囍 (已結業)

最近不少地方都興起火鍋放題，而且仲係用價錢勁抵作招徠。試過九龍區幾間，質素有好有差，今次轉一轉地區，試港島區，睇下掂唔掂。同其他火鍋放題相似，都係有自助區，俾客人自己拎碟夾食物，喜歡夾多少都無問題，不過當然要珍惜食物，不可浪費啦！蕃茄新鮮，紅卜卜，切成一塊塊，我夾左唔少，將渴底煮成蕃茄椰子味。仲有粟米，我都拎左幾件，滾個湯底會甜好多！菜款都多，菜心好靚，放入椰子湯底到滾，d菜即時甜勁多，黎食嘅朋友一定要試下！熟食方面正正常常，呢個茶碗蒸，即係日式蒸蛋反而令我好驚喜，蒸蛋好滑，好食可再拎！肉類都唔錯，唔會話切得勁薄， 我就鍾意豚肉多個牛肉，幾滑又唔嚡。椰子雞，枱上面有貼埋煮嘅步驟點樣煮， 跟住佢個步驟，就可以食到好味嘅椰子雞。我哋第一round 有焗到個雞，個雞真係會嫩好多。第二round 唔記得左焗，就爭少少。最後食完記得食埋乳酪，即刻消除埋油膩嘅感覺。

雖然依家正值夏天，但亦都無損我熱愛打邊爐嘅心情！成家人一齊，最開心就係圍住個爐十下十下！前幾日上網見到呢間餐廳，係香港仔難得嘅打邊爐好地方，決定同屋企人黎試吓好唔好味。一入到餐廳，見到個場勁大，勁多位坐，座位舒適，光線光猛。坐落無耐點完餐，就即刻出去攞嘢食。呢度有好多款菜，有我最鍾意食嘅生菜，洗得都幾乾淨，綠油油嘅一片。估唔到呢度連紫番薯都有，見到即刻勁開心！連熟食嘅選擇都唔少，不過我反而鍾意呢個沙律，打到一半邊爐食下沙律，成個人refresh哂！呢度嘅招牌黃金雞更加唔使講，咬落彈下彈下，最平仲充滿油香，最正係佢滲哂椰子味，我哋總共叫咗三轉雞，即係一隻半，食到勁飽！非常之滿足！仲有我哋嗌左個鵝腸，好爽口，而且清洗得好乾淨，食得好安心。

悠長的暑假瞬間消逝，今天開學啦! 回到校園大家不忘互相問候一番。見到一些同學消廋了，原來她們在這段時間不停做運動減肥。亦有同學不忘增值自己去報讀D興趣班或補習課程。當然最開心的就去旅行啦!妳一言我一語話咁快就到午餐時候，隔離位同學就約我一齊吃飯。她提議去食日本便丼因附近有間曾去過的食肆現改了名叫喜喜，以日式為主題(當然是港式的日本餐廳啦！)餐廳內環境沒太大改變，只是中間一排長卡位改造成兩排面對面的四人卡位。但食客明顯比上任餐廳多，幸好我們行快一步固不致要等位。因自己不喜愛吃飯固點了個豬軟骨拉麵。濃郁的猪骨湯底，豬軟骨炆得夠淋又滑;而拉麵亦夠爽口。同學就叫了個韓風泡菜餃子鍋丼。泡菜很多湯底惹味，本來餃子煎得香口可惜放埋落湯一齊;令到餃子皮卽時浸淋，吃來感覺不好。幸好配料豐富有熱辣辣的燉蛋，麻醬豆腐，飯和面豉 湯。而後三種配料是可以自行加添,老闆毫不吝嗇。另外如客人能提供學生証或該區內任何機構的會員和職員証更可免費飲品一杯。

