嚐•湯雞

营业中

休息中

經過見到星期日嘅晚幾多人排隊，主打無味精雞湯既食店。砂鍋雲吞雞 $72我哋叫咗 砂鍋雲吞雞 ，成個砂鍋咁樣上枱，咁啱開始有陣陣涼意，秋冬天食真係一流！ 就算上枱一陣都keep得住個溫度，但係對無味精有少少保留，食完都會口渴～～～ 但係賣相同份量整體都唔錯。

砂鍋雲吞雞+轉刀削麵 🐓首先讚下佢用砂鍋上，上枱熱辣辣，始終湯一定熱嘅好飲啲，呢方面佢就做得幾好。個湯雞味濃嘅，亦有雞油香，而且店家落咗啲金華火腿，為碗湯添上一層鹹香。可惜湯主要鹹香為主，少咗啲甜味，亦冇其他舖頭會用大量雞腳煲出嚟嘅厚度，有改善空間。🤔配料有幾嚿雞、雲吞同菜。雲吞得兩粒，而且尺寸偏細，好在都有肉味同原隻蝦仔，味道尚可，但唔係好夠喉囉。刀削麵令我有少少失望，唔係我想像中厚厚哋、好彈牙嗰種，反而似台灣關廟麵，偏薄偏淋，勝在量多而已。🥲花膠雞湯+飯 🐓雖然話係花膠雞湯，但係飲落同普通雞湯冇分別，無花膠嗰種濃稠同黏口嘅感覺，花膠質素固然同價錢成正比，唔好期望係酒樓食到既質素🤣，但分量十足同偏爽口。值得一讚既係店家標榜無味精，食完成餐都唔會話口渴。雞方面要睇彩數，我哋分別嗌左兩個。一個有原隻雞髀，多肉易食，一個是胸跟背，碎骨會多啲。但整體都冇話好滑，而且味道偏淡。好彩店家有豉油同一甖辣椒油提供。辣椒油屬於麻辣嗰種，辣味慢慢攻上嚟，仲好香麻椒味，啲雞沾咗豉油辣油後，竟然有口水雞或者辣雞煲嘅味道，識食一定要沾嚟食。😆整體嚟講，食物質素尚可，同價錢成正比。但店家員工親切友善，環境亦光鮮

🐻無味精雞湯 ｜ 嚐。湯雞🐻👩🏽👨🏽發掘梗雞地有咩好食，經過見到呢間主打無味精足料湯底好似不錯🐻試左雲吞沙鍋雞同口水雞配伊麵雞湯底🌼雞湯底超濃郁，好夠味飲完唔會頸渴，配麵如果湯底唔夠味絕對係會食唔晒啲麵，但我地係食到一條都無淨🌝口水雞就比較多碎骨，肉質算鮮嫩🌼湯底可以加錢轉胡椒雞湯都得，仲有好多唔同款式，呢間值得Encore🛎️

帶阿女去補習前，趁有時間去食埋個午餐先補習😬成日見呢間醉雞麵咁多人食，緊係要去試下啦！醉雞卷藥膳湯淮山麵真材實料的藥膳湯😍勁好飲配埋淮山麵超夾砂鍋雞湯鐘意飲湯既人岩哂！唔至得雞，仲有翅同金華火腿。大愛

於26/7/2023用同一途叫過一次、當時寫低特別要求係雞胸、回到家完全係要求一樣同好好味、今日7/8/2023再叫時、特別要求都係雞胸同走餐具、點知取餐時見到外賣碗唔同咗、跟著員工話換咗外賣碗、回到家睇到有餐具、跟著打開碗湯得2/3、雞得3嚿全部係骨、湯又鹹、完全係唔值$66、打咗去餐廳詢問、佢話多人、如果真係做唔到就唔好接外賣單、以後都唔會再叫、辛苦工作回家買碗湯飲、點知完全失望、請餐廳好好檢討🙇🏻‍♀️

今日同屋企人黎到近雞地食湯雞麵，我地叫左一碗砂鍋雲吞雞米粉、砂窩雞刀削麵同一份醉雞卷。湯麵既湯底十分惹味，會令人想飲哂佢。即使溝埋雞油都尚可接受。醉雞卷雞肉札實，味道同其他醉雞卷會有d唔同。

