嚐館 (已結業)

透過朋友介紹，聽說在灣仔有間食海鮮的，很不錯，說可以與西貢的海鮮酒家一拼高下。即時，令我金仔食慾大起，於是今日就走去核試。我們幾位都選了海鮮。鹽焗A級掩仔蟹!叫得A級，當然是最靚，蟹膏透黃，味道鮮濃，而且蟹膏又豐滿，實在正到不行了!!大家可以見到個蟹鉗，好肥厚! 而且好好好鮮甜! 黎到可以叫番一隻食! 冰鎮南非鮑魚!鮑魚不大也不細，而且咬落好彈牙，鮑魚味香甜，味道十分突出!蕃茄九肚烙!鮮茄撞落九肚魚，味變得更鮮甜，九肚魚食落沒有骨，加上蛋味，把九肚魚的鮮味帶得更突出。凍食斑馬賴尿蝦!!唔使多講，大家一睇相就知有幾正!!賴尿蝦膏多過賴尿蝦肉!! 咬落去，蝦膏超鮮濃香甜!! 蝦肉可能因為凍食的關係，所以特別食得出鮮甜且"煙銀"!!金仔我核試，宣佈核試成功!而且覺得比西貢的海鮮酒家更出色!!

前幾日，路經此裡，看見有間燈火通明的大字寫着嚐館，媽媽話正諗緊試邊間，就去呢間嚐吓佢啦！哈哈！雖然門面無豪華大裝修，但擺設精美，很寬敞！食物方面，我喜歡的是冰鎮南非鮮鮑魚和墨魚油炸鬼，鮑魚很肥美，是我從來未吃過的鮮味！最特別嘅就係墨魚油炸鬼，真係未食過這樣做的菜！ 原來除咗特別外，味道有幾夾喎！還要值得一讚，便是服務員態度十分良好👍，佢嘅茶壺又特別，如果下次到灣仔一定會再光臨

我最近去幫襯一間出名食潮州粉麵既餐廳，結果很失望！果碗魚片頭米粉，魚片頭很軟！無彈性！所以今次我特别嚟呢間試下潮州菜！我叫了一碟炸魚片頭～嘩！味道一流！不單止有彈性！有口感！發出了不同鮮魚味！外邊脆脆的！內邊適中！不會過火！靚呀跟住我酥脆德國咸豬手～外脆內軟！D 皮脆既程度很似乳豬皮！很薄！裡面咸咸地！仲好大隻添！用來送啤酒一流！

與艇家出身的主理人談海鮮，優質本地海鮮可選擇的已少之又少，今晚沒有珠三角奄仔蟹，我們試了新返的菲律賓奄，近12両靚貨，爆膏香濃，唯肉鮮味不及本地奄，但食材失真下無奈地要接受市場現實。笑談了一晚，分享了很多有趣的行內見聞，海鮮我真的「識條鐵咩」，店的手工潮式九肚魚烙，取少水份的蕃茄外皮部位，連同蛋漿與薯粉煎出好味道，貴在手工，值得好好珍惜。

在灣仔工作了很多年，前幾天和朋友來到船街。嚐館是唯一一間的中式餐館，主打的都是潮式的小菜，同時也有活海鮮和火鍋提供，今次我們都主要食小菜為主，令人驚喜所以在此推介一番！坐下後店員都會奉上茶及配菜，盛惠$17/位~ 茶每位$5 而配菜就是$12一番考慮下今次想試海鮮為主。無他的，要試一個小店做得好不好，看他的海鮮新鮮程度便能分清楚高低了！冰鎮南非鮑魚經冰鎮的鮑魚，食上去有甜甜的感覺。小店還提供了日式wasabi，令整個前菜充滿了和式的感覺，鮑魚肉質彈牙又易咬，不錯！鹵水鵝肝 ($138)這個是潮州菜十分有名的前菜之一，鵝肝十分肥美，而且肉質很滑不鞋身。不過我還是食慣了西式的煮法多點！招牌蝦多士($78)蝦多士被叫招牌還真的沒有令人失望，炸得香脆非常加上彈牙的蝦膠。而且芥末醬令蝦多士錦上添花，很有刺激的感覺！這個真的要給很多讚！薑荵炒蟹（時價:$498）這個炒蟹十分惹味，粉絲都充滿著胡椒香。蟹因為是肉蟹的關係所以十分多肉，而且經廚師的主理下，加上小店有提供手套等工具，令食客更加易食；計我話，單是粉絲這個配角已經令人十分驚喜了！食完這個已經有7成飽，不得不說肉蟹真是完全炒殺了我們！黃金煎伊麵

