回味無窮

营业中

休息中

撈麵配燒賣正常撈麵嘅份量，但係有少少咖喱味嘅辣味，可能係煮麵嘅湯底有咖喱味（？）😂少少辣，都幾啱攝牙罅😁😁😁配魚肉燒賣有五粒👍🏻20蚊有找嘅質素嚟講都算算係咁啦～

撈麵餐 頹食之選 最鍾意佢哋嘅咖喱汁 暫時喺其他地方都搵唔到佢呢隻味 甜甜地又辣辣地 好耐以前佢哋仲可以嗌飯餐個時 撈飯一流呀言歸正傳 嗌咗兩個撈麵餐 一個係配金錢肚 牛柏葉同豬皮(右手邊) 另一個係配魚蛋燒賣豬皮 (左手邊)佢哋嘅燒賣都係好好食 唔會好淋身同削 係有咬口個隻 魚蛋再配佢哋嘅咖喱汁係一絕 豬皮索灑啲咖喱汁又係正 至於牛柏葉就索唔到咖喱汁 比較淡 金展肚除咗喺酒樓比較想見之外 街頭小食好似唔係度度都有(?)口感正正常常 但牛柏葉同金展肚份量係比較少 揀燒賣魚蛋做餸會開心啲

俾錢食嘢，仲要受氣，態度很差，好似欠左佢咁咩都冇，寫住有咁多餸可以揀，其實好多都係冇，冇都唔係問題，可以食其他餸，講嘢又串，如果唔係叫佐烏冬，見佢整緊，真係唔想要，態度好差第一次食，都唔會再食，真係不知所謂覺得好似老馮受佢氣呀，俾錢仲要受佢氣，仲聽到格離個女人，同人講，話係做熟客生意，咁嘅態度，都有熟客，不過熟客就唔係咁態度，，係對生客，恰得就恰！呢個呀姐真係以為好巴閉，第一次食，真係唔知會咩都冇，問多一句，好似欠左佢咁，9唔搭8！

辣魚蛋 HK$9 （6粒）之前一直見過呢間鋪，但係一直都冇試過。直到上次有一個住喺葵青區嘅朋友話嚟葵廣一定係要食呢間嘅魚蛋，我先第一次食呢間野。之後每次口痕想食小食嘅時候，都會諗起呢個令人念念不忘嘅魚蛋。呢度嘅魚蛋有原味、辣味同埋咖喱味。而我最中意就係辣魚蛋，佢嘅魚蛋細細粒好彈牙，重點係佢個秘制辣醬汁好特別，係其他地方食唔到的😋再加埋辣辣地，令人好開胃，係嚟葵廣掃街嘅必食美食之一😗

店名: 回味無窮地址: 葵芳葵富路7號葵涌廣場2樓C83號舖葵芳站E出口，行2分鐘環境: 外賣價錢: 4.5/5味道: 3.5/5繼續介紹葵廣呢個掃街天堂，港式，台式，日式，咩國家嘅美食都無金牌牛雜(小份/大份)❤️❤️❤️$18/$32牛雜算平，$32蚊份量都唔少，煮得入味亦夠淋，但就無話好出色，一分錢一分貨，蘿蔔有驚喜，索哂汁，清甜🤩#stitchfoodie葵芳#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

呢間葵廣小食店相信大家都唔陌生，開喺章魚燒附近嘅佢生意都不錯，之前有試過佢嘅糕點，私心推薦椰汁糕同椰汁紫米糕，放喺雪櫃一陣會更好食😆好喇回歸主題先，今次我就無買到糕點，叫左一份炸燒賣撈面 $19 +雞翼兩隻 $13，價錢嚟講唔算平又唔算太貴，試下個味道如何先。老實講拎上手個賣相係有啲失望嘅，個面望落就好硬身，雞翼都有啲黑😥果然，個面仲生過我自己烚，硬到哽頸🥲個雞翼就正正常常無乜特別，唯一有啲野講下嘅就係個燒賣。即叫即炸嘅關係，拎到手仲係熱辣辣🔥，外層灑左椒鹽，好惹味，外面脆卜卜之余仲保持到內軟少少彈牙嘅口感，作為一粒炸燒賣，佢係出色嘅🤣Overall嚟講，炸燒賣同埋啲糕點都真心試得過，其他就~😌

見到有人排隊，我又走去排吓，聽前面的人講這裏的魚蛋很出名，被報道過！本來也不知道買什麼，諗住隨便買一點小食，聽到人這麼說，就決定買魚蛋吧！買了三吋魚蛋，有碗裝，$27有21粒還買了一條芝麻卷魚蛋真的很好吃， 魚蛋幾彈牙， 10分入味，偏甜，咖喱汁好味，覺得咖喱汁可以用嚟撈麵應該也很好吃至於芝麻卷皮太厚，芝麻味唔夠，味道覺得麻麻地，至於口感就好軟滑，食完個口唔酸！不魚蛋個阿姐好惡，落咗單之後，我過咗隔離買章魚燒，返轉頭問佢我Number到未？俾阿姐鬧，佢叫我自己聽住嗌😠 我就係聽唔到先問你麻！

