囍運冰室 (淘大商場2期)

营业中

休息中

晚飯時間，堂食人都唔多，係外賣有單，唔洗等位，但唔明點解d侍應咁燥底🤦🏻‍♀️，問佢有冇晚餐餐牌叫你行出位自己睇，叫佢扲杯熱水反你白眼，聽錯order話你講錯，總之你去幫襯就係你ge錯！食物叫左西芹腰果炒雞丁，d雞粒雪味勁重！蒜蓉炒菜芯，無味，烚菜撈油撈菜咁。咸蛋蒸肉餅，冧到好似軟餐咁，又薄身，而且偏鹹，總之就係難食。簡單講句，三餸飯都好食過佢，而且食到成肚氣，無管理，無服務都算，又唔係好食，真係送俾我都唔食。😡😡😡😡😡

呢間轉名之前食過1-2次，都算係正正常常，今晚出街食飯有時趕時間，就黎呢間快快手搞掂一餐去得茶記食其實都唔會期望服務殷勤，親切有禮，但入到呢間真係顛覆三觀🫠1️⃣坐低問一問侍應姐姐有冇小菜餐牌（因為係鋪頭門口見到有小菜套餐，枱前又唔覺有餐牌），呀姐竟然好晦氣叫我自己影低店內電子螢幕返位睇，態度極差🙃2️⃣叫呀姐拎杯熱水，呀姐明明同我有眼神對望，竟然都扮睇我唔到😒叫左幾次先肯拎，放低杯水個眼神仲好凌厲😒未開始食都已經食晒成肚氣😡見到店內明明有位後生少少既男經理，佢好似淨係負責收銀咁，見住啲呀姐咁對客都完全唔理🙄三餸連白飯+湯+熱飲 $210🐥宮保腰果西芹炒雞丁 典型雪味超重既雞肉😅西芹、雞肉、青椒都冇鑊氣味，似用調味料撈幾下變熟就出菜🫠🐥香茜乾蔥炆雞煲算係成餐飯最正常既一道菜，因為調味較濃，雞肉食唔到雪味，少少鞋，但都係多得佢先食得晒啲飯😂🐷鹹蛋馬蹄蒸肉餅聲稱即蒸要等耐啲，但食落似蒸左好耐好耐啲肉質淋到有啲梅🫠三餸飯仲好食過佢🥬蒜蓉炒菜心 $48未食過咁難食既炒菜心🥬炒唔似炒，烚唔似烚，冇蒜蓉味冇菜味，韌到不得了呢間真係比錢我都唔會再食，唯有等佢快啲執開過第二間😒😒

晚餐叫咗白汁燴海鮮飯+凍央，點知待應落錯單嚟錯咗凍奶茶，無嫌意不特止，又唔想換！算…我要咗去！再望吓改單，原來飯都落錯單，嗱嗱臨叫佢更正翻，搞一大輪，單又唔改，要我俾貴價錢，叫佢改翻態度又差完全無覺得自己做錯嘢！飯質素又差，對燴字要改觀，明明就係白飯+白汁+兩隻蝦+什錦海鮮！仲有凍飲加$12，成份餐牌都搵唔到呢句，淨係見到凍飲加$3，食完餐垃圾$70一肚氣😡😡無可能再光顧，及全部分店Black List～

光顧茶記，都冇要求五星級招呼，只求有對人嘅基本尊重。坐低叫寫嘢，分別3個唔同侍應都扮睇唔到。連收銀都係咁。上個禮拜有個新嚟姐姐，服務態度唔錯，今個禮拜即刻消失，唔知係咪做壞規距俾人整走咗。冇人肯落單，坐咗5分鐘起身走。

故居地佐敦谷大坑渠位置有中秋燈飾睇，揾食肥華形容全埸最大嗰個月亮燈飾，係明月照溝渠9月14日肥華和靚媽睇完呢個奇景，就去咗呢間囍運冰室食晚飯小菜套餐，各自點了心頭好，但所點嘅都係劣食，肥華點通菜炒鮮尤啲通菜係咸到爆燈級数，而啲鮮尢就淡而無味，同一隻碟内兩樣食材味道可以各走極端，呢位厨師真係㕑藝驚人，而靚媽點嘅蜜薯牛柳粒，啲薯仔乾爭爭牛柳就韌到都唔到，最後呢兩個晚餐小菜肥華和靚媽衹食咗四份一，用碗中式餐湯撈白飯食就算，以此店今日套餐水準就算日後肥華和靚媽執到錢都唔會再光顧💯👎🏻👎🏻👎🏻👎🏻

