囍 (已結業)

公司樓下就有得打邊爐，方便！方便！太方便啦！餐廳內擺滿了林林種種的邊爐食品！太豐富啦！就連醬料都照顧得就到！細心又窩心講到邊爐當然要揀個鴛鴦湯底～四川麻辣併椰子雞湯，我哋揀咗個$168海鮮併盆餐，有青口、魷魚、牛脷、美國黑豚肉等，當然不可缺少黃金雞啦！黃金放在椰子雞湯浸，味道非常滑流！肉質發出陣椰子雞味，一流極也！講起牛脷超好享受！浸一下就可以食，口感恰到好處！散發味牛既味道不太濃郁！

約埋幾個舊同事響公司附近飯聚, 揀左日式火鍋任食放題, 大家可以盡情食.除左唔同價既餐之外, 仲可以加39蚊刺身放題, 或者刺身單點.坐低揀好湯底同咩餐, 168餐有海鮮, 蠔, 青口, 魷魚, 肉食有肥牛, 牛脷, 豚肉同黃金雞.海鮮好新鮮, 而且都係大大隻, 漲卜卜的.  蠔好滑溜, 蠔味濃郁. 青口同魷魚好彈牙, 鮮甜, 淥耐左都唔覺太韌.牛脷亦好爽口, 好滑, 味濃, 追加左幾次都係咁正.豚肉軟嫩且滑, 無鞋口起渣, 有肉味, 脂肪唔算太多. 肥牛又係好濃郁既牛味, 脂肪唔算太多, 彈牙夠滑.湯底越打越濃郁, 各種肉類更加入味.嫌肉唔夠喉仲可以出自助bar揀其他丸類, 腸仔之類.蔬菜, 菇類, 瓜等等都有好多選擇, 其他仲有蘿蔔, 粉絲.整體食物非常多選擇, 而且肉類無限添, 每次份量都差唔多, 無減少.

今日黎到呢到打邊爐 夏天都打邊爐 正😆我地就叫左$168 個個set揀左椰子雞拼豚骨地獄湯 係等d 湯煲滾嘅時候 我地就去拎野飲同其他餸 同配自己嘅豉油野飲選擇有好多💖配料都好多款揀雞同牛都可以無限encore 正☺️☺️個湯滾起就可以落雞 佢會比個漏斗你 呢個時間係d 雞岩岩好熟 最滑嘅時間💖真係好滑😆😆😆 好嫩 一食落去好 好似會直接滑落我個胃到咁😹加埋呢個鹽食 味道更加好👍🏻至於肥牛 牛舌 豚肉都係好新鮮💖海鮮盤都好正 魷魚大隻 洗得好乾淨👍🏻👍🏻$168 再加1 任食 真係好抵 質素又咁高😋😋而且服務好好 會時刻注意你個煲 洗唔洗加水 需唔需要再黎d 肉咁👍🏻👍🏻👍🏻

難得放半日假, 跟友人去官塘工廈掃開倉, 行左半日終於買到心頭好, 但體力同荷包就嚴重透支.實在太攰都係要食埋晚餐先走, 上網睇左一輪, 呢間日式火鍋放題最平靚正, 位置較邊, 不過好易搵.上到黎環境幾大, 又光猛, 坐位仲好闊, 終於可以抖抖.C餐本身包左牛肉, 黑豚肉, 雞肉, 可以無限添加.牛肉唔算太薄, 食落有質感, 脂肪唔算太多, 咬落彈牙, 肉味都算唔錯.黑豚肉就薄D, 脂肪唔算太多, 但食落無起渣. 雞肉唔算太肥, 夠大隻, D肉食落仲幾滑. 其他仲有菇類, 粟米, 炸支竹, 豆卜, 生菜, 丸, 腸仔, 蟹柳, 粉絲等等任拎.樣樣都夠乾淨, 新鮮, 而且refill速度都好快, 唔洗爭.個壽喜燒湯底越打味越濃郁, 連豉油都唔洗點, 食原味, 唔錯.

