔離枱等咗半個鐘😂 其他點心質素都唔錯，加上下午茶有孖寶優惠🤭 蟹粉燒賣皇、鮮竹牛肉球、鮮蝦炸春卷同埋叉燒腸粉都稱得上好🤭 但係香煎蘿蔔糕、招牌蝦餃王同蠔皇鮮竹卷就無咁出色🤔

用餐體驗差到我要寫食評！平日11:00見荔景站附近冇乜餐廳，嚟酒樓食個早餐，冇乜客人 。叫左個臘味糯米飯，兩份點心 。點知等左半個鐘都未有，問個樓面佢好敷衍咁話「係咁㗎啦呢間酒樓」，問點心姐姐佢就話「我都冇㗎我㗎車冇都俾唔到你㗎啦」服務態度0分，可惜冇得俾0分。隔離枱燥底同樓面講仲俾人串「咁唔掂我地一早關門大吉啦」冇野食受氣都飽哂。等多十分鐘，終於嚟左碟蛋散，甜到不得了，食完即刻要去睇急症，糖尿病！好彩瑪嘉列醫院就喺隔離之後好似食高級西餐咁，食完一碟先到下一碟，有條牛肉腸粉，冇乜特別就係牛肉腸粉。仲有個冇乜湯汁既小龍包淡味燒賣同埋用時50分鐘既糯米飯，都唔知講咩好，先餓到覺得食到就是賺到，但不好味 夠料。食完馬上閃人，走嗰陣仲要俾收銀黑面，好似我食左太耐咁，但係我都冇計啊！下次食711撈麵好過食呢間。

父親節訂咗呢間酒樓食飯，二千幾蚊八個人，冇一樣嘢係好食㗎😂😂😂大家千祈唔好去食晚飯，真係好耐冇食過酒樓嘅晚飯咁麻麻。敬父宴 $2588 8人份鴻運乳豬拼盤 (5/10)有叉燒，豉油雞，燒腩仔，乳豬，燒鴨，正正常常燒味，肉質比較紮實，燒腩仔好食啲，個皮都係脆嘅。海皇魚肚燴翅 (5/10)鹹鹹地，食得出有雞湯味，個稠度剛好，魚翅都係比較少，魚肚比較多切到細細粒，加醋好食啲。琥珀明蝦球 (5/10)蝦球都爽口嘅，鹹鹹地有少少醃味，琥珀係甜甜地嘅果仁，個合桃幾好食嘅，翠玉瓜都爽脆。富貴螺片蚌片 (5/10)西蘭花都爽脆，螺片都爽口，蚌片淋身少少，OK的。原隻鮑魚扣玉掌 (0/10)鮑魚係罐頭鮑魚，都有口感但腥腥地😂玉掌有少少淋同偏酸，好似變壞咗，鮑汁麻麻哋。黃金百花球 (5/10)即叫即炸，蝦球都彈牙，不過都有蝦味嘅。清蒸沙巴龍躉 (6/10)條魚蒸得比較耐嗰啲，肉質未算好滑，真係比較紮實，正常有魚味，算係比較好少少。荷葉海皇焗飯 (4/10)係冇荷葉㗎😂個飯比較濕，正常鹹鹹地，有荷葉味，都有啲蝦仁蓮子魷魚😂😂唔好食懷舊鹽焗燒雞 (7/10)估唔到呢個有驚喜，果皮都幾香脆，雞肉係唔乾，鹽焗味都

去完瑪嘉烈探病，所以落嚟食嗰飯，性價比係okay嘅，但係服務態度就麻麻地🥲 佢嗰menu係類似點心紙咁，俾你自己畫，不過記得睇到最後先好落筆😂 因為最後個頁「我話事自選套餐」真係好平‼️ 我叫咗嗰(1)白灼蝦+(1)燒腩仔+(4)芝士生蝦伊麵+蝦醬通菜牛肉+客家煎釀豆腐+黑醋金薯咕嚕肉，6個餸都只係$448(星期六日要加$20)‼️埋單$1172再加一，減埋呢嗰套餐($468)同9個人晚芥($108)同6碗白飯($66)，即係另外加嗰5個餸仲貴嗰呢個餐😆 $530有小炒王($128)、椒鹽鮮魷($98)、帶子賽螃蟹($128)、嗜嗜豚肉通菜煲($88)、再加多咗黑醋金薯咕嚕肉($88)，所以嗌『我話事自選套餐』真係好抵食😆講返食物質素😛 黑醋金薯咕嚕肉好好食🥰 所以先叫多咗一碟，不過反而係金薯做得好過咕嚕肉😛 燒腩仔同埋芝士伊麵絕對值回票價😆 但彈嘅係佢個椒鹽鮮魷，粉還粉，魷魚還魷魚🦑😅 仲要咬唔開🥲 小炒王性價比好低，不過如果嚟開附近，呢間都真係幾抵食😋不過呢度啲服務態度都真係好麻麻地，要重複再講多次😂

Sis is feeling better then I can take her and mum to dim sum. The seat reminds us of dad. He used to came here.The buns were nicely made.We had a nice time there.

