嚐味喇沙 (已結業)

員工服務態度差，集手有油都hi落我張枱到，吾掂！令外，雜錦拉麵非常難食，除左隻蝦ok之外，蛋，札肉，豬頸肉通通吾合格！仲有，青咖哩淡而無味，竟然用椰子製成😱😱😱😱果湯都吾掂！總之，難受！

本身想嚟美心MX，原來太耐冇嚟而家已經變咗另一間餐廳以前去新加坡旅行既時候既時候，最鐘意就係食「喇沙」，幾乎每餐都必點。返到香港之後，每逢見到有喇沙既餐廳，都會吸引我去食，而每次都總是會拉埋女朋友去。最近經過沙田見到沙田中心開左間以喇沙為主題既餐廳，見到店內裝潢都幾有特式，加上下午茶時間再平少少，所以就入左去試下。我就叫左個招牌喇沙$48 睇落好足料，有豬頸肉，海鮮等等，但食落去冇想象中咁濃味，味道偏淡！另外女朋友叫咗喇沙 $37唔同就係在於冇咗豬頸肉，所以呢碗會比較抵，其實味道就一樣

一拎上黎，夾都未夾就好似被人食過咁，雖然唔係咩高級餐廳，但都排靚少少呀，見到都無咩胃囗。 食落又食囗油，fail.我朋友叫左個什錦龍蝦湯喇沙拉麵，個名好高級，但食落就完全無龍蝦味，而且椰汁味太重，蓋晒啲味。黎呢度只係能夠填肚，想要好食既話就建議去第二度好啲。

上星期六晚近近地同老公兩個人落街食晚飯，見到呢間都唔錯就即管一試，等左大約15分鐘先有位，食物都幾有驚喜。我地兩個人叫左一個咖喱牛脷飯同埋香茅豬扒辣肉醬飯，再加$4配椰子雞湯。個湯首先到，有好多椰子同雞腳，好有椰子香味，都幾好飲。無幾耐就飯到，咖哩好香濃，撈飯一流，牛脷幾厚身，少少煎過，好諗同好嫩。豬扒肉醬飯啲豬扒就比較薄身，煎得幾諗，個肉醬都OK，個人覺得都係牛脷正啲。兩個人埋單都係$100 多啲，係抵食嘅。唯一美中不足就係個咖哩唔夠白飯，叫左店員加大但都無大過，有啲唔夠喉。

今日同兩個朋友去左呢間餐廳食飯，8點幾都要等兩至三張枱。附近嘅餐廳都好多人，可能因為今日係星期六。 佢話明係喇沙餐廳咁我地一定要試下佢個喇沙， 我地叫左佢個雜錦喇沙，有蝦、豆卜、豬頸肉、雞絲、蛋同扎肉，都幾多唔同嘅餸，但係個湯底偏咸同太結，所以要邊食邊飲水。龍蝦味重過喇沙味。然後我地再叫左香茅豬扒，比較油，無咩特別。

天氣凍左，好多火鍋店都迫爆人，見到呢間未坐滿，樓面又熱情招待，就諗住拿拿聲食完番屋企算。我同男朋友分別叫左札肉喇沙同什錦喇沙，同埋加$4 有碗的椰汁雞湯。唔知係咪太耐冇食，覺得湯底好甜，我飲晒☺️但如果個味濃d 會仲正！但個什錦喇沙同札肉喇沙既分別就係差幾豬頸肉，咁札肉抵食d. 另外一提既椰汁雞湯好味！

今日去咗嚐味（沙田中心分店）食lunch。不過今日佢哋個環境真係超差，除咗好嘈之外，張枱仲有D污糟添😖既然都已經行咗入嚟同坐低左，唯有繼續叫嘢食啦😑今次我叫左佢嘅扎肉喇沙龍蝦湯拉麵🍜事關之前我見OpenRice都有人讚過佢既喇沙，都有興趣試吓嘅。唔知係咪環境嘈得滯，係等待食物嘅時間都好難受呀！扎肉喇沙龍蝦湯拉麵終於都到咗啦！啲扎肉有啲普通，唔特別好食，咁都唔難食嘅。拉麵有啲似「油麵」，即係車仔麵入邊嗰啲油麵，所以呢個質地，吸唔到喇沙龍蝦湯嘅味道。如果要我比意見嘅話，我覺得碗麵可以加多啲芽菜，因為這種質地嘅麵包配合更多芽菜一齊食，味道更佳。湯底味道雖然並非特別出色，但是還可以接受。簡單來講，係一碗好普通嘅麵。這碗麵唯一好食嘅，就係呢隻蝦🦐

