回到味來 (已結業)

同一大班朋友聚一聚食個飯，又想找個好落腳點，當然要黎旺角新城，上下都有幾間食店。菜單上有多款火鍋湯底、配料、小食、甜點及飲品等選擇，較為多元化。一黎到事不宜遲嗌左個雞煲過口隱9:30 時段入座又有推出的優惠價$188便食到半自助放題。可選招牌惡魔雞煲食完雞煲後再加湯加料打邊爐；有蟹柳、腸仔、手工鮮蝦雲吞、手工鮮蝦餃、包心蟹籽丸、芝士魚豆腐等60多款配料、10款串燒可供任食。一次過滿足兩種口味。我朋友幾乎食左一打蟹柳，佢話好好味。亦有即炸響鈴、炸魚皮、炸午餐肉、稻庭烏冬、辛辣麵、肥牛、豬豚肉、羊肉卷等肉類，喜歡吃肉的大家可以盡情地食 。及蔬菜等多種選擇。這個是指定台式飲品特飲，推介玫瑰特飲，好香嘅玫瑰味。汽水任飲選擇，有啤酒提供。10款串燒可供任食。另外嗌左份卜卜蜆，好味！而且份量多！

很久之前已經光顧過「回到味來」這間餐廳，是旺角一間樓上火鍋專門店，還不知大家有沒有聽過呢，這間火鍋店在旺角應該都算是高質素的一堆了。得知它最近竟然推出了半放題，什麼是半放題呢？一會兒再介紹給大家。「用心為你，創造味來。」這句真的好棒裏面的環境偏向昏暗，坐得久會感到有點睏😅不過勝在私人空間充足，每位客人都能靠在椅背後，感覺舒適。餐廳提供優惠時段，分別是晚上7:00前離座以及9:30後入座，發現現在有很多餐廳都是採用這樣的形式，好讓客人多一點，所以這天我訂了5:00的座位，7:00前離座有優惠了。價錢有三種，三種都不算昂貴，只是在食物的種類上有些分別。最吸引的莫過於串燒任食，還有台式飲品任飲🤤對於喜歡喝台式飲品的我絕對不可以錯過呢。首先點了數串串燒，每一款也試一點啦。不知為何現今的串燒有很多都喜歡加上孜然粉，個人認為有兩個作用的，第一是令串燒更加香口，這是理所當然的，第二是如果串燒不好吃的話，孜然便可掩蓋食物本身的不足🤭個人非常推介這裡的芝士魚豆腐、雞肉、台灣腸和芝士丸，芝士魚豆腐的芝士味十足，台灣腸不會太鹹，雞肉嫩滑，芝士丸平常多放左火鍋裡，做了串燒味道同樣好吃。這裡的招牌菜是惡魔雞煲，

今晚同朋友去旺角食飯，食咗雞煲火鍋。職員問我哋想食雞煲定卜卜蜆鍋，我哋揀咗小辣嘅雞煲。唔使五分鐘雞煲就嚟到，我哋仲叫咗啲串燒，珍珠奶茶同啤酒。雞件份量都幾多，小辣啱啱好，有八角味，小小辣但又唔會辣到食唔到。雖然有得任食，但我同朋友都唔太肚餓，食咗一轉就要咗個南瓜蜆湯打邊爐。有肥牛一碟，其他食物都可以放題自己拎。蔬菜種類都幾多，有我最鐘意嘅萵筍。後來再叫咗串燒同海鮮串燒（都係任叫）。扇貝有好多蒜，好香。珍珠奶茶唔太甜，幾好飲。有魷魚、白蜆、豬頸肉、扇貝。仲有辛辣麵！

放題就食得多啦，但係就無食過雞煲火鍋串燒放題。唔係朋友介紹都唔知原來有一間咁多嘢食嘅放題。我覺得同朋友去食飯最啱就係食放題啦，特別係人多嘅時候，都唔知點叫餸，食放題就正啦，自己想食咩就叫咩。首先就食咗雞煲先，我地就揀咗招牌惡魔雞煲，小辣。雞嘅分量好多，口感嫩滑，醬汁調味都唔錯，其實食一輪都夠啦，要留肚食火鍋同串燒。我地都好耐無食串燒啦，我地叫咗雞中翼，雞腎，五花腩，龍蝦丸，台灣腸，雞脾菇，燒得都唔錯，唔會太燶，味道就稍微鹹咗啲，都OK嘅。火鍋嘅湯底我地揀咗番茄，配料都係任加，都有成兩個雪櫃嘅配料，有各款丸類，蔬菜和麵類。我就係咁食蟹柳，蟹柳同番茄湯底好夾！飲品都算齊全，汽水同韓國飲品都有齊。作為放題嚟講，叫嘅嘢都嚟得齊，火鍋配料會refill，咁就已經合格！加上味道也不錯，食物選擇多，我地都覺得呢間放題確係唔錯，價錢都OK，每人$188。

