四眼仔腸粉

营业中

休息中

講真味道好一般到唔值得一提, 不過附近學校多, 多冇乜錢學生仔慳錢排隊買黎食, 唔好講話我食過佢D醬有烏蠅, 我係香港由細到大食過既腸粉都冇50都有30檔, 叫人地落多D醬都未試過話唔得. 呢檔唔知係咪以為自己衝出粉嶺紅遍香江, 我咁大個人居然比個鄉音既亞姐鬧. 食腸粉如果連醬都孤乜寒咁不如摺左佢改賣第二樣野啦, 人地好多檔都係特登擺出黎任你落.(講真呢D根本唔會有人落到水浸咁, 因為根本濃到食唔到!落得你幾多?咪又係有限...) 跟住以後話過冇下次. 粉嶺火車站車仔面檔一樣有, 人地人流唔會少得過你, 已經唔再係自家製仲請埋D冇禮貌婆整衰自己.(利申: 本身不太憎所有大陸人)  (註: 由於第一次POST, 若果我既內容應該打係題外話, 請版主搬一下, 謝謝)

有時真的不想食正餐，呢個時候最好就是掃街，掃街也是香港特色之一，尤其是腸粉，豬皮魚蛋粉果燒賣還有牛肉簡直正到冇朋友😋呢間位於粉嶺聯和虛的四眼仔腸粉正正就有齊以上所講的街頭美食👍🏻食腸粉首先腸粉要滑有米味，之後就係醬汁要多，甜醬麻醬豉油再加上芝麻直頭絕配。燒賣有咬口加上醬汁配合得唔錯，粉果大隻花生夠香脆，但腸粉就不夠滑身真的有點美中不足，但是已價錢來說真的算不錯了

🙌又係伯伯 ‪#‎巧手篇‬ 🙌去開粉嶺，緊係順便出閘試下該區美食啦😋反正都由九龍一場來到新界小店性價比非常高🤘吃到飽都係🙊$20有找真係...實在...肯定腸粉一食落去夠哂柔軟滑溜，伯伯對巧手真係不得了😌果皮魚旦帶香，口感正宗實在😽仲要辣汁調教得出色入味😍肯定你會返轉頭再來一份豉油是獨門秘方，甜辣醬更是用上錦珍牌👍你話幾正斗

食完午餐仲有d口痕, 就去食返個充滿回憶的四眼仔......依蓞排長龍, 就証明深得民心 (但千萬不要誤會要等好耐...因為佢地熟手的手法好快就可以清到一條長長的人龍) 腸粉依蓞係腸粉, burn sell 依蓞係 burn sell, 辣魚蛋依蓞都係辣魚蛋... 真係充滿回憶的味道...就算人大了, 食過無數街邊既腸粉, burn sell, 辣魚蛋都係無人可以取代得到四眼仔既地位...其實食腸粉最緊要個醬混得夠香.... **注: 豉油夠多才是皇道呀呀呀呀** 

來到粉嶺當然要吃一下聞名已久的四眼仔腸粉！ 據說小店因「便宜抵吃」而出名的 一早來到已經要排隊了，成為了很多學生上班族的早餐呢。 小店是可以站立吃和外帶，沒有堂食的。 一店員負責收錢+落單，一個負責整，手勢非常純熟很快手啊～價錢方面都十分平民 腸粉3元2條 / 6元4條 魚蛋3元7粒 燒賣3元4粒 最底消費6元起，我點了腸粉魚蛋和燒賣叫了辣魚蛋的關係，腸粉都沾了辣魚蛋的辣味，吃下時很惹味而且開胃呢～辣魚蛋很彈牙腸粉果然也很滑，燒賣側像普通魚似燒賣般。配上你喜歡的醬料就成為一個豐富的早餐了小店勝在價錢平民抵吃。這樣的價錢可以吃到飽，作為早餐或下午茶也是個不錯的選擇啊～另外小店還有粉果、牛肉球和豬皮啊。