吃過好幾次囍，覺得雖然質素不算是頂級，但價錢絕對親民。每次吃後都覺得很抵吃，百多元便可以食到很飽，又有很多選擇。今次我試試吃最貴個餐，$398/人，看看有什麼分別。先來是最貴的J級手切牛。J 級的牛肉是美國牛。上桌時用冰墊底，扇狀打開，配上大量均勻雪花，什是漂亮。而且這個牛肉更時任點的！我們都多點了2次，勁番本！牛肉肥瘦比例平均，入口無渣，油香重，牛味香濃。這個餐餐有任食刺身放題，先會上一盤，要再點時可填表格。刺身有泰式生蝦、三文魚、吞拿魚、希靈魚、甜蝦、八爪魚、鱆紅魚、帶子。泰式生蝦用藍尾蝦做，大大隻，跟泰國餐館有得揮。泰國餐館一打都80 蚊以上，這兒是任點。蝦身夠彈牙。甜蝦無頭，細隻，較失色。試過就算，不會番點了。番點了三文魚和牛肉，所見刺身沒有冰底了，所以要盡快食。但味道還是不錯，質素跟第一次來的一樣。出面可見師傅即場切刺身。打邊爐的雞我很喜歡吃，不過今日變配角了，主力吃靚牛！

平時打邊爐通常都係以牛肉做主題，食牛肉居多，食得多都有時厭厭地。今日轉下口味，黎食用雞做主題嘅放題邊爐，個雞重要係自己養，唔係用急凍雞！食落果然味道同肉質都有分別！個雞味好濃，比起出面嗰啲鮮好多！而且雞肉食啦仲好紮實，咬落啖啖肉，喺成煲椰子水到滾，啲湯吸晒雞嘅精華，食之前飲左兩碗湯，真係好鮮甜好好味！牛肉平時食得多，今次黎係主攻雞嘅！所以我無咩點食牛肉今次，不過佢地質素都ok，唔差，絕對係對得住個價錢。大量丸類 蔬菜 飲品 可以自己行出去仼夾仼拎！連雪糕都有得自己斟，有得玩又有得食，認真唔錯！另外，好鍾意呢到環境闊落，空間感十足，坐落好舒服！唔洗迫住迫住咁坐！

以前細個在香港仔食飯，都無咩好食。一大班人的時候，就會選擇食pizza。幸好現在香港仔多了好多唔同種類嘅餐廳，啱哂我地可以試下新野。先點了湯底，椰子雞湯底，用上半隻雞去淆煮，湯底清甜滋潤。而雞皮呈金黃色，燈光打上去，閃閃發光，雞肉更彈牙。我們另外加了一個鵝腸。鵝腸是鮮鵝腸，跟坊間的急凍鴨腸不同。色澤豐潤，而且還有用冰底疊著。很有氣派。鵝腸半肥瘦，但肥的部份白雪雪，所以我都不擔心。輕淥一下，油脂半凝固般，令到油脂味道更濃郁，而鵝腸更肥美。吃到索索聲。全臺最靚就是鵝腸，值得加追！而任取區有壽司、蔬菜等等。壽司是反卷，三文魚反卷味道很不錯。豉油醬料是火鍋基本之一，呢度勁多唔同醬料。我溝到全個碟都是杰達達呢！任取區還有丸類、腸仔之類，我比較喜歡腸仔，腸仔吸收了椰子湯的香氣，好好味。豆腐都是必吃之一，好滑。但要用網網好。飲品好多款，我一直飲柑桔，甜甜的，解了火鍋的熱氣呢！

今天來香港仔探親戚，見到這裡開了囍放題！之前在觀塘吃過一次了，非常抵食，想不到會在香港仔與她重遇！還沒想好晚餐吃什麼的我，就提議到這裡晚餐！最期待是椰子雞，一來到就香味撲鼻！店員先解釋如何煮雞，要滾多久，焗多久。等到漏斗漏完再焗下就可以吃了！雞肉奇滑，肉質也富有彈力，結合椰子水的芳香，我們encore了幾次！餐廳還提供青檸，可以放落醬油內，用來點雞吃，酸味味的，別有一番風味。加錢點了刺身拼盤，魚生色澤不錯，而且很新鮮，款式也不少，點多幾轉就回本。三文魚還有魚腩，肥美得很！仼夾仼食的火鍋料也沒有令人失望！款式多，應有盡有，百幾蚊完全是坻到爛！還有海鮮盤，魷魚很彈牙爽口，而且體型甚大！沒想到生蠔都是任食，我們吃了不少生蠔，買這個生蠔完全沒有腥味，令人覺得好驚喜。