之前呢間餐廳開的時候都有留意到，因為餐廳名字特別，今晚終於有機會黎試試。這裡以於卡位為主，在接待處的位置店員會先講解收費和有什麼可以任食!我們揀選了$188這款套餐，包括有雞煲或卜卜蜆任食、打邊爐湯底、本地手切牛頸脊、火鍋配料任食、串燒任食、海鮮串燒任食、飲品任飲。招牌惡魔雞煲，一向我都比較中意食雞煲，所以選擇了雞煲任食!店員建議我們先點微辣，因為這裡的辣度會較出面的辣。果然微辣都有一種好麻好辣的感覺!雞煲雞件很多，味道夠濃，我們二人食完一煲都覺得夠了，但這裡的雞煲可以任叫的!本地手切牛頸脊，牛肉味濃，油脂分佈平均。蕃茄湯底，轉打邊爐會成個煲換的，蕃茄湯底都幾酸，味道都夠濃!火鍋配料自行到出面的凍櫃取，有豚肉、肥牛、蔬菜、丸類等!也有炸魚皮、響鈴用黎吸湯!火鍋配料都幾新鮮，唔會霉爛!串燒、海鮮串燒任食，入座時店員給予我們串燒的點餐紙，款式都幾多，我們點了多春魚、墨魚丸、芝士腸等，孜然粉非常足夠，所以味道非常惹味!而海鮮我們點了生蠔、海螺、蜆等，都幾鮮甜!飲品也是自行在凍櫃取。這個價錢可以食到任食雞煲加任食串燒的確好抵!

今日心思思又想食雞煲🐔🍲🤔👉🏻👈🏻, 同男朋友係旺角整完旅行d野, 就去搵下附近邊到有雞煲食, 見到E間餐廳有得烚下烚下🥢, 又有雞煲, 仲有串燒🍢😱😱🤤🤤 小妹又開始覺得肚餓了🙈🙈餐廳地方都算大, 環境乾淨企理, 職員仲問我地會唔會睇電視, 最後就安排左我地坐係電視🖥前面嘅位置😊 我地叫左個$188嘅set, 入面可以揀惡魔雞煲😈🐔/黃燜雞煲/卜卜蜆, 8款火鍋湯底, 一碟本地手切牛頸脊🐂, 任食海鮮串燒🍢同台式野飲🍹, 感覺上食得飽同幾多種類咁🙈🙈☆題外話, 餐廳播嘅音樂由比較舊到新嘅都有🎵🎶, 例如鄭秀文嘅<默契>, 關家姐嘅<我太強>到新少少嘅<我們都是這樣長大的>, 90後嘅朋友仔一定會識唱🙈🙈 不禁令小妹有種懷緬過去嘅感覺😭😭😂, 唔講仲以為係聽緊自己個playlist🙊, 實行邊打邊爐邊唱k🥢🍲➕🎤😂😂☆任食點餐紙嘅串燒種類同台式飲品都幾多款🤔惡魔雞煲😈🐔🍲(微辣版🌶), 雞煲香味撲鼻, 入面嘅雞件份量都算多, 而且幾多肉又唔嚡, 醬汁味道濃郁但又唔係超重口味😋👍🏻👍🏻📢完全唔食得辣嘅朋友仔就建議三思下先😂😂 燒海鮮串燒🍢🍢

首先講下環境，冇抽風（或者甘講，冷氣當抽風，所以現場是頗煙霧瀰漫的）其次講下飲品，普通但可接受，另外仲有一些罐裝飲品重頭戲來了，我地叫了微辣雞煲，雞煲好快就上了睇樣是不錯的，味道也是ok，可惜雞冇雞味，肉質碎。唔緊要，仲有串燒打下底味道是貼近大陸那種串燒味道，但太太太咸啦！食左兩串其餘全浪費了到邊爐環節，叫左南瓜湯底，唔知點解一滾就有泡另外，邊爐最重要食物選擇，邊爐料全部自取，選擇太少，且refill好慢，而且全部都係質素麻麻兼極少嘅丸、菜類，邊爐最重要的肥牛長期展出一片，行左幾次都冇refill，直到我地去問，過左超過20分鐘才refill，且只見肥不見牛呢幾片已是我地揀過叫瘦啲嘅牛啦！點食？！埋單@$248，呢個價錢我有更多更好嘅選擇，可一不可再，

