嚐仙

营业中

休息中

禁夜晚堂食可能有排都冇得食糖水😿- 黃金地瓜泥仙草奶凍 $45份量好多 其實可以當晚餐食 芋圓珍珠好煙韌 個地瓜泥 好足料 好綿滑 好有蕃薯味 仙草好多 可以由頭食到落尾 以一個飯後甜品來講真係好滿足 花奶仲要另上 鍾意落幾多就幾多Overall推介指數：3.5-4/5舖頭位於尖沙咀其實幾方便 同朋友食完飯就可以順便直落食糖水 不過都真係要排一陣隊 同埋有機會要搭枱 嗰0.5分走盞就在於你覺得值唔值得排隊食

尖沙咀冰之體驗～ 嚐仙天氣開始涼涼地，約好朋友出嚟試婚宴裙，行過呢間舖頭，就試吓d 芋泥冰～ 我就揀咗個招牌芋泥仙草，賣相就一般啦！48 蚊我就覺得偏貴，因為芋圓紅豆份量都好少，好多糖水！芋圓數埋10 粒都無！48 蚊呢個價太貴，性價比太低！反而，我好友揀果個招牌芋泥牛奶冰份量睇落多好多。個碗都大個好多囉！又賣平d, 43 蚊大大碗～ 總體嚟講，我覺得一共食咗91蚊兩碗糖水，唔太抵食！好似幫手交租咁～ 俾我就唔會再嚟食啦！

星期日天氣好好, 出尖沙咀行吓海旁, 行吓藝術館, 悠悠閒閒行到攰咁又一個下午返屋企晚飯前, 又有d餓, 又唔想食得咁heavy咁去食個甜品都好喎飯前飯後食都係落入第二個胃㗎嘛😌-嚟試吓來自台中嘅嚐仙佢80%材料台灣直送供應等咗5分鐘有位尼度坐位好迫好細呀一路食, 我哋都俾人路過掂到背幾吓, 感覺唔係咁舒服, 好難坐直哂個人就住食㗎嘛好彩冇購物, 拎住一袋二袋真係會好論盡喇不過食甜品糖水都係快食如店內環境舒適係額外加分啦-雙芋仙草奶凍 $45我點嘅 好好食呀每款配料都有質素鍾意芋圓芋泥人仕必食-黃金地瓜泥仙草奶凍 $45朋友嘅 佢都話好食砌到滿晒 已經令人好滿足

🍧 雙芋仙草奶凍 $45來自台灣既過江龍，香港得尖沙咀一間店🥳某日下午茶時間去到見冇咩人就試下😚店鋪位置唔算太多，夜晚如果多人可能要排一陣🤨好多選擇，不過大部分都係以芋圓仙草為主，唔諗既情況下就揀左個招牌，咩都有啲黎試下🥳我自己覺得擺盤幾精美，奶用個細玻璃樽入住，成件事高級左😏其實啲料真係冇咩特別，因為呢個紅豆、珍珠、芋圓、仙草凍既配搭，基本上好多甜品鋪都係咁🙈個人比較欣賞佢既芋泥，做得好滑同好實🤭 有啲以為係唔凍既芋頭味雪糕～總括黎講都值得一試呀🥳

差不多一年多沒有外遊 想想也覺得難熬剛好走過尖沙咀 正好見到有台灣名物正好可以暫時慰藉多月來既思鄉之情嚐仙係台灣坐擁8間分店的人氣芋圓甜品店開業7年 尖沙咀分店是首間海外分店其實芋圓一直深得香港人歡心 所以近年都見有不少呢間嚐仙基本上大部分時都需要排隊等候可見芋圓俘虜不少香港人的心啊黃金地瓜泥仙草奶凍相比芋泥 地瓜泥的確是比較少見以不油不炸方式炮製 用上纖維較少既本地橙心番薯製成所以地瓜泥食落番薯味濃郁 香甜鬆軟綿滑偶爾會吃到微微蕃薯粒 口感頗為豐富紅豆整得算腍身 入口偏甜不過配合帶點苦澀味既仙草 即時甜度中和加上珍珠、碎冰底同黑糖糖水吃前再倒入奶油 口感更香甜 層次更為豐富招牌燒仙草芋泥味道濃郁 入口綿密細滑三色芋圓 味道香甜 食落Q彈煙韌 芋頭味濃再配合仙草、珍珠、紅豆同黑糖糖水食材簡單但味道豐富