我們一直甚少打邊爐，但聽聞這間的椰子雞湯底不錯，所以我們便驅車到香港仔，試一試是否所言非虛。停車場跟餐廳很近，我們在樓梯一上地面，對面已經是餐廳門口了。平日的夜晚不算太多人，不需等位，便可安排入座了。湯底有不同選擇，我們經商量後放棄了商店的椰子雞湯底，點了男友想試的龍蝦湯。蝦湯呈咖啡色，聞上去有很香的蝦味，飲下去時，沒有太大海鮮味，反而較像雞湯底。我們加了＄18，有一個雜錦天婦羅。材料有天婦羅蝦、南瓜、茄子。蝦肉炸得脆身，蝦肉爽口不會淋pat pat。中間有一個任食及任取區域。有蔬菜丸類、熱食甜品等等可以任取。有一款汁煮炒飯。看上去還不錯。但是白飯太飽了，食火鍋不想食太多飯類。但男友竟然把炒飯都拿過來。他說炒飯加在火鍋湯底，造成泡飯，味道會很不錯。白飯雖然用泰國米，比較長身，吸湯能力不比珍珠米好。但火鍋湯底吸收各種食物的精華，加上了白飯還是很好吃。另外的是一款關東煮，很少地方的任食放題會有關東煮。我們都有取來一吃，關東煮的食物都爽口，而且充滿醬油的甜香，很有風味。另一款是西日風味的芝士焗烏冬，有番椒、冬菇薯仔加上雞肉焗煮。蔬菜青椒經過焗製後，香甜的蔬菜味道發揮出來，醬汁中的芝士奶香味又

主旨港式日本菜 香港是美食之都，無人不知，但是何時引入日本菜，則可能十個港人有九個都答不出來，其實香港地之日式食店真是五步一樓，十步一閣。但相信真的引進正統日本菜，則可不是那麽多，大多數都是掛日式招牌，港式做法，但只要有生意做，誰理會。 我和太太剛在香港仔光顧了一間由喜慶集團經營的日式食店，叫喜喜，款式真的包羅萬有，無論日式定食，火鍋，壽司，日式拉麵，刺身都有。因是午餐原因，我只要了一個豬軟骨拉麵，太太則要了一個韓風泡菜餃子鍋丼，先說我的拉麵，其實味道和外边的日式拉麵店差不多，濃濃的豬骨湯，但是它的配料卻是真材實料三大件豬軟骨，咬口夠淋，麵夠爽口彈牙，雖無驚喜，但以56元包一杯檸茶計，則尚算便宜。反而韓風泡菜餃子鍋丼則有驚喜，除了主菜餃子泡菜丼外配角都不輸蝕，有味噌湯，芝麻醬豆腐，及头燉蛋等，當中燉蛋入口嫩滑，豆腐更似入口即溶，同樣包一杯飲品，只须48元是超值。這個套餐更徐了主菜及飲品，其它配菜有些是無限添食。總之如到香港仔揾食，這裏值得一試，唯一不好的地方，就是人多的時候要搭枱。

每月出糧緊係要食餐好！今日專程黎香港仔食椰子雞放題！聽講好正，唔試唔得！！餐廳環境都幾寬敞，客人數量都幾多，好彩我地有訂位，唔洗點等就入得！自助火鍋材料區，蔬菜丸類都好多款。最正係菜好新鮮，喜歡吃菜嘅朋友好開心！丸類放得好整齊，乾淨度幾高！到期待已久嘅自養雞，半隻半隻咁上，雞肉勁滑，好彈牙！喺椰子湯中滾，吸哂椰香，好好味呀！我地揀左最貴個餐，係和牛黎，雪花好靚，油脂分怖又均勻，肉香又夠濃，非常好味！雖然貴點，但一分錢一分貨！值得一點！鐘意食雞嘅朋友，非常推介呢到比大家，個雞真係好少地方有咁好食，仲要係仼叫仼食！

這似乎是一所新餐廳, 裝潢都很新淨, 座位舒適程度算可以, 侍應為後生仔女, 服務正常.與友人選擇了無牛的$128餐, 價錢上冇得輸, 多加$39有所謂的刺身放題.先說火鍋, 除了椰子雞及第一輪的豬肉頂級美味外, 其他配料不值一提, 連公仔麵都沒有. 再說刺身, 明知$39不是甚麼錢, 但我們都只要求正常的三文魚, 除了第一輪的四五片過得去外, 其餘的一係好厚, 一係好死實, 俾人惠顧火鍋後用優惠價格叫的都不要那麼差啦. 另外的甜蝦一般, 品質比正常日式放題的差一級.再有機會光顧都不會再加錢要刺身放題 伏

