回到味來 (已結業)

今日去咗一間旺角嘅餐廳嗰度食雞煲，呢間餐廳個名都好特別，叫做回到味來，其實可以話係因為個名先至吸引到我去食呢間雞煲，我哋預先打咗電話來定位，訂左8:30但係我哋8:00就已經嚟咗，諗住睇吓有冇得早啲食，黎到先發現原來呢間餐廳係唔定位冇得食嘅，因為實在太多人呀，雖然我哋嚟早左但係都要等到8:30先有得食，不過坐低左之後店員嘅服務都係好好嘅，佢哋仲同我地解釋因為上一台客慶祝生日食蛋糕，所以先至遲咗少少交枱比佢哋，出邊真係好少餐廳仲會解釋，好多餐廳真係唔願做咁樣，態度又差，但係呢度真係唔同，你可以感受到佢哋對顧客嘅熱情，淨係等位呢樣嘢都咁好心機同我地解釋，呢度原來除咗食雞煲之外仲可以食卜卜蜆，不過今日來的目的主要都係食雞煲所以下次先試試食卜卜蜆，呢度嘅玩法係你可以先食雞煲，無限任加雞煲，食都夠晒啦，就可以加湯打邊爐，呢度嘅雞煲味都真係幾唔錯，我哋叫咗兩隻雞，第一次就是小小小小辣，第二次就要小辣，因為第一次真係唔覺得佢啦，食完兩隻雞之後我哋就開始打邊爐啦，呢度除咗有得畫一啲火鍋配料之外仲可以喺出邊自助式咁樣拎，火鍋配料嘅款式唔算太多，不過配合雞煲來講今晚呢個晚餐都幾豐富，另外值得我覺得好豐富嘅

海鮮火鍋半放題套餐$248兩個鐘， 認真抵食。五款湯底提供選擇， 黃金南瓜海蜆湯、 蕃茄濃湯、四川麻辣湯、 芫茜皮蛋湯和自家清湯， 選擇了茜皮蛋湯底， 可幫助降火 ，水滾後， 散發出陣陣芫茜香味， 喝一口湯 ， 入口鮮甜美味， 用來灼菜， 令菜更加鮮甜， 仲有粒粒皮蛋碎， 夠曬滋味。先來一個無限添食， 招牌邪惡 雞煲或黃燜雞煲或卜卜 海蜆煲， 喜歡海鮮的我， 當然選擇了海蜆煲， 海蜆冇沙 、挺身， 肉質鮮甜紮實 ， 配上微辣嘅醬汁， 好惹味， 值得encore 添食。食完美味卜卜蜆， 開始火鍋， 60款火鍋配料任選 ， 有蔬菜、 菇類、 腸仔、肉丸、 肉類等 。本地手切牛頸脊， 脂肪分佈平均， 爽滑彈牙， 牛味突出， 肥牛嫩滑 ， 豐盛油脂， 墨魚丸、蟹籽丸 、魚蛋 、芝士丸、 龍蝦丸， 肉質彈牙和緊緻， 鮮味十足 。 響鈴 、炸鮮竹和炸魚皮，卜卜脆， 必食火鍋配料， 炸魚皮送酒一流添 。 魚皮餃， 餃子皮煙煙靭靭， 入口充滿肉汁， 令人回味。海鮮串燒 ， 生蠔和扇貝 ， 生蠔和扇貝厚肉飽滿，鋪上滿滿炸香的金蒜， 蒜味香濃誘人， 最佳拍檔 ， 食完令人滿嘴咀蒜香， 秋刀魚魚皮燒到焦

今次揀咗任食雞煲、串燒、火鍋放題！先來雞煲，味道非常濃郁，配料有洋蔥、芫荽、花椒等等，夠晒香濃！雞件食完可以再添。見到四周隔離太好多人叫卜卜蜆，好似好好食，等下次再嚟，叫卜卜蜆呢款！食完雞煲，可以叫侍應幫我地換火鍋湯底打邊爐。今次叫咗南瓜湯底，又唔會太淡，清清地南瓜味幾好！套餐送咗一份牛頸脊，雪花好靚，牛味濃郁，正！任食配料都好多，特別推介:新鮮腐竹，煮熟左淋淋地幾好食，唔似加工，搞極都唔難嗰隻！娃娃菜、菜心，金菇都好鮮甜！魔芋都彈牙！蟹柳、水魷魚、蟹子丸都正常。燒海鮮方面，Encore左燒扇貝、生蠔同海螺！入面加咗啲蒜粒更加香！

就咁食火鍋已經 唔夠我呢個foodie 想食架啦!有個朋友介紹 ,就嚟試下 !好似平時特別打邊爐嗰啲係海鮮雞煲!! 今次$248呢個,唔只係雞煲 ,另有多款串燒包括海鮮 ,仲要有台式飲品㖭 !!!惡魔雞煲小小辣 ,特別小貼士 ,響鈴加入雞煲超好食呀 !不過啲雞有啲老 。。串燒係孜然口味 ,鍾意食孜然嘅人就會鍾意啦 !我自己推嘅就有冬菇,雞髀菇 ,日本番薯仔 !大家一定要早啲嗌呀!!!因為製作需時 !海鮮串燒就好多蒜頭 ,但偏油 !火鍋材料大眾化 ,台式飲品都發現唔錯嘅選擇 , 百香果紅茶同同抹茶都唔錯 !!

