回味無窮

营业中

休息中

放工同朋友仔黎左葵芳, 朋友仔話呢間有好野食就黎下喇哇, 一上到黎已經聞到個種咖哩魚蛋香即刻買左魚蛋同燒賣食, 果然咖哩味同平時食開個d 唔同, 香好多, 又唔係剩係得個咸味, 就算唔叫辣都有d 辣味, 岩岩好不過燒賣就粉左少少, 不係好彈牙之後仲忍唔住食左紅豆糕, 好好食呀! 佢又係太甜又唔係太大陣奶味, 個糕係食得出起左沙既紅豆, 真係好好食!雖然好多人排隊, 不過一定會再黎

我在同場返工賣衫，試過佢野。雖然唔差，都唔係佢講到咁好食姐。又話無落味精，幾次見佢都成罐雞粉倒落去，雞粉米係味精。做生意都唔好咁無良心。又話咖哩魚旦唔落咖哩粉，恰我地唔識野咩，唔落咖哩粉唔通放堁樹落去咩，勁低B。最差係飯，雖然係平，味道一般。不過寧願對自己好小小。食好，找其他食！魯水又放到乾曬，食落口又有劫味。以前都唔係咁。越做越差。可以賣野多左關系。我附近幾間賣衫都有同感，所以都係唔會食佢野！

之前去親葵芳都係搭港鐵, 成日都去輕鬆一下食野 ...而家就搭巴士喺智芳街落車, 上到葵涌廣場一定比"用左24種香料"嘅咖哩香味吸引過去 ...去到個度唔食咖哩魚蛋真係好對唔住自己 LOR ...不過我去到個度都會食埋個撈麵撈麵個D調味料加埋咖哩魚蛋D咖哩真係正到爆 ~!仲有, 去到個度成日都食唔到砵仔榚, 可惜可惜 ...下次食埋個度D燒賣先 ~

入到去葵涌廣場係裕興隆買完一大埋零食黎到呢間回味無窮開餐先黎一件砵仔糕: 正~ 攞上手仲暖暖地, 好多豆, 好軟熟, 唔太甜, 正一件奶皇燒餅，豆沙燒餅: 燒餅的SIZE比平時食開的細, 味道就正常啦, 冇咩特別一件花生燸米滋，紅豆燸米滋: 一食, 個皮好正, 好軟滑 食完再試埋右面的咖哩魚旦: 好入味燒賣: 正! 蒸到好淋腸仔: 都好入味, 佢係腸仔面界左幾刀, 唔錯呢度D加里汁幾好食~ 唔錯

午餐茫無頭緒,買完鮮橙後在對面人龍店買腸粉當午餐好了;每逢下班時候,這間小食店總有條買魚蛋的人龍,下午反而不用,直接點菜好了。看其電飯鍋裡的鹵水深黑,似乎是味濃一族,店內大字標題是秘制鹵水,那就試試好了:鹵水豬腸$6一小段, 以濃甜鹵水煮熱,腸內有著肥膏,挑戰你膽識!腸衣帶嚼頭,吃來不算太軟,但真的入味,以鹵水小吃來算ok,而且還有雞翼./ 雞腎等, 可以一試。中午時份,腸粉開始蒸得甩甩漏漏, 幸好阿姐也選幾條還算四正的給我,蒸得時間夠長所以夠熱, 來貨關係米香不明顯,腸粉本身也不夠軟滑,水準一般; 花生醬及甜醬兩種混醬中, 甜醬味道較突出,$5/4 條是可接受價位,比樓下同類型小食店來得便宜了。燒賣乃白雪雪鯊魚燒賣,今次竟帶有胡椒粉味,水準真的平平,看來老闆主打還是魚蛋,燒賣也沒以前半透明水準那麼吸引,可以不吃。第二次除了腸粉還點了八爪魚,切成薄片的橙色八爪魚吃來不韌也沒有味道,選了不辣汁沒有那種辣勁,純過口癮之選。雞翼($5/3隻) , 同以那鍋濃黑鹵水煮熱,雞翼肥美入味,真的不錯! $16 一碗腸粉再加個橙, 便宜午餐之選! 不過個人很抗拒老闆夫婦的叫賣聲,兩人中氣十足的宣傳其無

去葵涌廣場'掃街', 通常都去三樓, 今日掃完之後行行吓去到2樓, 離遠就聞到勁香的咖哩味, 隨香味就搵到呢間排晒隊的小食店首選咖哩魚蛋, 因為未食都已經覺得好香, 我食飽咗都買咗一串, $5有六粒, 魚蛋係細細粒嗰隻, 好彈牙, 咖哩好香又唔太辣, 真係值得一試下次嚟'掃街'又多一個覓食點

每次行過葵涌廣場二樓都會被他們的魚蛋香吸引過去,怎樣都要買串來過過口癮!!!現在他們擴大了門面就更多人買了,他們說他們店的魚蛋是用二十四種不同香料煮的,所以十分美味這個我認同,不過他們說沒有下味道,我就有點不太信因為每次吃完他們的魚蛋都會很渴的,那原因是什麼呢?雖然渴,但是魚蛋軟得來又很彈牙,真的很好吃,不知怎做的呢?現在出他們還推出了很多小食給我們選擇這次就要了魚皮餃,因為我很久沒吃過了,感覺沒什麼特別,不過好像有點不太熟另外,還要了腸仔; 不過煮過時了,變得糜糜爛爛 除了魚蛋他們的糕點都一樣出色記得之前食過他們的奶黃燒餅,香香的奶黃加上點點甜味,好味之餘還覺得很特別因為一般的都是我不喜歡的豆沙餡嘛,難得有奶黃味就試試嘛,想不到一試就給了我驚喜!下次還想試試他們的紅豆糕呢!