係觀塘碼頭附近一棟新寫字大樓，夜晚人流稀疏，商場內幾乎了無人煙，但唯一商場呢間日式火鍋店係閒日都人煙鼎盛，正正同外面形成一個好大既反差。而食完呢次後，我都明白點解咁會咁多人黎食，閒日夜晚都坐爆哂。今日大約7點半到，你訂左位會好d，唔洗等位，而門口等安排位置時，望入去其實好舒服，光猛，同拎食物既地方都好乾淨衛生，第一印象唔錯坐低第一時間梗係叫湯底，我同朋友都想冇咁熱氣，所以叫左個特別既湯底，椰子木瓜雞，都真係幾唔錯，最後d雞油都出埋黎，味道岩岩好而佢有好多款唔同套餐，岩唔同需要既人，而我地叫左個$168/1位既套餐，可以任添牛、豚肉、海鮮(有蠔有青口，新鮮，食落唔腥，我都加左幾次哈哈)，牛同豚肉肥瘦比例都幾合適。而出面既火鍋料、飲品款式都好多，連熟食都有，而我對菜係有d揀澤，佢呢度我見洗得好乾淨，所以我都食左幾多！總括黎講食物質素好，火鍋最怕既唔乾淨情況係呢度完全冇，價錢亦都幾經濟實惠，所以扺閒日都咁多人黎食，我都會翻撻🙆🏽‍♂️👍🏼

今日同朋友慶祝生日，㨂左幾間，最後就揀「囍」一入去，佢任食係有幾個款，我地揀左168個個先唔講服務食物質素：好一般，賣相亦唔靚，稻香可能仲比佢好服務：店員不太友善，未夠鐘已經要人埋單，都唔緊要，點知想再落order時竟然話埋左單唔俾再叫，埋單前又唔講，重點係未夠鐘‼️ 連我去雪櫃拎包烏龍茶都特登走過黎話埋左單唔拎得會唔會太小氣？！ 難怪食飯時間都得個一、二枱真心唔知啲好評係點黎環境：由於無乜人，地方都算闊不過，呢間真心可一不可再提提要食既朋友記得夠鐘先埋單

這裡的選擇很多喔~一開始先吃個沙津，菜都很甜很新鮮喔～做開胃菜很不錯喔~魷魚蕃茄汁很濃，魷魚很嫩，一點都不老喔~還有紫菜卷飯量剛剛好喔～我們叫的是椰子雞湯底，椰子味很濃，甜甜的，雞都是新鮮的喔～一整隻雞喔，所以超多雞肉的喔~雞都很滑很嫩，即使雞胸也不會老囉~每一份都小小份的不會吃不完哈肉都很新鮮喔～肉超軟的~菜的選擇都很多喔～而且都很新鮮。還有很多海鮮喔~青口超大隻又甜，生蠔也是超甜的喔~DIY雪糕不會很甜，牛奶味很濃喔~食完火鍋再吃雪糕真的超爽的~

響呢頭收工已7點幾, 諗住同同事食埋野先走, 隨意睇下D商廈有咩好野食, 見到呢間任食打邊爐, 價錢非常得宜, 任君選擇.最後同同事選左$168, 有4款肉同海鮮, 仲可以添, 非常抵食.湯底要黑蒜豚骨湯, 先試一啖湯, 好濃既豚骨味, 帶少少蒜油, 唔會搶走食材既味道.肩胛牛肉外觀似肥牛, 油脂豐富, 食落特別軟腍, 但又唔覺肥膩, 肉味濃.牛脷較薄所以好快熟, 好爽口, 食左好多片都唔飽濟.黑豚肉油脂平均, 食落亦好軟嫩唔韌, 富肉鮮味.黃金雞好大碟, 雞肉夠厚, 所以淥得比較耐, 但肉質仍保持軟滑, 唔會淥到老左.除左呢D之外, 仲有好多蔬菜, 丸既副食自助拎.蔬菜菇類好多, 最鍾意食呢款長菇, 食落好爽口, 清甜.無限地來來回回咁添食, 90分鐘全無停過個口, 非常滿足.