平心而論，做街坊生意食物質素普通不算太差，有些員工亦很熱心，可惜部分員工態度令人相當失望。尤其是收銀。疫情當中令人感覺生意不憂做。本來每個禮拜都會黎幫襯，依家寧願去遠d都唔想受氣，比錢買難受

環境唔算好好，但因為去開呢頭所以入左黎食。雖然佢啲賣相唔算好好，但有幾款點心覺得唔錯食，係鮮蝦腐皮卷同灌湯餃。佢個腐皮卷望落唔討好，但食落幾好食，啲蝦幾大粒。灌湯餃啲湯好入味，同埋個皮唔會太厚

這是第一次光顧，點了以下餸菜：蝦球花枝片西蘭花：蝦球有4大隻，爽口彈牙，花枝片很多，質感也很好，西蘭花軟硬適中，全碟菜的味道都很好， 沾了附上的蝦醬味道更佳。沙薑雞（半隻）：以半隻來說，份量算不少，雞肉好味道， 沾了附上的沙薑醬味道更佳。沙巴龍躉：就是這條魚使我對這酒樓的評分大打折扣，為什麼？因為魚肉完全沒有鮮味，質感也一般，感覺上這不是游水海鮮。紅豆沙：這是用餐後送的甜品，味道可以。招呼不錯，最開心的是侍應主動送上蝦醬，很多酒樓都要提出要求才會拿給你。此外，用餐後侍應主動說有甜品送贈， 十分不錯。

今日再去嘉年華酒家 本來諗住簡簡單單食個晚飯點知畀佢隻蟹吸引咗 1080蚊一隻五斤重嘅長腳蟹 為咗留肚 我哋就知好叫一隻見到魚缸有三隻我哋簡直最大嘅即叫即蒸夠曬新鮮佢哋仲有專人同我哋剪隻蟹畀我哋，服務一流👍鮮甜嘅蟹肉味齒頰留香兩個人食完乜嘢餸都唔使嗌真係世事難料 本來想簡簡單單食個晚飯 點知仲食得好過放假 平日真係好少食到咁犀利 一隻大蟹兩個人飽到半夜都仲頂住個肚 臨瞓前蟹肉嘅未仲係我嘅口腔裏面徘徊如果呢個星期仲有做特價真係極力推介你哋去 叫隻蟹嚟食下真係好抵

荔景區嘅屋村酒家價錢貼地， 一般小菜味道唔差地方夠大適合一家大細個時個節聚腳嘅好地方三個人去可以叫一個小小嘅海鮮孖寶，多人去又可以叫海鮮叫燒鵝叫乳豬好多選擇 可以話係貴有貴食平有平食任君選擇 小菜味道其實一般酒家嘅小菜 冇特別要推介可以接受？， 但係最特別要推介嘅佢哋嘅叉燒王，叉燒嘅味道適中入口夠淋齒頰留香 最值得讚賞就係佢師傅嘅刀功， 一般人去買叉燒都係叫人斬碟叉燒， 唔識食嘢嘅人先會叫人斬叉燒叉燒最好味嘅食法係片切，片切令到每一啖咬落去都有肥叉免切嘅感覺，真係食叉燒嘅最高境界 淨係舊叉燒可以畀十個讚佢

今日係我同丫爸提早慶祝生日，諗住叫個”干燒伊面”，當係長壽麵，但當我見到果碟所謂的「干燒伊面」果陣，我呆左陣，因為我咁大個都未食過濕的”干燒伊面”，「干燒伊面」主要係食｛乾身｝，而今晚我食的呢碟叫「濕燒伊面」，服務員仲可以扮睇唔到，好順其自然咁放上我果張枱上面，我問佢點解會咁濕嘅？個服務員仲話平時會乾的啲，可能只係今日濕左小小借⋯之後扮冇野走左。呢間餐廳的服務員態度非常令人失望。。。建議如果你哋去的話，真係5好叫干燒伊面.…

老人家還是最喜歡💕吃中餐的！和長輩們聚餐都大部份會選中菜吃！因為多人圓抬坐埋一切份外窩心！平日晚上七點左右洒家不算多人，可能是做開街坊生意多！walk in 基本都不用等位！酒家有二層，老人家行動不便選了坐上層！我們點了親戚推介的一款兩餸海鮮孖寶 - 清蒸龍虎班及北京片皮鴨，啫啫通菜煲及金薯黑醋咕嚕肉！call 多兩個「靚仔」（即是白飯）！個人就覺得幾好味！通菜煲熱騰騰上來好香蝦醬味用黎餸飯一流，份量都不少！北京片皮鴨皮好香脆而且肉唔鞋，亦有一set 皮及京䓤供客人包著吃，醬汁是甜甜的，也有鴨肉給客人品嚐！龍虎班就不過不失因不是太好魚的人但長輩們都把它吃光光了！反而覺得個金薯咕嚕肉就一d 遜色，可能我不太喜愛黑醋個味而且肉帶點硬！整體都算ok 價錢唔貴既孖寶都值得推介一下！

早市飲茶，想要找一間不用拎飛等位的選擇真是越來越小了！今次選了平民集團型式的酒樓，早市價錢實惠多選擇，茶錢9蚊位比一般大型連鎖酒樓為低！嘉年華酒樓有午市孖寶，今次就選了三款孖寶一家人吃，早餐A - 皮蛋瘦肉粥加淩魚節瓜，這個清清的適合老人家，節瓜鑲了魚肉味道不濃，早餐B - 叉燒包及上湯海皇餃，個人很喜歡這個海皇餃因為較為野味及有魚肚調味！另外還點了一個孖寶- 皮蛋瘦肉粥配點心拼盆，拼盆內有有四款點心，粉果、蝦餃、糯米卷和菜肉包！個人認為價錢實惠選擇算多而且食物質素平均，算是區內不錯的選擇！