雖然天氣宜家比較熱但有時無胃口都係想食麵都多過飯經過依間幾次都好想試下食佢地既湯都話係真材實料，無味精🤩砂鍋花膠雞湯翅 $92超誇張，個砂鍋嚟到既時候重係滾緊♨️雞湯屬於鮮味但就無話好濃味雞同花膠既份量都好足醉雞卷藥膳湯淮山麵 $65個人大推藥膳湯底！！！🥰🥰🥰係我食過最濃味最足料既藥膳湯👍🏽真係飲哂D湯都唔夠喉醉雞卷份量都好足，又入味😋不過可以再滑少少～淮山麵就係比較硬身，未必個個都岩溏心醉蛋 $12/隻做到真正溏心又入味，好正！下次再嚟都一定揀藥膳湯底！🤤🤤同埋想試下佢地甜品～

🧑🏻‍🦱一向鍾情於雞湯飯自己煲工序繁複 時間又長 出街食仲抵自從桂花小幸轉了menu 無左麻油雞湯飯🧑🏻‍🦱一直念念不忘於是上網搵下邊間雞湯飯好食見到呢間嚐•雞湯好多人讚好就決定去試下{溏心醉蛋(1隻)$12｝入味～醉蛋配上蟲草花同幾粒杞子 十分有誠意{砂鍋姬松茸蟲草花螺頭干貝花菇配米線$75+$6轉脾位}一上枱 嘩左一聲 勁大鍋一滴油都無 雞味吾太濃 松茸味較出 比較清有啲似媽媽煲既湯可能經過長時間熬製 雞髀冇乜肉味 {砂鍋花膠雞湯翅配飯$92+$6轉脾位｝這款雞湯味道濃郁好多 濃而不膩配料亦很多 食到尾聲翅同鱈魚膠食極都仲有總結：性價比高 無味精 飲哂全部湯都無口渴的感覺📍嚐•湯雞 (元朗)元朗鳳攸南街3號好順景大廈地下5號舖

平時食開重口味重咸重辣，最近天氣轉熱就想食清啲，上網睇人介紹呢間雞湯麵新開就試下。叫左個砂鍋花膠雞鮑翅配淮山麵同 砂鍋雞湯翅配粉絲！ 送上枱熱辣辣， 兩大個煲都滿料同大兜粉麵！湯 ——濃甜，有少少花膠既「漲」咀 ， 撈起麵底有幾塊金華火腿，咸清香，有4大塊花膠 魚翅細切都有十塊八塊， 再食埋兩個鮑魚配埋佢自家製麻辣醬、一流！飲埋湯再食晒啲料已飽一大半， 淨低少少麵。建議唔好叫飲品，純飲湯已夠。下次會再幫襯 試埋佢麻辣小食！食左佢麻辣醬已見功夫，其他麻辣野唔會差去邊。

第一次試既時候係叫左外賣淨湯拎走之後諗住平日過黎堂食試埋佢啲湯加粉麵原來都幾多人排隊😂😂不過平時忙唔得閒煲湯呢到真係幫忙慳左時間又好飲真材實料！醉單骨雞翼酒味濃、入味、有肉感易食醉鵝肝未食都已經聞到好香桂花同酒味 🤩 仲有啲蟲草 酒味好香濃，凍鵝肝切切薄片，口感一層層又好入味佛跳牆燉雞湯翅 配白飯好足料（有海參 瑤柱 鮑魚 金勾翅 花膠 金華火腿），夠火喉、好入味，每撈起都有各種真材實料飲落都好滿足😌 一個份量已好夠飽石碢花膠雞湯翅無諗過係咁大碗😂 叫左銀針粉、份量都唔少，啲料又多😂 啲雞湯飲落真係鮮甜真係唔係加味精d fd👍🏻 雞肉又啖啖肉😽 真係飲得湯黎都未必食得哂啲料，抵食之選