佢地新裝修再開張後初期去過, 食喱腩飯, d 汁稀到以為食湯飯.番到屋企屙咗三日.隔咗好耐差唔多一年再去過, 舖唔夠冷氣, 由其門口開始至舖中間區域. 野就唔記得好唔好食, 阻姐帶我掉咗坐入d 都熱熱地食龍肉都無味.第三次, 食咗個咩大碗飯, 有塊扒咁, 又細塊又唔好食, 汁又唔夠, 份量又唔夠, 唔知點大碗飯法.第四次, 喱腩飯, d 肉味道係酸味, 咬開入面紅到法拉利咁, 唔知咩原理.第五次, 喱牛肉飯, d 牛肉就好似人地牛河果d 但每舊肉係完全無任何味道, 就算溝咗喱汁入口都係發現到夠肉完全無味, 真係好勁, 食完完全唔覺自己食咗野, 但係醫咗肚囉. 埋單72蚊, 因為加咗12蚊柸既凍奶茶. 我覺得只值30蚊.點解去咗成五次? 第一次新開張咪去試, 第二次隔咗好耐番去俾多次機會.三至五次就夜咗食飯無乜選擇所以入咗去.

服務員態度極度非常差，一個二個好似唔願做咁，外卖餐廳電話永遠都打唔入。叫個外卖，又唔俾單號碼人，過來俾錢又唔知邊個餐係，服務員仲要臭串嘴話你估得你一個人叫外卖咩，真係請到呢D咁噶人都要喊三聲，餐廳食物好食都咁話，服務員態度咁差真係會做臭個朵咯！過來消費仲要睇哋咁臭態度，好心負責人管一管啦。宜家生意難做，仲要咁樣，真係唔多好啦，唔知個餐廳老闆究竟知唔知自己餐廳夥計問題。次次叫外卖都係見到咁，真係認唔住。再唔改正，以後唔幫襯。

今朝10點左右去淘大囍運諗住食個早餐入到去坐低叫嘢食，有個寫單嘅阿姐走埋嚟，我老公食沙爹牛麵，我食五香肉丁麵佢複述嘅時候我聽到"生牛面"，我話唔係，係沙爹牛肉麵，佢就開始串串嘴咪"生牛囉"，後來我再聽多次原來佢講得唔係好正，係講"沙牛"，我話總之係B餐同c餐，佢一路落餐一路好兇嘅眼神挖住我，我亦一路望實佢，我哋講飲一杯凍奶茶，一杯熱奶茶之後，佢再問多次飲乜嘢，我哋話要奶茶度同凍奶茶囉，佢既態度係非常之惡劣。之後佢落入完機，放低張單係我哋個位嘅時候就講，""食得咁唔開心咪唔好食囉"" 趴你個街，我即刻拍枱回咗一句，你做得唔開心就更加唔好做喇！最後食都唔食即刻走人而家市道好好？點解有啲咁嘅人？#囍運冰室 九龍灣淘大

叫份西多士 ,員工落錯餐,唔緊要 ,仲要聲大夾惡 ,以後唔會幫襯,做到咁差其實可以唔洗再開鋪,尤其疫情下,睇你幾時執笠,做得服務行業唔該拎翻啲服務出嚟啦,不如所謂,一個字差

晏晝去咗買外賣，嗌左3個餐，可能撞正附近返工既人放飯時間，但都唔會等40分鐘？完全唔合理！叫店員跟跟，態度極差，以後唔會再幫襯留意到應該係個蒸飯未有，咁好心一早提醒個客呢個餐要等耐啲或者同人講無啦其他飯返到屋企凍晒，熱奶茶都凍左 比錢買難受

