回憶客棧

营业中

休息中

呢間位於長沙灣既回憶客棧，係今年7月正式開張‼️一入到去裝橫好新淨，樓面乾淨企理‼️ 即使坐係度等朋友，亦坐得好舒服😌食物方面，選擇雖不多，但卻夠高質😋 .🔸招牌花甲粉 $45湯底有花甲鮮味😋 煲裡面起碼有10隻起既花甲，花甲味道鮮甜，加上脹卜卜既肉質，$45真係抵到爛 ，仲加左勁多蔥同芫荽😍 10分滿分 一定比足10分！😝🔸燒雞扒 $25雞扒燒得勁香！ 黎到仲熱辣辣，岀哂煙，真係即叫即整㗎！又大大塊！識食一定要食雞皮🥰 絕對無hea燒😳⭐️提提大家，呢度仲有花甲花蟹粉㗎！ 不過貨量應該唔多~如果大家都想一試，一定要早啲去食啊😋-❣️ 整體評分: 10/10💰 人均消費: $70

花甲粉真係會令人回味無窮，粉絲吸曬花甲嘅鮮味，唔需要其他調味都已經好好食，佢哋除咗有普通嘅花甲粉，仲有花甲花蟹，花甲嘅海水再加上花蟹嘅蟹膏，真係鮮上加鮮，而且份量仲唔少，真係好抵食，仲可以加其他唔同嘅餸。佢哋嘅串燒都唔錯，即叫即燒，個豬頸肉燒到出面脆脆，仲入面又唔會乾晒，多汁彈牙，茄子同牛油粟米都係必食嘅，燒茄子真係超多蒜蓉，鍾意食蒜嘅人真係唔可以錯過，粒粒粟米都比好香嘅牛油包住，食極都停唔到口。

今日打算覓食完就去做Yoga，順便諗住去行下蘇屋邨見到呢間餐廳個名好得意，叫回憶客棧，裝修都好特別，原來係食花甲粉嘅，都唔錯，做運動前唔想食咁油膩重有口罩袋供應好衛生啊招牌花甲粉（$45）+娃娃菜（$6）+墨丸（$8）+牛丸（$8）👉🏻個湯因為用左大量花甲去煮，好鮮甜。花甲真係好多，隻隻都好大大隻，全部都新鮮無沙。麵係粉絲黎嘅，我好中意，因為唔會好漏。份量係大碗嘅，不過唔會好頂胃，如果大食嘅重可以加麵底，麵係加$7花甲鮮蝦粉（$50）+娃娃菜（$6）+墨丸（$8）+芝士腸（$5）👉🏻花甲會比招牌花甲粉少，不過因為多左幾隻蝦，所以湯都一樣咁鮮甜。蝦同樣好新鮮，有殼嘅可以保持原汁原味，真係好正！飲品就叫左支裝烏龍茶（$12）同埋支裝冰紅茶（$10）。呢兩個牌子去7仔買都要咁嘅價，餐廳完全係良心價夜晚原來重有串燒食，岩晒一大班朋友黎吹水食好西，門口因為唔係大街，方便泊車。而家限聚令放寬左，等我再約朋友黎試下啲串燒先

5餸特辣花甲花蟹粉，包括花甲花蟹粉、生菜、娃娃菜、芝士腸2條、墨丸4粒、牛丸4粒；花甲花蟹粉花甲味道清甜帶鮮，肉質肥厚，原隻花蟹，蟹黃、蟹肉比例適中，蟹肉味道鮮甜，口感厚肉，蟹黃味道咸鮮，粉絲食落好入味，鮮味、辣味兼備，口感爽滑；特辣湯底辣度3分，辣味溫和，表面鋪滿辣椒乾、蒜蓉、辣油、香蔥，味道好惹味；生菜、娃娃菜好新鮮，口感爽脆；芝士腸外脆皮內流心芝士，味道咸香；墨丸口感Q彈，內有墨魚粒；牛丸口感爽彈，牛味濃香。5餸中辣花甲花蟹粉，包括有花甲花蟹粉、生菜、娃娃菜、芝士腸2條、雞肉腸1條、麵加底；中辣湯底辣度2分，味道香辣；雞肉腸口感厚實，充滿湯底味道；麵加底粉絲份量多。支裝烏龍茶，茶味濃香。支裝冰紅茶，味道甜酸，紅茶味道唔苦澀，飲落好順喉、清爽。