喺尖沙咀食完飯 朋友介紹話呢間台灣芋圓 好吃， 所以傻下傻下去嗰度排咗隊， 條隊好長都排咗一段時間， 你問我會唔會再去排隊答案係肯定唔會因為商店要求每位顧客最少嗌一樣嘢， 所以冇辦法 ，嗌到成枱都係台灣芋圓，地瓜 ，芋頭蓉，小丸子， 湯圓。 好滯好飽。 已經非常盡力但最後也無法食得曬。芋圓同台灣相比是沒有味道的， 芋頭蓉同潮州芋蓉相比是沒有味道的， 總結全部都係粉，唯有靠個base & 嗰支鍊奶畀味道。嗌咗個熱嘅紫米小丸子嚟到嘅時候係常溫， 但係另一碗紫米露湯圓就熱到出煙。我估咁多人排隊係因為cp值高， 四五十蚊就食到一碗 咁多料嘅糖水， 但係如果要排隊 ，排咁耐，本人就覺得多謝曬啦。

同好朋友食完SUSHIRO, 行咗陣尖沙咀, 見到嚐仙冇平時咁多人排隊就決定試下。雖然唔多人排隊但都排咗20MINS。排到下張到我地嘅時候, 店員就會叫我地揀嘢食同俾咗錢先, 有位嘅時候就會上埋。同好朋友分別揀咗雙芋仙草奶凍同埋雙芋豆花。 之前同類型店淨係食過鮮芋仙, 所以都會expect會係差唔多嘅size同味道。食物一上枱, 第一感覺係好細碗。食過鮮芋仙+張相令我有錯覺, 第一下真係有少少shocked。不過碗入面有好多嘢, 相有嘅野佢都有, 冇呃人lol。食完後, 我個人覺得另一間係好食d, 至少仙草我鍾意嗰間多啲。 不過好唔好味好主觀~ 唔駛等太耐嘅話，我覺得可以一試。

五式牛奶冰可以自由配搭5款你最愛今次揀左紅豆芋圓布丁仙草紅腰豆成碗滿滿底層隱藏住個牛奶冰依舊有我例牌最愛既芋圓成碗食哂好滿足🤎鍾意食芋圓嘅你一定要黎試吓♥️♥️♥️

當天吃完晚飯也只是七點多，所以跟朋友說看一下附近有甚麼甜點店，吃完再回家。然後我們就找到這一家台式芋圓店，店舖需要先付款後入坐，雙芋仙草奶凍＄45材料很豐富有仙草，紅豆，珍珠，芋圓，芋泥芋圓口感像在九份吃的一樣不過仙草部分有點失望，因為偏稀吃起來有點麻煩，很難用湯匙把它撈起來味道少甜，配合附送的椰奶一起吃👍🏻小丸子一號＄45就像一碗豐富的紅豆湯我點的是熱的，但有點不夠熱秋涼的天氣配上暖暖的糖水👍🏻

🇭🇰嚐仙 夏日炎炎 消暑清爽 仙草甜品🍧🍧雙芋仙草奶凍（💰$45)少冰由三色芋圓 紅豆 珍珠 仙草 芋泥仲有清甜既仙草糖水配搭而成配一小杯奶精🥛岩哂鐘意有奶香同creamy既朋友芋泥 無特別調過味道 加上清甜消暑仙草糖水配合得剛好 芋泥唔會太乾👌🏻👌🏻三色芋圓&珍珠都十分Q彈不是解凍後又林又散的貨色 煙韌的經過整理的紅豆蓉 比較挺身唔會又散起沙的狀態 甜度剛剛好🥰仙草就體不過不失 整體配搭份量平衡材料的細節做得好 清甜消暑 唔死甜 不錯啊👍🏻

呢間甜品店係嚟自台中，主打手工芋圓芋泥同埋黃金地瓜泥，咁就梗係唔好執輸一人叫返一碗。我自己叫咗自選牛奶冰，裏面叫咗五款配料，包括有仙草，芋圓，地瓜泥，珍珠同埋紅豆。睇幅相就知道用料超多，仙草嘅口感比出邊嘅比較淋，但係都仲有QQ嘅感覺，珍珠紅豆同埋芋圓我覺得不過不失啦，地瓜泥反而我覺得超好食，有濃厚嘅地瓜味而且唔會太甜，反而我覺得佢嘅冰太粗糙，唔夠幼細，有少少影響到成個甜品嘅口感，叫做不過不失啦！我朋友既黑糖口味同埋豆花口味我哋都話唔錯，不過可能因為上一餐食得太飽太滿足嘅關係，所以大家都覺得係啱啱合格啦，如果唔使大排長龍嘅話我覺得都可以試吓！

