嚐糖

营业中

休息中

口痕去糖水舖買外賣返屋企食，order左楊枝甘露同桃膠雪燕。拎外賣嗰陣都正正常常又快手喎。點知我地拎到返屋企打開蓋嗰一刻真係呆左。桃膠雪燕八成係水，得兩成料。兩成入面有大部份都係西米，撈極都係水。我覺得自己去supermarket買包椰汁飲都冇咁嬲楊枝甘露仲勁，連西米都唔多粒，你都唔洗諗有西柚同芒果。疫情以前都成日成班朋友去幫襯，之後間唔中都有去，我冇估到一排冇去已經差到咁............

嚐堂旺角依條街都唔少甜品鋪，見佢個名幾得意就入左去試下。入到店舖好似重返左校園咁呀，好有回憶，佢地用學校既書枱做枱，餐牌都係用練習薄整，仲有儲物櫃等裝飾，幾有創意。佢地既唔少甜品都用左有關學校以名名，好似我今次食既miss 芒咁，其實佢係芒果沙冰黎。 芒果味都幾濃，仲有芒果肉食，加上涼粉啫喱等。甜品就無乜驚喜，發揮中規中矩。但裝修有創意👍🏻想重拾校園感覺可以黎幫襯下。

以校園班房風格作主題，由糖水名字到餐桌座椅都是課室的模樣。環境不算大，當作補給站，小休片刻是個不錯的選擇。特式流心糖不甩 ($28)• 糖不甩的大小適中，一口一顆。表皮沾上一層薄薄的花生碎和椰子碎，為幼軟黐韌的表皮帶來顆粒脆香的口感。• 中間的餡料是黑芝麻，味道頗香同時帶有點流砂的質感，甜度亦適中。滋潤牛乳西米桃膠雪燕• 如對牛奶敏感的話可選擇轉成椰奶。• 椰奶香滑自然，混合當中的桃膠等配料，相當滋味的糖水。• 只是桃膠的份量略為少了一點。

店鋪以小學雞為題，甜品種類都多元化，highlight台式的甜品，想食的都應有盡有。入去先到小學單行簿，教員室，menu 又分類成家教會... ，好特別，勾起回憶，sell story telling... 但其實同賣既野扯吾埋ga，好啦，好有心機搞gimmick 點了燒仙草雜錦甜品，腐竹白果豆腐花芋圓。燒仙草上枱，我呆了，是一碗啡黑色有泡既野，我撈一撈有一大pat 杰撻撻既漿，隱約見到芋圓。我光顧的時間只有幾枱客，絕對不忙，所以吾存在招呼不下的藉口。$46都吾係特別平，甘既出品，對得起食客嗎？賣甜品既小店多數好好招呼，店員面口都好寬容，呢度，店員招呼不周到，連行埋枱都不太情願。冷漠。枉我帶老爸來吃，想向他推介台灣甜品的美味，點G, 失禮左台灣甜品啦！不如先花時間搞掂出品同店員先搞gimmick la

🍨嚐糖🍧話說我家腦細係一個「天氣熱一定要食冰天氣凍一定要打邊爐」嘅人(-ω-；)前排仲係天氣熱時佢行行下街又話頂唔順要食個冰所以就入咗非常有特色嘅嚐糖啦唔知個名係咪想食字「上堂」因為佢哋店係用小學做主題Menu係手冊枱櫈都係用返小學啲木凳木枱都幾別出心裁✎︎ ✎︎ ✎︎而冰品配搭都幾多🥭自選雪花綿綿冰🍧我哋揀咗食芒果益力多+爆爆珠+西瓜哈密瓜綿綿冰食落普普通通正正常常水果都夠甜嘅⸜(๑⃙⃘'ᵕ'๑⃙⃘)⸝⋆︎*🥛下白泥（椰汁芋泥小芋圓）🥥我係揀唔到想食咩之下就揀杯野飲本身麻麻地椰汁但奈何又好想食芋泥所以就揀咗佢不過椰汁同芋泥都係比較漏嘅嘢食飲咗兩啖我就覺得好滯_´ཀ`」 ∠︎):_同埋小芋圓口感味道都麻麻成績嚟講呢位同學係有待進步（´◔︎‸◔︎`）

每次經過都好多人，試過佢嘅楊老師，真係唔錯，出邊好多楊枝甘露都有爆爆珠，令到楊枝甘露已經變咗另一回事，但係呢度啲楊枝甘露味道啱啱好，唔會好甜。而家好多糖水舖都水平差咗，呢間仍然維持不錯！

今次黎試下呢間糖水 一入到去就覺得好特別 係學校既枱凳 仲要連menu都係功課簿 又有學生時期既locker 實在太充滿呢個學生時期既回憶 連啲野食名都好有創意 有miss 又有呀sir 我同朋友叫左 暗戀阿里山同芝修女雖然2個甜品價錢都略為貴左啲 但賣相同味道都ok 由於太急不及待食所以無影到相

啲裝修好靚，好似真係返返中學嗰陣咁，中學畢左業幾年，大學同中學校園嘅樣差好遠，呢到啲枱凳同我中學一樣，同fd去食嗰陣回憶都返哂黎🤣吹水又係時候「想當年」仲有地下貼左跳飛機🤣🤣叫左一碗「miss芒」個fd 叫左一碗「宜蘭腐竹男神」啲野食都唔錯啊，賣相好好，份量唔少好足料👍🏻下次會再去~