我喺長沙灣地鐵站行10分鐘，就會嚟到保安道呢間食串燒嘅小店。起初我仲以為這間小店的口味會偏重，但食完之後發現佢嘅味道非常適合香港人，連蒜蓉醬、辣椒都係精心調校過，合乎香港人口味。餐廳入面不大，大概有六至八張枱，而我就見到有好多人外賣。我哋一坐低嘅時候，就即刻叫咗呢度嘅招牌花甲粉，本身我哋都冇咩特別期望，但佢一嚟到嘅時候，所有嘢都眼前一亮。佢嘅花甲份唔係用碗去裝，而係用錫紙包住嘅湯粉，非常熱辣辣，而且花甲亦都非常新鮮，亦都幾多下，同時一啲梅嘅感覺都冇。粉絲撈埋落去花甲湯一齊煮，零瀉有鮮味。我哋覺得非常好食，所以另外追加多咗個粉絲，落去一齊食。但如果俾我哋再重新諗過，我會寧願一開始就加底，因為粉絲同埋花甲一齊焗嘅時候，其實個味道會更加好食。況且加底嘅價錢一啲都唔貴，只係$7。之後我哋叫咗一碟串燒，特別想提嘅係佢嘅安格斯牛柳，牛柳非常好食😋，唔軔，多肉汁，$28完全唔貴。另外就係佢嘅茄子，佢嘅茄子用咗自家製嘅蒜蓉醬去調制，唔會食完有好濃烈蒜蓉味，但食嘅時候就非常香。茄子亦都非常多汁。佢嘅雞軟骨同埋翠玉瓜亦都燒得好香，連埋調味粉一齊食，清新得來亦都有少少味道。司華力腸亦都唔錯，佢會切開幾份，方

新開冇耐，位於保安道，近明愛醫院，店舖不大，大概可招呼4-5枱，ard 18人。✨味道79分，值回頭，服務幾好，幾親切。.🔸花甲花蟹粉 ($68)好足料！原隻花蟹！花甲多！花甲: 都唔細，好鮮甜，咬落一粒沙都冇。花蟹: 幫你切埋件，雖然冇乜蟹膏，但蟹肉彈牙。湯底: 蟹同蜆嘅鮮味都落入湯入面，又落左啲香蒜。可選清湯或辣湯，嗌咗中辣，唔算好辣(似譚仔五小)，下次會嗌大辣。粉絲: 吸收晒湯嘅精華，口感彈牙，食到最尾都唔會林晒。.🔸生猛鮑魚 ($38)除咗花甲份之外，店舖仲有串燒選擇。鮑魚用蔥及蒜調味，好香。好細心，上菜前已經幫客人清理左鮑魚嘅內臟腸。一撩出嚟，就全隻擺入口食得。.

長沙灣一直都係個小店林立嘅地方，今日就嚟到呢一間有90後開嘅串燒店，但晏晝原來係未有串燒㗎，我就試吓佢嘅招牌花蟹粉，點知撞彩都食到正野😍😍招牌花蟹粉（$58）🦀🦀話明招牌當然要試吓啦，其實本身以為係蟹件，點知打開見到係原隻靚花蟹， size又唔算好細，而且仲要有膏肉又多🤤🤤湯底我叫咗小辣，蒜蓉味好濃郁，加埋隻花蟹煮好鮮味，而佢嘅粉係用咗粉絲，索晒啲汁冇得頂呀😭招牌花甲粉（$45）🐚另一碗我哋就試埋個花甲，又係好足料，有十幾隻花甲，中等size，其實我覺得花甲仲有驚喜過花蟹，因為佢嘅花甲係一粒沙都冇！🤘🏻🤘🏻而且食落好新鮮真係有甜味😍😍如果大家想一次過食晒兩隻招牌海鮮，推介你食佢哋嘅花蟹花甲粉🍲一次過可以滿足兩個願望💥估唔到佢哋嘅粉係咁出色，搞到我下次心郁郁想再嚟試埋夜晚嘅燒烤🍖🍗🍢

今日經開長沙灣，有朋友推介呢間花甲粉好好味，一於黎試下🤤.呢間回憶客棧係社區綜合大樓對面，離地鐵站10分鐘到。呢間小店都好有特式，裝修木為主，都好warm。.坐低之後，有張menu紙比你剔，除左花甲粉仲可以餸。其中一碗加左墨丸、娃娃菜同芝士腸。另一碗就加左牛丸、娃娃菜同生菜。仲有得揀辣度，唔食得辣既我地揀左小辣，仲要係BB😹。.等左一陣，好快就煮好，用錫紙包住上，一打開熱辣辣😻啲娃娃菜索哂啲湯好正！個湯都好清甜！配埋粉絲超正！因為用錫紙包住，食到最尾都仲係暖笠笠。我地係午市黎，所以就冇串燒。如果想試埋串燒既朋友可以揀晚市黎😆