上星期三Lunch Time，我又去咗嚐味（沙田中心分店）開餐。望下佢個Lunch Set Menu先，都真係幾多選擇。啱啱見到對面有個客人食緊「青咖喱」，心郁郁想試吓，所以叫咗一個「泰式青咖喱雞飯（$48）」。唔知係咪咁啱果日啲蕃茄用矖呢？得個幾條菜伴碟，總係覺得賣相顏色有啲單調青咖喱汁有少許辣味，送飯一流。青咖喱裏面有雞裏面有雞、薯仔和四季豆。味道有少許單調，可能因為first image，冇咗粒紅色蕃茄嘅緣故掛椰子雞湯就一如以往既好味，今日仲有雪耳食

上個星期五下午茶時間，去食咗嚐味下午茶。今次叫咗個下午茶蔥油雞飯餐雖然係下午茶餐，但係佢嘅份量不減，一樣咁多飯同餸，抵食！ 佢嘅雞唔會煮得太熟太過火，啱啱熟咁，所以質地都好滑。不過雞骨就好容易碎，一夾就會會碎開曬。佢嘅蔥油，都幾香，加上佢加左少少豉油，送飯一流。平時我未必食得晒咁多飯，但係用佢啲蔥油送飯，飯都差唔多食晒🙈飲品我就揀咗佢嘅椰子雞湯，除咗椰子同雞之外，佢裏面仲有雪耳一齊煲，清甜滋潤👍🏻又食飯又飲湯，但係都係＄40，都幾抵啦！

最近沙田中心嘅食店都大執左好多，而加多左咁多選擇，真係要黎多幾次先試得晒！今日口啖啖咁，就想試下啲東南亞風味，刺激下啲味蕾，跟住就揀左呢間大大隻寫住喇沙嘅食店。睇一睇餐牌，除左喇沙之外，仲有海南雞飯、串燒、同埋其他小食，而且價錢都唔算貴。今日5點半就黎到，呢邊人流雖多，但未到食飯時間，所以唔洗等位就有得坐低。呢客椰子煲雞湯，係跟餐加4蚊配嘅，最快黎到。一飲，非常鮮甜，而且感覺好濃郁。煲湯配料好足，有雞腳、雪耳、南北杏同椰子肉。真係好驚喜，性價比高！跟住就到小食泰式酸辣鳳爪，唔會太辣，酸度適中。而且有唔少生菜做伴菜，冇淨係用生洋蔥咁攻鼻同辛辣，比較溫和易入口，又係幾好食喎！最後叫左雜錦喇沙龍蝦湯米線，可以轉拉麵或者米粉。原本對呢個湯底寄予厚望，點知一飲，啖謀謀...真係幾失望，除左唔夠味道，好啖之外，我又真係飲唔出個湯底有龍蝦嘅鮮甜喎。配料雖多花款，但都唔係真係好好食，湯底真係好緊要，係一碗粉麵嘅靈魂呀！今次食得飽飽地，冇試到佢地嘅海南雞飯，下次有機會都會再黎試下。

早幾日去咗嚐味喇沙（沙田中心分店）食下午茶。今次試吓佢嘅沙嗲牛肉公仔麵餐（$33），套餐除咗有沙嗲牛麵外，仲可以選擇火腿煎蛋多士或者炒蛋多士。下午茶奉送熱飲，凍飲加＄3，特飲加＄8。另外如果唔想飲飲品，仲可以選擇椰子雞湯（都幾好飲㗎）。不過小編早一日啱啱飲完，所以今次叫咗杯熱菜蜜。佢嘅下午茶選擇都幾多㗎！沙嗲牛肉公仔麵，牛肉都幾爽口，唔算特別鹹。不過我就覺得公仔麵林左少少。兩塊多士都幾脆，送到過嚟都仲有啲熱熱地，唔錯啊！炒蛋都不俗，至少起碼食落唔會感到油膩！嚐味唔需要比加一服務費，所以食飽飽埋單都係＄33

