回味無窮

营业中

休息中

實在太多朋友介紹我哋食呢個秘製辣汁魚蛋！我真係好鍾意食魚蛋我鍾意食嗰啲細細粒有口感嗰啲！咁就真係不得不你一絲呢度嘅秘製辣汁魚蛋啊！當我一次之後果然真係唔錯！即刻去隔離店再買多一串對比一下！真係冇得比啊！魚蛋嘅口感，彈牙程度，同埋辣汁，都係呢一度好味！

有時啲嘢,就算明知道係垃圾食物都好,因為由細都鍾意食到大嘅嘢係唔會變嘅,就好似呢間「回味無窮」咁,由於佢哋嘅價錢超平,味道香口,所以每次嚟都見到門口排哂長龍,一個二個都要掃街頂肚! 每月一遊葵廣嘅日子又嚟咗,收工之後約咗阿肥喺呢度等,今日掃街嘅第一站就係要嚟篤魚蛋我哋總共買咗$24蚊嘢：招牌魚蛋$6蚊(有七粒)+蜜椒腸仔$7蚊(有兩條)+蜜椒雞翼$11蚊(有兩隻)。我哋十次嚟葵廣起碼有七/八次都會嚟呢度「隊嘢」因為佢哋啲蜜椒真係醃得好惹味,個汁甜甜辣辣咁,啲雞翼仲要係煎得好正,腸仔就好似人哋燒嘢食嘅蜜糖腸咁雖則啲魚蛋係最冇益嘅嗱喳魚蛋,但呢隻口感嘅魚蛋其實就係我嘅至愛

上星期放學經過到葵廣掃街，咁啱掃到呢間，見佢話有秘製鹵水汁，就叫咗佢個五香雜錦，印象模糊，已經唔記得裡面有乜野，依稀記得有雞翼尖雞腎牛肚，15蚊一個杯仔。感覺個秘製鹵水汁唔啱我胃口，佢味道好濃，唔係濃在d香料（甚至唔係好食得出有香料味），而係濃在個豉油度，食完好口渴。同埋感覺好細份，幅相係我買完即刻影嘅，一舊都未食過，感覺我一啖可以將全部野塞曬落口（唔計雞翼尖，不過雞翼尖本身都冇肉食），15蚊買咗一啖野食......我只好安慰自己，當係留肚掃下一間吧。

次次過來都要排隊買呢度啲魚旦汁係秘制食過一次就返唔到轉頭 辣得黎都有啲甜甜地仲有少少川椒八角味 特別惹味~-另外店都有出一啲頹飯但頹得好有誠意雖然唔係話好大碗但勝在汁夠多！-溫馨提示 星期日唔開門 試過撲空

經過回味無窮呢間小食店，唔係繁忙嘅時間都好多人排緊隊，其次被鋪滿密密麻麻嘅小食相吸引！見到麻辣雞翼尖！鍾意食辣嘅必定想試一試$10/8隻開頭食落口嘅時候，偏甜，感覺上唔係好辣！但食到後尾，啲辣汁就開始黎啦！另外，都叫咗一串魷魚，加埋麻辣醬汁真係冇得頂。

行過想食杯粟米，佢話無。我話咁要咖哩魷魚鬚，一串魚蛋，撈麵。佢話撈麵要過隔黎（係佢既兩步隔黎有個阿姨煮梗）我話我係度叫擺埋一齊唔得嗎？佢話我呢度無滾水，淥唔到。我話咁我唔要撈麵啦。我其實唔係想佢係度淥，佢叫個阿姨煮個撈麵，放埋啲魷魚鬚同魚蛋落去有幾難？接過杯野食，發現佢比左魷魚肉我，我好肯定我係叫鬚。算，我都食。點知我行開兩步一擰轉頭就聽到佢話我港女，問我係咪講我，我話「我係港女啊！香港出世土生土長」，佢無理我。我行完一輪返轉頭仲聽到佢同兩個阿姨討論梗我同男朋友當時既對話，大概係當時我叫男朋友唔好嘈我，我唔想發脾氣，佢就同啲阿姨講話我話「你再嘈我發脾氣比你睇」，個阿姨回覆佢：「佢返轉頭同你講佢係港女添啊」我再問佢係咪講我，佢望一望我，唔理我。男朋友一聽就講「係啊個港女係度啊！」個男人再望住我地，我就話「我想話返比你知我句發脾氣唔係同你講囉」佢答我：咁你中意啦我唔明，我同男朋友講野，又關你事？

自中學年代就光顧這家小吃店, 還記得放學總會和同學來葵涌廣場逛街!每次經過都會聞到他們家咖哩魚蛋的香味!時光飛逝, 見證著葵涌廣場開的小店已經轉變, 交替了不少桃花依舊, 人面全非! 唯獨這家小食店多年來仍然屹立不倒!難得的是, 食物的售價也沒有太大改變~因為家住附近的關係, 現在間中也會來葵涌廣場逛街次次經過見到他們的糕點都會忍不住買來吃!而且並不是每次都這樣幸運會有得買的!因為銷情太好, 數量有限, 很快便會賣完!今次見到還有芝麻糕和紅豆糕! 很久沒有買來吃了!!最後買了一塊芝麻糕吃!芝麻糕從雪櫃拿出來還是有點凍凍的!口感結實軟滑, 唯不夠芝麻香! 不知道是否太耐沒有吃, 覺得味道偏甜~不過由細吃到大, 也是吃懷念感多吧!