一入到去間餐廳，其實就覺得個環境整體都唔似打邊爐嘅地方，因為都冇打邊爐嘅味道，通風好好。我估計可能間餐廳身處嘅地方有少少入嘅，所以就少人知啲啦，相對嚟講，人比較少，但係嘢食款式絕對唔少。佢近門口有一個area係專放啲任拎嘅邊爐料，包括：各種的蔬菜，丸類，仲有其他配料；但係令我impressed 嘅係 -- 佢有唔同醬料嘅選擇，由平常見到嘅，到少見嘅都有，真心適合我呢個「混醬」王。仲有一個飲品櫃，入面除左平時有嘅7up同百事，仲有4款紙包飲品，由唔甜到好甜都有；啤酒都有幾個牌子添呀。講返重點：邊爐個湯底。我打邊爐都好著重湯底，因為湯底個味係好影響嗰啲邊爐料個味嘅。我今次就試左佢嘅招牌湯底：木瓜椰子黃金雞！佢首先好細心咁有預備一個漏斗去計時，個漏斗漏完啲雞就熟啦，而且仲預備左沙薑同埋青檸俾你自己整個source，然後點雞食。我想講，咁樣食，個雞肉好！好！食！真心推介呢個食法。順帶一提，其實我揀個package只係$138，但係呢度service，配套，嘢食成件事都真係好好，侍應會不斷加湯，有wifi，而且坐得好舒服，一流！再戰之選！

醬料的選擇頗多， 有我最鍾意嘅炸蒜， 我嘅醬汁係亂咁溝㗎，不過都幾好味， 大家可以試下跟我一齊甘加日本豉油少許， 柚子醋比例多d ， 日本麻醬少許 加埋蔥花同 炸蒜朋友叫咗鴛鴦鍋, 地獄豬湯我對他沒什麼感覺。不過，一定要試既佢呢個椰子湯底，清甜不膩配上佢自家養的雞真心超棒的雞肉夠晒滑，不抗拒雞皮的話連皮一齊食仲正，而且不會很肥膩呢。雞肉點埋青檸汁食，味道風格帶d泰式，也很棒哦我地每人都係叫168呢個set 仲叫左牛，豬，海鮮。海鮮整體都很不錯另一推薦的是豬！也很好吃，比牛更好因為帶緊牙cool,牙力不如以前，豬肉很易咬開，味道不騷我喜歡吃豆腐，這裡有兩款玉子豆腐和普通豆腐。其他食材放得很齊整

經常說火鍋放題都係食雞煲啊！ 刺身啊 ～  今次係觀塘搵食既時候發現呢個～ 椰子雞煲自助放題～ 同埋有牛俐～ ！ 覺得好正！ 所以就立刻book位！一去到, 餐廳比較大，寬趟, 而且位比較舒適～ 一入門就見到蔬菜bar, 好多款色揀～ 適合我呢個食菜獸！！而且d菜好新鮮！ 一坐落臺, d staff 已經好快手幫你落order 同上菜, 而且個個都好有禮貌！ （畀個讚）我地當然係選擇椰子雞湯底啦～  第一around 已經有份好靚既黃金雞同 豚肉 肥牛 加 牛俐～～～份量都好多～ 而且我地係選$168 的餐, 係包埋海鮮任食！ 每次一碟有兩個廣島生蠔同魷魚青口.  值門票價！！！d 雞同埋木瓜 放埋一齊落去煲！ 更加香！而且d雞真係好滑～ 就算係雞胸都好滑, 啖啖肉！ 另外一個驚喜係那個牛俐～ 好少放題會有牛俐食～ 而今次呢個牛俐 色好靚, 滾兩下後, 食更加有嚼勁, 入味. 搞到忍唔住嗌多幾碟！飲品方面, 出jor 道地外都仲有其他汽水揀～  總得黎講, 係一間性價比好高的火鍋放題, 而且環境很好, 餐具那些都感覺乾淨～ 

觀塘工業區以往既印象都係得工廈同埋零星既茶餐廳。但近年開左唔少唔同類型既餐廳，有高尚西餐，樓上Cafe等。而今晚就約左個小學同學去左囍，食日式火鍋。不過呢間火鍋個位置係宏利金融中心入面，從外面睇唔似有野食既。但上左一樓又見到開左唔少餐廳。我地行到門口，已經俾面前既火鍋配料所吸引，種類好多。侍應帶左我同小學同學去左張卡位，坐位夠大，可以坐得落4個人。今晚我地揀左個＄168餐，湯底揀左黃金雞木瓜椰子湯。雞既數量好多下，個湯底好清甜，唔會油膩我出左去出面揀打邊爐配料同醬料。呢張相見到好多唔同既疏菜，肉丸，菇類等我夾左好多娃娃菜，粉絲，菇，同魚旦，呢度既魚旦幾彈牙喎呢度啲野飲任飲架，唔止有汽水，有啤酒，仲有烏龍茶，柑桔檸檬，巨蜂提子等等，仲有自助雪糕添丫。仲有幾款腸仔餐肉，芋絲，豆腐。豆腐都幾滑，幾有豆味。仲有啲打邊爐前菜食下，有青豆，幾香口，壽司都有幾款可以揀。第一次見到日式火鍋既醬料多到咁，好誇張，好多選擇，花多眼亂最鐘意日式燒汁，胡麻醬觀察完四周既配料之後，坐返埋位，見到有3款肉類每款都有2碟，份量好多下。第一款係特選牛脷，牛脷薄切，快熟，幾有咬口第二款係美國黑豚肉，薄而充滿豚肉香味好正