#holidayouthk甜品【雙芋仙草奶凍】 HKD45.【黃金地瓜泥布丁】 HKD45.先前都介紹過台灣過江龍🐉嚐仙，以手工芋圓🍡、芋泥聞名，仲有80%食材由台灣直送，保證夠曬地道。仲記得嗰陣疫情嚴重，餐廳轉以一次性碗碟盛載，賣相當然冇咁討好。近排轉返堂食碗，淨係賣相都靚靚仔仔，夠曬吸引🤩。仲額外有杯煉奶🥛俾你調較甜度。我💁🏻‍♂️嗌左黃金地瓜泥布丁，有地瓜泥、布丁🍮、芋圓、珍珠同紅豆，留意返依個係冇仙草嘅。地瓜泥🧡同芋泥💜都整得好綿，不過相比之下地瓜泥味道更出，芋泥就差啲甜度🤏🏻。而布丁🍮就夠曬滑捋捋，如果加埋焦糖味就更加正😋。芋圓夠曬大粒煙韌，有嚼口而唔黐牙，但味道未算突出。.📍嚐仙尖沙咀金馬倫道19A號地舖🚇尖沙咀/尖東站B2出口 步行約3分鐘🕑星期一至日 14:00-22:00

之前見好多朋友相機先食一直想種試芋圓今日又好熱行街行到累累地就去咗試一試芋圓首先店舖地理位置方便尖沙咀人來人往所以都要等一等位店內位置較細加上加咗隔版所以每張枱坐到2人我地3個人就坐兩張枱中間有塊隔板但甜品都係快食快走所以無所謂啦叫咗兩碗有芋圓嘅 一碗泡冰芋圓尚算煙銀好好咬口但芋泥地瓜泥就普普通通 無乜特別但牛奶泡冰就好大份雖然係冰 但配上煉奶又幾match wo 加咗珍珠都足料所以泡冰真係幾飽下價錢方面 當然無得同自己整比大約$40+一碗價錢都偏貴嘅但喺尖沙咀地段所以都算係咁啦

尖沙咀食甜品既地方唔多呢一間台中過江龍 竟然有好少甜品店有既燒仙草😻💕.🌀招牌燒仙草一上枱淨係見到“黑媽媽” 既仙草🙈.其實下面有好多配料 包括芋圓 珍珠 紅豆 芋泥手工芋圓非常煙韌🌟 而且好大粒 不過芋頭味唔濃其他配料份量都幾多 好大球芋泥而燒仙草太稀 唔夠濃稠 所以麻麻地不過食落暖笠笠 再凍❄️d食就啱曬🌀 雙芋仙草奶凍配料同燒仙草一模一樣不過朋友食完覺得幾唔錯 而且賣相好靚.不過店舖太細 每枱基本冇相隔既空間坐得好密😫 環境麻麻 要好快食完 因為好多人等位

唔知幾時開始，芋圓呢股熱潮黎左香港。而香港好多甜品店都跟住整芋圓，但真係好食正宗嘅冇幾多間。過江龍芋圓嘅舖頭，相信你一定會諗起仙芋仙，就係排隊排到乜嗰間，而我都食過幾次，真係好好食。但有時候，都要試下其他野，呢間第一次試，個配搭幾吸引，因為有雪糕。但係呢間舖啲服務態度真係差到爆炸，我知唔憂做，但做返基本禮貌。講到野食，我最驚喜係個仙草，係有咬感，唔係一舀就散嗰啲。紅豆同珍珠軟硬剛好，芋圓都係正常嘅，加埋球雪糕更令人滿足。我覺得唔錯，呢間過江龍都做得到水準，不過我都唔會再返轉頭，都係鍾意佢個競爭對手多啲。加上啲員工唔憂做嘅服務態度，我更加唔會想再幫襯。FYI大家，堂食每個人一定要嗌一樣野，否則，你自己諗啦～即係你冇得同朋友share一齊食。