雞煲就唔一定要食辣既~好彩呢間餐廳有黃燜雞煲揀，一樣可以過下雞煲癮依家佢地做緊任食雞煲火鍋串燒放題~串燒有成三十幾款俾你揀，仲有台式飲品任飲，都真係幾抵食雞煲香味超濃郁，一打開蓋成浸香味直撲埋黎!!諗返起都流口水!!除左雞件之外仲有秀珍菇做配菜，呢種菇好索味，吸收哂秘制醬汁既精華真係超正雞件都好嫩滑，滑到好似件件都係雞脾肉咁，食大啖肉，啱我呢D懶人火鍋料就係自助形式自己出去夾既有好多丸類呀、魚皮餃、豬頸肉、響鈴、腸仔、蟹柳等等....都係大路既火鍋料啦其實只要有魚皮餃同響鈴已經夠我食成晚....hahaha...除左火鍋當然唔好錯過串燒啦...我地叫左勁多款，都唔記得哂全部款式啦不過就重點推介雞皮、魷魚、芝士魚豆腐、韮菜、甜薯、雞肉同五花腩雞皮真係燒到卜卜脆，咬落唔痴牙唔會un，滿口油脂甘香，的確好邪惡!!一串起，兩串止....五花腩就肥瘦相間得剛剛好，燒到有少少焦香，又係另一個邪惡頭目....ORZ....再講埋飲品啦~佢地既台式飲品絕對唔會得兩三款咁少，係有超過二十款!!我印像中飲左珍珠奶茶、仙草冬瓜茶同埋香芋珍珠奶茶....全部都好好飲，又大杯喎朋友就飲左芒果牛奶同埋奶蓋紅茶，佢

係Facebook見到呢間野最近做緊promotion，五點至七點時段$98一位，一於試下。四條友五點左右就到左，一坐低先落左個雞煲，叫左微辣。份量都幾多，味道都唔錯，但雞肉就鞋左少少，有幾舊得骨無肉。食完雞煲就加清湯轉打邊爐，自己出去拎餸，menu上面寫到勁吸引，點知出到去好多野都無，都係D基本既丸啊，腸啊，菜啊，公仔面啊等等，有肥牛不過賣相不是太好，而且離遠聞到有怪味，所以無夾到。食物整體都算新鮮，起碼D菜都算靚靚仔仔，無穿無爛。另外仲有串燒任叫，我地叫左燒賣，獅子狗，腸仔，午餐肉四種，燒賣幾特別，外脆內軟，其他就普普通通無咩特別。服務還可以，不過可能個陣太多客，人手唔太夠，所以菜上得好慢，而且無咩人理我地。整體黎講，食物質素還可以，無咩大驚喜，好似普通打邊爐咁，不過呢個價錢黎講都幾合理。另外提提大家，$98另加一，再加$10醬汁費！

同事話好耐未試過一齊食飯，講講下就話去食雞煲喇，因為我本身都冇乜所謂，都無參與討論就跟埋去食啦。討論辣度嘅時候大家得出結論係死就死啦，叫咗中級惡魔雞煲，其實都算係越級挑戰，我地幾個人其實係得1個可以食得好辣，其他都係一般。只不過次次都係叫少辣，好似冇乜挑戰精神，跟住食完又話唔夠辣，所以今次大家就試下中辣，睇下邊個頂唔順先。開蓋即係聞到雞煲嘅香味，加上好似有較平時辣嘅氣息。一食就知係辣過平日好多，食到成頭汗，好彩D飲品係可以任飲，打邊爐食雞煲點可以少咗飲料，任飲任食先夠過癮。火鍋要咗芫荽皮蛋湯底，再揀麻辣湯底嘅話應該會辣死或者肚痛。配料有好多種類，全部可以自己任攞，根本食唔晒咁多嘢。真係好抵食！串燒味道正常，有廿幾種食物可以選擇，我地點左好多嚟試，粟米燒過好清甜，豬頸肉，牛肉，多春魚都好正。咁多選擇又可以食盡雞煲，火鍋同埋串燒，每人俾咗$300仲有錢找，真係好彩有跟埋去食咋!