好耐冇見兩個中學同學.....行開觀塘約埋佢哋出嚟食飯......其中一個話想食打邊爐放題....諗來諗去都唔知邊度有跟住打返去問吓啲同事因為有人做行街成日行觀塘尼頭後來個同事話有一間打邊爐放題唔錯咁就問佢攞個地址去試試睇下掂吾掂先講嘢個招牌可惜吾唔係紅噹噹唔係一定會以為同結婚喜慶有關如果想結婚嘅朋友不妨走來呢度Jim下喜慶淨係個鋪頭名都夠晒照今日黎又唔係太多人完全係我哋三條友嘅世界想打橫行都得而且見出面嘅食物都有好多種類今晚一定食到停唔到口啦另外加左＄38要多一碟冰鎮鵝腸汽水就當然任飲啦我起碼飲三罐

觀塘返工不時都會經過宏利大廈，見到囍呢度午飯時間仲經常堆滿等位嘅人，有次行過有人派傳單，咦，晚市最平$88任食火鍋，啤酒汽水都係任飲，加埋一$100有找喎，我覺得值得試下，於是打比老婆大人，叫佢今晚過黎觀塘接我放工，順便試下個火鍋。6:30到，時間仲早唔駛等位，一坐低侍應就比個餐牌我揀食邊款了。$88當然吸引啦，但無牛肉架喎，$138有牛肉但又無海鮮，咁不如揀$168啦，有牛肉又有海鮮湯底方面，侍應向我地推介呢度嘅皇牌--黃金雞木瓜椰子雞湯底檯面仲有埋公仔教你點樣享用呢個湯底添黃金雞到了，而且仲有木瓜相伴。快快脆脆掉晒落鍋先仲預備左個砂漏比我地計時，呢個服務認真貼心。等緊隻雞煮熟嘅時候，把握時間出去望下有咩任野食啦。壽司卷、沙律同枝豆都係可以即食嘅。生菜、菠菜、油墨菜、金菇、翠肉瓜、冬瓜、粟米、蓮藕、豆卜等等.........真係要用包羅萬有黎形容。呢度啲菜類、菇類、丸類選擇真係嚇你一驚，成個街市咁。旁邊仲有腸仔、午餐肉、蟹柳棒、火腿等呢啲肉類都係任食架，真係想唔飽都難呀出去掃完一轉配料之後，返黎時間剛剛好，一打開蓋，嘩，一陣椰子香味直撲出黎。根據指引，我地應該先飲呢個湯，之後先落其他

原本打算約友人去apm食飯，但放工時實在太多人，友人提議去工廠區嗰邊打邊爐，唔駛等位，又坐得舒舒服服，我當然話好啦! 去到餐廳，竟然都有8，9成滿，好彩 walk in 都有位。火鍋放題揀咗B餐$138，貪佢豬牛雞都可以無限添加，湯底要咗黃金雞木瓜椰子湯，其他食物都係自助，醬料嘅選擇非常多，連蒜苗粒，貴州干媽醬都有。但飲品，食物嘅種類都係大路嘢，唔算特別，雪糕似人工合成味道，仲夾雜冰碎，唔得。湯底唔係好食得出椰子味，黃金雞反而有驚喜，見佢似係普通雞件，食落先知佢醃得好入味，幾好食，但味精就落得重手咗少少，食完有啲口渴。另外，豬肉係普通貨色，無咩味，牛肉中央同邊位有啲黑色，我哋都唔敢食，所以豬牛雞我哋無再追加，早知叫A餐都夠食，仲要平啲。雖然門口寫明用餐時間係90分鐘，可能係平日關係，我哋坐咗2個鐘都無人催我哋走，而且店員會主動換碟，值得一讚。