嚐•湯雞

营业中

休息中

冬天真的很需要一碗熱湯來暖暖胃，但又心痒痒想食醉雞🐥點了一碗濃雞湯米線配醉雞，由於真的是很熱，伙計送餐都份外小心🥘。先來一啖濃湯，這碗濃湯沒有欺騙我👍🏻，雞味夠，濃味得來又不會過份味精，米線煮得夠淋，碗米線整體可給予8分之高。重點的醉雞酒味相當濃烈(呢個唔岩我口味)，但雞的肉質浸泡得相當耐，睇黎醉雞不是我喜歡的菜🤨

最近開始涼涼哋想食吓雞湯米線，特登走去食朋友推薦嘅呢間餐廳，唔使等位直接入咗去，安排咗我哋坐喺攤位附近嘅枱。等餐嘅時間都幾長，本身諗住應該係即叫即做，所以都唔緊要，但係坐咗喺度等咗10幾分鐘，比同一個職員撞我張凳撞咗10幾次，係冇可能發現嘅。真係撞到抆咗已經好嬲，雖然最後肯俾我哋掉位，但係唔好意思都冇一句真係令我心情好差。我叫咗個雞湯翅米線，個米線湯底係不錯的，食得出係冇味精嘅，啲米線腍咗少少，但係都唔緊要。翅個size細得可憐，每一片都好似塊指甲咁細。輪到啲雞就真係出晒事，啲雞翼份量好少，比起元朗臭河隔籬嗰間可能得一半，都算！我嗰碗米線全部都係一啲下欄位，係雞翼尖同埋雞胸，冇一個位置係滑㗎！啲雞啲質感真係好差，好似啲煲湯底料咁，完全唔值得依個價錢…..我老公就叫咗個花雕雞，藥膳湯底，個湯底味道都係OK嘅冇問題，但係啲雞都係下欄位，都係雞翼尖，叫咗兩個餐全部都係比雞翼尖！究竟發生咩事？依間嘢真係冇下次，呢個價錢真係唔算平，俾啲垃圾人哋食真係過分，奉勸大家真係唔洗試，服務差態度差好差，完全冇可能有下一次！

落雨天總係想食啲熱辣辣嘅嘢，今次同屋企人去食一間好耐冇去食嘅砂鍋雞湯米線。砂鍋花膠雞湯翅烏冬 $97砂鍋到成個湯上到嚟都仲係滾緊，熱辣辣。個湯一上到嚟已經見到有花膠魚同雞，食食仲會發現金華火腿。個雞湯超濃郁，飲極都覺得唔夠砂鍋胡椒豬肚福果米線 $70米線一上嚟已經好濃郁嘅黑椒味，豬肚洗得好乾淨，完全冇臊味，一邊食一邊飲飲到個人暖笠笠。砂鍋雲吞雞米線 $72對比起前面兩個就比較遜色啦，但因為個雞湯底都好出色，雲吞都好新鮮，所以其實都好好食。鍾意飲湯，又鍾意食食麵嘅人真係好推介大家嚟食。

胡麻雞絲半刀削麵 ⭐️⭐️⭐️⭐️ $65嚟講算正正常常對得住個價錢，係普通嘅一個胡麻雞絲撈，不過佢份量好足，麵唔係好多但雞絲同青瓜都有好多，夏日熱辣辣食呢個好正，不過嚟到就唔好食呢樣咁嘥啦，叫佢其他先試到花膠鮑魚濃雞湯米線⭐️⭐️⭐️⭐️ 佢啲雞湯底好濃郁，食得出係用好多雞同花膠熬出嚟，今日因為胃口唔好就冇叫到砂窩試所以試唔到啲雞正唔正，見隔離枱個個都叫花膠鮑魚砂窩雞煲好香好正份量足，你可以叫米線、米粉、白飯，有一隻鮑魚三塊花膠同雞，$95如果質素高都唔錯👍🏻不過今次就試唔到，等我下次胃口好啲再試下先

味道可以$100以內有雞湯翅2個人食一煲都夠飽原本都覺得可以有下次賣單個陣 我尾數有$4我比左1個$2，1個$1，2個5毫個職員同我講話5毫找唔到出去唔收呢個係咩答案黎？你同我講有咩用？你唔同政府講？佢仲要無痴唔收毫子我無嘈 同另一半搵左個$5比佢找不過我就唔會再有下次

今日路經元朗幫襯咗呢一間已滋味雞湯湯底做招徠嘅麵店，味道唔錯，最欣賞就係碗麵上枱嘅時候仲係熱辣辣出晒煙。呢個係砂鍋姬松茸螺頭乾貝花菇雞，面就揀咗刀削麵。唔好諗住姬松茸嗰頭乾花個名好勁揪，其實都係切晒粒粒，不過已$77嚟講其實性價比非常高。佢啲雞都幾靚，而且個湯煲出嚟又唔會好油，有一種好滋潤嘅感覺，我最後湯都飲清光。另一碗就叫咗藥膳醉雞刀削麵，醉雞同個刀削麵分開上，醉雞用嘅花雕酒都幾香，佢碗刀削麵個湯底都有啲藥材材料，一啲都唔馬虎。

我自己是超級中意食雞湯翅嘅人，中意食雞湯翅真系要去試下，我去開元朗一定會去食，雞湯翅味濃郁 足料，我推介配日式出前一丁，原來都系好夾的，湯超鮮甜，大家去開元朗記得去試下