呢日下晝唔知食咩好～路經長沙灣，見到呢間餐廳見到幾得意就入左黎試下！我地各自叫左個花蟹花甲粉～d粉係粉絲，又可以揀辣度同要唔要蔥同芫茜! 我地揀左少辣，但食食下都覺得如果中辣應該都食得到～不過少辣已經好惹味！除左個粉之外我地仲各自加配左d自己中意食既配料，娃娃菜、墨丸同埋芝士腸！個粉黎到個陣都有d估佢唔到，用個鍋上，入面仲用錫紙包住，咁樣實夠保暖，食到尾都好夠熱！ 一打開張錫紙我都嚇左一跳，估唔到花蟹係有足足一隻！ 仲有唔少膏，不過因為係花蟹既關係，蟹肉就唔算好多，但蟹浸住左d湯再食個陣真係有好香既湯汁味！佢個湯睇落清清地，估唔到味道都咁豐富！花甲都有超多隻！重點係一粒沙都冇！本身叫花甲粉都驚驚地有好多沙，估佢唔到又一粒都冇！正～如果你叫呢個粉唔加料既話，入面都會有金菇，但我覺得加d菜會食得再開心d 😋😋😋下次要夜晚再黎試下佢d串燒，今次因為太早所以冇～～

疫情開始有啲緩和 ，咁就到我去試下搵下其他地方有啲乜嘢好食。 咁啱搵到呢一間回憶客棧， 咁就入去試下啦， 入到去其實見到都乾淨企理，整體嚟講都幾好感覺唔錯。 咁我就叫咗以下:燒秋刀魚: 呢個燒秋刀魚其實睇落都唔錯，都真係幾好，當你一篤落過魚到，啲煙已經標曬出嚟，因為原來入面真係燒得好熱 而且個溫度啱啱好熱辣辣 ，同埋啲魚燒到香氣四散。可以一試!燒雞翼&雞扒: 雞翼燒得好好 ，恰到好處，皮脆肉嫩,唔使一分鐘，已經KO一隻， 真係超正。 雞扒都燒得好好十分之juicy，大家可以睇我啲相。（冇P圖ga 😁）招牌花甲粉 & 花甲鮮魷粉: 有蔥、芫茜同辣度可以選擇， 咁我同朋友都係叫咗小辣其實兩碗分別差異不大，只不過係多咗鮮魷，鮮魷都幾新鮮幾好味，個粉絲亦都幾大份 ，叫一碗絕對夠一個人食，而且佢個主角花甲我都非常之欣賞，因為肉質鮮甜而且新鮮，食海鮮莫過於此。 所以呢一個花甲粉我覺得係全晚嘅主角，而且我見到其他人都有order呢一個粉所以係必食推介。最後如果大家行開長沙灣呢一頭，大家可以試下呢間餐廳 ，因為其實都畀咗大家好多回憶。

難得今日早放工，回家途中已經開始肚餓，又未夠鐘食晚餐，便去了食個粉仔頂下肚。這裏主打粉絲菜式，價錢實惠，平均每碗$50左右，就已經可以食到海鮮粉絲，真心街坊價好抵食！今日我來食招牌花甲粉。可以自選辣度，甚至連配菜例如蔥或者芫荽都可以揀多或者揀少， 自主配搭出自己喜愛的湯底味道。粉絲上枱時還會別出心裁地用錫紙包到外型好像火山🤣不過，一打開錫箔紙那時，香氣真的不是說笑！而且錫紙有助保溫，食到尾個粉絲仲係暖暖地，超鍾意食呢度個湯底！夠晒蒜蓉夠晒沖夠晒芫荽😆配料方面可以話超足料👍雖然價錢好平，但係花甲有都好多㗎，睇吓啲殼都滿滿一碗㗎！

