嘉樂冰廳 (新村街)

营业中

休息中

荃灣的老字號冰室，以蛋類食品為名，必點經典火腿奄列、牛肉蛋治等，屬良心平價餐廳。鹹牛肉蛋治(烘底)麵包經過烘烤過，外脆內軟，裏面有咸牛肉碎，配上厚厚實實的炒滑蛋，口感非常豐富美味。火腿蛋小奄列別看名字叫小奄列，實則非常大份量，估計至少有5隻雞蛋，切開一半看到裡面滿滿的火腿。酥炸鮮蝦雲吞炸雲吞口感酥脆，外脆內嫩，蝦肉爽口彈牙，半肥瘦的豬肉餡口感豐富，鮮味十足，蘸上泰式酸辣醬汁，相當開胃惹味。阿華田脆脆跟平常喝到阿華田一樣，只是頂部有厚厚的脆脆，但喝起來又不太明顯。

話說今日打完第三針，去附近睇下有咩早餐食 。 經過嘉樂，回憶返起幾年前食過嘅超巨型奄列，見咁耐冇食就入去，諗住食個早餐。入到去，發現人手係極之不足夠。成個樓面得收銀姐姐一個人處理，不斷有人入嚟嗌外賣，所以我就坐低咗十分鐘都冇人嚟幫我落單。 就算收銀姐姐叫入面啲職員出嚟幫手都冇人理佢。不過我必須要讚收銀姐姐非常之有禮貌，有好多客人入嚟嘅都係熟客，佢每一個人都有叫佢個名歡迎佢哋入嚟 ，對我嘅態度都好。 最後收銀姐姐終於幫我落咗單，又等左另外十分鐘先上第一杯奶茶。不過呢杯奶茶叫佢係奶茶好似有點言過其實，因為佢只係一杯奶茶色嘅水，一啲茶味都冇。 加咗糖之後佢就係一杯奶茶色嘅甜嘅水。喺等緊我個奄列嘅同時，突然之間餐廳裏面開好大冷氣。要知道天氣其實都未回暖，出面都係凍，但係突然之間餐廳裏面係仲凍過 同埋仲大風過出面，我係百思不得其解。 Why? 喺我思考緊人生嘅時候，又另外等多十分鐘先上個奄列，喺呢個時候其實我已經喺餐廳度坐咗半個鐘。 奄列就唔係巨型嘅，不過早餐餐牌上寫係小奄列，咁無問題。 奄列味道同份量都正常。咋咋臨食完就走啦，因為我喺食呢一個早餐攝取嘅熱量，已經喺同一個時間比餐廳嘅冷氣抵消咗

🏠 嘉樂冰廳 (荃灣)⁡📍荃灣新村街𝟺𝟶𝙱號地舖《荃灣老字號冰廳。超激厚鹹牛肉蛋治》⁡相信住喺荃灣嘅居民都會知道呢間冰廳嘅存在～地址位於荃灣楊屋道街市入面～繁忙時間出面仲排緊隊𝚝𝚒𝚖😌我地今日避開咗放飯時間～所以成功順利入座💁🏻‍♀️⁡𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒𓈒𓂂𓏸𓏸𓂂𓈒⁡🌈鹹牛肉蛋三文治 (烘底)$𝟹𝟸👍🏻必試嘅激厚鹹牛肉蛋治果然名不虛傳💁🏻‍♀️聽聞廚師喺用咗𝟼-𝟽隻雞蛋去整一份～麵包皮喺切咗邊～啱晒唔鍾意食邊嘅朋友(例如👦🏻) ～+$𝟸 烘底嘅包皮令到整個口感昇華～蛋味夠厚夠香～鹹牛肉唔會過鹹～一啖塞爆自己個口嘅感覺真係好滿足😍⁡🌈咖喱芝士沙嗲牛腩撈公仔麵 $𝟺𝟸呢個喺近期新推出嘅芝士控系列～一碟有大約𝟺-𝟻舊牛腩～每件都炆到好淋～入口即溶👍🏻可惜芝士+咖喱+沙嗲撈麵真係太重口味～頭兩啖好濃郁好滿足～但係第𝟹啖開始變到好滯🥲大家要考慮清楚先好叫嚟食…⁡🌈豬扒湯麵 $𝟹𝟻入座之後聽到幾多枱客都有叫到豬扒麵～豬扒炸好喺另上嘅～所以唔會浸到淋晒💁🏻‍♀️另外湯麵用咗類似蝦子麵～湯底都幾有味道(唔喺

