影片
更多
2023-11-11
567 浏览
砂锅云吞鸡+转刀削面 🐓首先赞下佢用砂锅上，上枱热辣辣，始终汤一定热嘅好饮啲，呢方面佢就做得几好。个汤鸡味浓嘅，亦有鸡油香，而且店家落咗啲金华火腿，为碗汤添上一层咸香。可惜汤主要咸香为主，少咗啲甜味，亦冇其他舖头会用大量鸡脚煲出嚟嘅厚度，有改善空间。🤔配料有几嚿鸡、云吞同菜。云吞得两粒，而且尺寸偏细，好在都有肉味同原只虾仔，味道尚可，但唔系好够喉啰。刀削面令我有少少失望，唔系我想像中厚厚哋、好弹牙𠮶种，反而似台湾关庙面，偏薄偏淋，胜在量多而已。🥲花胶鸡汤+饭 🐓虽然话系花胶鸡汤，但系饮落同普通鸡汤冇分别，无花胶𠮶种浓稠同黏口嘅感觉，花胶质素固然同价钱成正比，唔好期望系酒楼食到既质素🤣，但分量十足同偏爽口。值得一赞既系店家标榜无味精，食完成餐都唔会话口渴。鸡方面要睇彩数，我哋分别嗌左两个。一个有原只鸡髀，多肉易食，一个是胸跟背，碎骨会多啲。但整体都冇话好滑，而且味道偏淡。好彩店家有豉油同一甖辣椒油提供。辣椒油属于麻辣𠮶种，辣味慢慢攻上嚟，仲好香麻椒味，啲鸡沾咗豉油辣油后，竟然有口水鸡或者辣鸡煲嘅味道，识食一定要沾嚟食。😆整体嚟讲，食物质素尚可，同价钱成正比。但店家员工亲切友善，环境亦光鲜
首先赞下佢用砂锅上，上枱热辣辣，始终汤一定热嘅好饮啲，呢方面佢就做得几好。个汤鸡味浓嘅，亦有鸡油香，而且店家落咗啲金华火腿，为碗汤添上一层咸香。可惜汤主要咸香为主，少咗啲甜味，亦冇其他舖头会用大量鸡脚煲出嚟嘅厚度，有改善空间。🤔
配料有几嚿鸡、云吞同菜。云吞得两粒，而且尺寸偏细，好在都有肉味同原只虾仔，味道尚可，但唔系好够喉啰。
刀削面令我有少少失望，唔系我想像中厚厚哋、好弹牙𠮶种，反而似台湾关庙面，偏薄偏淋，胜在量多而已。🥲
花胶鸡汤+饭 🐓
虽然话系花胶鸡汤，但系饮落同普通鸡汤冇分别，无花胶𠮶种浓稠同黏口嘅感觉，花胶质素固然同价钱成正比，唔好期望系酒楼食到既质素🤣，但分量十足同偏爽口。值得一赞既系店家标榜无味精，食完成餐都唔会话口渴。
鸡方面要睇彩数，我哋分别嗌左两个。一个有原只鸡髀，多肉易食，一个是胸跟背，碎骨会多啲。但整体都冇话好滑，而且味道偏淡。
好彩店家有豉油同一甖辣椒油提供。辣椒油属于麻辣𠮶种，辣味慢慢攻上嚟，仲好香麻椒味，啲鸡沾咗豉油辣油后，竟然有口水鸡或者辣鸡煲嘅味道，识食一定要沾嚟食。😆
整体嚟讲，食物质素尚可，同价钱成正比。但店家员工亲切友善，环境亦光鲜企理，相信开张冇耐同主打街坊生意，经过又想饮啖汤嘅，不妨一试。
43 浏览
0 赞好
0 留言
41 浏览
1 赞好
0 留言
张贴
