嚐味喇沙 (已結業)

今日工作繁忙 , 遲咗食飯 , 2 點嚟到嚐味喇沙 , 原來 2 點就已經有下午茶喇 等咗 5 分鐘左右就可以入座四人枱啦 , 一坐低張枱有啲污糟 , 仲油淋淋 , 座位間有少少逼餐牌 :椰子雞湯 (跟餐) 幾好味喎 , 有椰子清香 , 亦都有雞味 , 不過油咗少少 , 湯入面有椰子 , 但係就冇雞肉 ,越式香茅豬扒湯河 ($40)豬扒望落好油 , 大概有 5 塊 , 食落調味一般 , 冇乜特別 , 只係覺得好油膩河粉個碗好大個 , 湯粉份量正常 , 味道不過不失 , 有 2 條菜 👍 呢個下午茶餐幾抵食 , 份量同午餐差唔多 , 味道正常 , 係個豬扒質素差左  dd 台式肉燥滷水蛋牛脷大碗飯 ($45) 真心覺得個樣好頹 , 牛脷形狀奇奇怪怪 , 騷味好重 🤢 , 冇燒 / 煎過嘅香味 肉燥同滷水蛋正常 , 大碗飯嘅份量都正常 , 無特別真心覺得呢間餐廳衛生麻麻 , 餐牌 , 餐具 , 座位間都唔係好乾淨 , 油淋淋 , 但勝在價錢合理 🙃🙃

在沙田的泰國餐廳一般都要$1XX，難得在沙田中心還可以找到幾十蚊的晚餐。1️⃣香茅雞扒扎肉飯配暴龍(凍阿華田)，阿華田粉十分多，濃味！雞扒都煎剛剛好，抵食😋。(太心急食，冇影相。).2️⃣焗馬拉咖哩農夫包🍞，個包有少少焗得太耐，芝士好多好厚，而且係拉斯芝士🧀，不過芝士凍咗就變硬，最好一開始就食晒。個農夫包有少少辣🌶，因為係單點，所以冇嘢飲，(可以加$4要椰子煲雞湯，之前飲過幾好味)好在餐廳提供自助水機(冰、溫、熱)。

今日午餐食位於沙田中心既喇沙（LAKSA)，試左佢個馬來咖哩牛肉，老實說講牛肉算係中規中矩。然而，佢既馬來咖哩都幾唔錯，隨碟仲有一小撮既沙律，聊勝於無。朋友食左個黑松露咖哩吉列豬扒，有都幾濃既黑松露味，仲有大大既煎蛋，豬扒正正常常，咖哩汁都ok，不過我鐘意馬來咖哩多d lunch 時間都幾多人，應該要等下先入到去。之後得閒過黎呢頭都會過黎食，見好多打工仔lunch都會行黎食：）如果係呢頭番工既，咪過黎試下：）

好嚇人的午餐，魚腐雞絲湯河，與相片不符。4件雞絲硬過紙皮，3件魚腐似隔夜，好硬，魚肉很梅的，湯底好淡，最慘是被長龍欺騙了，浪費了時間和金錢。近年最差的一餐，影響了心情。

今天做完運動便到了很久也沒有幫襯的嚐味喇沙買了兩個外賣早餐。公仔麵套餐（$34）外賣沙嗲牛肉米粉的湯和粉是分開放在兩個碗內，這樣可避免米粉過淋，但在環保角度就不合格了！牛肉有點韌，但整體湯米粉味道適中雖然沙嗲味並不濃，幸好米粉仍然爽口。煎熟蛋加了鹽和胡椒粉會更美味，火腿一般。多士沒配牛油是比較乾，熱咖啡普通。歐陸早餐（$36）脆皮雞扒雖是煎過的，但一㸃也不肥膩。牛乳炒蛋、火腿和熱檸茶味道一般，多士較乾。