✨火腿小奄列好大份 叫自己做小奄列真係好謙虛聽聞起碼用上三隻蛋黎整蛋煎得剛好 中間仍有蛋汁 火腿份量亦都夠多 用左美極作調味個人對美極一般 味道正常 賣點係大份✨豉油王雞翼上枱時熱辣辣出晒煙雞翼 夠入味 豉油汁幾香濃肉質唔係好嫩滑 有輕微過熟左✨酥炸鮮蝦雲吞雲吞 炸得好鬆脆 餡料都幾飽滿蝦夠爽脆 味道就係同普通雲吞一樣整體都算唔錯✨咖哩豬扒飯呢個係午餐 份量又係好多 豬扒厚肉 咖喱✨脆爆華田西多點左半份 有兩件西多士 炸到外微脆 內軟中間有層好薄花生醬 味道有啲薄弱 其實同普通西多士冇乜分別只係多左啲阿華田脆脆碎可以點但兩個味係分開 亦唔算好夾✨阿華田奶昔應該叫沙冰似啲 冰密度高阿華田味道唔太突出 整體普通 以呢個價錢唔太值食物正常 飲品普通 份量足環境麻麻 地方好細 卡位比正常細張坐得好迫 一個人坐一邊都迫 亦需搭枱 以而家疫情之下 搭枱始終唔太好尤其本身已經迫 加上以卡位黎講 始終係面對面 亦冇隔板 有啲令人擔心服務正常 價錢合理

怀念已久的嘉樂冰廳，趁著過來荃灣辦事，就過來解解饞。自從換了老闆，生意就差了些，沒有以前那麼長的人龍。環境沒變，依舊逼仄，服務員也還是那個，態度一般。這都不重要，關鍵是口味。還是那些招牌菜，鹹牛蛋治，炸雲吞，雞翅。味道還是好的，但總感覺缺了點什麼？牛蛋治份量見小，炸雲吞太油了。還是好吃的，不過不會再排隊來。

今日行開荃灣嗰頭, 突然諗起仲未試過嘉樂冰室, 一於去食個晏晝<鹹牛肉蛋三文治>首先上台嘅係呢份烘左嘅鹹牛肉蛋三文治雞蛋份量非常驚人, 記住吉住牙籤咁食, 如果唔係跌到四圍都係大家睇相千祈唔好以為鹹牛肉好少, 其實係炒蛋實在太多, 視覺上比較少晏晝食一份鹹牛肉蛋三文治絕對夠飽<火腿小奄列>第二樣好抵食嘅就係火腿小奄列大食妹估計呢份奄列用咗成四五隻蛋, 雖然雞蛋唔算好香好滑, 但勝在夠揼本, 味道有啲似家常嘅豉油雞蛋裏面嘅火腿絲都好多, 食完一段時間唔夠膽食雞蛋順帶一提, 火腿小奄列仲有配餐包, 但係食妹覺得食完奄列應該食唔落餐包<豉油王雞翼>本身冇諗住食豉油王雞翼, 但見店員熱情地推介, 一於嗌份細嘅豉油王雞翼非常入味, 再重口味少少嘅朋友, 可以試吓點泰式甜辣醬, 別有一番風味

由細細個開始呢一間冰室已經好多人排隊，平時仲會排到去隔離舖頭🤔細個就會嫌麻煩唔肯排隊😂大個咗之後食過一兩次都覺得好大份好足料😲今日就嚟食佢嘅鹹牛肉蛋治佢啲蛋勁厚一層，一啖都冇可能食得晒🤣而且鹹牛肉嘅份量幾多唔會好似出邊啲餐廳咁得個少少完全食唔出😛加咗烘底就更加好食啦🥰🥰仲嗌左一杯美祿恐龍，香港真係得返茶餐廳先至會有呢啲飲品，令我回想起喺新加坡飲嘅美祿恐龍雖然呢度嘅環境比較逼夾而且服務態度唔算好好衛生情況亦都一般但係感覺上呢啲就係香港傳統茶餐廳嘅風味，就係令我即使唔係特別鍾意都會係咁回訪嘅情意結🎀

好友特意帶我過來吃，一試果真高質。應該是全港最好的茶餐廳了吧？雖然其貌不揚，但所有食物水準卻都是中上級數，而且份量非常大。飲品味道跟麥當勞的一樣。要挑骨頭的話，就是環境比較骯髒及狹窄，偶有出現漏單情況。可改善的部分：1. 奄列可以再滑點、不用加家樂牌鮮露（本身已有大量火腿、十隻蛋，再加鮮露有點太鹹了，附在旁邊讓喜歡的人加會更好）（2. 餐包主動提供牛油會更好（這家的牛油也是不錯的，是茶餐廳少有的質數）；3. 瑞士汁雞翼可以不用附上泰式辣醬。

疫情嚴重，今天超過70宗初步確診。我和男友大約3點半到餐廳用膳，大約等15分鐘才有位。場內爆滿，首先餐廳沒有按防疫條例，只可以安排7成入座率。被安排入座後，餐廳職員表示須和其他陌生食客同坐卡位，而當中中間並沒有膠板等防疫物件遮隔！在疫情嚴峻的時候，餐廳竟無視防疫，容許食客在不安全的環境下進食，令作為食客的我十分擔心個人健康和安全。食客的安全不是餐廳首要考慮之一嗎？為了生意，餐廳不理會防疫條例，更容許食客和食客之間有不必要的接觸，請餐廳正視衛生問題！

