四十一冰室 (已結業)

美荷樓變身青年旅舍, 內有一間冰室House 41. 剛好尋晚深水埗行完街, 想起去呢間冰室晚餐。大家注意冰室係自助形式, 到櫃檯點餐, 取餐, 餐後需自行收拾托盤~!!! 冰室的裝修好有味道, 第一次去既朋友不妨花時間看看每個牆身既裝飾~ 可能唔係太多人知道呢度有餐廳既關係, 人流唔算密集, 靜靜地坐低傾下計真係好正! 食物點了一客漢堡一客羊架. 漢堡幾好食, 羊架帶點點羶. 薯條值得一讚! 即使放涼了但仍然係脆脆的, 好好味呀~~!

禮拜日晚係深水埗買完野，同朋友想搵間食all day breakfast.就搵到附近美荷樓呢間冰室。係黃金步行過去10分鐘左右，都唔算太遠。黎到望望meun,發現原來夜晚冇all day breakfast.所以我地就揀左其他野食啦。首先係炸鱈魚併鐵板薯條配蛋黃醬。我自己好怕食好腥的魚，但呢個炸鱈魚超級好食。係我食過最重魚味的炸魚！但佢完全冇腥味。點唔點蛋黃醬都好好食！配埋粗薯條。對於薯仔愛好者，呢個薯條真係無得輸！入面係好林的薯蓉咁，熱辣辣咁點埋蛋黃醬好正；佢仲有沙律伴碟，一d都唔係heahea伴碟。沙律用埋黑醋！$68好抵。之後就叫左卡邦尼扁意粉伴帕爾瑪火腿，都係$68,跟餐有湯/沙律，再加$12配左雜果賓治。意粉超級creamy,但係唔會食到膩！通常卡邦尼意粉第一啖好好食，但愈食愈流！呢個完全唔會。好推介大家食。另外野飲就普通，冇咩特別。但係入面就有好多雜果，足料。最後點呢個德國咸豬手配酸椰菜$128,呢款要等耐少少，都係餐有湯/沙律配。我地就再加$12叫埋草莓沙冰。呢個豬手上嘅時候已經切好一舊舊，好方便！唔駛自己切。味道一流，皮脆肉嫩！份量都幾大，如果呢個價錢，真係水準以上。佢

兩年前吃過一次，那時是平日，人不多。之後假期去過幾次，都滿座所以吃不成。但今次行完嘉頓山，見House 41竟然得少貓幾隻，當然入去hea下看看書。當時我不擦覺為什麼人少了，只是以為12點多人還未到，但吃完那個下午茶三層架，我都要想一想以後還要不要來。其實看價錢牌覺得好很貴，所以想叫個下午茶三層架兩人分著吃。而且才吃完豬潤麵沒多久，行那個嘉頓山根本消化不了幾件豬潤。這個$98下午茶三層架是一人份的。不包飲品，但可以加$8要普通飲品或$12要特飲。只可加一個，因為是一人餐。你覺得這杯是什麼？是價值$12的特飲！英國早餐茶！我想像中的早餐茶是有茶壺讓你慢慢享受的。不是一杯好似茶餐廳提供的免費茶水!我只能興幸剛才問店員可否叫兩杯時她說不可以，要不然真是喝也喝不下。但我們還是可以學著有茶壺的慢慢添飲。因為這裏有自助水機！就是扮不了上等人啦，變了個妹仔不停走來走去添水囉。說回這個下午茶三層架，三文治普普通通，麵包有點乾，一點都不鬆軟。 而鬆餅可以改名叫硬餅。這個是三層之中最好味。不過，我要提醒，那個不是雞脾，是雞翼切開兩件，所以是很迷你的，現在近鏡才以為很大件。而正正方方的應該也是雞，味道過得去

相約友人 到美荷樓逛博物館。 那天天氣非常炎熱 ，去到的時候， 已經全身 被汗水 濕透 。也不想看博物館了。 就匆匆走進這家 。。。懷舊的 四十一冰室 ，打算先吃過午餐 ，才慢慢逛博物館 ，和這棟歷史建築物。餐廳不是很大 但它的 地方。。。劃成了一間間房間 。。。每間都有一個不同的懷舊主題 ，有的掛滿了 七八十年代的黑膠唱片， 有些則 懷難兄難弟的舊 。餐廳的枱椅 ，也像是 從遷拆的屋邨 拾荒得來的一樣 ，每一張看來都很有歷史 ，把這些雜牌軍 桌椅 放在一起， 卻又有一種 難得的違和感 ，感覺十分詭異， 但卻又顯得 平順與和諧。匆匆叫了焗豬扒飯 和 樽裝維他奶， 都是挺港式的飲食 ，它是 採取自助的形式叫食物的 ，也要自取。 但是價錢挺便宜， 才五十多塊錢 一個套餐 ，十分抵食 ，而且味道也不錯 ，值得給一個讚。。。