食完群記，附近亦有一間好出名魚旦腸粉嘅小店 不但新鮮即上，仲要好抵食魚旦3蚊7粒，燒賣3蚊4粒，e家好少店舖有 燒賣腸粉腸粉好滑，最重要嘅「混醬」，配搭一流，少少甜又夠香，此家真係味美燒賣煙煙韌韌，口感十足，喜愛魚肉燒賣既我食極唔厭，加上少少甜醬，令燒賣更加好食

話說當日外訪粉嶺做運動，運動過後，梗係要補充補充啦，朋友講呢度有間好出名既腸粉，咁就Let's go 啦，朋友搵好位泊好車後，一落車就已經見到條龍仔， 排前些少就會見到佢個大餐牌，難怪咁受街坊歡迎，簡直時光倒流，抗通脹益街坊， 咩野都係$3起，除指定招牌腸粉外，選擇亦只有眼前5款餸簡，開放式既廚房，眼見姐姐熟手既技巧，半分鐘唔洗完成點菜，整好腸粉餸菜就一碟，厲害！ 排到我時叫左$3腸粉、魚蛋、燒賣、豬皮！先$12蚊，拎黎醫一醫肚確唔錯！買好後係街邊搵個位食 打開包裝，$12係真係好平，有7粒魚蛋，4粒燒賣，豬皮就4塊，同兩條腸粉；魚蛋就係用上小販隻陳皮魚蛋（最愛食）一口一粒，咬落厚實既感覺由細到大食果啲無唔同（如果加啲咖喱汁仲正），而魚肉燒賣硬硬地唔夠熱，豬皮就白灼即無味，無咩特別，主要味道就要靠混醬撈埋先好食，仲有腸粉唔係話好滑，粉皮較厚。但以呢個價錢食到確係難能可貴。

今天真的再有機會來探訪此小店，都有幾年沒有來，果然價錢完全沒有調整到，伊然相當平宜。新的鋪頭位置仲方便同闊落左，次次都買走，但今天要等朋友，故此在此堂食，就給我見到老闆的人情味。除了史上最平的腸粉同魚旦外，質素也沒有偷工減料，腸粉照舊滑溜，魚旦雖然細粒但也旦牙。最緊要老闆對每一位顧客都相當親切，見到小朋友會笑容滿面，街坊情常在，這就是街坊小店的溫情也是香港本土文化的特色，難怪也是粉嶺出名小店之一！

粉嶺嘅人都話呢間腸粉好味，今日終有機會試到，一間小店，零裝修無座位，只可立食，去到唔使排隊，先去櫃枱點餐， 餐牌超簡單，只有幾款食物，價錢好平，我只叫兩份外賣，店員爽手包好比我！ 食物簡單用油紙加背心膠袋袋好，用竹籤拮住食！懷舊風味！ 腸粉：平唔代表差，腸粉滑，少許彈牙！加上豉油唔會好鹹，甜辣醬惹味，芝麻香口，我唔食麻醬，簡單又好味！ 另一份買比同事，佢加了魚蛋同燒賣！不我唔鍾意撈晒啲醬料食！所以只點腸粉！店員好禮貌，有笑容有禮！

搬左舖後第一之幫襯，奇怪地唔見四眼仔叔叔，再望一望餐牌，好在都冇咩點變，但就限制腸粉最少要叫3蚊，無左以前叫1蚊2蚊腸粉都照賣嘅賣點。等腸粉期間，見阿姐由一個大塑膠袋攞腸粉出來已經心感不妙，依家四眼仔腸粉竟然變左去攞大貨!?食左幾條，發覺層粉皮好厚，又完全唔滑，完全可以肯定係一般係街攞返來賣嘅大貨，唔似以前四眼仔叔叔嗰種即拉腸粉又薄又滑，最緊要係平盡全香港，最後我食左兩淡就好失望地掉左，食左呢度足有廿年，平靚正絕對同四眼仔成等號，但依家已成為歷史一部分，無奈佢掛住四眼仔呢個招牌，我就覺得有啲侮辱左。