只是想係旺角食雞煲然後係OpenRice搵到呢一間餐廳絕對冇收任何廣告費用亦都沒有打電話訂位夜晚差不多八點walk in 入座大概六七成客人叫咗$188套餐明明有好多位佢偏偏編排左一個係角落頭又焗又熱仲要對住廁所嘅卡位俾我哋兩個坐一錯落去就話換位啦跟住佢就話後邊又有風扇又有一個風機咁就話唔會換位俾我哋啦咁好啦咁我哋照坐喇越坐越熱，個電子爐下邊係咁慶住我大髀一路食就一路出汗即係如果呢個價錢咁俾我寧願係屋企開冷氣打邊爐我哋叫咗個惡魔雞煲小辣跟住雞肉好鞋食剩左一半我哋已經冇再encore串燒都還可以嘅偏鹹呢間野就唔會再去啦係唔明點解冷氣位吉晒都唔俾人坐跟住店員嘅解釋係話咩搵咗師傅嚟整都整唔好呀咁你咪比我坐中間啲位囉

香港雞煲有很多，但好食又抵食嘅又有幾多個。呢間既招牌惡魔雞煲價錢不貴，而且配料飲品無限添，抵字首先顯現。點解叫惡魔雞煲，食落就知叫左微辣，一開始唔覺辣，食多幾啖愈黎愈辣，但好好味，食唔停口，就算覺得辣都要繼續夾，叩個就係惡魔雞煲嘅威力除左普通既雞煲同火鍋外，仲有串燒都係無限追加，而且款式不少，連海鮮都有，值得一讚入座會送一碟牛頸脊，好食，新鮮又有咬口最後我地食左三煲雞，打埋邊爐，三輪串燒先肯走每人250都唔洗，抵到爛

卜卜蜆＋皮蛋香菜($248/人)朋友唔食得辣，唔敢叫惡魔麻辣雞煲，叫左個得意名”卜卜蜆”。點知個卜卜蜆都幾辣，朋友食唔到我一個人食晒。真係睇到d蜆卜卜卜咁開口，新鮮漲卜卜既蜆肉，辣辣地刺激鮮味。雞煲周街有得食，絕對要試呢個卜卜蜆。優質手切肥牛頸脊據聞牛頸脊是牛活動最多的部位，脂肪較少。切得厚厚地，焯耐少少都唔怕過熟，唔韌，爽口，重牛味，要慢慢好好品嘗串燒海鮮秋刀魚，外皮香脆配上適量香料，燒到岩岩好，唔乾有肉汁，唔常食魚既我，都分開點左2條自己食晒。燒海螺/雞皮/菇/腎，即叫即燒，上碟熱辣辣，新鮮爽口，朋友唔食得卜卜蜆就狂食呢d.燒午餐肉，近年興打邊邊食午餐肉，屋企煎又試得多，今次係串燒，厚切燒，外皮脆脆地，裡面午餐肉香，估唔到咁好味，我估今餐加埋食左佢2,3罐份量。新竹米粉新竹米粉，吸湯汁精華後，爽口香濃，絕對係今餐精選，觀察過，現場只得我地識夾，米粉其實唔係太飽肚，下次大家真係要試下。爆谷茶大鄉里睇個名以為係類似形珠奶茶，即叫即沖，原來係爆谷味既茶，真係好似食緊爆谷，唔怕熱氣，好得意。多款罐裝飲品各式韓國果汁氣水啤酒，唔蝕，2個人飲左佢7罐。

雖然唔知點解間餐廳叫回到味來, 但係個價錢同性價比真係幾高下平均每個人都係只係2百幾就有任食, 價錢唔算貴 一開始就同平常一樣係有醬油比我任撈 先係食雞煲, 我揀左既係小辣既雞煲 性價比最高就係, 個雞煲都係可以任FILL的!!!!!岩哂我呢D超超超鐘意食雞煲既人士 D雞質素都唔錯, 大大舊有咬口, 而且雞煲既醬汁係超正的比我揀多次我會揀辣一點的, 因為小辣不夠辣! 餐廳會按人頭上既扇貝都唔錯, 有海鮮送 到打邊爐時間! 呢個肥牛真係不得了又係送的, 淨係睇個樣都知係高級野!! 海鮮拼盤!!淨係食呢個都已經夠回本!! 岩哂D鐘意食海鮮既朋友 野飲都係任飲的!!