自從中學畢業後，好耐冇行葵廣了🥹之前呢間鋪開係轉角位，勁好生意，但然後唔知點解執咗今日咁啱經過葵廣，嚟到見到又開返，雖然唔同左位，但有種親切感🤧人大左，想食返個種回憶中既味道，真係唔易架🥹🛎 $8 豬肉燒賣豬肉唔算扎實～不過對得住呢個價錢🙈🛎 $12 腸粉腸粉很好，很滑🤤啲皮唔會太厚個人覺得好食過地下個間🤔🌐 環境/服務我去個陣好早，冇咩客人，所以唔洗排隊又唔洗等～叫姨姨俾多啲芝麻，佢狂加🤣👍🏻如果唔係即食，可以叫佢俾蓋同埋袋！

一直覺得佢標榜用幾十種香料調製既辣汁真係堅好味，只此一家，成日推介朋友去試，個個試過都話正。但一排無去後，琴日幫襯，發現個汁水Lau lau咁，好失望呀！！！因為咁稀，d醬根本上掛唔到係d食物上，味道差好遠。唔知係咪新年後開舖整唔切所以要狂加水咁樣可以做多幾轉？好希望店主見到呢個post用返真材實料整呢個獨家醬汁，變返以前杰tat tat咁，唔好令好味既醬汁失傳兼令多年忠實fans失望。。。🥺🥺🥺

以前讀中學嗰陣成日都幫襯，今日再過嚟葵涌廣場，諗住要幫襯下，嘩，真係差左咁多嘅！？首先 已經冇人排隊幫襯，都仲要態度差，收錢完全唔出聲🙄 好似欠左佢咁，魚蛋唔彈牙，燒賣都係唔彈牙+有腥味😵‍💫

佢嘅咖哩魚蛋真係好好味， 有小辣同埋大辣， 魚蛋好彈牙同埋好索汁， 入面唔會令人覺得有好粉嘅感覺，反而食都有少少魚嘅鮮味，咖哩汁唔會好稀，小小濃稠地掛喺魚蛋表面，一開始食落去有辣，之後慢慢會有甜嘅回甘。 佢唔係成日都開舖，所以如果見到就會買。

食左好多年，以前都覺得幾好食，今日收工經開葵涌廣場，見到冇人排隊就去買返串黎食，今次食就好失望囉，叫左一串魚蛋一串燒賣，我見佢有揀過先裝落外賣杯，起初冇留意，外賣拎到返去先發現至少有3粒魚蛋係燶的！(一串六粒有三粒燶) 食落都有陣味，完全吾食得，好明顯睇得出正常魚蛋同佢d色差好遠，好難覺得呀姐睇吾出喎，即係呀姐專登揀d燶左嘅野俾客人，好有問題囉！！事實尼間野以前係排長龍，但依家愈來愈少人都知咩事啦。

呢間係我葵廣掃街必食既第3間鋪頭，我好專一淨食魚蛋次次去會叫2串，一辣一唔辣，唔辣果個係甜甜咖哩味，好正架都。佢魚蛋彈牙，必試呀佢另外都有賣燒賣同其他港式小食，下次要試試先

以前呢間舖頭質素好好、態度亦都唔錯，我亦由幼稚園開始幫襯，但見近年質素真係有待改善。😞尋日去葵廣既回味無窮 買左三串魚蛋，1串有7粒，咁3串應該有21粒啦！但食嗰刻一開蓋 見到咁少 都有啲猶豫㗎啦！🤥但諗住可能個兜大，所以顯得魚蛋好少。但出於好奇真係想數下有幾多粒魚蛋。點知！如圖可見 真係俾少左魚蛋我。去到呢度我唔係想佢賠返啲魚蛋或者計較啲乜嘢，只係想佢哋可以改善下、注意下、認真一點！😊

呢間嘅燒賣魚蛋 一定要食呀 次次都會見到好多人喺度排隊 我覺得有幾樣野值得同大家分享 首先係魚蛋燒賣嘅汁 咖喱汁小小辣但係好濃味有少少重口味不過真係超正同出面嘅咖喱魚蛋完全唔同！ ！ ！ ！味道係偏向甜少少我鍾意 夠彈牙 唔會一口落去就散晒 特別係魚蛋係煙銀啲 同普通魚蛋一啲都唔同 燒賣都係特別有口感 超級正 每次都要買$20慢慢一邊行一邊食 真係食過返尋味 反而覺得普通就咁加豉油就麻麻哋 咖喱真係特別好味！ ！ ！ 推介俾大家 仲有撈麵同埋蜜糖腸仔價錢就更加唔使講啦真係超級平民㗎！由中一開始已經有食呢間 幫襯咗超級多年