咖哩魚蛋：魚蛋彈牙爽口，最出色的是它的味道，其辣味能與'津味'媲美，終於找到辣中之辣了，正，刺激丫，辣得過癮！《香港小吃掃街王》一書中有記載的，嗜辣的你千萬別錯過！

好耐無行過葵芳,星期一挑起根去行下行到葵涌廣場2樓,遠遠聞到一陣好香好香ge味道~面前有一間魚旦檔,初時以為係個間,但係好快就揾到香味ge來原la見到前面一條人龍,終於發現"原頭"la.......一間有好多雜誌訪問ge舖頭,舖名叫回味無窮本住咩都試下ge精神,咁香+咁多人排隊,點可以唔試a~round1買左一串魚旦同一串香腸先食香腸~~一入口,甜甜定,感覺特別,相當惹味再黎魚旦~~話正如佢個slogan話齋-一試難忘,入口先是甜,魚旦非常有咬口,同況間魚旦ge口感完全唔同,隔左一陣口入面ge甜味逐漸散去,取而代之係辣味,非常的辣,勁正......咁好味,當然要encore,round2買左一串魚旦+5蚊可以有二件糯米糍或者燒餅要左二件糯米糍,一件花生一件芝麻~一直覺得芝係會好食d,咦~但係唔係wo,花生好食過芝麻好多,好多.....外面糯米皮非常香軟,花生蓉甜度適中,入口溶化,係繼魚旦之後另一出色之作呢間舖頭雖然係間幾舊ge商場入面而且離屋企又遠,但我就覺得值得專程搭車去食.....地址:葵涌廣場2樓C83舖

在這間魚蛋香飄散方圓10個舖位的小店, 買了紅豆糕和芝麻糕 ($10/3件)~~店員說"可以放上幾天的, 雪凍後更美味"。沒騙人呢!!從雪櫃拿出來, 切成小塊來吃~哇~~~ 芝麻味很香!! 紅豆糕甜度剛剛好~! 2種糕的質感都很實在, 沒有那種"O者O厘"狀的糕感, (有沒有人明白這DESCRIPTION呢-0-'')像是吃彈牙的芝麻糊和紅豆沙XDDD妹妹覺得是目前吃過最美味的紅豆糕和芝麻糕!p.s. 買魚蛋可+$3 買南乳餅,大塊得像臉蛋, 薄薄的, 但南乳味太甜, 吃完喉嚨很涸 (不推介這個~~) =[

每次經過都會買好彩唔係成日經過...如果唔係肥死...哈哈糯米糍依然好味首推花生味~又軟又滑又香依然係5蚊2粒好味的白糖糕真係少之大少.....坤記都唔係特別好味而呢到的算很不錯了~~唔會變酸已很好5蚊2件有一件我第二日先食都只係個邊位有少少硬~但冇變酸....很不錯呢~~~~佢d魚蛋真係好香...但我仲未試...魚旦好似同糕點唔係好夾~哈哈

呢排唔知點解日日都去食....佢d fishball好好味!仲有其他甜野都好正!白糖糕同芝麻糕都好好食!x仔糕都係10蚊3個咋!平時好多人排隊食架~

次次經過呢度都聞到好香好香, d魚蛋好似好吸引幾日前終於試左, 5蚊(定6蚊?)一杯其實份量同一串無異個汁聞落真係幾香, 點知食落好甜, 有點怪, 同魚蛋唔夾.. 魚蛋質感就幾彈牙既..或者其他甜食先係距既主打吧但短期內應該不會再試了

平均來說....6點前去到會安全d~~有時6點幾會賣晒的了佢有2樣嘢好早賣晒的€~€1) 砵仔糕砵仔糕係得紅色的~~多豆...冇得揀.....我係怪人...我喜歡冇豆的,,,,,,所以呢個對我來說不是很吸引~~~但都真係唔差....2) 糯米糍首推花生味~軟滑好味好香另有紅豆同芝麻喜歡他大大粒~冇椰絲~仲要5蚊2粒抵!!!!!!!!!!!!!!!!!!!!而白糖糕都很不錯~~食幾次都水準好好呢間嘢開左約4年...估唔到openrice居然冇人知....次次經過都必食的~~~~地鐵站天橋出口~~唔好落地下~~由商場行過去葵涌廣場~~直行到尾轉左就係~~~