今日好無聊入粉嶺揾野食！見到排哂長龍已經知道好野啦！佢地種類不多， 都係魚蛋呀燒賣呀果D！唔好唸住有得坐呀，佢不設堂食，只可外賣，我地就偷雞買左之後企左去巷仔食！真係唔好講笑，佢既腸粉真係好滑呀！ 辣魚旦又真係好辣，不過好香果皮味，正！佢咁既價錢， 第二道真係搵唔到

第一次試四眼仔腸粉...是極力推介既魔鬼帶著車厘去試😁😁...說像地標一樣😂😂...當時我諗...腸粉其實米檔檔一樣...都唔知有咩咁特別...點知一試愛上一去到....門口已經大排長龍...勁多人排隊...個時先知原來真係咁出名...我諗無粉嶺人會唔識掛😂😂排左10分鐘度...終於排到近門口位置...眼見...店鋪細細的...有位呀姨係度為客人整理佢地想要既食物....最入面應該是老闆仔掛...佢負責收錢...落醬及打包....好分工合作呀👍👍排到入去...睇到價目表...驚訝了...好抵呀...腸粉6蚊有4條....魚蛋3蚊7粒...燒賣3蚊4粒...依家好少有呢個價錢呀啦👏👏👏👍我見到有人買完...即時係店外立食...但係我地就外賣番去慢慢食😁😁....呢度咁大袋都係HKD 39咋...先講講腸粉...一個字"爽、滑"😂😂...d秘制豉油一d都唔咸...配合混醬+多芝麻....正呀👍...仲有魚蛋...細細粒...夠彈牙....燒賣一d都唔粉....反而粉果同牛肉就比較失色....沒什麼特別...平，靚，正，價錢平...食到兩個人飽飽的😁👍

腸粉 ( 7.5/10 ) $6/4條魚蛋 ( 5/10 ) $2/5粒；$3/7粒燒賣 ( 7/10 ) $2/3粉；$3/4粒最吸引嘅唔係賣相，唔係食物質素，而係價錢，包你$2⃣0⃣食到飽！腸粉好好味呀，好滑好挺身，仲有淡淡米香，加混醬係perfect match！燒賣都幾好味！魚蛋就較失色啦，完全無魚香完全唔彈牙，不過呢個價錢仲可以要求啲咩呀。整體腸粉同燒賣係推薦嘅，質素不錯，價錢又平，無乜理由唔encore！四眼仔腸粉 (粉嶺)粉嶺和隆街40B號地下

食左四眼仔腸粉10幾年，以前有客喺呢頭，成日入來食，最平果時係3蚊5條，食到家陣時6蚊4條。不過以今時今日嘅物價，四眼仔腸粉嘅性價比依然超高！叫左6蚊腸粉、3蚊燒賣、3蚊豬皮，腸粉必然係廠交貨嘅，但食過多次都爽滑，靚貨！但今次嘅粉就有輕微嘅米糠味，畧失望。3蚊4粒嘅魚肉燒賣，冇可能有要求啦！唔太腥，熱嘅已經正常。豬皮非當抵食，爽口，3蚊有成6塊，同埋啲醬油及混醬一齊食，簡值係豐富嘅享受！成個腸粉最惦係啲腸粉專用豉油！！！我絶對肯定呢個豉油係四眼仔自己調校嘅獨門秘方，唔係買番來嘅街外行貨咁簡單，甘香、有豆味同埋咸甜適中！致於甜辣醬佢地都係用香港名牌'錦珍' 架。是日早餐相當滿足

已經很久沒有到聯和墟吃東西了，特別是老店四眼仔!因為口痕，所以想起了四眼仔腸粉。滑溜又平的白腸粉是必叫的，配上燒賣和彈牙的魚蛋，食光了還想回頭再買來吃呢!雖然加價已久，仍是很抵吃的小食!!熱辣辣一包，都係10蚊咋~