開業半年第一次上去。以柔和的藍黃色作主調，以傳統中式木門、吊風扇和花紋餐具營造東方之美，牆上亦掛上多幅特別剪紙畫作，活像一間藝術中菜館。叫左個招牌蝦多士 $88/ 4件蝦肉香脆彈牙，配上芥末沙律醬，整體味道不錯。一上桌子，完全沒有想到如此大隻，目測一把間尺長度，蝦膏多有滿出來的感覺。一問才知，是八頭南非鮑魚，好低吃。鮑魚爽口鮮甜，味道濃郁，保留鮑魚香味，口感豐富。像潮汕的小吃，蠔仔烙。口感香脆，有九肚魚、蕃茄片、雞蛋在內。

去完會展同同事食埋飯, 同事帶我黎左呢間嚐館, 佢話呢度地方舒服, 而且中餐可以慢慢食慢慢傾.要左個茶香煙燻雞$168, 雞皮炸得好脆口唔肥, 茶味香濃但唔會太搶口, 雞肉軟嫩而入味, 夠清新, 唔洗點其他醬汁已經夠味.仲要左胡椒鹽絲蟹煲$498, 肉蟹肥大肉厚, 食落新鮮鮮甜, 仲好彈牙. 粉絲吸收晒肉蟹既鮮味, 非常惹味, 而且粉絲仲帶左好香既胡椒味, 少少胡椒辣令舍醒胃. 材料新鮮, 唔洗太花巧已經食到食材既原汁原味.

灣仔覓食, 大部份都係西餐廳，行黎行去都搵唔到合心水既餐廳，路經呢間, 門口好光猛，決定入來一試，上咗一層樓，裝修獨特，帶有中國色彩，D枱擺放得宜，一D都唔迫，仲有舒適既感覺，枱面擺放用具頗特別，尤其個茶壼，好似古代用, 好靚，可能用鐵造，所以好鬼重. 店員首先拿上前菜，有炸花生，青瓜，咸菜雲耳，個汁調較得不酸不咸，正👍,之後店員推介老火例湯，真材實料，冇味精，好好味道，餐牌內有好多fusion菜，叫咗鮑魚剌身，鮑魚好爽口煙韌, 加埋芥辣，鮮甜美味，仲有茶香煙燻雞，賣相黑蚊蚊，唔吸引，但有陣陣炭燒煙燻味，師傅控制火喉恰到好處，咬落去，D皮脆架，肉質唔乾，好特別既一道菜，另外不得不提，荷香籠仔龍躉糯米飯，嘩，龍躉鮮味入哂糯米飯度，糯米飯又軟硬適中，鮮甜美味，正到冇朋友呀

成日同老闆行過呢條街, 响對面歎Cigar, 次次都話想嚟試吓呢間中餐, 哈, 今次仲唔比我勸服佢同我試! hee! 咁又係嘅, 睇佢哋個門面好似細細咁, 又真係驚驚地樓上坐得唔舒服, 又估唔到唔係想像中咁迫喎! 佈置都ok, 個茶壺都好靚, 不過好鬼重!  上嚟open rice睇吓人哋點過咩餸先, 話冰鎮鮑魚好食, 咁一於試試! 嘩! 又真係全場至好味嘅食物, 比日本餐廳點嘅更加鮮甜喎! 點解咁堅嘅?! 再嚟一個茶香煙燻雞, 好得意, 啖啖有smoke嘅香味, 比起食smoke salmon個味更重更濃, 唔錯! 麻醬伴山藥就麻麻地, 味唔夠, 太清啦! 吓! 老細話想試墨魚油炸鬼喎, 話好似好特別喎! 吓! 心諗, 會唔會油"林林"ga?! 你知我哋做女嘅, 好驚肥ga ma! 不過好彩, 又比我想像中無咁多油喎, 仲要幾好味, 我又夾咗幾舊嚟食喎! 最後一定要介紹比大家嘅係, 呢盎足料老火湯, 入晒味呀, 不停添飲, 正! 

來到這裏給人一種自然舒服的感覺,特色的茶壺冇番咁上下手力都幾難拿得住😊,叫了幾個招牌菜「冰鎭南非鮑魚」晶瑩剔透,入口爽甜,肉質夠厚.「荼香煙燻雞」咬落皮脆肉滑,煙燻火喉啱啱好,師傅好嘢👍!不得不提，「墨魚油炸鬼」外脆內嫩,金黃色的油炸鬼加上紥實廷身的墨魚肉一定要試.