嚐味喇沙🌿LaksaLunch Time四圍行吓睇吓有乜食嘅時候🙌🏻咁岩經過呢間喇沙😛平民價錢嘅鋪頭 我哋嗌咗兩個飯🍚·無骨酸辣雞飯 ($56)·香茅雞扒炒蛋飯 ($49)兩個餐都奉送 椰子雞湯🥣或者 熱飲☕️無骨酸辣雞飯🐔雞肉還算可以😉比較對我胃口嘅就係佢topping嘅配料 酸甜辣椒醬混合花生mix黎調味 花生好香 成件事幾夾 飯粒有咬勁 雞肉唔算比得好多 拿黎送飯有飯剩 但整體係好食嘅😽我鍾意個湯🥣鮮甜 香濃椰子味 入面有料嘅 其中嘅椰子最正 越嚼越有椰香 抵嗌👍🏻香茅雞扒炒蛋飯🐥第一下擺上台我就覺得個蛋太細舊🤔有啲貨不對版不過塊雞扒好香脆☺️熱辣辣 令到個飯整體感覺唔錯再加上下面擺嘅菜 可以革除塊雞扒啲油膩 上面嘅dressing係芝麻汁佢啲價錢唔貴 都算值得一試👋🏻

某日 , 筆者和太座到 沙田 去探望一位行動不便的老教友 ,之後就到 沙田中心商場 的 嚐味喇沙 吃下午茶 , 然後再去探望其他教友 ~Menu ~ 凍檸茶 (走甜) : 茶底不夠茶味 , 檸檬得兩片 , 也沒有應有的檸檬味 , 不好喝 ~ 扎肉喇沙龍蝦湯拉麵 : 見個名就知道是有點古靈精怪 , 又越南扎肉、又龍蝦湯、又拉麵 ; 嚐一口湯就感覺不太妥當 , 湯頭既沒有蝦的鮮味也沒有應有的香料味道 , 著重的就只是椰漿味 , 完完全全不是 Laksa 應有的味道 ; 說是拉麵 , 但碗裏的是米線 ; 扎肉不好吃、豆卜乾硬又不入味、有一粒蝦仔也沒有蝦味 , 真是強差人意 ~唯一好處就是夠大碗 , 吃了必定飽肚 ~本篇完 ~

收銀姐姐態度極級差、極級差、極級差！當晚一人一碗粉，我同朋友兩個都係得張$100紙幣。無散紙，無得找錢。所以我好有禮貌咁問收銀姐姐，問佢可唔可以分開收錢，因為我地無散紙。當時我攞住張$100響手，佢一聽到就搶左即刻埋單，找返幾蚊比我，仲啪一聲閂埋咗部收銀機。「想分開收錢，你地點解唔分開落單。」當時係無其他食客等埋單，純粹趕你走⋯明白嘅，其實你答我得同唔得，都係一句，你話唔得我亦唔會為難你。但你咁嘅行為係非常無禮貌同無品。劣評！！！！！其他食客可以自己衡量要唔要食，事實上食物味道亦無乜特別可言。

沙田有唔少街坊食肆，沙田中心呢間乾乾淨淨咁，咁啱今晚獨食，一於入去試吓。全店搭枱，仲要搭得幾逼吓。話說我一人拎飛，侍應哥哥不停鍁二至三人飛，四至五人飛，好多遲過我來的人都入座了，我已經被遺忘痴痴的等，明明我是一人飛的第一位呀。。。卒之哥哥見我呆晒咁企咗咁耐，就話畀我入先，話見我等得耐。。。。well, OK. 由於等得太耐，一入去已經叫咗海南雞飯，唔使三分鐘就菜，好快！我其實好鐘意食雞油飯，呢度個海南雞飯仲要號稱招牌菜呀，我當然有期待，但我一食落去。。完全冇味，亦唔香，同白飯唔知有咩分別，我好失望，仲要我食食吓食到幾粒硬野，唔知係飯焦定乜鬼，搞到我都唔敢食晒啲飯。食食吓覺得太唔掂所以半路中途先決定要影相寫食評。至啲雞尚算ok, 都真係去晒骨，似雪藏雞啲質地，啲汁係唔差既，但個飯真係扣晒分，搞到我食完完全都唔開心，有五體不滿足既感覺，嚐唔到味，冇下次。