黎到葵廣掃街邊少得佢，價錢大件兼抵食雖然人龍比較多 但店員手腳超快 好快整好野食比人 服務分冇得輸魚蛋雖然冇乜咖哩味但佢夠辣 廚師腸大大條 如果大家口痕想食下野黎呢到食最啱

很久沒有去葵涌廣場掃貨。就於今天放工去。知道開了很多特別的小吃店，本身約了朋友食晚飯心知應該要「留肚」，但經過此店見到客人乖乖的在排隊，好奇地看看，發現賣的是一般魚蛋、燒賣、雞翼等，但見到人龍就知是好嘢。不想排隊的我正準備離開之際，發現同一間舖轉角原來有賣糕點。砵仔糕、紅豆糕、芝麻糕等。還見到舖面展示了多張本地雜誌的剪報。本身愛吃紅豆糕的我，又見原來買糕是不用排隊的，結果忍不住就買了一件紅豆糕來吃！少少凍的紅豆糕，甜度適中，好好味！很快就KO了一件！再行多一陣街，回頭想多買一件回家，竟然已賣完！！所以勸告大家，想買要襯早！

這間小店經過排滿人，常常都有十多個人的隊。幸好，今次不是繁忙時間， 所以就不用排長龍。 這裏有很多不同的小食，還有飯或者意粉類。 若果卡牌上的配搭不合你心意， 還可以自由選擇配搭呢！我選了一個百搭飯，15蚊。我選的是: 茄汁 、珍寶腸、煙鴨胸。我必須要推薦的這間的茄汁，一點也不稀！ 酸中帶甜，很惹味開胃！！ 比起很多茶餐廳的茄汁，好吃得多呢！ 而它的醬汁十分多！ 我超喜歡吃飯時撈醬汁吃呢！珍寶腸有三片， 就是正常的珍寶腸味。而煙鴨胸有兩片，很好味，不會是滑稽稽。咬落十分彈牙。而服務上，呀姐有一點點惡，可能因為要趕著煮好食物給客人，所以落單前，建議大家先清楚了解要點什麼。

大家都知道我是雞扒愛好者，所以常常有雞扒的選擇，我也不會放過。這間小店是我中學常常惠顧的，它很便宜抵吃，常常lunch都會在這裡解決 。這次要介紹的是，茄汁雞扒飯 $18它的雞扒很嫩滑， 而且味道十分夠， 鹵水醃製醃得十分入味。 份量也很不小，有約三至四件。而它的茄汁十分好味，不會傑撻撻，味道亦很濃郁。 除了茄汁，你可以選擇不同的醬汁， 例如有燒汁，咖哩，白汁， 黑椒汁，等等。若果你不喜歡吃雞，它也有很多其他的選擇， 例如有肉醬意粉，肥牛，腸仔 粟米肉粒，等等多種食材讓你選擇。我覺得這間真的抵吃，又十分好味！每次經過，是我必吃的食物！

《葵涌廣場最好味魚蛋》幾年前第一次踏足葵涌廣場，黎到2樓就比回味無窮既咖哩香味吸引住，佢既香味非常香濃，而且係商場入面迴盪。👃💨💨佢地既咖哩魚蛋係用好多種香料所煮成既，食得出係好豐富既味道。而且魚蛋無論煮幾耐都好彈牙!!佢地唔只魚蛋好味，怪獸亦推介魚皮餃，同香腸。用咖哩汁煮既魚片餃同香腸都好好味，魚皮餃既外皮吸收左咖哩味，味道非常好!!!!另外佢地既糕點都好推薦，最中意食佢地既砵仔糖，甜度剛剛好，而且好煙un!!!!不過一夜晚就會賣哂，要早d買呀～

今日黎葵芳揾個朋友食飯，跟住食完飯為左揾個地方好好坐低傾下偈，就費事周圍揾，一上openrice就見到呢邊有多間食野嘅舖頭，於是就去左簡下有邊間好食，行行下見到呢間小食舖，想食小食嘅我地，就簡左呢度開飯喇。燒賣火腿飯入口都算已經令人滿足嘅。不過就真係太明將喇，雖然唔算貴，但點都應該整好啲俾人食喇，食材之間完全都九唔搭八，雖然食完都好似唔錯，今次嘅體驗都算幾好嘅，但比起一般舖頭都有好多位應該做得更好更加到位，但係有小小失望囉希望有機會會再黎喇

『花啓飲食誌之六』這小食店，擁有回味無窮的砵仔糕和咖哩汁呀。由新都會廣場天橋進入葵涌廣場，經過幾間電訊業務的店鋪，就會見到一條小人龍的龍尾，再行近一點，就會嗅到一陣咖喱香氣，放工時間更會有不少人聚集在門面對外位置享受小食。食材中的魚蛋是舊式魚蛋稍硬的口感，但沒有陳皮味的，有咬感，黏汁，配上有辣勁的咖哩汁，簡直越成越過癮！腸仔以蜜糖煮浸，可惜，霸道的咖哩還是搶去了蜜糖的味道。限量供應的砵仔糕，5元一件。趁熱急不及待放入口，首先體驗到的是軟糯的口感，實在是買少見少的滋味呀！米漿和粉的比例實在出色，其他尋常砵仔糕根本完全比不上。黃糖的味道亦自然不過甜，加上紅豆蒸熟後已完全淋。在三者都很出色的情況下，成就了一件出色的砵仔糕。這小食店呀，擁有回味無窮的砵仔糕和咖哩汁！

去到呢d 賣雜食既店，咖喱魚蛋當然是試水溫的第一關。魚蛋質地、咖喱汁調味，其實很考本領與誠意。個汁的味道不錯魚蛋好明顯煮得有點耐。我比較喜歡實淨有魚肉味魚肉口感的那種魚蛋，這種是普通的，不過不失的口感。服務態度一般。