嘉頓山本名喃嘸山，全因山腳有間嘉頓麵包廠，香港人熟悉的紅色標誌令人印象深刻，也容易記認。位於深水埗和石峽尾之間的一個小山丘，設有晨運徑，登山只需要數十分鐘，適合日常生活忙碌疏於運動的都市人。座落於市區之中，能親近大自然之餘可以俯瞰附近的舊式建築，如美荷樓、石峽尾邨和參差不齊的唐樓，懷緬香港的濃厚人情味！由於媒體廣泛報導，依家每次上去都人頭湧湧，想霸個靚位欣賞黃昏美景，要早D上去喇。今次值得推薦的是在起點美荷樓的四十一冰室。 店內佈置相當有舊香港特色，大部份顧客係樓上住客(美荷樓由徙置大廈改建成青年旅舍)餐廳主要提供簡便西餐，仲有D fusion菜，行完個靚山，影完靚相，係呢度食個Dinner，打個靚卡就perfect池喇。嘢食就一般喇，普通西餐水準

一路係咁食，夜晚食完黃金冰室，之後直去'41'hea環境真係好唔錯每個間格都有特別設計主要都係用兒時遊戲，例如天下太平，象根切公仔，蛇棋，鐵皮箱之類做display坐位有供大夥兒一起的郊外式的大木檯，有卡座，有sofa...食物其實真係好一般，尤其琴日食完夏雪，再食waffle，真係好有比較。not my cup of waffle 炸魚薯條又唔錯野食係先買後自取形式係'41'食嘢，記得只係用食環境心態，食物以一般的心態而去，就唔會大失所望咁離開。

四十一冰室位於美荷樓地下，係香港懷舊冰室style嘅一間自助式餐廳。自己搵位坐，自助式取餐。巴馬火腿蜜瓜芝士沙律伴溫泉蛋(蜜糖芥末汁) ($58) 巴馬火腿咸咸地同蜜瓜幾夾，如果蜜瓜再甜啲更好，蜜糖芥末汁甜甜酸酸好開胃。個沙律份量唔少，仲有溫泉蛋，食完都好飽。英式炸魚併薯角 ($58)朋友點的炸魚併薯塊加薯角。魚炸得唔錯，不過份量少咗啲，薯角本身有少少辣味，好食！座位很多，唔會有人趕你走，又有好多影相位，可以hea 一個下午。

呢個星期落雨落得飄忽 落下又停下一落就落到黑雨咁樣終於星期六中午收工 見個天終於正常d放晴 就一改計劃 改去美荷樓食野 兼行嘉頓山美荷樓依家做左hostel呢日見到有團體係度搞summer camp亦有朋友拖住行李係餐廳度hea下等check in搵日週末約fd黎玩兩日一夜都幾好唔洗次次都要山長水遠入離島Menu轉左 刪減左部分菜式 想食既班尼迪蛋已經無左最後選擇 $58 C4 黑松露蛋奄列 + $8 熱朱古力行左一圈 揀左個卡位裝修好有特色見到有d學生約埋係度做功課真係青春啊 點餐後好快有得攞茄汁 芝士粉 沙律醬都係自助既個餐望落幾豐富熱朱古力夠熱 夠濃薯餅新鮮炸起好脆巴馬火腿兩大片沙律菜都幾多不過個黑松露奄列就麻麻喇以為係有餡既其實無既雖然視覺上好大份 又好多黑松露但其實松露味幾淡 食到咬哂頭呢度野食一般 勝在人少d 可以hea下

今日同男朋友行開南山村影相，順道過埋黎美荷樓食個tea..本身諗住食下午茶，點知行到過黎太晏，冇咗了。我地嗌咗個FISH & CHIPS+ MINT CHOCOLATE 本身冇乜太大期望，依個估唔都幾好食，啲魚炸得幾好，唔止剩係粉，同埋魚係滑嘅。佢配埋個沙律感覺上冇咁熱氣（自已厄自已中...）月而佢地個mint chocolate 不過不失，係個底唔知要攪，所以好甜。總括而言，環境係有特色的，星期六都冇乜人。下次可以試下其他嘢，坐耐啲同影多幾張相 。

四十一冰室🤞🏿我發覺去開cafe之後真係有鋪癮😍呢間位於深水埗，算係青年旅舍入面 裝飾好特別 freestyle就冇不過就十足Hong Kong style啦😆🔥下午茶三層架 Hkd 98 😀入面有火腿三明治，提子鬆餅，泰式單骨雞翼，蝦多士，迷你忌廉泡芙，紐約芝士餅加12蚊仲有特飲😋我叫左香蕉可可沙冰！最中意佢既迷你忌廉泡芙💕真係有驚喜入面會流心咁好creamy好好食der~👍🏿最唔中意佢既紐約芝士餅，好甜好怪☹️其他食物都okay~至在同朋友坐底傾下計～影下相😻🔥地址：四十一冰室 (石硤尾)石硤尾巴域街70號石硤尾邨41座美荷樓地下