沙田開咗嚐味，第一次幫襯，食完先發覺尖沙咀都有一間嚐味，這間地方比較細，睇餐牌佢哋稱海南雞飯及叻沙拉麵是出色的，所以就叫咗這兩款試吓，而且我都鐘意食的，重想叫吓其他小食的，但都係食完以上兩款食物先再叫。第一上的是海南雞飯跟椰子雞湯，先講飯，唔熱及比較硬身，可以話乾身的，我唔太喜歡，而雞方面比較靭，唔夠滑。但跟飯嗰三碟醬料好好味。跟餐加$4的椰子雞湯，同樣感覺唔夠熱，而湯飲落去好似甜過龍，都唔係咁好飲。而叻沙拉麵，佢話係龍蝦湯底的，飲落有啲龍蝦湯味的，但同樣唔夠熱，而拉麵質地就好似那渣麵啲油麵咁，啲餸扎肉啲肉味有啲我接受唔到的味，但胡椒味就好重(我是鐘意胡椒味的)，豬頸肉就硬身，整體都係唔好食。所以食完這兩款後，雖然未飽但都無再叫其他嘢食了。

沙田中心早前大裝修，呢間「嚐味」都係最近先開，是日星期六，午飯時間都見好多人排隊，心諗味道應該唔錯，打算試下。既然呢度咁出名食喇沙，就梗係試下啦。喇沙有兩款可以揀，分別係「雜錦喇沙龍蝦湯拉麵」同埋「扎肉喇沙龍蝦湯拉麵」。套餐包湯或者咖啡或茶，你亦都可以選擇加$8轉特飲。除此之外，仲可以以$10-$15 加小食添。麻麻地喜歡飲湯既我，揀左要特飲，叫左話梅柑桔梳打。加入左話梅柑桔既梳打水，大約有半杯係冰，起初飲會有D過甜，但係隨著冰慢慢溶，甜度開始轉淡，到中段時味道係剛剛好既。以上既泰式魚餅只需要加$12，雖然份量極為迷你，味道同賣相亦都唔叫特別吸引，但係以呢個價錢黎講有咁既質素都算係咁架啦。「扎肉喇沙龍蝦湯拉麵」賣相真係非常一般，湯底顏色略淺，味道極淡，真係分分鐘買即食喇沙湯麵返屋企煮都仲好味。不過配料都算多，除左扎肉之外都仲有豬頸肉，蛋，豆卜同埋蝦，又未至於真係不能下嚥既。

今日午餐去咗嘗味呢間餐廳食午餐點了一碗叻沙雜錦湯麵 及熱奶茶味道方面：湯底濃郁，材料新鮮充足！拉麵份量足夠，有海南雞雞件數件：肉質鮮美、雞皮滑，有咬口另外，有少量豆卜 仲有扎肉、豬頸肉、生菜、蝦同埋半隻雞蛋。可惜蝦件是急凍貨色，淡而無味⋯味道當然不及新加坡來得正宗，湯底類似咖喱味 ，蝦乾味不算濃郁，但湯底椰香十足，加少量蔥花，香味提升了不少！另外，熱奶茶茶味濃郁、入口順滑，十分滿意！午餐＄55價錢合理，一定會再光顧！

知道沙田中心大裝修， 都估到會有一啲新嘅食店進駐，今日就決定去行一轉，睇下有乜嘢新舖頭，果然俾我發現一間主打喇沙和海南雞嘅食店，就决定試下。呢間食店走速食路線，座位不多，所以食完就要走， 想搵地方慢慢食住談心嘅就唔好揀喺呢度食喇！由於是新店，可能太多人想試新口味，所以取號碼後，都要等約十分鐘。菜單主要都係泰式食物，我就選擇咗兩個午市套餐同一個小食試吓。泰式春卷一客有三條，只收$12，仲有生菜可以包住食。熱辣辣，味道好，點埋甜酸汁，包住生菜食，海南雞飯套餐套餐包括海南雞飯、咖啡/茶或椰子雞湯。椰子雞湯好濃郁， 雖然有啲肥油浮面，但出奇地好味道， 如果食店可以撇去浮油就更加健康喇。 海南雞脾肉好滑，但雞胸就有少少韌，不過整體味道都唔錯。香茅豬扒湯河套餐香茅豬扒得一件，好薄，冇乜口感。河粉亦平平無奇，但湯底係雞湯底，幾好味。奶茶都算濃郁，合格。呢一餐食咗兩個午市套餐加一個小食，埋單只係$109，算好抵，性價比高。