網上book了餐廳，用了以$188的優惠放題任食雞煲串燒及台式飲品！細則內也有清楚寫出$10的醬料費雞煲放題還是第一次，試下都好！坐下後，點了雞煲後，我們同時也點了一些串燒吃，串燒來了，都看得傻眼！雖然主打是雞煲，但羊肉串燒也不至於一口便吃完的份量吧，朋友說:我兩歲兒子吃的肉也比這肉大口🤣🤣感覺有點寒酸，一笑置之，而且味粉過量！幸好多春魚真是一條串著，獅子狗也算是一條切開兩段！第一張單點了的串燒也沒有完全送來，可能怕客人浪費？但剛開始吃，我們點的也不算多，也是沒有來足！我們只好在下一張單再點吧！雞煲到了，3人用餐份量也可以吧，後來還是再點一份，第二份的雞煲比第一份的多很多，而且味道比第一煲的濃味，我和朋友都比較喜歡第二煲的味道！二輪雞煲後開始吃火鍋，火鍋不是主打，所以配料不算太多選擇，丸類、菜類也ok，蔬菜算是十分新鮮！火鍋後，我們再多點一份雞煲，熱辣辣的送上，味道。。。還是第二煲的好！呀！點了幾杯可以無限添飲的台式飲料，但一致認為可一不可再，我杯蘋果醋，我只嚐到甜味，醋味欠奉，還是喝罐裝飲品就好了！不知道是地方太狹窄還是怎樣？每次店員走過還是會撞到我的座位，雖然是二人座的座椅，但也有

初初聽到回到味來，總係覺得好有科幻的感覺，一啲都聯想唔到係食什麼菜式。好彩唔止我一個無知，谷友已經出聲問，負責book位嘅朋友講餐廳主打係食雞煲。唔講真係好難聯想到雞煲是回到味來的重點。先上一個雞煲，吃完後就可以換湯底，再食牛肉同埋其他任點火鍋配料。仲有串燒食啦。雞煲望上去好似冇咩汁，不過煮滾咗就正正常常。雞肉嫩滑，辣辣地好惹味，我地添咗1次。推介一定要食埋D紫洋蔥，同雞煲味道好夾，我地搶住食！之後食串燒，款式好多，最好係已經燒好可以即食，好過要自己再慢慢燒。記憶中較特別有台灣腸及日本甜薯，好好食。打邊爐其實都已經飽咗一半，不過唔好浪費，要食埋D牛肉呀嘛。牛肉唔會過肥，又唔會好韌。自助配料櫃目測應該有幾十款，不過我地就真係試得唔多，個個已經嗌好飽。又有雞煲又有串燒仲可以任飲，每人3百蚊都唔使，性價比超高，一定要再去啦~

#回到味來睇Facebook見到呢道又有雞煲又有串燒仲要有台式飲料😆任都係任食任飲！感覺上試到好多野食，價錢又平！一黎到好多人等緊位，好彩我地有book位。可以揀雞煲或者卜卜蜆。我地揀咗雞煲，想試下佢既惡魔雞煲。店員會建議微辣，😯但我地食開辣，就要左小辣。🤯果然比一般嘅雞煲辣。小辣大約有中辣的情度。🥵又麻又辣而且帶後勁，辣得好過癮！😁愛辣人士會鐘意。轉鍋打邊爐🙋🏼‍♀️揀左黃金南瓜湯湯底是很清淡，就係有少少南瓜味。感覺上比較健康。會有一份手砌牛頸脊，🤩肉味幾香濃。其他食物就在外面雪櫃自取。個人挺喜歡肥牛同埋鯇魚片。小鴨子蔬菜籃🧺很可愛。仲有串燒同燒烤任食😝主要用咗蒜蓉孜然粉同埋胡椒調味。台式飲品任飲都好吸引。感覺更抵。士多啤梨紅茶同以前仙x岩都有幾分似☕️。

和朋友夜晚10點去食，冇人招呼，肉又冇，淨得丸，菜又唔新鮮。諗住會好快refill啲豬肉，點知食丸食到飽都冇肉！問店員幾時會refill肉，佢話師傅準備緊，準備咗成個鐘都未切到出黎？俾咗174蚊食丸同菜，有冇搞錯？啲蜆嘅沙多到食唔落口。響鈴更加不知所謂，好似食緊膠一樣。環境擠迫，唔乾淨，店舖服務幾差，店員嗌極冇人應，要個湯杓要咗三次，直到我地食完都係冇人拎黎。咁嘅服務都要收服務費真係無言以對。唔會再幫襯，似呃錢，食到嬲。