本身諗住同朋友去紅茶求其食個茶餐做晚餐算，不過路過見到個招牌幾吸引，又任食火鍋又任食串燒仲有任飲台式飲品！決定衝入去試試。佢有個海鮮PACKAGE貴少少會有海鮮燒烤任食，所以決定試試佢。店員好用心推介餐牌同埋點樣叫，同埋價錢，坐低無耐就上左煲。我叫左卜卜蜆，好香口好辣，惹味之選！一坐低叫左串燒同埋燒烤，等左一陣就到串燒係用左孜然粉燒，熟度剛剛好，肉同埋蔬菜都不錯！蠔好大隻，扇貝都厚身，落左好多好多蒜泥！！！勁香勁正，燒到好好食，又唔會燒過龍太乾，值回票價可以食多啲！隨餐附近一份本地手切牛頸脊，呢樣野無得彈，又香牛味又嫩，可惜無得任加啦其他火鍋配料都係平時見到果啲，不過要提提佢個脆肉鯇，又大舊又爽口彈牙，靚料黎，可以試試！最後要提既就係台式飲品，真係辛苦佢沖果位同事，我一個人都飲左三四杯，用心之作，樓下賣緊三十幾一杯架，呢樣都值回票價啦！總括黎講，都唔錯可以再黎～

網上寫$98卜卜蜆講到好抵咁，於是特登約朋友來試，可惜條款超多，搞到好難先到岩既時間去。一入門口就已經聞到陣酸臭味，明明只有兩三台客，已經咁難聞，抽風做得真差，相信應該係d蜆既腥味，加上火鍋，搞到咁， 令到原來想食蜆既我地都只好轉食雞煲。加上光線唔充足，黑黑沉沉，俾人感覺唔乾淨，環境認真麻麻。我地揀左$148既套餐，貪佢種類多d。雖然好多款食物供選擇，可惜味道好一般。只能講我地叫左個麻辣雞煲，食得出係雞肉，不過肉質鞋口，無雞味，唔麻又唔辣。串燒燒得唔乾身，以醬料來遮掩食物既質素。最恐怖係個番茄湯底，一見到就已經無哂胃口。食落去亦都唔覺有番茄味，唔知自己食緊咩。我地三人最後埋單計埋加一，每人唔洗二百，不過咁既質素，完全唔值得食。我寧願求其食個杯麵都覺得好味過佢，滿足過食佢。 只能講絕不回頭，已mark入blacklist 名單。

上網睇好多人介紹呢間雞煲，開係旺角地段，但價錢合宜同質素唔錯，我同女朋友跟住介紹就黎試一下~以雞煲放題黎講，248/位其實都唔錯，仲要有雞煲+火鍋咁食，不過今次我反而冇叫雞煲，有個卜卜蜆煲幾吸引，就叫左試下，咁我同女朋友食，就冇得食咁辣，所以叫左少少辣試下~一上菜時，好香~~味道非常濃郁，加上小辣既香味，令人垂涎三尺🤤佢幾特別在用雞煲既秘製醬汁黎炮製，所以同平時出邊食過既好唔同，感覺有d似豉椒炒蜆食完個煲之後，佢可以揀唔同既火鍋湯底黎打邊爐，而我就特別d，用本身個個蜆煲加湯去打，都幾滋味！之後佢任食既食材，有成60幾種，選擇真係幾多！咁我地都叫左唔少黎試下！唔少得叫個竹蔗茅根黎飲，清熱解毒，打邊爐必叫肥牛血色幾靚，肉色均勻，幾好食海鮮款式都幾多，味道都不錯任食既食材大部分都幾新鮮，款式多而可以係咁叫，以呢個價錢黎講，其實性價比幾高，如果大家去開mk，的確可以試一下，實食飽你

今日去咗呢度食放題 佢價錢係非常抵$188就可以食到放題 你可以揀雞煲或者卜卜蜆 另外佢仲有個係$248嘅放題係多咗海鮮串燒出邊普通嘅放題呢個價錢又食到咁多野就一定唔得啦 一開始佢比個雞煲你 可能得兩個人份量唔算好多唔會比半隻你 不過都好食唔夠先在加 如果唔係好似出邊咁兩個人食半隻雞就真係太多啦 所以其實我哋都添加咗一次佢嗰啲燒烤我覺得好好食 好似大陸嗰間木屋燒烤嘅味道 尤其係呢雞腎超正 同埋佢仲有多春魚呀出邊真係好少見啦 仲要係放題佢哋嘅海鮮串燒分別有扇貝 生蠔等等 我覺得加多$60食呢個都幾抵架佢哋除咗有罐裝飲品之外仲有啲台式飲品 真係多選擇過出邊好多到邊爐我哋就揀咗芫荽湯底平時出面嘅芫荽湯底一定係好淡 但係佢返而好濃味 如果兩個人至四個人嚟嘅話就會有一碟牛頸脊 邊爐放題嘅選擇我覺得得幾多 佢係自己出去夾夾所以食幾多都可以自己因應份量