平時非任食嘅火鍋叫一個蔬菜藍都要幾十蚊, 呢度嘅蔬菜係任食嘅, 健康嘅我梗係要食好多菜啦! 生菜非常之新鮮, 非常之爽脆, 菜葉一啲無虫蛀佢嘅雞份量非常之多, 用個漏斗去計時, 漏斗漏完之後雞就食得, 再點一點青檸汁再加佢哋特製嘅沙薑, 感覺非常之好食, 滋味無窮, 雞肉嫩滑無比有靚火鍋料，也要有靚湯底才算完美配搭, 特濃蕃茄湯, 個湯底來突出火鍋配料的鮮味! 我最喜歡的莫過於蕃茄湯底，那喝起來清清爽爽，又帶點酸酸甜甜的味道相當令人享受第二個火鍋配料我覺得係好好食嘅就係 牛舌, 原來用黎打邊爐係非常之正, 牛舌切得夠薄身, 再烚一陣間就食得, 咬口非常之爽脆, 有蕃茄湯底, 令到牛舌嘅味出曬嚟!

椰子雞湯一直被認為是女性的滋補佳品，可益氣養血、美容養顏, 無諗過原來椰子雞湯打邊爐係咁正, 完全無違和感, 仲好滋味添! 中式的椰子雞湯味道十分清甜，帶有淡淡的椰子香氣餐廳介紹我地用漏斗去計時，方便控制雞滾熟既時間! 一打開蓋, 雞開同椰子湯既香四溢! 雞肉好滑, 有椰子湯味道, 啖啖汁鮮味美, 特別好食!餐廳提供超過過百個個座位，空間感好強! 冷氣又夠, 打邊爐都吾會覺得熱!多款火鍋配料任食, 丸類, 菜類、餃等應有盡有, 一次過嚐盡多款真正鮮味, 熱盤小吃、雪糕、飲品啤酒無限量供應, 一啖啤酒一啖雞, 好爽!

呢間日式火鍋放題店開張咁耐都未曾食過，行開見午餐餐牌幾吸引，一於試下午餐質素好唔好先～每個丼飯配前菜、蒸蛋同味噌湯，出示唔同證件仲有冷熱飲送添！鐘意食牛舌嘅我難得見到牛舌定食就緊係叫啦！平時起碼40蚊以上嘅定食宜家33蚊就食到～寨睇賣相普通，咖哩味道似係即食咖哩，不過仔細睇原來都有6,7塊燒肉咁大嘅牛脷，一啲都唔「牛舌粒」！牛舌煮得好腍，厚切都食到，配埋咖哩汁非常送飯！前菜有青瓜螺肉，食落幾爽口，味僧湯同蒸蛋都比較稀，味道普通。蒲燒鰻魚飯有大量蛋絲，同醬汁一齊拌飯已經非常搶味。輪到主角鰻魚都唔輸餒，鰻魚原條取中間部份厚切，表層輕輕一燒配上鰻魚醬汁同芝麻，口感肥美，略嫌有唔少中細骨，要邊食邊抆走。午餐整體感覺唔錯，前菜、飯、湯唔夠可以再加，係蒸蛋比較稀、放涼左上枱食左嗒就唔想食，贈送嘅凍檸茶大杯，最後結賬先知唔洗加一！如果想搵個地方坐耐d同舒服d，呢間係唔錯嘅選擇。

同屋企人去左香港仔打邊爐，「囍」係任飲任食的！但係食物絕對唔馬虎！又夠哂抵食~如果想再抵 d就可以9:30pm先黎！就更加抵黃金雞木瓜椰子湯底！！d雞係鮮雞雞味好足！最犀利係夠哂滑超好味~再配埋 d青檸沙薑汁黎食！！絕對無得輸湯底滲透住d椰子香！真係堅好味！雪花肥牛色澤鮮明雪花油脂平均~輕輕放入椰子雞湯底內拖一拖好味呢肥牛嫩滑非常軟淋仲有好多唔同既火鍋材料~d丸類做得幾正仲有 d熟食炒飯炒麵都做得好好味星洲炒米做得好入味又夠哂惹味同埋飲品又任飲！汽水啤酒無限供應，環鏡又坐得舒服下次再來