最近上見到新假期介紹 - 旺角「回到味來」$148任食火鍋放題而且佢見佢講得咁吸引，就心思思同朋友兩個人去食食完覺得真係中晒伏，除咗覺得唔可以講好食之餘，我覺得仲可以用難食形容我哋7:00去到樓上，已經超級爆場，如果冇訂位嘅話，我諗應該最少等一個鐘。我諗呢個都係新假期廣告效應。首先我地點左雞煲先，職員都幾細心咁樣問我地你要那一種辣，本來想選小辣，但最後店員建議我哋先選微辣，覺得唔夠辣可以幫我地加。好彩真係揀咗微辣，因為真係超辣。如果平時唔食得辣嘅人真係唔好選。但雞煲只有辣味，未完全唔香，而且雞肉肉質好鞋。食完之後職員會幫我地轉個湯底打邊爐，又5款，選擇而我選擇左南瓜湯🎃個湯底真係清到一個點，而且冇味。之後就會煮煮下，有好好多黃色泡泡出嚟，感覺好嘔心一開始佢哋比一碟質素看似唔錯，嘅肥牛比我地。但之後已經係全自助，但可能因為場內職員不夠的狀態下，完全沒有refill..

兩年前，「回到味來」剛開業嘅時候黎食過火鍋， 當時仲係單點，主打雞煲、海鮮、火鍋， 原來而家已經變左火鍋放題， 仲最平以$98就可以食到火鍋放題， 真係超值！😯 優惠時段19:00前離座或21:30後入座， 便可以享用最平$98嘅火鍋放題， 仲有兩個升級套餐， 咁當然係越貴包嘅野越多越豐富啦！😏 食足兩個鐘，想食宵夜嘅foodie又多一個選擇。 其他時段19:00-21:30就每位$188起， 我地揀左最豐富嘅火鍋放題套餐，$248/位： 惡魔雞煲、黃燜雞煲或卜卜蜆煲 火鍋湯底 本地手切牛頸脊 30多款任食串燒 多款任食海鮮串燒 多款任飲飲品 任飲台式飲品 黃燜雞煲 所謂黃燜，其實就係將雞件煎黃，炒完再燜，所以雞件夠香，迫晒d油出黎，唔會太油膩， 肉質不硬不柴，鮮香惹味， 而且雞件份量多，應該有原整一隻雞！😯 食完雞煲可以轉打邊爐， 有南瓜湯底、清湯、蕃茄湯底等， 我地揀左南瓜湯底， 不過略嫌南瓜味太淡，好稀， 只有數片南瓜係到，又好難越滾越入味。😟 本地手切牛頸脊 牛頸脊份量都算合理， 油花不多，但勝在肉香有嚼勁。

好耐之前都同朋友黎食過，記憶中都唔錯既今日同朋友約左係呢附近行街買D野，咁就話夜晚上黎呢度食雞煲啦佢地原來依家轉左做任食~價錢都算吸引我地就揀左$188個惡魔雞煲，原來仲有三十幾款串燒任食~如果想加埋任食海鮮串燒就$248可惜朋友對海鮮唔太有興趣，所以就揀無海鮮果個啦雞煲好快就送到上黎啦~個雞煲依然係咁香咁惹味，聞到都覺得勁肚餓味道夠哂辣~啱哂我地兩個既口味呀雞肉份量都好夠，足足有一隻雞既份量呀~D雞肉勁滑勁好食!!真係無得輸!!食到咁上下放左幾塊牛頸脊落雞煲，同樣咁好食，索哂味~~食完雞煲就加湯打邊爐~~我就出找拎火鍋料都係最大路個D食材啦~豬頸肉、腸仔、丸類等等...放得乾淨企理，唔會搞到勁核突~串燒我地叫左韮菜、雞翼、龍蝦丸、雞肉等等款式味道都幾唔錯~~最緊要係孜然粉落得夠，勁香口~

話說喺網上面見到有人推介呢一間雞煲火鍋放題餐廳7:30pm 前結帳有優惠，所以小編就同女朋友嚟到呢一間雞煲火鍋放題餐廳試一試，呢一間餐廳除咗有火鍋配料任食之外，套餐仲包埋串燒任食。雞煲方面啲雞肉整得好入味，然之後可以揀一個湯底打邊爐，小編同女朋友揀咗南瓜湯底，亦都有大約20種火鍋配料可以比大家去選擇，串燒方面小編就喜歡串燒雞中翼，同埋串燒芝心丸，海鮮亦都係好新鮮嘅。飲品方面亦都有大概10多種嘅飲品種類可以比大家去選擇，小編就比較喜歡呢間雞煲火鍋餐廳嘅自家製竹蔗茅根。