環境好擠迫，最近疫情嚴峻都強制搭枱之餘，要同陌生人係冇隔板情況下進食。食物方面明顯冇以前大件夾抵食既感覺，唔知係咪轉左手，同出面普通茶記分別不大……總括來說：唔會再幫襯！

好耐無去荃灣區行街，襯連續幾日新年假期，就去行下食下嘢，其實係掛住荃灣區兩間老食店所以先去荃灣😋沒有自由行後，荃灣區仍然人流暢旺，四處商場都係遊人，但奇怪的商店無人購物，食店食客疏落⋯⋯就好似我午餐已約定好食人氣老冰室嘉樂冰室，中午十二點幾到埗一心都會諗住會大排長龍，誰知道推門都已經有位😳之後快快脆脆點咗幾款招牌美食知道轉手後都食過兩次，質素一次比一次下降，但都係接受到，但係今次就⋯⋯一間好食店已經淪落到不可接受的地步😞十蛋奄列依然係豐富足料，但味道已經大不如前，很重美極鮮醬油味，味道普通唔算得係好味。炸鮮蝦雲吞就簡直係驚嚇🙀一睇雲吞嘅顔色就知道係用千年黑油炸出嚟，仲要係成粒雲吞表面全係油同黑色一點點鑊燶，免為其難食咗一粒😫真係一粒已經夠晒數❌鳳凰奶糊算係最入得口但係都唔算好食，難怪生意已經大不如前了⋯⋯其間有一小插曲，一個阿伯坐喺後面枱，叫咗一份奄列同一杯熱咖啡，每樣食咗少少就放咗喺度坐，我心諗點解坐咁耐都唔食呢？後來阿伯終於開聲問樓面阿姐，迷低終於解開💡：「係咪轉左老闆？定係轉左個大廚？點解咁難食嘅？」跟著佢就對住佢杯咖啡同奄列搖頭嘆息咗好耐先埋單⋯⋯其實我又何嘗唔係搖頭嘆息緊呢，

【荃灣老字號冰室🥢】/////嘉樂冰室係呢個舖位已經超過40年(´▽｀)近年比左第二個老闆接手 再裝修翻新過 幾年冇嚟過 今次感覺環境真係比以前亁淨企理🔍燈光暗暗地 保留到舊式茶餐廳嘅氛圍😆食物依舊大份抵食 特别係雞蛋🤟🏻.👉🏻鹹牛肉蛋三文治 ($30)超巨型 一次食左成個星期份量😂雞蛋雖然厚身但口感又幾滑(´▽｀)加左鹹牛肉有鹹鹹地嘅味道冇咁膩😚如果鹹牛肉份量多啲會更好～.👉🏻酥炸鮮蝦菜肉雲吞 ($39/10隻)外皮金黃色 炸到卜卜脆🥰叫兩溝就可以菜肉同蝦兩款配料都試晒鮮蝦爽口 菜肉都好香 配埋泰式辣醬jeng arr.👉🏻阿華田脆脆 ($27)最上層有好多粒粒脆脆🤩配阿華田有好豐富嘅口感唔會太甜 定價少少高都可以一試————📍嘉樂冰廳 (荃灣)荃灣新村街40B號地舖

呢個係另一個名物，呢間茶餐廳主打大大份三文治，就連電視台都有介紹過，不過以我所知其實已經轉咗手，原本嗰個店主好似已經移咗民。佢哋嘅三文治真係大大份，聽講係用咗幾款唔同嘅雞蛋。佢哋嘅雞蛋三文治都滑。另外自己都幾鍾意食佢哋嘅渣雲吞，雲吞皮夠薄，炸得夠脆，餡料亦都非常飽滿。另外仲有佢哋嘅雞翼都係出名嘅，係會用一個電飯煲浸住滷水去浸到啲雞翼入味。雞翼都算滑同埋都幾飽滿。最後大家要留意番其實餐廳嘅衛生環境一般。

在人來人往的楊屋道街市之中 有一家門口很低調 但其實是老字號的冰室！一進去發覺經已滿座 想不到這麼受歡迎環境雖然逼夾 但都多年輕人和上班一族光顧！.........▪️鹹牛肉蛋治烘底 $31這份蛋牛治真！的！超！厚！😈之前在網上有人說他們的炒蛋炒得很老🤔這次我覺得是我接受範圍之內 當然滑一點會更好反而令我有點失望的是兩塊麵包叫了烘底但等如冇叫🥲因為餡料實在太多和濕潤 令多士非常腍相信如果轉做厚多士會好一點整體質素尚算OK 不用太大期望但食物打卡度確實一流！📷

呢間嘉樂冰室開喺我屋企樓下，所以間中都會去食，好多年都冇變過，一樣都係超厚蛋，雖然話味道上冇咩特別，只係貪佢夠大份，但係嘉樂真係保有以前香港嗰種人情味，伙計、老闆、老顧客彼此相熟，互相打趣，呢種氣氛真係唔係間間餐廳都會有