砂鍋桃膠椰子🥥雪梨🍐一上枱滾滾來熱辣辣 鍋物可以加粉絲/准山面⋯個人選粉絲 盡吸湯內精華再加6蚊轉雞髀🍗（滑溜彈口好多）海底椰多到數唔晒 每一啖都有椰味雪梨就係乾身款式 但浸完遊個湯水都有咬口個人月事完 食飽飽飲完湯 好滿足😌既一餐

天寒地凍，最想食返D熱辣辣嘅湯麵保暖，去嚐．雞湯點了，砂鍋佬米鮮淮山煮雞酒稻庭烏冬🍜香濃雞湯冇味精再加上雞酒煮烏冬，酒味幾香醇，飲完有幾分醉意，湯內有幾塊雞件，但肉質唔算滑，湯內有雲耳、龍眼肉及大量薑片，但又唔覺有鮮淮山🧐飲完湯夠晒驅風驅寒又暖胃，煲仔上熱辣辣又保溫，冬天首選。

天氣凍就想食熱辣辣嘅野，諗起尼間米線，今次試下佢個黃酒雞。晚黑來好多人，排晒隊。點個黃酒雞，上來嘅時候嚇親，成個煲咁樣拎上來，可想而之份量超足，黃酒味好濃，甜甜地，雞肉都好嫩滑。

今個星期天氣好凍呀 得5度真係凍到騰騰震 最適合就係食番碗熱辣辣砂窩米線暖一暖身🔥🔥⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰▪️ 招牌砂鍋花膠雞鮑翅（鮑魚2隻）配米線$112砂鍋真係冬天必食 一上碟就聞到好香既雞湯味唔會覺得好多味精 湯底非常滋補 仲會食到好多翅仔 但份量比較少 同埋有好多花膠仔 口感唔錯 花膠唔會好靭 鮑魚煮得剛剛好 唔會太咬唔開 而雞件火侯剛好😋😋▪️砂鍋雲吞雞 $70湯底都係一樣 呢款配雲吞雞 雲吞件數適中 而且入面蝦都好新鮮彈牙 可以試一試整體食物溫度夠熱 而且份量適中 價錢唔算貴 值得一試👌🏼

放假下午茶時間唔太肚餓，想落樓隨便去間餐廳食小小嘢暖胃，就入咗呢間主打雞湯醉雞嘅餐廳。餐牌有足料靚湯，仲寫明有雞件3件，覺得幾唔錯，所以叫咗碗桃膠椰子雪梨。點知黎到一撈，望落巳經好伏。桃膠搵唔到，啲雞件好似幅圖咁嘅樣。勁細舊嘅雞翼兼分兩件，件?雞胸仲要淨係斬淨小小肉。我問啲staff,咁樣都算足料？佢答我桃膠可能煮溶咗，雞件係碎件。嘩，我真係開眼界，唔怪之得隔離排曬隊，呢間咁冷清。48蚊換一碗廚餘。

喺呢度除咗試過砂鍋雞之外，佢嘅醉雞都幾好食！價錢係$52 ，但係標明係醉雞髀！除咗雞髀之外亦都可以揀雞卷，入口好滑嘟嘟，而且醉雞好入味，好濃酒香。誠意推介必點之一！

經過見到星期日嘅晚幾多人排隊，主打無味精雞湯既食店。砂鍋雲吞雞 $72我哋叫咗 砂鍋雲吞雞 ，成個砂鍋咁樣上枱，咁啱開始有陣陣涼意，秋冬天食真係一流！ 就算上枱一陣都keep得住個溫度，但係對無味精有少少保留，食完都會口渴～～～ 但係賣相同份量整體都唔錯。

砂鍋雲吞雞+轉刀削麵 🐓首先讚下佢用砂鍋上，上枱熱辣辣，始終湯一定熱嘅好飲啲，呢方面佢就做得幾好。個湯雞味濃嘅，亦有雞油香，而且店家落咗啲金華火腿，為碗湯添上一層鹹香。可惜湯主要鹹香為主，少咗啲甜味，亦冇其他舖頭會用大量雞腳煲出嚟嘅厚度，有改善空間。🤔配料有幾嚿雞、雲吞同菜。雲吞得兩粒，而且尺寸偏細，好在都有肉味同原隻蝦仔，味道尚可，但唔係好夠喉囉。刀削麵令我有少少失望，唔係我想像中厚厚哋、好彈牙嗰種，反而似台灣關廟麵，偏薄偏淋，勝在量多而已。🥲花膠雞湯+飯 🐓雖然話係花膠雞湯，但係飲落同普通雞湯冇分別，無花膠嗰種濃稠同黏口嘅感覺，花膠質素固然同價錢成正比，唔好期望係酒樓食到既質素🤣，但分量十足同偏爽口。值得一讚既係店家標榜無味精，食完成餐都唔會話口渴。雞方面要睇彩數，我哋分別嗌左兩個。一個有原隻雞髀，多肉易食，一個是胸跟背，碎骨會多啲。但整體都冇話好滑，而且味道偏淡。好彩店家有豉油同一甖辣椒油提供。辣椒油屬於麻辣嗰種，辣味慢慢攻上嚟，仲好香麻椒味，啲雞沾咗豉油辣油後，竟然有口水雞或者辣雞煲嘅味道，識食一定要沾嚟食。😆整體嚟講，食物質素尚可，同價錢成正比。但店家員工親切友善，環境亦光鮮