四十一冰室 (已結業)

早餐見有牛奶粟米片+水果+鬆餅，好吸引。夢想是切粒水果杯，點知原來係條蕉，失望。鬆餅變咗提子包，再添失望...奶茶是淡奶水，算啦預咗。不過整體組合都ok啦，食得健康，好過朝朝都餐蛋麵。但唔明點解要用即棄餐具，唔通洗碗阿姐未咁早開工？...

前陣子3月尾美荷樓的呼吸冰室因為租約期滿所以要告別大家, 估唔到唔夠兩個月又開番店!不過今日美荷樓開放日, 嚟到見到冰室同士多都改咗名做四十一座冰室同四十一座士多!咁近屋企梗係要到此一遊順便喺度食個早餐! 早午茶晚四餐既餐牌都係固定的! 早餐只有三款選擇先影影全新裝修, 冰室內重新裝修後, 安放咗好多懷舊物品如九因歌,天下太平等....「正呀喂」呢個鐘好明顯係冇插電...今日係21號(嘻嘻)講到懷舊, 點少得樽裝可樂! 如果有埋蓋掩換搖搖既擺設仲正冰室四圍環境雖然裝修得好靚, 但係我覺得失去咗前身既一種氣質可能開店冇幾耐, 所以冰室職員都手忙腳亂, 食物方面都算幾差, 尤其是個乳酪餐, 得一件鬆餅, 幾塊沙律菜, 一杯乳酪同一個蘋果, 覺得好似唔值$30!唔可以用好食嚟形容, 只可以只是話食得入口!如果驚唔夠飽大家都係食糯米雞餐好D! (三個早餐Set都係同價$30)杯嘢飲真係沖得好難飲, 我杯熱奶茶唔係啡色唔係肉色, 係白色囉!(非常多奶)

換左腦闆的冰室，前天再訪叫了一點都不平的香煎豬扒配意大利磨菇飯，食到中間是硬的，都幾難哽，豬扒事前已被拍到扁哂，用佢把專業跟餐用的刀我花了十幾廿秒才能將它切開，即磨咖啡是暖暖的且份量如餐湯一樣少，其實整體感覺失望，請用心去提供食物給遠道而來的食客好嘛，選擇已不多，你也可以把食物弄成這樣，雖知你是最近提供食物給青年旅舍的餐廳，請不要把外國旅客嚇走好嘛

星期三見美荷樓社企冰室換了老細末來過，約埋朋友１１：３０來，裝潢沒有多變，早餐有3款，見只得幾位人客，一於等到中午才叫午餐。我是第四個人客點菜，我開始就要取“鐘” 等領取食物，等了1O分鐘，盤上只放了意粉，食具飲品例湯一概沒有，問店員其他東西是否再晏D取，他一臉迷惘，叫我再講一次話即刻執比我，其實意粉旁邊有單，清楚列明我點了的食物，我再講一次，店員即執，依然沒有餐具，眼望四周沒有餐具可取，向店員追問，餐具送上。看來運作不順暢，人手經驗不足。出面天氣悶熱得很，幸好餐廳冷氣充足。先來試試咖啡，真糟糕! 😖 稀得像是洗咖啡壺的白開水，沒顏色沒咖啡味，我不敢相信有專業咖啡機，那有可能沖到一杯那麼差勁的咖啡?! 我勉強自己飲多2啖飲真D，結果，朋友與我同樣把整杯咖啡放棄。紅湯味道一般茶餐廳水準，加上茄膏製成，酸酸甜甜有D醒胃，但油膩了小小。龍脷柳超市貨色，沒有雪味，只是份量少了點。白汁不是忌廉打的，是生粉開水，仲要吾夠鋪面!整體而言，服務及食品都強差人意。

29/5$80/2人雖然上星期是開放日，但沒時間去看。到今日才有時間，去幫趁它們的下午茶. 其實我已經去過美荷樓的前餐廳了, 但感覺是完完全全吃環境. 雖然現在也是吃環境, 但取景地點也很多, 而且食物也比較西式. 好像今次我們去到, 時間是晚了一點, 最受歡迎的三層下午茶SET已賣完. 我們便叫了pancake餐(包餐飲). 另外叫了一杯Latte. 咖啡Latte始終不是主打, 沒有拉花, 只用即棄紙杯裝, 咖啡略稀. 再說pancake, 賣相出色, 碟邊都有蝴蝶圖案, 又有焦糖醬圍圈. 香蕉外層用焦糖包著, 咬下去有脆又有淋 . 但薄餅本身就比較硬, 好一般. 不過都是來感受文化氣息為主, 順便讓大家看看懷舊環境吧:

見美荷樓冰室重開，落雨都走去試下，點知失望而回!同之前比較:速度，分量，味道都下降左，所以比較失望。如果第一次去的朋友，感覺應該會好d!因為網上見到超推介的豬手要晚餐先有得食，所以今次食lunch叫左all day breakfast加凍檸茶做lunch啦，食物來到全部都係凍冰冰，腸仔只有半條，苦的紫生菜，少量茄汁豆，個鬆餅味道唔錯，有我鍾意的提子乾，可惜超級乾淨淨，唯一可取係少量甜粟米。如果大家去食的話，強調建議大家食其他野食!

睇到有website介紹呢度新開張，所以同朋友來試吓～啲嘢食都唔差，當然未算好好味！但都非常欣賞呢道大磨菇配黑松露薯蓉，黑松露好香、個磨菇好多汁！最鍾意呢度空間較大，同朋友來傾計一流👍🏻希望遲啲有多啲新菜式，同埋咖啡！

隱世既法式西餐降落在這座特色文化遺產既角落裡，今次同朋友經過美荷樓，一賞文化演變的發展，行到攰，想坐下食個飯。這餐廳是附設在旅舍內的我同朋友叫左3個特色菜1. 烤大啡菇配蘆筍2. 特色豆腐軟包漢堡雖然已經好飽，但食甜品永遠都有第2個胃3. 焦糖香蕉鬆餅這餐法式西餐好美味好飽由於這裡是旅舍，所有用膳完畢後，各人要把餐盤放回收集處