這天我們一行五人，去了灣仔船街 嚐館，當我地搵食的時候，看到這家在Openrice上只有好評沒有負評，所以決定要試一試！ 先來個冷盤冰鎮南非鮮鮑魚我們5人點了3隻($58/隻) 鮑魚以冰底上碟肉質肥厚食落夠爽夠彈牙口感味道一流！ 辣酒煮花螺（$238） 先試個汁，酒味濃郁少少辣，幾惹味我唔係甘食得辣都食到！螺都唔算細隻食落無臭味感覺非常新鮮！生磨杏汁燉白肺湯（$238） 養顏又潤肺好香的杏仁味豬肺好白好乾淨每人食到兩碗好滿足！黑白胡椒鹽絲蟹煲---肉蟹($598) 粉絲索哂汁好入味好正份量亦夠多胡椒味幾重好香加埋d薑葱好香口重點係隻蟹好大隻！我地5個人食竟然仲有淨😱睇下隻蟹拑幾肥肉 超級回味😍😍酥脆德國咸豬手($198) 我同事的至愛💖皮夠脆，一點都不肥膩這隻豬手比較瘦瘦肉部分肉質乾身得來又夠嫩可以用皮脆肉嫩去形容👍🏻朋友略嫌不夠肥肥多少少好食點我就覺得ok. 女生唔鐘意太肥豬手再配埋個魚露黑胡椒汁味道好夾好開胃！荷香籠仔龍𧄌糯米飯（$198) 乾蒜好香整體味道偏淡不過我喜歡，健康點唔會話樣樣餸都甘濃味！偶爾來個淡淡的來平衡下味覺也不錯龍肉肉質亦好彈牙再

上星期工作忙到傻，星期五晚放工抽時間出席瓜兄的大壽飯局，地點在灣仔吃潮州菜。作為冷盤打頭陣，「日本胡麻醬山藥」，拼成一朵花的模樣，清爽的味道：「辣味凍豬手」，質感似啫喱，香味也到位。「普寧豆腐拼蝦多士」，蝦很大隻及爽彈：「滷水鵝片」(中)「炸豬手拼冰梅骨」「杏汁燉白肺湯」，杏香足「潮州春菜煲排骨」「茶香煙燻雞」，上面的是炸芝麻葉，煙燻味甚濃：「黃金伊麵」，即是潮州兩面黃，大家都不會陌生，吃的時候加些醋及砂糖，煎得不錯：「籠仔龍躉蒸飯」連甜品及每人一罐汽水 / 啤酒，人均約 $380。踏入人生另一階段，男人四十一枝花，祝壽星事事順利！

今日相約朋友行街,見這間門口招牌光鮮,就入去食下野,上到黎,氣氛環境都不錯!蝦多士食落脆口,隻蝦重大大隻的,多肉口感足,蝦味濃夠新鮮紅燒潮洲翅,係超多翅,最小有碗的1半都係翅,而且底部還有小臘觸保住溫度,味道只有小咸,配合口口都係翅,食落極度滿足,超掂!胡椒絲蟹煲,好大煲的,面頭的粉絲食落彈牙,帶有胡椒,而上角係隻大蟹,蟹肉甜易不膩,鮮味更其突出,食落啖啖肉,口感豐足

朋友聚會來到灣仔嚐館，裝修走高級中國風。可惜遇正腸胃不適，真係掃興……眼見眼前多款美食，卻「無福消受」。亦無影太多相。最終order了一碗 方魚肉碎粥…真係好好味粥裡面好足料，好多方魚塊，肉碎唔「鞋」剛剛好，竟然令我有胃口，食曬一碗，咸度剛剛好。值得推介俾大家！

朋友係網上見到很多人都讚呢間餐廳！於是約埋我一齊去試下！咦！餐牌上介紹了茶香煙燻雞，我哋都不約而同都想試下！不單止賣相吸引！仲有一陣陣炭燒既香味！原來真係茶香！咬落去……嘩！嘩！嘩！從來未食過，皮很薄，完全無肥膩，肉質鮮嫩多汁！雞既味道一流！相對價錢真係超值！另外一道菜，餐牌話係招牌蝦多士。蝦肉彈牙，加上脆卜卜多士同特别既 Wasabi沙律醬，絕配！怪不得！係招牌菜！Yummy Yummy