位於元朗的「嘗湯雞」，今次我們點了三道招牌菜：藥膳醉雞、雞包翅湯和湯飯。首先是藥膳醉雞，這道菜色用上了十幾種藥材熬成的湯汁，將鮮嫩的雞肉完美地融合在一起。雞肉鮮嫩多汁，配上濃郁的湯汁，讓人感到滋補暖身，非常適合在寒冷的天氣享用。接下來是雞包翅湯，翅尖、雞肉和白蘿蔔熬成的湯底清香可口，入口滑嫩。翅尖和雞肉的肉質都非常鮮嫩，而湯底的味道則非常純正，讓人感到舒適和滿足。最後是湯飯，以藥膳雞湯熬煮而成的飯湯，讓米飯吸收了湯汁的滋味，入口香濃，帶有微微的甜味。湯飯的藥材味道不算太濃烈，但足以讓人感受到其滋補的功效，非常適合作為一餐的收尾。總體來說，「嘗湯雞」的菜色豐富，味道也非常優秀。特別是對於喜歡藥膳口味的人來說，這裡絕對是一個必試的地方。雖然價格偏高，但物有所值。強烈推薦！

終於試到啦🤩🤩星期日7:30pm左右去到，full晒，不過等左一陣好快就有位👍🏻都幾多選擇，但今次先試砂鍋先😬😬唔知係咪太忙又多外賣要處理，等左25分鐘🙇🏻‍♀️🙇🏻‍♀️不過唔緊要，最緊要好食😆😆😆砂鍋雞湯翅(粉絲)$75都幾大碗🔥多粉絲，超正索埋d湯一齊食🤤雞湯好飲，仲成碗飲晒😆雞件切得幾好，啖啖肉冇碎骨👍🏻翅都有好多，比我預期中仲多🤭🤭正呀！推薦❤️❤️砂鍋姬松茸蟲草花螺頭乾貝花菇(粉絲)$75個名超長🤣螺頭都係比我想像中多，唔韌好好食❤️姬松茸都係好多粒👍🏻雞肉唔老好食！如圖真係啖啖肉😝嚐湯雞 絕對有下次！好食！推薦！！❤️❤️❤️

一定要介紹吓 假若唔舒服想食啲湯類嘅嘢唔一定要食粥架 喺元朗有一間足料雞湯 - 嚐雞湯呢個餐廳𨴴左幾個月店如其名 主打雞湯＄60-$90左右會有砂鍋雞湯大大碗除左雞件外仲可以選配飯粉麵🍂砂鍋姬松茸蟲草花螺頭乾貝花菇雞湯配銀針粉好足料嘅雞湯 有起碼6件好嫩滑嘅雞件 仲有好多蟲草花同花菇好濃郁香甜嘅雞湯配上多到食極都唔完嘅銀針粉好抵食 可惜嘅係可以落多啲鹽調返個味🍂砂鍋雲吞雞湯配刀削麵雞件真係俾得完全唔手軟 食碗係滿滿嘅雞肉反而少咗啲雲吞🍂砂鍋花膠雞湯翅配銀針粉真係有一塊塊嘅花膠 幾有咬口銀針粉多到食唔晒🍂麻辣雞腎夠辣 十級惹味 比想像中多好多嘅份量💡想食得清淡啲嘅好選擇

除咗好多大肆報道嘅人龍店之外，呢間專食雞嘅舖頭都超級受歡迎🐔 晚市排咗15分鐘左右入座，值得一試✨呢道嘅粉麵底有多款選擇☺️比較特別嘅有新竹米粉、銀針粉、淮山麵😆砂鍋花膠雞湯翅 $76砂鍋真係必叫😍近排天氣又凍返☃️砂鍋入面裝住熱辣辣又入味嘅鮮雞湯真係冇得輸🍲🔥湯底無添加任何味精，飲落清香又滋補，花膠係幾軟腍👍🏻雞件都幾滑，不過份量唔算好多～ 招牌醉雞新竹米粉 $58醉雞件數反而份量多而且更滑👌🏻酒味香濃😍幾入味🥹仲有蟲草花、杞子同花生做配料😝Menu

一定要介紹吓 假若唔舒服想食啲湯類嘅嘢唔一定要食粥架 喺元朗有一間足料雞湯 - 嚐雞湯呢個餐廳開左幾個月人如其名 主打雞湯$60-$90左右會有砂鍋雞湯大大碗除左雞件外仲可以選配飯粉麵🍂砂鍋