回憶客棧 (長沙灣)-🔍 花甲鮮蝦粉 $50🔍 花甲鮮魷粉 $50🔍 燒茄子🍆 $26🔍 安格斯牛肉粒 $28🔍 羊肉 $16🔍 豬頸肉 $14-今次嚟到就梗係試吓佢嘅招牌花甲粉😍 價錢抵得黎又好食😋 花甲粉粉絲份量好多，而且亦都好多花甲，今次叫咗小辣，有少少辣帶出個味，超正！對於最鍾意食串燒嘅我，最鍾意食嘅就係佢啲串燒，羊肉用孜然粉去燒，啲肉全部食落去都係好嫩滑，食到好香嘅孜然味，但又唔會遮着咗佢本身嘅肉味，牛肉食落去仲好多肉汁添🤪 燒茄子亦都好出色😋 蒜蓉味好香，不過食完就要刷牙了🤣 呢間店仲開到凌晨兩點，夜晚肚餓嘅時候可以買個串燒宵夜嚟食啱啱好添😍 而且最鍾意嘅就係佢好貼心咁會俾埋個袋你放口罩🥰-📍回憶客棧 (長沙灣)長沙灣保安道405號昌暉大廈地舖

🔖招牌花甲粉🌟💰45大量花甲🤩無諗過呢個價錢會有咁多花甲🥳味道鮮甜😋湯底揀咗少辣，雖然偏辣咗少少，不過仍然可以接受🤓愈食愈惹味😍米粉吸引哂湯底嘅味道😇正🙌🏼💫推薦指數: 9/10​​🔖​招牌花蟹粉🌟💰58​原隻花蟹上....🦀只可以講真係好抵食🙈同樣配上少辣湯底，但依然可以食到蟹肉嘅鮮味🤤💫推薦指數: 8.5/10​🔖​雞軟骨串燒💰13每次食串燒必嗌嘅雞軟骨🤗香脆又有咬口~配上調味粉恰到好處😙​💫推薦指數: 8/10​🔖​豬頸肉串燒💰14​豬頸肉爽口彈牙🥰而且燒得啱啱好😆食入口唔會覺得好乾身👏🏼💫推薦指數: 8/10​-​🌟餐廳推薦食品-温馨提示​👉🏼​花甲粉可以加配唔同配料，唔洗擔心唔夠飽🤣

原先來到回憶客棧是想吃串燒，已好長一段時間沒吃🥺卻發現原來串燒要晚上才有🙈 所以點了這家餐廳的招牌花甲粉來嚐嚐🤤店內裝潢和音樂都走懷舊風🤣 最貼心是有充電位，讓我那僅剩18%電量的Iphone可充電。那天下午剛好店裡人不多，用餐時店主不時和我聊天分享一下心得🤣👉🏻食物: 4/5▪️花甲鮮蝦粉即點即煮，所以也要等一下才有得吃。一上桌，是鍋中有一團錫紙，打開錫紙立即聞到鮮味🤤我點了小辣，辣味頗特別，吃得岀少許泰式辣醬味道🧐，店主說是用了兩款辣醬調製而成，小辣對於我剛剛好(個人譚仔吃五或十小辣)。湯底鮮甜，帶點酒味，但店主說沒有放酒去烹調，十分神奇😳他說熬製湯底的成本頗高，建議我下次再試一下清湯，鮮甜味會再突顯。個人最欣賞粉絲，因為粗幼度剛好、吸湯，超級美味🤤我建議店主也可考慮加入薯粉供選擇😋鮮蝦和花甲數量不少，但如果減少數量但選大隻一點的會更加分！希望下次再來嚐嚐串燒😋看到價格頗划算。

之前朋友同我提過呢間花甲粉幾好食嗰陣時我都唔知乜嘢係花甲粉😅咁啱今日要去蘇屋邨附近所以就過嚟試吓食個late lunch舖頭細細但係座位一啲都唔迫就算坐滿都應該幾鬆動日頭嘅餐牌只有粉類食物於是我就叫咗個招牌花甲粉試一試佢落單嘅時候 操純正廣東話嘅侍應哥哥好細心會特別問埋你葱同芫茜嗰啲食唔食又會再確認你食辣嘅程度服務態度良好等咗五至八分鐘左右就有食物到啦未見過咁樣上台嘅方式😂好似一個錫紙山咁樣非常之熱辣辣一打開張錫紙瘋狂出煙原來粉即係粉絲😮幾特別唔會煮到冧晒又索晒湯嘅味道 好入味花甲嘅size唔算好大隻不過就好新鮮同埋超多！有成十幾隻睇吓啲殼裝滿咗一個飯碗🤣侍應哥哥仲好細心提我枱底下面有紙巾可能見我食到滴汗🤣我叫咗中辣都真係幾辣🥵侍應哥哥仲介紹咗原來夜晚呢度會有串燒食有興趣嘅朋友都可以過嚟試吓