小女生今日想去美荷樓參觀，所以我就她去順便吃午餐。由深水埗地鐵站行過去大約十分鐘， 可能係星期日嘅關係，下雨天都有好多客人。 這裏裝修獨特， 是拍照的好地方。 餐單上面都有好多種類食物選擇，焗飯、漢堡包、薄餅等等…小女生就選咗一份炸魚柳薯角 ，而我就選了一份沙律。這裏是自助形式，點餐後會給你一個震動儀器。熱辣辣的炸鱈魚柳脆漿很薄，魚柳配上蛋黃醬非常美味,辣味薯角也非常惹味， 配上清新的沙律，讓你不覺油膩。巴馬火腿蜜瓜沙律賣相非常好 ，不過份量很少 。沙律菜很新鮮 ，但巴馬火腿味道較淡，不過密瓜很甜，配上溫泉蛋口味獨特清新。香蕉士多啤梨沙冰上有很多cream, 喜歡cream的必定大愛，香蕉加上士多啤梨，味道也不錯。

想左好耐ge嘉頓山行今日終於實踐左啦！行到身水身汗，天氣又熱到咁，就去左美荷樓入面個間四十二冰室休息下。今日人唔算多，入到去叫野食，失望ge係，無紅豆冰，無涼粉冰，無雜果賓治，無沙冰。收銀姐姐一輪咀講完，我聽完o哂咀😮。大熱天時先黎無呢d野飲，你個menu要黎做咩？我地先叫左個巴馬火腿蜜瓜溫泉蛋沙律，老公要凍齋啡，我就要一支麥精，因為佢咩都冇.....出菜就算係幾快，無一陣就有得食，賣相都唔錯成個配搭係夾ge，蜜瓜甜，成碟野算有水準👍🏻。食食下覺得唔夠喉，再叫多份意式拼盤同埋夾餅。呢個真心覺得抵食一碟食到唔同ge野，每樣都夠新鮮。雞翼炸得鬆脆，但係加d泰醬係上面就話係泰式雞翼呢下就......我建議大家去知名快餐店食算啦。「我完全食唔到有花生醬，完全食唔到有呀！」老公食完就係到咆哮😫。點解呢？呢碟野ge名堂係花生醬夾餅配焦糖香蕉，咁花生醬去左邊！其實係有ge,但真係好少好少好少....塊餅好乾身，唔ok，好滯肚反而上面d香蕉，士多啤梨，藍莓同棉花糖係呢碟最好食ge食物。飲品方面，老公話杯啡ok,我支麥精有咩好講？冇啦😒希望佢下次有番d特飲，唔好再咩都冇

這間cafe在美荷樓，叫了咖啡，朱古力及維他奶，熱朱古力都幾大杯，個杯幾靚，一啖飲下去，唔熱既，朱古力唔算甜，不過唔熱唔好味啊……鮮奶咖啡，賣相也好靚，但又是唔夠熱，雖然也好香咖啡香味，唔熱真的唔好飲的！！支裝維他奶，很難唔好飲吧。環境好大，好多位，也好舒服的，我見到有些下午茶餐，仲有tea set，兩層的，價錢算是合理的呀！因為只有一間cafe，所以好多人的，好多也是年輕一代呀！服務也好的，如果飲品真的係熱的會更好！！

今日去行美荷樓， 上網search到呢間冰室環境幾好， 十二點零嚟到， 先喺度食個lunch。間冰室好大， 用框分隔多格，每格可放唔同size嘅枱， 二人， 四人， 甚至坐得六至八人嘅長枱都有。 有唔同特色牆:卡通畫， 舊黑膠碟，花碼牌.....。 叫咗個什錦素菜香草忌廉汁扁意粉 ，另外一個英式全日早餐 ，包湯 。但係餐飲要加$8. 自己先到售票處買票， 然後畀個牌你，當食物預備好，牌叫就自己出去攞嘢。 一齊去買兩個都係飲凍檸茶， 點解先嚟咗一個嘅 等咗大概十五分鐘， 英式全日早餐 有啦。 再等多大概五分鐘 什錦素菜香草忌廉汁扁意粉都有啦。 今日係閒日，得嗰四五張枱有客， 點解要等咁耐嘅？ 個湯唔得，湯上面有層油。食物都ok， 意粉嘅忌廉汁恰到好處， 唔會太濃。嚟呢度主要係食環境， 扮下文青咁話啦😉

前身係美荷樓呼吸咖啡，依家變咗41餐廳，雖然食物價錢有所下調，環境都坐得舒服，但係食物就......超難食喔！今日食咗個下午茶三層架，費用＄98一個，再加＄12有一杯紅豆冰，三層架嘅食物包括有三文治、鬆餅、雞翼、沙律菜、春卷、咖喱角、芝士餅、窩夫窩夫，賣相好似好靚好豐富，但除咗份三文治同鬆餅之外，全部都好難食，粉雞翼仲要係炸到燶晒，咬都咬唔落，果舊芝士餅同窩夫好淋，啲cream溶晒，雖然價錢係平，但係啲食物都唔好難食得咁緊要掛，實在太過分！