環境污糟，服務態度極差，樓面個啊姐勁大力掉啲碗碟落架餐車度，仲要執枱嫌啲客坐响度阻住，佢叫我地企响身行出黎俾佢執，我地企起身後佢又特登搵架餐車推開嚟撞落我哋度，話我地企响度阻住哂，呢間野一定唔會再去！

昨天吃早餐，跟職員A在落緊單同時即刻說由炒蛋改為煎蛋。職員A用唔鹹唔淡嘅廣東話”落咗單唔改得”.食咗咁多年早餐，除非公司規定成個餐唔可以改，否則係落單嘅時候亦都可以即刻改！另外叫咗兩杯凍奶茶（一杯走甜，一杯少甜），嚟到嘅時候職員B話兩杯都係少甜，落單是沒錯的。職員B好大聲話我哋晨早流流喺度搞事，於是我哋由頭到尾講一次俾佢聽，職員B仍然話我哋唔啱，於是我哋即刻起身（完全冇掂過個早餐）調低錢走！ “垃圾餐廳”!

昨天早上吃早餐，落單時已馬上跟唔鹹唔淡的職員A説由炒蛋改煎蛋。職員A一路㩒住部機幫我們落單，一路大聲講” 已落單 冇得改！”食咗咁多年早餐，沒可能即時改是不能改，除非是公司規定餐牌上要一樣。也叫了凍奶茶少甜和凍奶茶走甜，職員B送來時說二杯也是少甜，也很無禮説不知那杯是走甜!叫佢地換又話我地晨早流流喺度搞事!於是我們忍不住地起身（完全冇掂過個早餐）！垃圾茶餐廳！

見到呢間冰室早餐好多人食，去食早餐要排隊添，茶記嚟講佢都算幾多人食，都有食過佢啲炒粉麵都OK嘅，就一於試吓招牌鮮茄焗豬扒飯啦！🍴焗鮮茄豬扒飯 $47 (網上外賣平台外賣自取) 原價$68 (6/10)焗豬扒飯有一塊豬扒，茄汁芝士同埋蛋炒飯，冇啦，冇洋蔥冇新鮮蕃茄😂配菜係比較少嘅，口感冇咁豐富，比較單一。豬扒係一塊完整嘅，都大塊，切開咗六舊，肉質比較軟淋，略嫌醃得太重手，有啲乸味🤣茄汁酸酸甜甜，個汁都夠撈飯嘅，欣賞個飯有炒過底，幾香口乾身，飯粒粒粒分明。同大快活大家樂相比好似差唔多，可能剩係得焗飯同豬扒比較單調啲，豬扒可能好食少少咁多😂😂價錢來講都唔係平，如果冇優惠嘅話就真係唔使買嚟食，寧願去食譚仔好過🤣推薦指數: 6/10正正常常茶餐廳質素，覺得炒粉麵應該好食啲，焗豬冇特別好食但未去到難食，如果冇優惠嘅話都唔會買。

大約三點15分到門口，坐滿人得返一兩個角落有位，係門口問有無位，企左幾分鐘先有一個侍應帶我去角落頭（企門口見唔到的位置）。落左單唔洗三分鐘星洲炒米到左（好明顯炒定），等左15分鐘杯凍檸茶都未到，問第一個侍應（佢回答：等多陣好快就到，佢走左去傳菜），再等三分鐘問第二個侍應一樣唔答我走左去，再等幾分鐘問第三個（好明顯新來的，佢立即寫低我杯飲品行去水吧問我杯飲品係咪漏單未沖，佢立即拿左杯檸茶俾我，佢有禮貌同我講：唔好意思太繁忙沖好左無人去拿俾我）。最好笑係隔離枱叫完唔洗五分鐘啲野飲三杯到齊。我食完去俾錢同收錢講返佢啲同事，佢答我：咁搞笑！😱走左之後上網睇先知，佢地無禮貌係佢地的服務態度。之前到吃過兩次，食物還可以，態度要睇人（果兩次都可以）。其中一次等食物時有人拿返外買來換飲品（俾錯左），五分鐘後又有人打電話來話俾錯飲品，大家叫外買睇清楚有無俾錯野！