該店食物質素差，連基本白飯都有問題，本人點了 碟飯內有好多一粒粒硬飯混淆，一邊食飯需要小心將硬飯粒處理在碟旁，向經理反映此情況，需要將碟白飯部份取走向廚房交待，再作安排換回另外白飯，變作交換白飯，不過更換的白飯仍然有一粒粒硬飯混淆，導致本人未能適當進食此餐廳的食物。

初初以為佢快餐，冇乜驚喜啦，抱住一試無妨嘅心態就入咗去。啲野食出到嚟，又幾正喎，豬頸肉食落好爽口，甜甜地，食完一舊又想食一舊、生菜包甜甜地辣辣地，肉碎俾好多，一啲都唔孤寒，食到流晒汁好好食，喇沙湯底好濃郁，幾乎成個湯底都比我飲晒，拉麵爽彈！ 叫左雞肉串燒，出到黎，係熱辣辣香噴噴，沙嗲醬唔會過鹹！！價錢係沙田黎講，算抵食，你知啦，新城市廣場的餐廳唔係人人食得起，尤其是我呢啲學生哥，所以呢間餐廳我會再光顧，值得推介！

呢間野行過幾次，成日都有諗住試，不過最後都係今日先至試到佢嘅下午茶，原來都唔錯我同老公叫咗兩個餐：一個係扎肉喇沙龍蝦湯拉麵，另一個係公司三文治拼薯條，最驚喜係送嘅椰子雞湯，佢個湯椰子味好濃，而且好足料，有雞腳、雪耳、瘦肉等，鍾意椰子味嘅朋友一定唔可以錯過。至於個喇沙拉麵，都不過不失啦，都唔錯但係可以更好味公司三文治就好夠大份，有好多層，有雞肉、蕃茄生菜、蛋等材料，薯條又新鮮熱辣辣，總括來講都真係唔錯，值得一試

突然心血來潮 想食馬來菜 大概係因為太掛住星馬吧？ 係新加坡或馬來西亞食過正宗喇沙 就知道喇沙必定係偏辣！但呢度就為咗迎合香港人口味特意減低辣嘅分量 就算唔太食得辣嘅朋友都會食到 不過不得不提既係味道真喺相當接近馬來喇沙 想回憶馬來西亞嘅味道都可以一試吖 不過加咗辣就會更佳

見夜晚呢間少人就去食晚飯 話兩個人 個reception一路背對我地係度篤機一路話入去啦。 結果就係坐對正門口既圓台 要背對住係外面既客 落單果陣講個飯名都唔得 比個經理用命令語氣話 講number。 OK講完 落左單之後2-3分鐘見到有張二人台空左 問可唔可以轉台 同一個經理好串咁話落左單冇得轉。 啲野一黎到 我真係未見過呢隻色既青咖喱 仲要辣過普通咖哩好多 杯拉茶仲衰過普通茶餐廳既奶茶 我諗太興既服務都好過佢 落完單果刻已經決定唔會再幫襯。

黎到沙田想食海南雞，見到呢間都幾旺場，就決定入黎試一試估唔到佢地既套餐都幾抵食，唔使二百蚊已經有半隻海南雞、青咖喱蝦球同上湯娃娃菜，仲有湯同飯跟埋添！椰子雞湯非常清甜，仲有雪耳係入面，夠晒滋潤💕不得不提佢上菜速度非常快，落左單大約10分鐘就開始有野食黎到😍首先黎既係海南雞，已經去晒骨，食落個雞肉既質地屬於比較結實，雞味香濃，點埋附送既酸辣汁，非常之開胃!青咖喱同樣係非常下飯既菜色，睇下佢其實有好多蝦球，一d都唔欺場個咖喱汁係屬於偏辣既口味，椰汁味依然香濃，唔經唔覺就送晒碗飯，不過如果唔係太食得辣既朋友可能就要留意了。最後一碟菜份量都好多，上湯濃郁又無落油，可以中和返剛才咖喱既味道，非常不錯見佢仲有唔少其他菜色，下次再經過都值得試埋佢😁