同女朋友食完晚飯 見時間尚早就去左搵甜品食就去左廣華個邊搵下有咩好食 眼見幾間甜品鋪都好多人等位 但我地睇曬所有menu最後都係决定會呢間 都唔算等左好耐就入得啦 入到去d menu名真係好搞笑 連d位都係學校既枱凳 幾特別上餐時間都唔算快 大約都等左10分鐘先有得食不過可能係因為人手問題 眼見成間鋪都係得2個員工跑黎跑去 酸主任好足料 生果都好新鮮 九份芋圓王芋圓幾好食 個豆腐花好滑不過美中不足係甜左小小睇翻之前d食評都唔係想像中咁差 下次會想試食綿綿冰

Never before have I ever received such rude service,dessert is average as compared to Meet fresh.I try and support local businesses but the Tom boy waitress who served us on the day of the visit had the most despicable service ever.Always on the phone,ask her/him for anything and you’ll get the rudest NO for an answer.She acts like we r being provided free dessert.It’s a wonder people still visit this place…

首先 叫左個西米露我想問下啲西米呢？都算 你兜野收我41$會唔會hea左少少？什果西米路冇西米 什果就只係兩舊細既火龍果兩舊蜜瓜同芒果 你就咁扔哂落去成兜個樣好似是是但但落哂去就算唔緊要 都算我望住你廚房出左兜野 幾個staff係度傾計都唔拎兜野比我 我個frd都就黎食完 仲可以有個staff係望住我兜野企係兜野前面打機呢間野真心唔會再有下一次 絕對無可能 食完個甜品一肚火 希望大家唔好中伏唔怪之得隔離人地甜品鋪排哂隊10多個人係出面 你呢間都仲有吉位 果然都係有問題

攞飛排隊，到飛又吾叫，直接俾第二班人入去，真心垃圾。之後睇返食評，幸好無入去食，應該都幾難食下，真心好大問題店舖，之後重要無理會過我地，決定走人，永不再食，感謝你

我本人好鍾意食甜品，今日去廣華街附近彈琴，順便帶仔仔去食下糖水，見到嚐糖就啱著試吓，雖然裝修有少少特別，佈置好似課室，入去見衞生幔慢地，又唔好意思走。於是，叫了一個芋圓涼粉綠豆沙，一碗楊老師（類似楊枝甘露）。我食了第一淡已經唔係好掂，竽圓又凍又硬，好似完全未解凍，咬唔落，硬到好似石頭🪨。阿仔食了一啖便唔食因為酸到爆，阿仔本來好肚餓又期待食糖水，點知令佢失望，我試拿黎食，真係名副其實地難食，又貴又難食🤮🤮🤮。以後都唔會幫襯。同一個朋友講起，佢都話呢間好難食。

自從十點後禁堂食，都好少機會食糖水，就算食到，都係趕頭趕命，唔太 enjoy😐。嗰日出旺角，食完飯，超想食甜品，走去廣華街嗰頭，間間都冇位，相對之下，嚐糖較少人等位，於是決定食呢間。比起食物，呢度嘅 menu 設計同甜品名稱更為吸引，我揀咗碗芝修女，即係芝麻糊底，入面有西米同小丸子，除咗芝麻糊略嫌稀咗少少外，所有嘢都正正常常。對面位叫咗楊老師，即係楊枝甘露底，入面有蘆薈，椰果，西米同小丸子，呢碗比較好食，配料豐富，芒果肉大大嚿，只係柚肉有少少苦，整體唔錯。

旺角廣華街附近有三間甜品店係好多人..特別係年輕朋友嘅聚腳點或者係下場熱點(明嘅人就會明🤣)。另外兩間小編都試過😎今次就試下呢間以校園裝修風格聞名嘅甜品舖啦！店鋪加入咗唔少校園元素👩🏻‍🏫例如枱凳同功課薄餐牌，真係有種番咗中小學嘅感覺😝睇得出店家擺咗唔少心思落裝潢到。🌟車仔自選科個人覺得自選性價比更高，同埋可以揀自己鍾意嘅配料，可以同選擇困難say no🤪。🌟配料：椰汁($18)、西米(+$4)、紅豆(+$4)椰汁味偏淡 紅豆食到顆粒並唔係全部變曬紅豆蓉嘅~ 勝在西米同紅豆都幾足料👍🏻只可以話繼續努力💪🏻仲有唔少進步空間。🌟配料：乳酸沙冰($28)、小丸子(+$4)、爆爆珠(+$4)爆爆珠俾嘅都係乳酸味襯番個益力多沙冰 小丸子亦Q彈煙韌，整體味道唔錯。點知😨食到三分一先見到有隻蚊🦟🥴係入面...相信係整嘅時候飛咗入去。最後店家都好好 有換過碗新嘅，但新果碗沙冰 食到某個位會微微發苦😥同埋有啲小丸子未完全解凍...所以最後都無食曬😅希望只係個別事件啦~🌟配料：椰汁($18)、芋圓(+$8)、豆腐花(+$6)一樣問題 椰汁味唔濃🧐豆腐花反而唔錯夠曬滑，芋圓都ok多同埋大大粒，不過真係唔太夠